عايز اتعلم البرمجة او اى حاجة محترمة

[dede_alkady]

الصحف المصرية والعربية

اقتباس المشاركة الأصلية كتبت بواسطة hoppa الكتاب مضغوط يا ديدى لو عندك برنامج winrar او winzip لفتحه و فك الضغط هتلاقى مجلدين مجلد للكتاب و هو من نوع pdf و مجلد للامثلة و الأكواد المرفقة معاه

قبل الضغط لما بفتح الكتاب بطلع امر خطأ فى الضغط
ولما بفك الضغط مش بلاقى الكتاب اصلا
المشكله ان الكتاب ده كان عندى وبعد كده عملت فورمات الهارد واتمسح

 

 

[hoppa]

و لا يهمك انا رفعت لك الكتاب و هو مش مضغوط

ده الكتاب التانى لكن هو بيشرح VB.NET و طبعا يفترض ان القارئ ملم بالفيجوال بيزك الاصدارات السابقة اللى ممكن ناخد فكرة عنها من الكتاب الأول..و ايضا الكتاب عربى و معاه بعض الامثلة

اضغط هنا للتحميل

 

 

[MFaisal]

اقتباس المشاركة الأصلية كتبت بواسطة Abu Youssef الأخ ضبش انا بقى مش هانصحك تدى حقن أنا هانصحك بجد بحاجات أعتقد أنها مفيدة بص يا سيدى لو انت عايز تبتدى تدخل المجال وانت معاندكش حتى فكرة مسبقة يعنى أعتقد الموضوع ده ممكن يكون صعب شوية بس أكيد هو مش مستحيل وأنا شخصياً ممكن أدعمك فيه باللى انت تحتاجه . بص يا سيدى بما انك محاسب فأنا هانصحك فى شوية حاجات ليها ثقلها وفى نفس الوقت ممكن بعد كده تطور من حالك لغاية أما تكون مبرمج "ولو انى باقول اللى بيشتغل بالحاجات دى مش محتاج انه يكون مبرمج لأى حاجة تانية بعد كده" وممكن تغير رأيك وتفضل فيها لأنها من الحاجات القوية جداً فى مجالها وعلى فكرة فيها برضه شوية برمجة أنا بانصحك تشتغل ما يسمى بـ ERP Enterprise Resources Planning ودى أنظمة ممكن نقول عليها شبه جاهزة لإدارة الموارد الخاصة بأى مؤسسة أو شركة وده طبعاً من وجهة النظر المالية وفيه باكيجز جاهزة وقوية جداً بس يمكن التريننج بتاعها مكلف شوية بس على فكرة كل اللى بيشتغل بالباكيجز دى بيطلب فى الشغل سواء فى مصر أو خارج مصر ومنها Oracle E-Bussines Suite https://en.wikipedia.org/wiki/Oracle_E-Business_Suite JDEdwards https://en.wikipedia.org/wiki/J.D._Edwards SAP https://en.wikipedia.org/wiki/SAP_AG MS Great Plains https://en.wikipedia.org/wiki/Great_Plains_(accounting) لف لفة على اللينكات اللى فاتت وقولى أيه رأيك ولو كتبت اسمائهم فى جوجل هاتلاقى حاجات كتير بتتكلم عن الباكيجز دى دومت بخير

أولا : شكرا على الأهتمام يا أبو يوسف

ثانيا : ممكن تشرحلى فكرة البرامج دى واستخدامها ؟؟ ( بس بلغة بسيطة ) لأنى مش قادر أفهم بالظبط برضه الغرض منها .. وهل تستخدم فى جمي الشركات ولا فى الشركات كبيرة الحجم بس ؟

ثالثا : أى واحد من البرامج دى أكثر شهرة وأكثر طلب عليه ؟؟ ودراسة البرنامج ده ممكن تتكلف كام ؟؟

رابعا : هل مطلوب انى أدرس أى حاجة تانية قبل ما أبدأ فى البرامج دى ؟؟

خامسا والأهم : هل مستخدمين البرامج دى مطلوبين بكثرة ؟؟ وعموما مرتباتهم بتبقى كويسة ؟؟

