كل واحد يحدد موقفه بوضوح,,,,خليك صريح مع نفسك ولا تختبئ

[Matrix]

دعوه لموضوعي

أطلق العنان لمشاعرك ، كن إنسان.

دعونا بهدؤ ننظم تفكيرنا
لأن التفكير المنظم يؤدي الى نتائج اكثر فعالية

توجد الأن قوة في مصر تريد التغيير للأفضل ومستعده للتضحيه بحياتها من اجل هذا التغير ولا تمتلك سوى دعم الشعب يعني انا وأنت وأهلي واهلك

وتوجد قوة اخرى عكسية تقاوم التغيير لأنها ستفقد كل مميزاتها وتمتلك سلاح وسلطات


الأن لا مجال للتردد,,,,,,كل واحد فينا لازم يحدد موقفه ,,,مع التغيير ولا ضد التغير
بكل صراحة وشفافية بعيدا عن الكلام العاطفي الخايب والمواقف المائعه التى لا تقدم ولا تؤخر من نوعية خايف على المصريين وخايف على دمائهم.
الناس في الشوارع ,,,الناس البسيطة بتقول أنها مستعدة تموت ولا تتنازل عن تغيير النظام
الناس بتقول مستعدين نضحي بأولادنا ويشرفنا أنهم يكونوا شهداء.

الرجال يبكون امام الكاميرات ,,,

محدش بيؤيد العنف ولا القتل ولا النهب ولا السلب ولكن ماذا لو كان الطرف الأخر يصر عليها للضغط على الثورة هل نستسلم لضغوطه أم نكون أذكى منه ونفوت الفرصه

حدد موقفك ,,لا تكن مائعاً

بإختصار أنت عاوز تغيير في مصر ولا عاوزها تفضل ذي ما هي وتسؤ

لو عاوز تغيير يبقى لازم تعمل حاجة حتى لو انت بره مصر

تقدر تشجع أخواتك واهلك أنهم ينزلوا وتفوقهم وتشرحلهم أنهم هم مدد الثورة وأن الشرطة حاليا متعهدة بعدم التعرض للمتظاهرين يبقى ممكن يروحوا ميدان التحرير قبل موعد حظر التجول

الأخوة اعضاء المنتدى اللي من محافظات بعيده عن العاصمة يحركوا الناس ويحركوا اهاليهم ويعتصموا وكمان معظم هذه المحافظات مليانة بطالة والناس أصلا قاعدة ومعندهاش شغل
يبقى من غير عنف ولا همجية نروح نتمركز في حته حيوية في محافظاتنا

اللي مش قادر يقنعا حد يقدر يبعت فلوس لقرايبه على قد ما يقدر 100 دولار 200 دولار 300 دولار 1000 دولار أي حاجة تقدر عليها وقول لحد من اهلك يشتري بيها بطانيتين وشوية أغذية من النوعية اللي تقعد كتير من غير ما تبوظ وفيها سعرات حرارية عالية ذي البلح مثلا وزجاجات ميه

لازم نكون امداد جيد للثورة والا القوة المضادة للتغيير هتنتصر

احنا في مرحلة حاسمة جدا

والقصة حاليا مش محتاجة شجاعة ولا تضحية
انه أقل القليل
ولكن مجهودي على مجهودك يمكن ان يحدث فرقاً

كفانا تحليلات وفزلكة وكلام لا يقدم ولا يؤخر وخلونا نركز في أتجاه واحد ونكون فاعلين أرجو التوكل على الله والتحرك لمزيد من الضغط على النظام

فين رؤؤف ,,,فين الصوت المسحيي,,,,,,,حركوا الناس يا أخوانا ,,,,خلي الثورة تكون لكل المصريين