من الفيس بوء

[محمد المرى]

الصحف المصرية والعربية

من الفيس بوء :
ياسلام ياجماعة ده الفيس بوء ده فيه حاجات فُل ,اى والله , فُل
اقرأوا معى وقولوا اذا ماكنت غلطان ولا عندى حق :

اقتباس Wael Ghonim - وائل غنيم النهاردة كنت مدعو في مؤتمر للحديث عن التقنية ومواقع التواصل الاجتماعي ودورها في صناعة المستقبل، في قاعة الانتظار بتاعة المتحدثين سلم على راجل ومراته كنت واقف قريب منهم، فسألتهم هما منين، فردوا من النرويج، وسألوني نفس السؤال فجاوبتهم إني من مصر فابتسموا والراجل قال لي ألف مبروك لثورتكم .. كملت كلامي مع الشخص اللي كنت واقف معاه فبعد ما مشيوا الراجل بيقول لي وهو بيبتسم: إنت عارف دول مين؟ قلتله: لأ أنا ثقافتي في مشاهير الغرب في غير مجال التكنولوجيا زيرو .. فضحك وقال لي إن الراجل ده هو ولي عهد النرويج ودي مراته! .. بصراحة أنا اتعقدت من التواضع والبساطة اللي كانوا بيتعاملوا بيها مع الكل .. حتى سؤالي الغريب ردوا عليه بكل أدب وعلى قد السؤال وبدون ما يقول مركزه .. نفسي نشوف الكلام ده في العالم العربي .. الكلام ده أساسا في صلب ديننا وثقافتنا!

 

[محمد المرى]

ياريت ييجى الوقت الذى تختفى فيه عبارة :

انت عارف انت بتكلم مين

[IMG]

https://img9.imageshack.us/img9/2909/amir2t.jpg

[/IMG]

ده الامير ابن الامراء وهذة زوجته الاميرة بنت الامراء

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس حتى سؤالي الغريب ردوا عليه بكل أدب وعلى قد السؤال وبدون ما يقول مركزه

مش محتاجين يقولوا لأنهم مبسوطين في حياتهم وراضيين عنها ومش حاسين أنهم ينقصهم تقدير الأخرين لهم أو إنتزاع الإنبهار منه.

أما من يسعى لإستعراض مركزه وإمكانياته (سواء العلمية أو المادية أو السلطوية أو حتى الإجتماعية) دون ان يسأله أحد فهو يبحث عن شئ يفتقده وهو تقدير الأخرين ولأنه غير راضي عن حياته فهو يحاول ان يحصل على هذا الرضا عندما يرى الإنبهار في عيون الأخرين بما لديه.

إنه التطور يا عزيزي فكما يتطور الفرد على مستوى الشخصية تتطور الأمم بكل فئاتها من أول ولي العهد لحد النجار مسلح.
ويارب أعيش لغاية ما أشوف الزبال في مصر عايش عيشة كريمة ويتعلم أبناءه مثل أبناء الوزير ساعتها سيشعر بالرضا الذي لا يجعله يستعر من مهنته وعندها لن يشعر المسئول بالفخر الأجوف الذي يجعله يعلن عن مركزه في كل مكان يذهب إليه.

 

 

[bond]

اقتباس المشاركة الأصلية كتبت بواسطة Matrix مش محتاجين يقولوا لأنهم مبسوطين في حياتهم وراضيين عنها ومش حاسين أنهم ينقصهم تقدير الأخرين لهم أو إنتزاع الإنبهار منه. أما من يسعى لإستعراض مركزه وإمكانياته (سواء العلمية أو المادية أو السلطوية أو حتى الإجتماعية) دون ان يسأله أحد فهو يبحث عن شئ يفتقده وهو تقدير الأخرين ولأنه غير راضي عن حياته فهو يحاول ان يحصل على هذا الرضا عندما يرى الإنبهار في عيون الأخرين بما لديه. إنه التطور يا عزيزي فكما يتطور الفرد على مستوى الشخصية تتطور الأمم بكل فئاتها من أول ولي العهد لحد النجار مسلح. ويارب أعيش لغاية ما أشوف الزبال في مصر عايش عيشة كريمة ويتعلم أبناءه مثل أبناء الوزير ساعتها سيشعر بالرضا الذي لا يجعله يستعر من مهنته وعندها لن يشعر المسئول بالفخر الأجوف الذي يجعله يعلن عن مركزه في كل مكان يذهب إليه.

