اللى مقدمين فيدرال بعد 26 يونيو 2010

[ابو كريم]

الصحف المصرية والعربية

يا تري فيه جديد علي مكتب لندن
فين الناس
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

 

[المصري احمد]

اقتباس المشاركة الأصلية كتبت بواسطة ابو كريم يا تري فيه جديد علي مكتب لندن فين الناس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شباب انا وصلتني الباسبورات امبارح وعليها الفيزا، عقبال كل المنتظرين ربنا يسهلهم ان شاء الله.

 

 

[المصري احمد]

شكل مكتب لندن بيحاول يخلص كل الحالات اللي عنده قبل النظام الجديد ما يدخل، لو راجعتوا مشاركتي في الصفحة اللي قبل دي موجود فيها التايم لاين بتاعي، واي استفسار انا تحت امركم

 

 

[dr_mohamedimam]

اقتباس المشاركة الأصلية كتبت بواسطة المصري احمد شباب انا وصلتني الباسبورات امبارح وعليها الفيزا، عقبال كل المنتظرين ربنا يسهلهم ان شاء الله.

ألف مبرووك يا استاذ أحمد بالتوفيق في الخطوات القادمة ان شاءالله...أنا بعتلهم كل حاجة طلبوها من يوم 9 مارس و ربنا يسهل ...يارب يطلبوا الميديكال و يخلصونا..

اقتباس المشاركة الأصلية كتبت بواسطة ابو كريم يا تري فيه جديد علي مكتب لندن فين الناس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طلبوا مني تحديثات كتير..بعتلهم و مازلت في الانتظار...

 

 

[dr_mohamedimam]

اقتباس المشاركة الأصلية كتبت بواسطة المصري احمد بسم الله الرحمن الرحيم إخواني الأعزاء......شكرا يمكن انا جديد في المشاركه معاكو بس انا كنت متابع صامت ليكوا وبقرا كتير اللي بتكتبوه على المنتدى، شاركت مشاركات قليله وكان معظمها أسئله وكنتوا دايما بتردوا على اسئلتي بما لا يدع مجال للحيرة. أخوكم مهندس ، ماجستير وشغال في الدكتوراه، متزوج وأعول، وأعمل بالامارات. أنا حبيت اني اشكركم كلكم ومع الشكر اتمنى امنيه وتساؤل، ليه احنا مع بعض في الحياه الحقيقية مش زي احنا مع بعض في الحياه الافتراضية، زي المنتدى دا كدا، ولو انه مش افتراضيه أوي لانه بيتكلم على واقع الا انه على النت وليس وجها لوجه؟ اتمنى ان احنا نكون على نفس المشاعر وطريقة التعامل مع بعض زي ما احنا في المنتدى. انا متأكد ان كل الناس اللي في المنتدى هنا محترمين ومشاعرهم وطريقة تعاملهم على ارض الواقع زي ما هي على المنتدى بس انا نفسي اشوف المصريين كلهم كدا...أمنيه المهم، طبعا اللي فات مهم برده، أنا انهارده استلمت طلب الباسبورات وانا طبعا كنت مقدم على نظام ما بعد يونيو 2010 -مكتب لندن - والتالي هيا التواريخ بتاعتي: ف 7 ديسمبر 2010 - استلام الابليكاشن في سيدني- كندا - بريد ف 3 مارس 2011 - إستلام الفيل نمبر - ايميل ف 30 يناير 2012 - إستلام طلب لتحديث البيانات من مكتب لندن وعمل استمارة السفريات وعمل الفيش المصري والاماراتي و بيان بسبب الإعفاة من التجنيد (السبب كان ان انا شفته فيديو...، لأ بجد اعفاء بسبب النظر وكتبت دا على ورقه A4) - بريد ف 5 مارس 2012 – انا بعت اللي طلبوه - بريد ف 10 سبتمبر 2012 – انا بعتلهم علشان رزقنى الله بمولود جديد - بريد ف 23 أكتوبر 2012 – هما رجعولي كل الورق اللي انا بعته لأاني كنت دافع للمولود الجديد بالفيزا وهما لا يقبلوا الفيزا وعايزين بنك درافت - بريد ف 24 نوفمبر 2012 – بعتلهم الورق تاني مع بنك درافت - بريد ف 7 يناير 2013 – بعتوا يطلبوا من الميديكال (كل واحد في العيله ايميل لوحده ) وكمان طلبوا الRPRF في ايميل لوحده ف 29 يناير 2013 – انا بعتلهم الRPRF عن طريق بنك درافت (كان مشكله لان انا كنت متعود اعمله من الصرافه، وكل الصرافات وقفت البنك درافت لكندا فرحت البنك بتاعي وعملوه ليا بكل سهوله ويمكن ارخص) ف 3 فبراير 2013 – المركز اللي عملت فيه الكشف الطبي بعت الكشف الطبي بعد رحلة معاناه مع المركز ودفعت حوالي 4500 درهم ف 4 فبراير 2013 – استلموا الكشف الطبي (تم ارساله ب TNT) ف حوالي 8 فبراير 2013 – اتغيرت الحالة ل ميديكال ريسيفد على ecas ف 18 فبراير 2013 (اليوم) – تم طلب الباسبورات – ايميل انا حطيت التواريخ علشان لو في اي حد معايا ممكن دا يكون ريفرنس له وانا لاحظت ان الاجراءات الخيرة مرت بسرعه فممكن دا يكون بشرة خير لكل المنتظرين بانهم ناوين يخلصوا قبل ما يدخلوا في النظام الجديد طبعا زي انتو شايفين مريت باحداث كتير، ولو في اي استفسار من اي حد بخصوص اي احداث مشابه انا جاهز للرد، اتمنى ليكم من الله كل الخير، وادعولي

