أكبر خناقة فـ حياتك .. إحكي

[أهرامات الجيزة]

الصحف المصرية والعربية

.
كل الناس هنا في ظني محترمين مش بتوع مشاكل ولا خناقات

لكن برضو .. أكيد في خناقة كبيرة في حياتنا مننسهاش

تعالوا .. إحكوا لنا عن أكبر خناقاتكوا ف حياتكوا .. ومنسيتوهاش لحد دلوقت


***

عن نفسي .. زي شباب مصر الجميل .. أكبر خناقاتي كانت في المدرسة في الإعدادي والثانوي

كان كل فصل ييجي يدافع عن الولد اللي بيتخانق مع ولد تاني في فصل تاني .. ده بخلاف أولاد المنطقة اللي فيها المدرسة .. كانوا بييجوا يجروا شكل مع الطلبة بتوع مدرستنا علشان يتخانقوا معاهم ويضربوهم (معرفش ليه لحد دلوقت (باينله كده جينات الإجرام بتبتدي تنشط عند المراهقين في المرحلة العمرية دي) .. وهكذا بقى من النوع ده .. خناقات كتيييييير

وإنتوا بقى ؟؟ إحكوا لنا عن خناقاتكوا الكبيرة ...

 

[imatinib]

انا من طبيعتي هادىء شديد الهدوء---بارد كالثلج--لدرجة انك ان نظرت الى وجهى تشعر بالنعاس

المهم --فى يوم من الايام كنت نوبتجي الادوار فى المستشفي

مريت على جميع مرضى المستشفى الا مريضا واحدا(قالوا لى هذا مريض الدكتور فلان و دكاترة العناية بيمروا عليه)

كانت مريضة التهاب فى المسالك و الطبيب المعالج استشاري باطنة و الاطباء المشرفين عناية مركزة

المهم طلعت سكن الاطباء بعد مانطحنت شغل لانااااااااااااااااااااااااااااااااااام من شدة التعب

و فجأة اهل المريضة زعقوا(محدش مر علينا النهارده)

صحونى و قطعت المسافة من غرفة نومي فى سكن الاطباء الى التليفون فى الصالة و انا اكاد اكون نائما

الممرضة بتكلمنى ان اهل المريضة بيزعقوا و انزل يا دكتور و الا هاكلم المدير(الممرضة بتهددنى----دمى اتحرق شوية)

اتصلت بالعناية----يا جماعة المريضة دي بتاعت الدكتور فلان و انتم بتمروا عليها (اجابونى احنا ملناش دعوة بيها دى حالة فى الاقسام و انت تمر عليها----امال بتمروا على بعض حالات الاقسام من غير متقولولى ليه؟ المهم اتغظت بدرجة متوسطة و قفلت السكة

قوم ايييييييييييييييييه نائب مدير المستشفى اتصل---يا دكتور انزل شوف الحالة

قلت حاضر (طبعا انا متغاظ و هلكان من كتر الشغل) فاضاف المدير قائلا

و بعدين مش كل شوية واحد يشتكى منك انك ممريتش عليه(ممريتش عليه؟ دانا طالع عين اهلى

فانفجرت فيه

و من شدة غضبى لا اذكر الى الان ما قلت له

كل ما اذكره ان جنبي دكتور كان بيتنفض من شدة زعيقى و بعض الاطباء صحيوا و العامل افتكرني بازعق لدكتور زميلي
قلتلهم انا كنت باكلم نائب المدير

 

 

[Sonesta]

دعوه لموضوعي

ليالى المطاريد.,,,هل تعلم

خناقتى اللى ماقدرة انساها ابدا

كان إبن أختى اللى يرحمه تعب شيلته وجريت بيه وركبت عربيتى من فيصل الى الدقى

الولد كان على الكنبة ورا

وفجأه جيه ميكروباس وزنقنى فى الرصيف

وبقت العربية محشورة بين الباص والرصيف

قولت افوتها المهم الحق الولد

لاقيته نازل يزعقلى.... انا سواقتى بأمشى دايما شمال لإن سواقتى سريعة

وكنت سابقة الباص جيه خبط العربيه من ورا وزنقنى من الجنب

لما زعقلى قولتلله قانون السواقة ان اللى غلطان الى صادم من الخلف

بوء فيا

الصراحة مااستحملت بس مسكت نفسى بالرغم من فرط عصبيتى علشان الولد

قولتلله ابنى بيموت وحأوديه المستشفى

زود الخناق

فى لحظة مااعرفش الناس ديه كلها جت منين وبتفك ايدى من رقبته

وعقبال ماوصلت المستشفى كان الولد مات الله يرحمه

 

 

[mohamedmostaf]

السلام عليكم ورحمة الله وبركاته
افتكر اكبر خناقة ليا كنت مسافر من القاهرة للرياض وباقي على الطيارة حوالي ساعه الاربع والبوردينج خلاص اوشك على الاقفال والكاونتر فاضي وموظف مصر للطيران بيلطف ويعطف مع زميلته وسايبني ارن
وبقوله عايز اقطع البوردينج قالي هو مفيش زوق مش شايفني مشغول
قولت ياواد امسك نفسك قولتله بعد اذنك الطيارة باقي عليها ساعه الاربع قالي وما بتجوش بدري ليه احنا ناقصين قرف بصيتله وعنيا بتدق شرار وروحت مديله الجواز والتذكرة قالي التاشيرة الخروج والعوده اديتهاله اذن العمل اديتهوله مع انه مش من حقه شهادة الجيش اديتهوله تجنبا لاي احتكاك ومفيش وقت وكان اخر يوم في تاشيرة العودة ولازم ارجع مش هينفع تفوتني الطيارة
حط الشنط على الميزان حطيتها مكنش معايا غير شنطة واحده وشنطه هاند باج على الطيارة
وزنت الاولى طلعت 28 كيلو
والتانية حوالي 7 كيلو في حين ان وزني 46 + 10 يعني 56 كيلو
قالي لا الشنطة مفروض ما تزيدش عن 23 كيلو
اقسم الشنطة واشحن الاتنين وما تاخدش حاجه ع الطيارة
قولتله انت يا بتاع انت بتبيع وتشتري فيا على نيلة ايه وروحت طالعله فوق الميزان وصوتي علي والامنا والظباط اتلموا
طيب في ايه يا استاذ طيب الحكاية طيب الرواية روحت قاعد فوق الميزان بقى وكان جه ناس ورايا من هنا لهنا لاقيت واحد زميلي في المطار صدفة عرفت انه شغال في المطار وشيفته في نفس اليوم الله يباركله جه خلصني من ايديهم وراح خاتملي وعداني وقالي نتكلم بعدين ووصلني لباب الطيارة والحمدلله لحقت الطيارة على اخر لحظة

