Arabic Discussion Forum with a Special Interest in Travel and Immigration

hopsan · 18th April 2013, 12:28 PM

الضروريات أيضا أم الإبتكارات التى لم تصل لمرحله الإختراع
ما توصلت إليه يجوز يكون قد سبقنى أحد فيه .. و لكن الفكره خبطتنى و أخذها عنى الكثير مما أعرفه
و هى إناره البيت للمده التى ينقطع عنها الكهرباء بأقل التكاليف
الأدوات
بطاريه سياره .. 60 أمبير - 12فولت
تونجر شحن
سلك 2 مم يمر كخط رئيسى على كل حجرات المنزل
سلك 1مم لكل لمبه فى حجرات المنزل
لمبه سياره لكل حجره
مفتاح قطع لكل حجره
لن يزيد تكلفه المشروع عن الف جنيه و إنعم بقطع نور للمده التى يريدونها
و فقط إعلم أن إستعمال النور للحاجه فقط .. بمعنى أغلق مفتاح النور فور خروجك من الحجره
ولا تنسى أن تؤدى زكاه المشروع بأن تضع لمبه على باب منزلك من الخارج لإناره السلم والدعاء لك

بنت البلد · 18th April 2013, 12:33 PM

دعوه لموضوعي

عدسة بنت البلد

نقدر نشغل عليها مروحه ولاه لا

tafshan · 18th April 2013, 01:14 PM

المشكله في موضوع بطارية السياره هو شحنها .. لأنها طبعاً ح تستهلك و ح تحتاج لشحن .. و بالتالى محتاج لتونجار لشحنها .. و ده مش رخيص ..

يبقى الاسهل هو الحلول الطبيعيه للمشاكل دى .. و هو جهاز اسمه UPS و احسن ماركه ليه اسمها APC و ده عادةً بيستخدم للكمبيوتر و بالتالى ممكن تلاقى منهم بسعر معقول عند بتوع الكمبيوتر .. بس محتاج تسأل على سعة البطاريه .. و تجيب سعه مناسبه .. الافضل تجيب جهاز منفصل و تزود له بطاريات حسب الاحتياج .. كده ممكن تزبط احتياجك بملاحظة الاستخدام ..

https://www.apc.com/site/apc/index.cfm?ISOCountryCode=eg

ممكن تعمل سيستم بلمبات موفره للطاقه توزعها على البيت كله راكب على ال UPS و تشغلها لما الكهرباء تقطع .. و طبعاً ال UPS لما الكهرباء بترجع بيشحن البطاريه اوتوماتيكياً ..

ممكن السيستم ده يشغل مروحه لأنها مش محتاجه لكهرباء عاليه .. و ممكن يشغل كمبيوتر طبعاً ..

بنت البلد · 18th April 2013, 01:20 PM

دعوه لموضوعي

عدسة بنت البلد

وليه التكاليف دى كلها

مالها لمبة الجاز

رخيصة وسهله الحمل ونقدر تاخدها فى ايدك من اوضه لأوضه

tafshan · 18th April 2013, 01:21 PM

طب ينفع تشغلى عليها مروحه

بنت البلد · 18th April 2013, 01:33 PM

دعوه لموضوعي

عدسة بنت البلد

اقتباس

المشاركة الأصلية كتبت بواسطة tafshan


	طب ينفع تشغلى عليها مروحه

فرخ ورق طبقه بقى مروحه

هنون · 18th April 2013, 01:47 PM

اقتباس

المشاركة الأصلية كتبت بواسطة hopsan


	ولا تنسى أن تؤدى زكاه المشروع بأن تضع لمبه على باب منزلك من الخارج لإناره السلم والدعاء لك

ده لا مؤاخذة الجيران حيقولوا :

أقرع و نزهى .

انا عندى حلول مبتكرة و تزيد من التصاق الأنسان بدينه و دنياه :

لما النور يقطع , روح البنك ....و خد نمرة انتظار ....

و لما نمرتك تقرب , ما تروحش الشباك ....و ارجع خد نمرة تانية .

و بكده ..... يبقى قضيت وقتك فى مكان محترم و آمن و مكيف كمان .

و لما البنك يقفل , روح جامع شيك , او كنيسة فى حتة سمباتيك ...

