Arabic Discussion Forum with a Special Interest in Travel and Immigration

بنت شعنونة · 30th September 2009, 01:02 PM

كلمة ترفعك السما
وكلمة تصيبك بالعمى
كلمة تجعلك تضحك
وكلمة تجعلك تبكي

زادت او نقصت ف هي "مجرد" كلمات
وليس لها دلالات
ف لا "انت" تكتب
ولا "انا " اقرأ

وانما هي "مجرد" كلمات

كثرت المجردات وارهقتني
ساحضر قلما شفافا لأكتب به مجرداتي
وقلما اسودا اكتب لك به ليعجبك
واخرا احمرا ليعجب الاخر
ولن انسى ان اطبق فمي
لأن المجردات ليس لها اصوات

كلام فارغ...

ana_3enady · 30th September 2009, 01:18 PM

دعوه لموضوعي

RobertInole

على فكرة

على حرف جر وفكرة اسم مجرور

لو ما ارتجعتيش عن اللي في دماغك .. انا هاخطف الموضوع وأطلب فيه فدية عبد الغني

مالك .. ايه الوش الخشب ده

روقي كدة

على طول قفلتي واحد وفتحتي التاني .. طب كنتي كملي الأولاني

روق .. مش مستاهلة

بنت شعنونة · 3rd October 2009, 01:42 AM

زمان..

كنت لما احس اني "بحب" حد كنت اقوله في وشه "انا بحبك" جدا
وكان بيبقى فاهمني كويس
عشان عارفني
وشايفني

ماكانش الحب عندي رجل و بنت
الحب كان احساس جميل
وغالبا كنت اقصد به احبك ك "اختي" او "اخي"
ما كنتش بخاف
ما كنتش بحسبها
كنت ب اتصرف على راحتي
زي الاطفال
لو حاجا عجبته يقول حلوة
لو ما عجبتوش يقول وحشة
بدون مراوغة
بدون نفاق
بدون لف ودوران

كبرنا

و كبرت الايام فينا
وبقى صعب دلوقتي انك تقول لحد "بحبك"
لأنه ها يكون ليها الف معنى مرفوض!
مع انه المفروض
انه ليها معنى واحد فقط!

ف بقيت احسب كل كلمة
وكل حرف
وكل لفته
وكل همسة

حتى لو فكرت تقول لحد "انت لطيف" او " انت ظريف" او حتى "عسل"
بتعملها الف حساب وحساب
لأنه اكيد ها يكون ليها توابع!

وحشني اوي اكون براحتي
وحشني جدا اعبر عن اللي جوايا
سواء حلو او وحش
لكن بقى صعب جدا..

ومن هنا ل حد ما الاقي طريقة "صح" اعبر بيها..

" بحبك"

كلام فارغ...

Prof · 3rd October 2009, 07:28 AM

اقتباس

المشاركة الأصلية كتبت بواسطة بنت شعنونة


	زمان.. كنت لما احس اني "بحب" حد كنت اقوله في وشه "انا بحبك" جدا وكان بيبقى فاهمني كويس عشان عارفني وشايفني ماكانش الحب عندي رجل و بنت الحب كان احساس جميل وغالبا كنت اقصد به احبك ك "اختي" او "اخي" ما كنتش بخاف ما كنتش بحسبها كنت ب اتصرف على راحتي زي الاطفال لو حاجا عجبته يقول حلوة لو ما عجبتوش يقول وحشة بدون مراوغة بدون نفاق بدون لف ودوران كبرنا و كبرت الايام فينا وبقى صعب دلوقتي انك تقول لحد "بحبك" لأنه ها يكون ليها الف معنى مرفوض! مع انه المفروض انه ليها معنى واحد فقط! ف بقيت احسب كل كلمة وكل حرف وكل لفته وكل همسة حتى لو فكرت تقول لحد "انت لطيف" او " انت ظريف" او حتى "عسل" بتعملها الف حساب وحساب لأنه اكيد ها يكون ليها توابع! وحشني اوي اكون براحتي وحشني جدا اعبر عن اللي جوايا سواء حلو او وحش لكن بقى صعب جدا.. ومن هنا ل حد ما الاقي طريقة "صح" اعبر بيها.. " بحبك" كلام فارغ...

