أول يوم مدرسة

[دموع الورد]

الصحف المصرية والعربية

ايه التوبيك اللى زى العسل ده

بجد المشاركات كلها لذيذة وضحكتنى جدااا

انا بقى مش فاكرة اول يوم ده خاالص كل اللى فاكراه انى كنت بكره المدرسة مووووت فى الابتدائى خاصة اول سنتين

وياباى على المدرسة فى الشتا والصحيان بدرى


وفاكرة ان كان فيه برنامج اسمه صباح الخير يامصر على القناة الاول وكانت القناة بتستفتح بيه بعد قطع الارسال بعد الفجر

المهم كانوا داائما يجيبوا اغنية ام كلثوم ياصباح الخير ياللى معانا حوالى الساعة 7,30 الصبح فى الحدود دى يعنى
كنت اسمعها يجيلى اكتئاب حاد
والاقى ماما بتحضر الفطار وسندوتشات وانا اعييييط

واعييييط

خلاص كفاية كده عياط بقى

 

 

[دموع الورد]

اقتباس المشاركة الأصلية كتبت بواسطة ضبش بمناسبة يعنى اننا جبنا سيرة أولى ابتدائى كانت أكبر مشكلة عندى هى الصحيان بدرى فى الشتا .. الدنيا كانت بتبقى تلج . وأسوأ خطوة كانت تغيير الهدوم . الدقيقة اللى بقلع البيجامة والبس هدوم المدرسة فيها كان جسمى بينشف المهم أبو الضبابيش عمل حيلة ظريفة أو علشان يتفادى تبديل الهدوم الصبح كنت بالبس البنطلون والقميص والبلوفر بتوع المدرسة من بالليل قبل مانام والبس فوقهم البيجامة ولما أصحى الصبح أغسل وشى وأخلع البيجامة وبكده أبقى جاهز طوالى وتفاديت السقعة اللى غاب عن دماغى ساعتها انى كان ممكن أنام بالجزمة كمان علشان أبقى جاهز 100% وعلشان ماحدش يتريق الموضوع ده ماستمرش كتير .. هو بتاع شهر بس

اقتباس المشاركة الأصلية كتبت بواسطة بنت الشاطئ ايه دة انا مش فاكرة اكلت ايه امبارح يبقى حفتكر اول يوم مدرسه ازاااااااااى كل اللى افتكرة عن المرحله دى انى فى اولى ابتدائى كنت دايما بضيع الشنطه واروح من غيرها ومش بعرف سيبتها فين وامى تشتريلى واحدة جديدة واخر مازهقت منى فصلتلى قماشه وعملتهالى شنطه وكانت عرة قوى ودى الوحيدة اللى ماضعاتش منة مش عارفه ليه بس افتكر انى كنت بحب المدرسه جدا وبزعل لما ييجى الصيف

:h ysterical:

 

 

[مزاياإنسانة]

اقتباس المشاركة الأصلية كتبت بواسطة دموع الورد ايه التوبيك اللى زى العسل ده بجد المشاركات كلها لذيذة وضحكتنى جدااا انا بقى مش فاكرة اول يوم ده خاالص كل اللى فاكراه انى كنت بكره المدرسة مووووت فى الابتدائى خاصة اول سنتين وياباى على المدرسة فى الشتا والصحيان بدرى وفاكرة ان كان فيه برنامج اسمه صباح الخير يامصر على القناة الاول وكانت القناة بتستفتح بيه بعد قطع الارسال بعد الفجر المهم كانوا داائما يجيبوا اغنية ام كلثوم ياصباح الخير ياللى معانا حوالى الساعة 7,30 الصبح فى الحدود دى يعنى كنت اسمعها يجيلى اكتئاب حاد والاقى ماما بتحضر الفطار وسندوتشات وانا اعييييط واعييييط خلاص كفاية كده عياط بقى

خلاص كفاية عياط
حتغرقي التوبيك والمنتدى كله ماكنش يوم وأفتكرتيه يا حبيبتي
أنا عكسك تماما كنت بحب أسمع البرامج دي وإحنا رايحين المدرسة بس ده لما كنت سنة 6 والمرحلة الإعدادية والثانوية
كنا بنسمع برضه أم كلثوم وأغنية صباح الصباح فتاح ياعليم بس مش عارفة مين بيغنيها
أعتقد سيد درويش
وأغنية طلعت يا محلا نورها شمس الشموسة
وكان فيه برنامج إسمه أرضنا الطيبة برضه فيه أغنية أحرث وأزرع أرض بلادك تلقى خير ____________ نسيت الباقي

 

 

[دموع الورد]

اقتباس المشاركة الأصلية كتبت بواسطة مزاياإنسانة خلاص كفاية عياط حتغرقي التوبيك والمنتدى كله ماكنش يوم وأفتكرتيه يا حبيبتي أنا عكسك تماما كنت بحب أسمع البرامج دي وإحنا رايحين المدرسة بس ده لما كنت سنة 6 والمرحلة الإعدادية والثانوية كنا بنسمع برضه أم كلثوم وأغنية صباح الصباح فتاح ياعليم بس مش عارفة مين بيغنيها أعتقد سيد درويش وأغنية طلعت يا محلا نورها شمس الشموسة وكان فيه برنامج إسمه أرضنا الطيبة برضه فيه أغنية أحرث وأزرع أرض بلادك تلقى خير ____________ نسيت الباقي

يوم ايه دول سنين من المعاناة

انا بقى مع انى بحب ام كلثوم جداا واحب اسمعها لكن الاغنية دى ياصباح الخير ياللى معانا بالذااااااات الى الان لما بسمعها بتجبلى العصبى والاكتئاب لانها مرتبطة عندى بالفترة دى

وبمناسبة البرامج كان فى اغنية طبعا الكل عارفها كانت بتيجى يوميا فى صباح الخير يامصر
عايزينها تبقى خضرا الارض اللى فى الصحراا .... لحد مانشفت لابقت خضرا ولا حتى زرقاء
ودى برضو من ضمن الاغانى اللى كانت بتنكد عليا لما بسمعها والحمد لله انها مبقتشى تيجى دلوقتى على ما اظن

اييييييييييييييييييييييييييييه كانت اياام