منزل على مساحة 30 متر فقط

[بنت البلد]

الصحف المصرية والعربية

دعوه لموضوعي

عدسة بنت البلد

 

 

[tafshan]

اقتباس المشاركة الأصلية كتبت بواسطة بنت البلد بصرف النظر ينفع فى ايه يانزيه لكن شوف ازاى ان المهندسين عندهم بمساحه صغيره جداً فصل بيت بدون مضايقات لساكنيه انا بعتبرها مساحه حلوه لافيها عامود لابس فى وش الساكن فى نص الغرفه (أصلى متعقده من الأعمده اللى حطها المهندس فى تصميم بيتى ) ناس عارفه ازاى تصمم تفتكر مهندسنا ناقصهم ايه علشان يفكرو زىهم

ايكيا بيبيع عفش و النموزج افتراضى بيوضح ازاي ممكن عفش ايكيا يصلح لأي مساحه ..

المشكله في مصر مش المعمارى اللى بيصمم .. المشكله هى ان ال "معمارى" يبنى !

المعمارى مالوش في توزيع الخرسانه و حساب الاحمال (ده شغل المهندس الانشائى ) و بالتالى بيعتمد في مصر على المقاول في الموضوع ده .. المقاول بيكسب من حجم الخرسانه المكعبه في المبنى .. و بالتالى بيضرب عواميد و كمر في كل حته عشان يزود مكسبه .. و بالتالى بيبقى المبنى كله عواميد غالباً مالهاش لازمه ..

البناء الحديث بيعتمد على المواد الخفيفه و بيتم حساب الاحمال و قياس الزلازل و احمال الرياح بالكمبيوتر قبل البناء و بالتالى بيشتغلوا على تصميم المعمارى و بيوزعوا العواميد دون المساس بالتصميم .. ده طبعاً مش في مصر ..

 

 

[بنت البلد]

دعوه لموضوعي

عدسة بنت البلد

اقتباس المشاركة الأصلية كتبت بواسطة tafshan المشكله في مصر مش المعمارى اللى بيصمم .. المشكله هى ان ال "معمارى" يبنى ! المعمارى مالوش في توزيع الخرسانه و حساب الاحمال (ده شغل المهندس الانشائى ) و بالتالى بيعتمد في مصر على المقاول في الموضوع ده .. المقاول بيكسب من حجم الخرسانه المكعبه في المبنى .. و بالتالى بيضرب عواميد و كمر في كل حته عشان يزود مكسبه .. و بالتالى بيبقى المبنى كله عواميد غالباً مالهاش لازمه .. البناء الحديث بيعتمد على المواد الخفيفه و بيتم حساب الاحمال و قياس الزلازل و احمال الرياح بالكمبيوتر قبل البناء و بالتالى بيشتغلوا على تصميم المعمارى و بيوزعوا العواميد دون المساس بالتصميم .. ده طبعاً مش في مصر ..

لأسف فى مصر لازلنا على الأسلوب الأول وبعيداً عن أى حداثه فى البناء

المشكله اللى بتوجهنى أنا وناس كتير زيي
فعلا كميه الأعمده المرصوصه بلا داعي
زى الصوره دى

https://www.shabwh.com/up//uploads/im...c007e78d10.jpg

الغرفه حجمها 6 فى 7
أيه لازمة العمود اللى فى النص

كل التقدير لحضرتك على المرور

 

 

[Porto_vista]

اضاعة المساحات بمثل تلك الاعمدة

 

 

[سنا الشرق]

فعلا منظم ويشعرك أن المساحة أكبر من ذلك

ربنا يوسع علينا جميعاً في الدنيا والآخرة

 

 

[monylife]

شكرا على الفكرة الجميله

 

 

[hopsan]

اقتباس المشاركة الأصلية كتبت بواسطة tafshan المقاول بيكسب من حجم الخرسانه المكعبه في المبنى .. و بالتالى بيضرب عواميد و كمر في كل حته عشان يزود مكسبه .. و بالتالى بيبقى المبنى كله عواميد غالباً مالهاش لازمه .. ..

إيه يا عم طفشان ... الكلام ده مش صحيح
مفيش حاجه إسمها مقاول يضرب عواميد و كمر فى كل حته
أنا بتكلم عن تجارب شخصيه فى البناء و إخواى مهندسين إستشاريين ولا يوجد عمود إلا بحساب الأوزان و هناك حد أقصى بين العمود و الآخر حتى فى الأسقف الكمر له حمل البلاطه ( السقف ) و الى حدود معينه
الصوره اللى جايباها بنت البلد هتلاقى فى أساس التصميم الأحمال موزعه على العمود و كان هناك حائط تمت إزالته و لو كان هناك بقيه فى الصوره لأعلى لوجدت كمر مكشوف .. لأن فى الغالب الكمر تحدد به الحوائط .. إذا تصميم الحجرات تكون فى البدايه
أما فى حاله الكمر المدفون أو الأسقف الهوردى أو فلات سلاب فيمكن توزيع الحجرات لاحقا بعد البناء ..