آسف على التطويل بس أنا بجد عايز أفهم بدل ما أحاول أدرس فى مجال معين وبعد ما أبذل وقت ومجهود أكتشف ان كان ممكن فى مجال تانى أفضل

 

 

[حسام]

اقتباس المشاركة الأصلية كتبت بواسطة ضبش انا معاك يا معلم حشيش .. السكة منين ؟ تقصد تصميم وبناء مواقع الكترونية ؟ يعنى يا عم حسام التخصص ده حلو ومطلوب وبيأكل عيش ؟؟ انت عارف الفلوس اهم حاجة ..

الاقبال متزايد جدا على بناء مواقع على النت
ولو اتعلمت
هتقبض بالدولار
أظن مافيش دافع أكتر من كدة بقى

 

 

[MFaisal]

اقتباس المشاركة الأصلية كتبت بواسطة حسام الاقبال متزايد جدا على بناء مواقع على النت ولو اتعلمت هتقبض بالدولار أظن مافيش دافع أكتر من كدة بقى

اللى انا خايف منه ان موضوع بناء مواقع الأنترنت ده بقى منتشر أوى يا حسام .. وبقى فيه برامج بتساعد وفرم جاهزة وشوية شوية هتلاقى كل واحد بيعمل موقع بنفسه

 

 

[حسام]

مش للدرجة دي
هوة سهل اه
بس مش لدرجة دي
شوف مستعملى النت فى مصر فى ازدياد قد ايه
وشوف زيادة الاقبال على النت فى العالم كله بقت قد ايه
لو انت غاوى
وهتقدر دوس فى القصة دي
وربنا هيكرمك
اخوك حسام

 

 

[O.S.A.M.A]

اقتباس المشاركة الأصلية كتبت بواسطة ضبش أولا : شكرا على الأهتمام يا أبو يوسف ثانيا : ممكن تشرحلى فكرة البرامج دى واستخدامها ؟؟ ( بس بلغة بسيطة ) لأنى مش قادر أفهم بالظبط برضه الغرض منها .. وهل تستخدم فى جمي الشركات ولا فى الشركات كبيرة الحجم بس ؟ ثالثا : أى واحد من البرامج دى أكثر شهرة وأكثر طلب عليه ؟؟ ودراسة البرنامج ده ممكن تتكلف كام ؟؟ رابعا : هل مطلوب انى أدرس أى حاجة تانية قبل ما أبدأ فى البرامج دى ؟؟ خامسا والأهم : هل مستخدمين البرامج دى مطلوبين بكثرة ؟؟ وعموما مرتباتهم بتبقى كويسة ؟؟ آسف على التطويل بس أنا بجد عايز أفهم بدل ما أحاول أدرس فى مجال معين وبعد ما أبذل وقت ومجهود أكتشف ان كان ممكن فى مجال تانى أفضل

اخى العزيز ضبش

فكرة البرامج دى بمنتهى البساطة هيا برامج بيزنس يعنى برامج ممكن نقول عليها برامج ماليه من أول تصميم ما يسمى ب Organization Charts والعملاء والموردين والقيود المحاسبية وكل اللى انتا عارفه فى علم المحاسبة وكمان تصميم التقارير من خلال هذ الأنظمة وممكن من خلالها أنها تبتدى عالم البرمجة من خلال تصميم بعض الشاشات المساعدة أو التقارير

وكلها بصراحة قوية بس يمكن الفترة اللى فاتت زاد موضوع الجريت بلينز بتاع ميكروسوفت لدرجة انه بقى ليه منتديات ادخل المنتدى ده وقولى شوفت ايه

https://www.gp4arab.com/forum/

العاملين على البرامج دول رواتبهم من أعلى الرواتب ومش هابالغ لو قولتلك ان رواتبهم تفوق رواتب المبرمجين على الأقل فى الخليج
وهاحاول اشوفلك مين اللى بيديها وبتتكلف كام لأنى للأسف مش قاعد فى مصر
وانا طبعاً باشجعك انك تجمع اكبر قدر من المعلومات قبل ما تقرر هاتعمل ايه
وليك منى خالص التحية والتمنيات بالتوفيق

