عايزة مساعده عاجلة و نصائح ديكورية

[كريم يوسف]

الصحف المصرية والعربية

اسمي كريم يوسف اخو د.حسام ...اسف لضالة معرفتي بالمنتديات ....ولتاخري في الرد علي حضرتك.....كما تفضل اخي الاكبر وطلب مني...
ابدا بتوجيه نظر حضرتك الي ان الفصل في الفراغات يتعلق بمجموعة من العوامل ...علي سبيل المثال ...
*ابعاد الفراغ ...يعني المكان اللي حضرتك تريدي تقسميه ابعاده كام في كام متر ولو تقريبا
*ارتفاع الفراغ ....وشكل الاسقف والارضيات ...يعني لو الفراغ عالي مينفعش اعمل تقسيم علي ابعاد قليلة ...والا يشعر الانسان بالانضغاط او حتي بعوامل الرهبة كما في دور العبادة والمحاكم ....ببساطة هتحسي انك عايشة في بئر...
*نوع النشاط المسخدم لكلا الفراغين وماهية التقسيم ....يعني لو حضرتك حابة تعملي غرفة مثلا ...هتحتاجي عزلة وانغلاق تام لو كانت غرفة لبنات حضرتك مثلا ....ساعتها لا يصح سوي البناء بالطوب ...اما لو شاب واحد ...او غرفة نوم لضيوف ليست بالضرورة اشغالها ...ممكن تقومي بعمل الفصل الغير تام اما بابواب منزلقة او كما تسمي ابواب جرارة ...او الفصل الاخف باستخدام part ion او فواصل
اما لو الغرف لمكان متعدد الاغراض زي مكان لمذاكرة وممكن يتحول لغرفة معيشة او حتي صالون كبير مفتوح علي بعضه لاستقبال احتفال ما ....فالانسب الفواصل الديكورية ...ومنها ما هو حديث جدا ....مثلا يوجد فاصل كلوح زجاجي له جزيء ميكانيكي وهيدروليكي يبدو شكله كمسطح ماء او شلال رقراق علي اللوح الزجاجي ...مما يحافظ علي اتساع الفراغ ...وفي نفس الوقت يحقق تقسيمه وتوفير شيء من الخصوصية
*الميزانية والتكاليف المادية ....موضوع هام جدا عليكي سيدتي تقدير ميزانية لان عالم الديكور والخامات والاكسسوارت شديد التباين ومليء بالتباديل والتوافيق ....في الاشكال والاحجام ....والاهم في الاسعار....والفوارق مهولة
يوجد نوعا من الرخام في حدود 60 جنيها للمتر المربع ....كما يوجد نوع من الرخام في حدود تتجاوز العشرة الاف جنيه للمتر المربع ....
* واخيرا وهو الاهم ....الطراز والدراسات النفسية والجمالية ....وتلك العوامل الثلاثة هي الصعوبة في فنون العمارة الداخلية ...وللاسف لا يعرفها سوي قلة من المتخصصون ....وشرحها يطول ...ولكنها ببساطة تتجلي في فن كفن الفونج شوي مثلا ...بان فراغا ما يعيش فيه الانسان بشكل معين وابعاد معينة وخامات والوان .....الخ الخ ....قد يحيل حياة الانسان جحيما ...وتتسبب في اصابته بامراض عضوية او نفسية ....( السجن تعذيب معماري )...واماكن اخري تاثيرها العكس...الراحة النفسية في المساجد ...او في اماكن عن غيرها ...وعلي كل ...لو استطعتي حضرتك ان تمديني برسما كروكيا لشكل الفراغ ....معه ابعاده باستخدام متر معدني يمكن شراؤه من اي محل موان ....استطيع تحديد الكيفية المثلي لحضرتك ....في وضع فاصل بالمكان واين وكيف علي ضوء ما سبق من عوامل ...وبالمجان
واسف للاطالة

 

 

[!! Lidooooo !!]

مرحبا بالغالي اخو الغالي

منور يا باشمهندس كريم

 

 

[كريم يوسف]

اشكرك يا سيد ليدو ...بعتذر جدا يا جماعة ....معرفتي بالمنتديات صغر تقريبا ...وقتي كله في الفيس بوك ...ضيع مني رحلة المنتديات

 

 

[abysaleh]