 

 

[tafshan]

اقتباس المشاركة الأصلية كتبت بواسطة hopsan إيه يا عم طفشان ... الكلام ده مش صحيح مفيش حاجه إسمها مقاول يضرب عواميد و كمر فى كل حته أنا بتكلم عن تجارب شخصيه فى البناء و إخواى مهندسين إستشاريين ولا يوجد عمود إلا بحساب الأوزان و هناك حد أقصى بين العمود و الآخر حتى فى الأسقف الكمر له حمل البلاطه ( السقف ) و الى حدود معينه الصوره اللى جايباها بنت البلد هتلاقى فى أساس التصميم الأحمال موزعه على العمود و كان هناك حائط تمت إزالته و لو كان هناك بقيه فى الصوره لأعلى لوجدت كمر مكشوف .. لأن فى الغالب الكمر تحدد به الحوائط .. إذا تصميم الحجرات تكون فى البدايه أما فى حاله الكمر المدفون أو الأسقف الهوردى أو فلات سلاب فيمكن توزيع الحجرات لاحقا بعد البناء ..

يا عزيزي احنا الاثنين بنتكلم عن حاجتين غير بعض ..

انت بتتكلم على عماره بتتبنى صح : يعنى في تصميم و في استشارى و فيه اشراف و فيه مقاول .. طبعاً كل حاجه تمام و مافيش العواميد و الخ الخ ..

انا باتكلم عن العمارات اللى بيبنيها مقاولين "مش مهندسين" اصلاً .. و دول نسبه كبيره جداً .. هم دول اللى بيعملوا اللى وصفته ..

تحياتى ..

 

 

[Dr.Samo]

ايه الموضوع الحلو دا
طيب هو احنا فى مصر عندنا مشكلة فعلا
دا احنا عندنا مشاكل مش مشكلة واحدة
اولا المعمارى هو اللى بيوزع الأعمده ... لكن للأسف بيوزعها بطريقة غريبة احيان كثير
المشكلة ان لما بيبقى فيه معمارى بيوزع اعمدة صح تروح للإنشائى يخاف ... يقوم رافع السماعة ومكلم المعمارى
صباح الخير يا هندسة ... حضرتك فيه اعمده ناقصة
لا التصميم تمام زى ما هو عند حضرتك
لا حضرتك كدا انا مش مطمن ... على العموم الساب (برنامج SAP) قدامى بيقول ان المبنى مش safe وانا هاقول للمالك الكلام دا .... علشان اخلى مسئولية .
المعمارى قدامه حاجة من 2 : يا يسحب الشغل من الإنشائى دا ويدور على واحد بيفهم .
يا ينجز ويخلص ويقوله عايزنى احطلك العمود اللى ناقص فين
ولو بصينا للموضوع هنلاقي ان غالبا المعمارى دا بيبقى متفق مع الإنشائى دا على مبلغ معين واشتغل معاه وعارفه من فترة ....هنعرف نوصل للحل .
فيه نقطة تانية مهمة .... ان غالبا العميل بيدور برضه على الأرخص (ودا حقه على فكرة )
هو بيروح الجهاز او الحى بيلاقى (صيادين العملاء ) يقوله عندى اللى يخلصلك الرخصة دى برسوماتها بسلاطاتها ببابا غنوجها ب3000 جنية + مصاريف الجهاز يبقى الإجمالى 7 -8 الاف جنية .
ويقوم قايله الجملة الذهبية -
انت لسه وراك مصاريف بناء وخرسانات وتشطيب ووجع قلب ... يعنى بالميت داخل فى مليون
فمفيش داعى للمصاريف .
المفاجأة بقى ان غالبا صياد الزباين دا ممكن يكون دبلوم صنايع او معهد سنتين
الصياد دا معاه سجل هندسى وختم لمهندس حديث تخرج بيسترزق من وراه ، مهندسة متخرجة واتجوزت وقاعدة فى البيت .... الأخ دا عنده تقريبا تصميمات اسطمبة لجميع المساحات (غالبا المساحات فى الأحياء والمجاورات بتتشابه فى المساحة ) ويقوم ضارب التصميم على الإنشائى بالنوته الحسابية وخاتمه ... مع مكتب استشارى يضربله تقرير الجسات - مع قرشين لمهندسين الحى .... تلاقى الواد دا ضارب فى جيبه 2000 جنية من الثلاثة .
الظريف بقى ان غالبا العميل بعد ما يكون صرف المليون .... بيرجع يشتكى وينسى ان ما بنى على باطل فهو باطل
فيه نقطة تانية مهمة .... ان العملاء فى مصر اتطورا وبقوا يهتموا فعلا بالتصميم من الأول .
يعنى الموضوع مابقاش صب خرسانة وخلاص .
فيه بقى كوارث ممكن نتكلم عليها فى حته زى حدائق الأهرام مثلا
بس دى خليها بعدين

 

 

[tafshan]

يا سلام يا دوك .. برضو العلام حلو

ما تمشيش .. عايزينك تكمل موضوع حدائق الاهرام لحسن تاعبنى قوى ..

انا كنت ح اشترى هناك .. روحت لاقيت في وسط عمارات شيك و حلوه قوى .. واحد قرر يعمل عماره "حمرا" و الله بدون مبالغه .. "حمرا"

طبعاً حصل لى نوبة اشمئزاز من التلوث البصرى اللى حصل لى و روحت واخذ بعضى و ماشى .. من يوميها ما اشتريتش حاجه