حط همك على همي..وتعال اقعد جنبي!!

[بنت شعنونة]

الصحف المصرية والعربية

لا خالص
اوقات دموع الرجل تسيح جبال

 

 

[Virus]

اقتباس المشاركة الأصلية كتبت بواسطة msameh متشكرين يا جدعان علي الوقفه الجامده دي .... بس عندي سؤال .... هو عيب علي الراجل انه يبكي او انه يقول انه بيبكي ????

أكيد مش عيب طبعا...فكرة العيب دي جت من إن الراجل المفروض يكون متماسك في المواقف اللي بتعيط فيها الستات..خناقة مثلا ..حادثة كده يعني..

إنما البكاء نتيجة الضغوط أو التأثر بموقف ما مثلا..عادي جدا ..كلنا هذا الرجل ياعم..

أنا مثلا بحاول إني مخليش أبدا الضغوط تطحني للدرجة دي...أولا بحاول أتجنبها..دربت نفسي على مبدأ (My Expectations is as low as ZERO) ..توقعاتي من الدنيا ومن الناس ومن الأصدقاء وحتى أقرب الأقرباء..مهما أنا قدمت الخير لحد مثلا بكون متوقع جدا إنه ممكن ميقدرش أو حتى يقلب علي ..عادي خلاص تصالحت مع هذا الأمر لم اكتشفت إن منسوب الأخلاق في الدنيا انخفض جدا جدا..يبقى أحسن نخلي عطاءنا للأخرين مش مرتبط بردود أفعالهم..نخليه بس لينا

ده بخصوص الناس..الباقي بقى المفروض يكون مقدور عليه لو عندنا شجاعة كافية..شغل مضايقني أسيبه بدل ما هو بيقتلني ببطء..زوجة قارفاني أو زوج بالسلامة..بلد خنيقة وبتغرق أسافر وأسعى في الأرض..وهكذا..

أما لو فشلت بقى ووقعت الفاس في الراس ونكدوا علي برضو الأنذال...فبرجع لمدرسة "دلع نفسك" اللي في المشاركة السابقة..لايف إز توو شورت بصراحة..

عموما..كل النظريات والحاجات دي بنحتاجها لأننا مش قريبين بالقدر الكافي من ربنا..الحقيقة الوحيدة في الحياة دي إن القلب العامر بالإيمان الحقيقي (اللي مش مرتبط بالضرورة بكثرة العبادات) قلب يعرف السعادة دائما ولا تنجح كل كآبات العالم في إظلامه..

ما أجمل الفلسفة يوم الجمعة مع كباية الشاي بالنعناع!!

 

 

[بنت شعنونة]

اقتباس ما أجمل الفلسفة يوم الجمعة مع كباية الشاي بالنعناع!!

كنت ها اقولهااااااااااا


المشكلة يا فيرس انه اوقات "تدلع" نفسك برضه وطول الساعات اللي انت مدلعها بيبقى "ماشي" الحال وممكن احيانا تبقى سعيد وبمجرد ان الوقت دا ينتهي اكنك عملت shut down لنفسك ورجعت لنقطة الصفر عااااااااااااادي جدا!!!

 

 

[O.S.A.M.A]

هيا وصلت للبكا

والله انا عندى مدرسة فى الموضوع ده ومع احترامي لأخى وصديقى فيروس
هو أن البكاء لا يعيب الرجال وأحياناً البكاء هو اللى بيعمل رجال
من الكلام المغلوط أن البكاء لحظة من لحظات الضعف .. أنا باعتبر البكا لحظة من لحظات القوة لأن الراجل ساعتها بيعمل اللى ما بيعملوش كل الرجال

البكا فى أحيان كتيرة بيكون سبب من أسباب ترقيق القلب

وياما الواحد قفش نفسه فى لحظة من لحظات القوة دى ... هيا طبعاً مش بتكون كتير بس أكيد بتيجى فى لحظات عنيفة جداً ولابد معها من الإنفجار

 

 

[sanaa]

اقتباس المشاركة الأصلية كتبت بواسطة msameh من كتر الاكتئاب و الهم و قله (ندره) الاصدقاء ... و لاول مره في العمل انفجرت امس و بكيت .... حتي احمرت العيون

دكتورنا مهموم واحنا موجودين ده لا يمكن يحصل ابدا


الف سلامه ليك وعليك وربنا يريح بالك وقلبك ويسرلك الصعب ديما

اقتباس المشاركة الأصلية كتبت بواسطة msameh بس عندي سؤال .... هو عيب علي الراجل انه يبكي او انه يقول انه بيبكي ????