و بكده ..... يبقى قضيت وقتك فى مكان محترم و آمن و مكيف كمان .

و لو ما لكشى فى الدين اوى , يبقى عليك و على المولات الشفتشى ......

و بكده ..... يبقى قضيت وقتك فى مكان محترم و آمن و مكيف كمان .

hopsan · 18th April 2013, 01:48 PM

اقتباس

المشاركة الأصلية كتبت بواسطة tafshan


	المشكله في موضوع بطارية السياره هو شحنها .. لأنها طبعاً ح تستهلك و ح تحتاج لشحن .. و بالتالى محتاج لتونجار لشحنها .. و ده مش رخيص .. ..

ما أنا كاتب من ضمن الأدوات تونجرللشحن و هناك أنواع متعدده و بأسعار مقبوله و الكويس ثمنه 600 جنيه و هناك تونجر صناعه محليه أى واحد بتاع بطاريات يقدر يرشدك من أين أتى به

hopsan · 18th April 2013, 01:58 PM

اقتباس

المشاركة الأصلية كتبت بواسطة هنون


	ده لا مؤاخذة الجيران حيقولوا : أقرع و نزهى . انا عندى حلول مبتكرة و تزيد من التصاق الأنسان بدينه و دنياه : لما النور يقطع , روح البنك ....و خد نمرة انتظار .... و لما نمرتك تقرب , ما تروحش الشباك ....و ارجع خد نمرة تانية . و بكده ..... يبقى قضيت وقتك فى مكان محترم و آمن و مكيف كمان . و لما البنك يقفل , روح جامع شيك , او كنيسة فى حتة سمباتيك ... و بكده ..... يبقى قضيت وقتك فى مكان محترم و آمن و مكيف كمان . و لو ما لكشى فى الدين اوى , يبقى عليك و على المولات الشفتشى ...... و بكده ..... يبقى قضيت وقتك فى مكان محترم و آمن و مكيف كمان .

الجوامع بتقفل بين الصلوات ... إيه ؟ .. مبتروحش جوامع ؟ .. و الكنائس لو مريت جنب الباب الأمن يمسكك تحرى و هوبا تطلع إرهابى لو مسلم و تقضى بقيه يومك فى حجره سمبتيك شباكها يطل مباشره على تواليت عربى ( الغريب إنهم يسيبوا المكان المخصص و يعملوها فى كل حته إلا المكان المخصص ) وطبعا ستتصادق مع ناس فى منتهى الكرم لحد ما يظهر لك صاحب ... و الصاحب بيبقى عزيز أوى فى الظروف دى....
اللذيذ إن النور يرجع ....... و أنت لسه مرجعتش

hopsan · 18th April 2013, 02:14 PM

اقتباس

المشاركة الأصلية كتبت بواسطة بنت البلد


	وليه التكاليف دى كلها مالها لمبة الجاز رخيصة وسهله الحمل ونقدر تاخدها فى ايدك من اوضه لأوضه

طيب تجيبى الكيروسين بتاعها منين ؟
و كمان مش أى جاز .... لازم يكون جاز شمسى اللى من غير ريحه ...
لأن لو إستعملتى الجاز العادى .. يبقى الريحه بتاعه الجاز مش طالعه من البيت .... ده غير إن الريحه بتمسك فى الهدوم ....

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
هل تم إختطاف خالد مشعل وإسماعيل هنيه من مصر؟	شؤون مصر الداخلية	hopsan	1	1279	18th June 2013 04:29 PM
قرار جمهورى	شؤون مصر الداخلية	أحمد فاروق	1	870	8th June 2013 02:45 AM
طلب .. بل رجاء من الإداره	مواضيع شخصية	عبدالرحمن الطويل	37	4033	31st May 2013 04:51 PM
عندى الحل الأمثل للحفاظ على تدفق نهر النيل كما هو	مناقشات وحوارات جادة	دكتور مهندس جمال الشربيني	6	2649	30th May 2013 08:11 PM
شوفت مصر قبل كده ؟	شؤون مصر الداخلية	only you	10	2030	29th May 2013 02:44 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

إبنى بيتك

عندى حل لما تقطع الكهرباء عن بيتك