احنا مش بنقر
مبروك 555

 

 

[Dr.Samo]

اقتباس المشاركة الأصلية كتبت بواسطة محمد المرى ياريت ييجى الوقت الذى تختفى فيه عبارة : انت عارف انت بتكلم مين [IMG] https://img9.imageshack.us/img9/2909/amir2t.jpg [/IMG] ده الامير ابن الامراء وهذة زوجته الاميرة بنت الامراء

العزيز أستاذ محمد
بمناسبة النرويج ... زميلة عزيزة حصلت على الدكتوراة من اوسلو
وكان زوجها بيدرب فريق باسكت الجامعة (مصرى برضه على فكرة .... كان ضابط فى الجيش وبعدين طلع )
المهم أن جارتهم كانت سيدة نرويجية وحيدة
الست دى كل يوم الصبح تصحى تبعت جواب للملكة تحكيلها حصل لها أيه فى اليوم دا
زى مثلا .... أنا بتاع اللبن النهاردة أتأخر فى أنه يجيب اللبن - انا اشتريت خوخ النهاردة من السوق ...الطماطم سعرها عالى النهاردة .... على الحال دا كل يوم ....
طبعا لو فى مصر كانت هتيجى عربية العباسية وتاخد الست دى على مستشفى الأمراض العقلية ويلبسوها قميص الأكتاف .
الغريب بقى واللى زميلتى العزيزة كانت بتحكيه بإنبهار إن الملكة كانت بترد عليها كل يوم ...كل يوووووم ...تحكيلها انها كمان ملاحظة تغير فى الأسعار مثلا ....ظروف البلد ...رحلتها الأخيرة لأمريكا .....
الأهم بقى ان الست دى فضلت حتى رحلت زميلتنا من أوسلو تتبادل الرسائل مع الملكة يوميا
مش كدا بس .... كان فيه باقة ورد إسبوعية للسيدة .....
العبد لله سمع الحكاية ساعتها بإنبهار ..... وبعدين قال
عمـــــــــــــار يا نرويــــج

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس المشاركة الأصلية كتبت بواسطة bond احنا مش بنقر مبروك 555

هههههههههههه
ماهي بفضلك يا باشا
بس قولي حسبتها إزاي وجبتها بالمللي كده

 

 

[FINETOUCH]

لقيت الحاجه دى على الفيس بوك وقلت يمكن تفكرنا ان اللى احنا فيه يكون سم قاتل
هم اعضاء المجلس مش اتولدوا من ستين سنه؟ لقيوا ان الجيش هو اللى بيحكم البلد وان كل حاجه فى ايديهم
ياترى حايسيبوه لواحد مدنى

نداء :من حكمدار الثورة إلي السيد مصري القاطن بكل شارع في مصر ...دواء العسكر الذي مات من أجله مئات الشهداء فيه سم قاتل ..لاتشرب الدواء ..الدواء فيه سم قاتل ...ملحوظة هناك أجيال كاملة ماتت من هذا الدواء منذ عام 1952 وحتي الآن لأنها لم تتناول الدواء الصحيح ..الرجاء عدم تكرار أخطاء الماضي وخليك يا مصري في الدواء التركيب الذي صنع بأيدي مصرية خالصة دون خبرات أجنبية !! المهم أن الدواء يحتاج تركيبة يعتمدها جميع الخبراء ولن ينجح برأي خبير واحد !

