سرير نوم تسهر عليه مش تنام :)

[مزاياإنسانة]

الصحف المصرية والعربية

السلام عليكم ورحمة الله وبركاته

إزيكم من زمان ما كتبتش مواضيع
بسبب ظروفي وكمان الظروف الي بيمر بيها أخوتنا في سوريا ومصر واليمن وكل مكان نفسيتي بقت صعبة جداً

تخيل أنك عندك كنز في غرفة نومك
يا ترى حتقدر تنام بالليل وتخرج في النهار
ولا حتسهر طوالليل تحرسه وتفضل جنبه طول النهار

انا اتصدمت لما قرأت الموضوع
قلت اصدمكم معايا

$$$$$$$$$$$$$
$سرير نوم بـــ6 مــلـــيــــو ن دورااااار$

ياللا ننام ونحلم أحلام وردية قصدي نشوووف وبرضه نحلم
بس نحلم بجنات الفردوس الأعلى التي هي خير من الدنيا ومافيها





هيكل السرير مصنوع من افخر انواع الاخشاب بما في ذلك خشب الدردار والكستناء والكرز..
وقال هيوز صانع السرير ان سر الثمن المرتفع للسرير الفريد من نوعه هو انه مرصع باكثر من 107 كيلو غرامات من الذهب الخالص .. على شكل زركشات ونقوش ابداعية، كما ان لوحة رأس السرير مرصعة بفصوص من الماس واحجار كريمة اخرى.
اما مفارش وستائر السرير فإنها مصنوعة من ارقى الاقمشة، بما في ذلك الحرير الطبيعي والقطن الايطالي .. واشار هيوز الى انه لن يصنع سوى نسختين فقط من هذا السرير منوها الى ان النسخة الاولى تم بيعها فعليا الى رجل اعمال ايطالي لم يكشف عن هويته







$$$$$$$$$$$$$$$$$$$


هاه قلتوا إيه حتناموا عليه ولا تسهروا عليه؟؟
حددوا موقفكم

 

[أم محمد إيهاب]

دعوه لموضوعي

مش موضوعي لكنه مهم جدا جدا... بداية النهاية هل اقتربت ؟؟؟ د. مصرية جزاها الله خيرا

سرير زي ده يا مزمز قلته أحسن

هو إحنا نجيب لنفسنا وجع الدماغ ليه يا أختي


مفيش أحسن من النوم بالليل في هدوء وراحة بال




إنسي يا قمر مفيش داعي تشتريه وتتكلفي كل التكاليف دي كلها

 

 

[مزاياإنسانة]

هههههههه صادقة يا أختشي آه والله مالها المرتبة القطن
أهي على الأقل نشمسها كل يوم

أنا كنت هاشتريه بس اللي خلاني أتردد وأبطل
أنو تقيل أوي أوي
إنتي بس شوفي وزن الدهب اللي فيه من غير الخشب
سرير زي ده نشمسه إزااااي يا أختشي

 

 

[abysaleh]

ودا ح يجيله نوم عادي كدا زينا اللي ح ينام عليه دا

 

 

[Rapt]

ويلكم باك مزايا باشا وويلكم باك لكتاباتك ومواضيعك
السرير رائع ووهمي

 

 

[Eng Hesham]

الدهب لوحده 5 مليون 350 الف دولار

تقريبا الراجل بيهرب بيهم من الضرائب

ومستنيه يزيد علشان يبيعه

 

 

[Sweet Heart]

السرير مش حلو يا مزايا
قصدي عادي يعني
قصدي حلو بس مش قوي يعني
سيبك إنتي ما فيش أحسن من راحة البال

 

 

[مزاياإنسانة]

اقتباس المشاركة الأصلية كتبت بواسطة abysaleh ودا ح يجيله نوم عادي كدا زينا اللي ح ينام عليه دا

هههههههههه شفتي يا أختشي الفقر نعمة

بس بجد بجد خطر في بالي إذا كان ده سرير في الدنيا
أومال الأسرة في الجنة شكلها إيه
سبحان الله
صحيح فيها مالا عينٌ رأت ولا أذنٌ سمعت
ربنا إجعلنا من عبادك الصالحين وأكتبنا عندك من الشهداء والأبرار والصديقين في عليين اللهم آمين

 

 

[مزاياإنسانة]

اقتباس المشاركة الأصلية كتبت بواسطة Rapt ويلكم باك مزايا باشا وويلكم باك لكتاباتك ومواضيعك السرير رائع ووهمي

أهلاً بك يا أبو البشوات
أيوة شفت المواضيع قلت لهم جايبة سرير دخلوا لقوا سرير حقيقي وخليتهم
يمددوا و يناموا عليه ويشخروا كمان
مش بيض من غير صفار ولابياض ولاحتى قشرة وحتى لقينا القدره


منووووور يا رابت
ومواضيعك بجد كلها كده

 

 

[only you]

يا وهوووووى؟ ودا من ايه دا؟وماله سرير تيتا النحاس ابو عمدان الفله ؟

متهيئلى بعيد بعيد بعيد يا رب لو عندى السرير دا مش هنام اصلا اه ماهو العمر مش بعزئه دا الحراميه هتعمل على بيتى هجوم عاجل