اقتباس المشاركة الأصلية كتبت بواسطة Sepia هو الحل لهذه المشكلة ' حاجة من اثنين: ابواب منطبقة folding doors او ابواب جرارة sliding doors , ممكن تبحثي تحت العنوانين دول هتلاقي اختيارات لا تعد. بس عن نفسي افضل الأبواب المنطبقة لانها الاكثر عملية في رأيي . بس طبعا تكون نوعية كويسة خشب و ليس بلاستيك زي الانواع الرخيصة منها . و فيه طبعا تصميمات كثيرة بس اللي أنا بافضله (مسالة ذوق يعني) الأبواب اللي بشكل الشيش ،. هو كان بيستخدم زمان لكن دلوقت تقريبا بيعتبروه رخيص و تلاقي الناس تفضل عنه ابواب الزجاج المعشق و الزجاج المحفور.. بس أنا بالنسبة لي الشيش لو معمول بنسب كويسة (مش طولية أوي ) و طبعا خشب ًو مصنعية كويسة و لون مناسب للون الحوائط. (ابيض لو الحوائط بيضاء، لون الخشب الطبيعي لو الحوائط غوامق) بيدى شكل بسيط و غير مفتعل و في نفس الوقت أنيق للمكان ، و طبعا ده يعتبر حل مودرن يليق مع البيوت المودرن او الفرش الeclectic , بس لو البيت فرش ستيل أوي لا يفضل خليكي في الزجاج ، و نصيحتى كمان أيا كان الشكل اللي هتختريه للباب المنطبق حاولي تخللي الضلف عريضة شوية و ليست طولية زي الأبواب الأكورديون المعروفة. ده بالنسبة لرد جميل الرز بالخلطة ، ناقص يادوب جميل المسقعة و تتبيلة الفراخ و تتبيل الموزة و الفتة و الكوشري، و شوربة العدس ،هانت! *

أيوة كدا.... خلينا نشتغل

خليكي في الزجاج يا د/ فريدة.. خليكي في الزجاج

معشق محفور ملون ع البارد كله كله موجود..انتي بس تؤمري

اقتباس المشاركة الأصلية كتبت بواسطة Dr.Samo وحضرتك لو أخترتى البارتشين الزجاج ممكن تستخدمى خلفة ستائر بألوان متناسقة مع ألوان دهانات الحوائط وبكدا يمكن فتحها أثناء عدم وجود ضيوف أو إغلاقها أثناء تواجدهم ويستحسن يكون فيه كونتراست بين الدهانات والوان الستائر ، وفيه انواع من الأكريليك تشبة الزجاج ولكن لا تتكسر بسهولة او تسرطن ، وفى انواع تعتقدى انها زجاج وهى فى الحقيقة بلاستيك ، وكمان هتعمل فصل للصوت علشان الولاد يعرفوا يذكرو لو حضرتك أستخدمتى قاطوعين من الزجاج وبينهم فراغ بسيط ...بالتوفيق

ايوة كدا يا د/ سامح..... الزجاج الزجاج الزجاج.... شجعوا الزجاج

 

 

[HanyMan]

اقتباس المشاركة الأصلية كتبت بواسطة كريم يوسف اشكرك يا سيد ليدو ...بعتذر جدا يا جماعة ....معرفتي بالمنتديات صغر تقريبا ...وقتي كله في الفيس بوك ...ضيع مني رحلة المنتديات

مرحب بالغالى اخو الغالى

مداخلة حضرتك يا بشمهندس الخاصة بالتصميم المعمارى تخلينى أققولك (( شكلك فاهم يا نصة))


يا مرحب بيك يا افندم وسطينا وسيبك من الفيسبوك دة اللى عمال يوقع الرؤساء والحكام وخليك جنبنا فى الدفااااااا

 

 

[كريم يوسف]

اشكرك بشدة يا سيد ( هاني مان )...علي ترحيبك بي....
وربنا يسهل ان شاء الله وابقي معاكم ...ضيف خفيف

 

 

[حسام]

أشكر الأعزاء ليدو باشا فنان الشعب
وهانى مان باشا ملك الذوق على الترحيب بصديقي العزيز وفى نفس الوقت شقيقي كريم
نورت يا عم كريم
وان شاء الله المنتديات تعجبك بجانب الفيس بوك

 

 

[HanyMan]

اقتباس المشاركة الأصلية كتبت بواسطة كريم يوسف اشكرك بشدة يا سيد ( هاني مان )...علي ترحيبك بي.... وربنا يسهل ان شاء الله وابقي معاكم ...ضيف خفيف

تشكرنى على اية يا حاج كريم وبعدين اية سيد دى ... انا اسمى هانى مش سيد

وان شاء الله دائما معانا عضو فاعل ذى أخوك العزيز بشمهندس حسام

اقتباس المشاركة الأصلية كتبت بواسطة حسام أشكر الأعزاء ليدو باشا فنان الشعب وهانى مان باشا ملك الذوق على الترحيب بصديقي العزيز وفى نفس الوقت شقيقي كريم نورت يا عم كريم وان شاء الله المنتديات تعجبك بجانب الفيس بوك

الف شكر يا هندزة وربنا يبارك فيك وبجد انت اللى سلطان الذوق والاحترام وكلنا بنتعلم من حضرتك