جزاك الله خيرا يا بشمهندس أحمد...تقريبا ظروفك شبيهة بظروفي هم برده طلبوا مني نفس الطلبات دي.. ونقطة كويسة انهم ما اتسرعوش و أغلقوا الملف لما بعتلهم انت الفلوس بالفيزا...دا شيء مطمئن ...انهم لو لقيوا حاجة حيبعتوا يقولوا..

اقتباس المشاركة الأصلية كتبت بواسطة المصري احمد شباب انا ملاحظ ان كله مركز على المقاسات في موضوع الصور بس انا اخدت بالي من حاجه تانيه كمان مش عارف مهمه ولا لأ. وانا باراجع الورق والصور قبل ما ابعت الباسبورات والصور، لاحظت انهم طالبين ان الصور تكون مطبوعة على ورق matte، في حين ان الصور اللي المصور طابعهالي مقاستها صحيحه بس مطبوعه على ورق glossy، فاخدت الصور ورحت على اقرب استوديو وسألته فاكدلي ان الصور بتاعتي مطبوعه على glossy، المهم كان معايا الفلاشه وعليها الصور فطبعتهم على ورق matte زي ما هما طالبين. انا مش عارف اهمية الكلام دا ايه، بس بما انهم حاطينه من شروط الصور فممكن يكون سبب انهم يرفضوها... اللي بعت خلاص ربنا يسهله ان شاء الله، انما اللي لسه هيبعت ياخد باله من الحته دي.

هم بيبعتوا مع طلب الميديكال مواصفات لصور جديدة وبنبعت صور غير اللي بعتناها مع الأبليكاشن أول مرة؟؟
وجزاك الله خيرا على الملاحظة المهمة دي ..
موفق بإذن الله ... لك مني أجمل تحية .

 

 

[المصري احمد]

اقتباس المشاركة الأصلية كتبت بواسطة dr_mohamedimam هم بيبعتوا مع طلب الميديكال مواصفات لصور جديدة وبنبعت صور غير اللي بعتناها مع الأبليكاشن أول مرة؟؟ وجزاك الله خيرا على الملاحظة المهمة دي .. موفق بإذن الله ... لك مني أجمل تحية .

مع طلب الميديكال هيطلبوا صور كمان علشان استمارات الميديكال وبيبعتوا مواصفاتها مع الميديكال، بس الصور دي انت مش بتبعتهلهم، انت بتاخدها معاك للدكتور وهو بيستخدمها للاستمارات. لو انت مقدم على نفس النظام بتاعي هيبعتولك نفس الطلبات. وكمان هيرجعوا يطلبوا منك صور تانيه مع طلب الباسبورات.

بالنسبه للمواصفات بتاعة الصور، انا في كل مره كنت بقراها كويس والتزم بيها، بس مش فاكر كانت هيا نفس المواصفات ولا كانت بتتغير.

ربنا يسهلك الخير ان شاء الله. هو انت مقدم منين؟ انا مقدم من الامارات

 

 

[dr_mohamedimam]

شكرا بشمهندس أحمد..
أنا مقدم من السعودية ... مكتب لندن...وقدمت ملفي في أغسطس 2011 و الفايل نمبر جالي في يناير 2012

 

 

[titoz]

مساء الخير يا جماعه و مبروك للجميع انا بس عندى تسائل وصلنى بعد Medical results have been received . وصلنى بعدها يوم 27/4/2013 . We started processing your application معنى كيدا انى فاضلى ايه او فاضلى وقت اد ايه و شكرا للجميع

 

 

[Archit]

اقتباس المشاركة الأصلية كتبت بواسطة titoz مساء الخير يا جماعه و مبروك للجميع انا بس عندى تسائل وصلنى بعد Medical results have been received . وصلنى بعدها يوم 27/4/2013 . We started processing your application معنى كيدا انى فاضلى ايه او فاضلى وقت اد ايه و شكرا للجميع

كدا مش فاضلك غير طلب الباسبورت ألف مبروك هانت
Medical results have been received وصلتك بعد أد ايه من عمل المديكال

 

 

[titoz]

اقتباس المشاركة الأصلية كتبت بواسطة Archit كدا مش فاضلك غير طلب الباسبورت ألف مبروك هانت Medical results have been received وصلتك بعد أد ايه من عمل المديكال

اشكرك كثيرا جدا بسس فى اصدقاء لى اطلب منهم الباسبور بعد ثلاثة ايام و صديق اخر بعد اسبوعين و انا بألى 17 يوم فا كنت بسئل كيدا طبيعى ولا ايه . انا جالى نتيجة الميديكال بعد شهر بالضبط