 

 

[mohamedmostaf]

اقتباس المشاركة الأصلية كتبت بواسطة Sonesta خناقتى اللى ماقدرة انساها ابدا كان إبن أختى اللى يرحمه تعب شيلته وجريت بيه وركبت عربيتى من فيصل الى الدقى الولد كان على الكنبة ورا وفجأه جيه ميكروباس وزنقنى فى الرصيف وبقت العربية محشورة بين الباص والرصيف قولت افوتها المهم الحق الولد لاقيته نازل يزعقلى.... انا سواقتى بأمشى دايما شمال لإن سواقتى سريعة وكنت سابقة الباص جيه خبط العربيه من ورا وزنقنى من الجنب لما زعقلى قولتلله قانون السواقة ان اللى غلطان الى صادم من الخلف بوء فيا الصراحة مااستحملت بس مسكت نفسى بالرغم من فرط عصبيتى علشان الولد قولتلله ابنى بيموت وحأوديه المستشفى زود الخناق فى لحظة مااعرفش الناس ديه كلها جت منين وبتفك ايدى من رقبته وعقبال ماوصلت المستشفى كان الولد مات الله يرحمه

لا حول ولا قوة الا بالله العلي العظيم
البقاء لله
عايشين في غابة للاسف ربنا يصبر باباه ومامته

 

 

[mohamedmostaf]

اقتباس المشاركة الأصلية كتبت بواسطة imatinib انا من طبيعتي هادىء شديد الهدوء---بارد كالثلج--لدرجة انك ان نظرت الى وجهى تشعر بالنعاس المهم --فى يوم من الايام كنت نوبتجي الادوار فى المستشفي مريت على جميع مرضى المستشفى الا مريضا واحدا(قالوا لى هذا مريض الدكتور فلان و دكاترة العناية بيمروا عليه) كانت مريضة التهاب فى المسالك و الطبيب المعالج استشاري باطنة و الاطباء المشرفين عناية مركزة المهم طلعت سكن الاطباء بعد مانطحنت شغل لانااااااااااااااااااااااااااااااااااام من شدة التعب و فجأة اهل المريضة زعقوا(محدش مر علينا النهارده) صحونى و قطعت المسافة من غرفة نومي فى سكن الاطباء الى التليفون فى الصالة و انا اكاد اكون نائما الممرضة بتكلمنى ان اهل المريضة بيزعقوا و انزل يا دكتور و الا هاكلم المدير(الممرضة بتهددنى----دمى اتحرق شوية) اتصلت بالعناية----يا جماعة المريضة دي بتاعت الدكتور فلان و انتم بتمروا عليها (اجابونى احنا ملناش دعوة بيها دى حالة فى الاقسام و انت تمر عليها----امال بتمروا على بعض حالات الاقسام من غير متقولولى ليه؟ المهم اتغظت بدرجة متوسطة و قفلت السكة قوم ايييييييييييييييييه نائب مدير المستشفى اتصل---يا دكتور انزل شوف الحالة قلت حاضر (طبعا انا متغاظ و هلكان من كتر الشغل) فاضاف المدير قائلا و بعدين مش كل شوية واحد يشتكى منك انك ممريتش عليه(ممريتش عليه؟ دانا طالع عين اهلى فانفجرت فيه و من شدة غضبى لا اذكر الى الان ما قلت له كل ما اذكره ان جنبي دكتور كان بيتنفض من شدة زعيقى و بعض الاطباء صحيوا و العامل افتكرني بازعق لدكتور زميلي قلتلهم انا كنت باكلم نائب المدير

 

 

[momahm]

أكبر خناقة في حياتى واحد تعمل معى بقلة زوق. وكان لة سلطة ولما طلبت منة الكف عن قلة الزوق أفعل فقلت له أفعل ما تريد لكن انا لا أقبل أن تمس كرامتى وقد كان حفظت كرامتى من قبل حبي
أقصد من قبل جوبي وتركت العمل ولكن لست نادم
posted via mobile device

 

 

[dr. osama]

كانت في 2004 مع مديري السوري للاسف
غلط فيا بلفظ خارج وتعدي
ففقدت اعصابي وتعديت
وخرجت من العربيه ورزعت الباب وزجاج العربيه اتكسر تماما هههه
ومشيت
وبعدها زميلي التالت اللي كان معانا قاللي انهم فضلوا 3 ساعات عقبال مالقوا حد يصلحه هههه
posted via mobile device

 

 

[saynow]

لا مفر من الخناقات الصراحة لان فى ناس كتير متربتش وعايزة تتربى

بصراحة

اللى بيقول انه متخانقش او مش عايز يتخانق يبقى عايش وهم

بس امنية انا و ناس كتير بنتمناها