 

 

[محمد المرى]

اقتباس نشر Diaa Solieha‏ صورة على حائط حائط‏Fadia Elmogy‏ في الجزيرة مباشر من ساحة المحكمة: سيدة يبدو عليها الوقار تسمي نفسها الشيخة رجاء المعالجه بالقرآن- وهي في سن أمي رحمة الله عليها بس امي مكانتش كدابة قالت انا مؤيدة لمبارك فهو برئ والمتهمون ابرياء فمن قتل المصريون هم ايرانيون وحزب الله ، فبادرها المذيع بالسؤال كيف عرفتي قالت يوم الجمعه اياها اثناء الثورة – ولم تشأ ان تقول موقعة الجمل – كانت يا روح امها وافقه تبكي وتقول يا رب استر في ميدان عبد المنعم رياض( كويس اوي) وبعدين فجأة قالت عالنيل يعني( ماشئ نعديها) وشافت بعينيها اللي حياكلهم الدود انشاء الله انها رأت زوارق قادمة في النيل من جهة برج الجزيرة ونزل منها شرطة مصرية باللبس الميري فتقدمت لاحدهم وقالت الحمد لله انكم جيتم رد عليها بلهجة غير مصرية وقال لها انا مش مصري انا ايراني البس هذا حتي لا يعرفني احد جيت لمساندة الثوار( الله مترسي علي بر يا حاجه هم ساندوهم ولا قتلوهم؟!!) فسألها المذيع لماذا قال لكي هذا واشمعني انتي؟ ردت منا قلتله انا الشيخة رجاء المعالجه بالقرآن فوثق في – ومبارك ده طاهر جده النبي ومنسب لآل البيت- طب يا شيخه رجاء كتر خيرك ونصيحني كابنك ابقي اتغطي كويس وانتي نايمه- ولا اقولك البسي بنطلون هو كويس اوي اوي لحالتك دي-ولا اقولك لو حرانه البسي بامبرز- بس سليق عليكي البني حبيبك وملكيش دهوة بسيرة النبي تاني حبي مبارك زي منتي عايزة وارفصي الغطا انتي نايمة زي منتي عايزة بس بلاش النبي وحياة ابوكي يا شيخه رجاء

 

 

[AHMAD AE]

بالمناسبة مش لو هديتوا بس الجدار لأ لو هديتوا السفارة كمان

إسرائيل مش هيهدها إلا دولة ديموقراطية متقدمة علميا وتكنولوجيا فيها ناس بتقرأ وتفكر

ل الرائع الصديق بلال فضل

 

 

[دكتور مهندس جمال الشربيني]

دعوه لموضوعي

مستر "عاوز" وأنـــــــــــــــــــــــــا

اقتباس المشاركة الأصلية كتبت بواسطة FINETOUCH لقيت الحاجه دى على الفيس بوك وقلت يمكن تفكرنا ان اللى احنا فيه يكون سم قاتل هم اعضاء المجلس مش اتولدوا من ستين سنه؟ لقيوا ان الجيش هو اللى بيحكم البلد وان كل حاجه فى ايديهم ياترى حايسيبوه لواحد مدنى نداء :من حكمدار الثورة إلي السيد مصري القاطن بكل شارع في مصر ...دواء العسكر الذي مات من أجله مئات الشهداء فيه سم قاتل ..لاتشرب الدواء ..الدواء فيه سم قاتل ...ملحوظة هناك أجيال كاملة ماتت من هذا الدواء منذ عام 1952 وحتي الآن لأنها لم تتناول الدواء الصحيح ..الرجاء عدم تكرار أخطاء الماضي وخليك يا مصري في الدواء التركيب الذي صنع بأيدي مصرية خالصة دون خبرات أجنبية !! المهم أن الدواء يحتاج تركيبة يعتمدها جميع الخبراء ولن ينجح برأي خبير واحد !

يبقى أنت أكيد أكيد لم تزور صفحتي في الفيس بووك

https://www.facebook.com/media/set/?...6720118&type=1