خليك هنا خليك بلاش تهاجر

[bond]

الصحف المصرية والعربية

ياكاره لبلدك وقاعد فى جانب
ورايح بتكنس بلاد الاجانب
وبايع لاهلك ولا ليك حبايب
واسمك فى بيتكم حبيبى اللى غايب
ملوع لامك وابوك بالتناوب
يحكوا ويبكوا عليك وانت دايب
فى غربه كئيبه تعيش النوايب
تشوف نار جهنم عشان الدولار
تشقى وتعرق كانك حمار
وبنتك تصاحب كوهين او كومار
وبالع لسانك ولا ليك قرار
وتندم وتلطم تعيش فى المرار
وتنسى لدينك وتمسك جيتار
تغنى ياريتنى مارحت المطار
وتعيش ياعينى كمالة عدد
بعد اما كنت امير فى البلد

 

[أحمد باشــا]

قــــــوية جــــداٌ ...... جــــداٌ

 

 

[ana_3enady]

دعوه لموضوعي

RobertInole

يا ثلام يا ثلام ياثي بوند .. يا أخي ماهو لو كان قادر يعيش فيها ماكانش سابها .. وبعدين دي حرية شخصية ولامؤاخذة .. وبعدين أضح أبن أفصح .. ماذا تقصد بكاره بلده .. أتقصد أنه كارهها كرها مبينا؟ أم أنه كاره ما بها من أوضاع لم يستطع هو التعايش معها بالرغم من وجود آخرين يستطيعون التعايش معها؟


وما تقوليش الدليل قالوله وانه أخضر وبأستيك من فوق .. هه

 

 

[bond]

انا كتبت الكلمتين ولابد فى الدره وعارف يابن والدى انهم راح يجيبولى الكلام
يلا باه طوب بس بلاش زلط

 

 

[ramyfathalla]

طبعا القصيدة حلوة و تُحفة كمان

بس للأسف لو جت لى الفرصة لسوف أُهاجر بلا شك

أكيد الهجرة مش عيب و لا حرام و لا حاجة تكسف فى زماننا

ليه و ازاى و فين و منين ؟

فأكيد أنا لى أسباب و دوافع دفعتنى لهذا

و حأقول لحضرتك أية من القرأن الكريم تثبت صحة الهجرة و مشروعياتها
قال تعالى : {هُوَ الَّذِي جَعَلَ لَكُمْ الأَرْضَ ذَلُولاً فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ} صدق الله العظيم ( سورة الملك – آية 15) .

و أكيد أنا صليت استخارة لله فى هذا الأمر الخطير و طلبت منه أن يوفقنى لما يحب و يرضى

و تحياتى يا سيد بوند
تحياتى بكل حب والله العظيم مش من ورا القلب
و الله على ما أقول شهيد

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة bond انا كتبت الكلمتين ولابد فى الدره وعارف يابن والدى انهم راح يجيبولى الكلام يلا باه طوب بس بلاش زلط

يا ريس ماقولتلك هناك اني قائد السرب .. وقد جنحت للسلم .. وبعدين الجماعة التانيين غلابة ومالهمش لا في رمي طوب ولا رمي لب بطيخ .. دول طيبين جدا وذوق جدا جدا جدا وجدعان أوي .. اسألني انا .. دانا ياما رميتهم طوب ودبش وظلط .. دانا كنت بادخل مواضيع الهجرة محمل تريلات .. ايييييييييييييييه زمن

 

 

[TheInstructor]

امير فى اى بلد؟
على فكره تعتمد على الشخص

بس على فكره كالعادة شعرك ممتاز يا بوند

 

 

[مودة]

دعوه لموضوعي

مدونة مودتي بلا حدود

رائعة كلمات ومعاني
الله ينور

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة ramyfathalla طبعا القصيدة حلوة و تُحفة كمان بس للأسف لو جت لى الفرصة لسوف أُهاجر بلا شك أكيد الهجرة مش عيب و لا حرام و لا حاجة تكسف فى زماننا ليه و ازاى و فين و منين ؟ فأكيد أنا لى أسباب و دوافع دفعتنى لهذا و حأقول لحضرتك أية من القرأن الكريم تثبت صحة الهجرة و مشروعياتها قال تعالى : {هُوَ الَّذِي جَعَلَ لَكُمْ الأَرْضَ ذَلُولاً فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ} صدق الله العظيم ( سورة الملك – آية 15) . و أكيد أنا صليت استخارة لله فى هذا الأمر الخطير و طلبت منه أن يوفقنى لما يحب و يرضى و تحياتى يا سيد بوند تحياتى بكل حب والله العظيم مش من ورا القلب و الله على ما أقول شهيد

شوفت يا عم .. قولت كلمتين حلوين في حقكم أهه .. زي عم عبده البواب .. لا تعرفوني ولا أعرفكم

اجري بقى على موضوع المرغى خانة لاني رديت عليك فيه لان الموضوع التاني قفل على صباعي وانا برد عليك

 

 

[ana_3enady]

دعوه لموضوعي

RobertInole

مش قولتلك يا عم بوند الناس دي جدعان ومالهومش في رمي الطوب