الانسان اللي مابيعرفش يبكي مابيعرفش يحس لا بنفسه ولا بالاخرين

ساعات الانسان بيأجل دموعه او الموقف بيحجر الدموع
لكن الدموع ابدا عمرها مكانت حكر للمرأة فقط














هو انت بكيت في ميدان عام ماانت اخدت ركن في المكتب ووشوشته وخلصت العمليه


خد رحتك يادكتور المهم تبقي مرتاح بكيت بقي زعقت خبط علي المكتب المهم انك عديت الموقف

 

 

[O.S.A.M.A]

اقتباس المشاركة الأصلية كتبت بواسطة sanaa الانسان اللي مابيعرفش يبكي مابيعرفش يحس لا بنفسه ولا بالاخرين

كلام مظبوط جداااا

 

 

[Virus]

اقتباس المشاركة الأصلية كتبت بواسطة بنت شعنونة المشكلة يا فيرس انه اوقات "تدلع" نفسك برضه وطول الساعات اللي انت مدلعها بيبقى "ماشي" الحال وممكن احيانا تبقى سعيد وبمجرد ان الوقت دا ينتهي اكنك عملت shut down لنفسك ورجعت لنقطة الصفر عااااااااااااادي جدا!!!

يبقى دي مش موجة كآبة عابرة في حياتك وهتعدي.. في عامل دائم في حياتك ضاغط عليكي طول الوقت وعليكي التعامل معه بجدية وبقرارات جريئة...وبدون تأجيل لأن اللي بيروح مننا ومن طاقتنا الإيجابية صعب بجد يرجع تاني وبيعجزنا قبل الأوان..

 

 

[بنت شعنونة]

سبحان الله
لسا من يجي 10 دقايق كنت بكلم نفسي وانا بصرخ في وش بنتي وبقول

اني مضطرة استحمل بنتي عشان "بنتي"
ومضطرة استحمل اهلي عشان "اهلي"
ومضطرة استحمل المرضى "عشان لقمة عيشي"
ومضطرة استحمل بتوع الامن عشان " ما اتسحلش"

هوا فاضل حد من المجتمع انا ما استحملتوش


امال اولع في مين انا امال؟؟

 

 

[Virus]

اقتباس المشاركة الأصلية كتبت بواسطة بنت شعنونة سبحان الله لسا من يجي 10 دقايق كنت بكلم نفسي وانا بصرخ في وش بنتي وبقول اني مضطرة استحمل بنتي عشان "بنتي" ومضطرة استحمل اهلي عشان "اهلي" ومضطرة استحمل المرضى "عشان لقمة عيشي" ومضطرة استحمل بتوع الامن عشان " ما اتسحلش" هوا فاضل حد من المجتمع انا ما استحملتوش امال اولع في مين انا امال؟؟

أكيد في مليون حد قالولك النصيحة دي..خليهم مليون وواحد..

انسفي حمامك القديم...انفدي بجلدك من البلد دي بيفور اتس توو ليييت... مش بكره مصر والله ولا حاجة بس في حد أقصى لتحمل كل بني آدم لظروف الحياة في مصر..أول مايوصلها يبقى خلاص لا يكلف الله نفسا إلا وسعها..

تأكدي ان بنتك وأهلك ومرضاك دول كان ممكن تتحمليهم تماما وميكونوش مشكلة لو انت مش بتعاني في كل حاجة تانية في حياتك في البيت والخروج والسواقة والمواصلات والأكل والشرب وكل حاجة..

تعالي لحياة الخليج الجافة الكسولة المأنتخة وتحملي هفهفات القلب لمصر وأهلها لكن اكسبي نفسك إلى أن يقضي الله أمرا كان مفعولا..

 

 

[بنت شعنونة]

مين طفا النور في الرغي؟؟













اوسكا اللي عمل العملة السودا دية؟؟؟؟؟