ده مش كلام فارغ.. كلام جد وجميل
بس هو.. الوعي مسئولية.. والعلم مكلف.. قاعدة عامة أعتقد

بنت شعنونة · 3rd October 2009, 01:12 PM

عندي
كان زمايلي في الكلية او ايام التكليف خصوصا كمان لأننا كنا عايشين اكلين شاربين في مبنى واحد لمدة سنتين
كانوا بيعتبروني اخت ليهم يعني كان ممكن اعمل سندوتشات لحد اشيل نبطشية حد و حد يشيلني وكانوا "كتير منهم" يتمنوا يخدموني عشان كانوا عارفين قد ايه بخاف عليهم جدا
عشان كدا لما كنت بقولهم بحبكم جدا كانت مش مخيفة عشان عارفين اني قصدي زي اخواتي
في حين كان فيه اخريات لو عملت ربع اللي بعمله ها تتفهم غلط

دا ما يمنعش انه كان فيه ناس بتفهمني غلط برضه

بس عموما وحشني الاحساس اني اعبر عن نفسي براحتي

بروف
رافع معنوياتي دائما

كلمة الوعي دي مرتبطه دائما عندي بالتقدم في العمر
لأنه كل ما بنكبر كل ما بيبقى لينا "وزن" وبيبقى صعب اوي نرجع زي زمان او نفضل حتى زي زمان
مع انه مفروض انه مافيهوش حاجا لا عيب ولا غلط ولا حرام كمان
بس اهوه
المجتمع
الناس
النوايا الشريرة بتخليك دائما في حالة تحفز
وتروح قايل في الاخر
خليني اوفر كلامي لنفسي بدل ما يجي من وراه مالا تحمد عقباه

ana_3enady · 3rd October 2009, 05:30 AM

دعوه لموضوعي

RobertInole

الحب في مضمونه هو احساس داخلي بالراحة والطمأنينة في وجود المحبوب .. تختلف درجة الحب وكيفيته حسب العلاقة المحددة مسبقا بين الطرفين وعلى ذلك يتم ايصال معنى الكلمة عند نطقها والعهدة على القائل فعليه وضع حدود لانجذاب الطرف الآخر إليه فقد تخرج الكلمة كالسهم حيث أن معظم ناس اليومين دول نحانيح

كان معكم عندي سقراط
فيلسوف الغبرة

وأهه كلام فارغ

ana_3enady · 3rd October 2009, 01:16 PM

دعوه لموضوعي

RobertInole

عبري ياختي عبري .. كلنا أذان صاغية .. وأوعدك هانفهمك صح

علشان أم يوشي بس .. ههههههههههههه

Prof · 3rd October 2009, 01:38 PM

اقتباس

المشاركة الأصلية كتبت بواسطة ana_3enady


	علشان أم يوشي بس .. ههههههههههههه

هو دلع سمر يبأة "يوشي"

بنت شعنونة · 3rd October 2009, 01:41 PM

بنتي اسمها هيا وبدلعها يوشي

بس ام "سمر" دي اسم اطلقه عليا احد معلمين الوكالة ايام محل الخضار

اطلعله الطلعه دي يا عندي
شكله ما قراش الموضوع

Prof · 3rd October 2009, 02:10 PM

اقتباس

المشاركة الأصلية كتبت بواسطة بنت شعنونة


	بنتي اسمها هيا وبدلعها يوشي ... بس ام "سمر" دي اسم اطلقه عليا احد معلمين الوكالة ايام محل الخضار اطلعله الطلعه دي يا عندي شكله ما قراش الموضوع

قريته

بس دي طريقة لاستخراج المعلومات من الزبون

أصل ما عرفش ليه تصورت ان "يوشي".. دلع "أوشين"..

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
حازم صلاح ابو اسماعيل..عيب على شيبتك!	شؤون مصر الداخلية	د. يحي الشاعر	409	32074	3rd April 2012 09:34 PM
حشيش..مش نافع كدا على فكرة وانا ابتديت اتنرفز..!!	إقتراحات ... مشاكل تقنية	Rapt	27	3956	31st March 2012 04:25 AM
"حظ سعيد" خدت قفا على سهوة..!	صحافة ... إعلام ... سينما ومسرح	بنت شعنونة	0	1534	29th March 2012 09:05 PM
اضحك..كركر..او..الطم مع مرشحين الرئاسة!!	موضوعات عامة ... موضوعات خفيفة ... منوعات	rgydaa	83	14215	10th March 2012 07:21 PM
عايزة مساعدة عااااجلة :))	موضوعات عامة ... موضوعات خفيفة ... منوعات	بنت شعنونة	8	5559	2nd March 2012 01:13 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلام فارغ...	بنت شعنونة	أدب وشعر وقراءات متنوعة	7	3rd September 2011 01:48 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

أدب وشعر وقراءات متنوعة

كلام فارغ..