 

 

[MFaisal]

اقتباس المشاركة الأصلية كتبت بواسطة Abu Youssef اخى العزيز ضبش فكرة البرامج دى بمنتهى البساطة هيا برامج بيزنس يعنى برامج ممكن نقول عليها برامج ماليه من أول تصميم ما يسمى ب Organization Charts والعملاء والموردين والقيود المحاسبية وكل اللى انتا عارفه فى علم المحاسبة وكمان تصميم التقارير من خلال هذ الأنظمة وممكن من خلالها أنها تبتدى عالم البرمجة من خلال تصميم بعض الشاشات المساعدة أو التقارير وكلها بصراحة قوية بس يمكن الفترة اللى فاتت زاد موضوع الجريت بلينز بتاع ميكروسوفت لدرجة انه بقى ليه منتديات ادخل المنتدى ده وقولى شوفت ايه https://www.gp4arab.com/forum/ العاملين على البرامج دول رواتبهم من أعلى الرواتب ومش هابالغ لو قولتلك ان رواتبهم تفوق رواتب المبرمجين على الأقل فى الخليج وهاحاول اشوفلك مين اللى بيديها وبتتكلف كام لأنى للأسف مش قاعد فى مصر وانا طبعاً باشجعك انك تجمع اكبر قدر من المعلومات قبل ما تقرر هاتعمل ايه وليك منى خالص التحية والتمنيات بالتوفيق

ربنا يخليك يابو يوسف ويجازيك خير

بجد انت شخص محترم والله ..

بس فى عندى سؤال .. انت بتقول ان البرامج دى مالية للقيود والتقارير والعملاء والموردين وغيره ...

طيب البرامج دى تفرق ايه عن ال peatchtree وال quickbooks مع العلم انى أخدت دورة فى البرنامجين الأتنين وتقريبا فيهم نفس المميزات دى ؟؟؟

ثانيا .. عايزك ترشحلى اسم برنامج واحد الأشهر من دول بحيث أركز عليه وأبدا أحاول انزله واذاكره self study فى البداية ..

ثالثا : ده سؤال شخصى لو حضرتك ما تمانعش .. انت مجال شغلك فى ايه بالظبط ؟؟ أصلى حاسس ان ليك علاقة بالمحاسبة ؟؟


* على فكرة .. أنا لسة فى الكلية

اقتباس المشاركة الأصلية كتبت بواسطة حسام مش للدرجة دي هوة سهل اه بس مش لدرجة دي شوف مستعملى النت فى مصر فى ازدياد قد ايه وشوف زيادة الاقبال على النت فى العالم كله بقت قد ايه لو انت غاوى وهتقدر دوس فى القصة دي وربنا هيكرمك اخوك حسام

الف شكر يا عم حسام ... بس اسمع انت كلام أبو يوسف اللى فوق ده بيقولك الموضوع ده فلوسه احسن من المبرمجين شكلك كده انت اللى ممكن تغير الصنعة

 

 

[حسن]

السلام عليكم ورحمة الله وبركاته
شوف يا ضبش
اذا كنت عاوز تكون مخطط برامج وتستفيد من دراستك المحاسبية مفيش قدامك غير الأوراكل يعني بالعربي انسى اي برامج تانية وخصوصا برامج ميكروسوفت
وعلشان تتعلم الاوراكل قدامك طريقين
الاول قاله لك اخونا ابويوسف وهو انك تتعلم على باكج جاهز من الاوراكل واسمه Oracle E-Bussines Suite
ومهتمه انه بيعمل كل حاجة للمؤسسات والشركات من طق طق لحد الميزانية العامة
اما الطريق التاني فهو انك تتعلم اوراكل برضه بس تتعلم عن طريق قواعد بيانات وديفيلوبر وريبورت يعني انت تصمم كل حاجة بنفسك وحسب احتياجاتك
حقولك على مواقع تقدر تستفيد منها
اول موقع
www.oracle.com ودا الموقع الرئيسي وتقدر تسجل فيه وتنزل منه oracle db 10g + oracle developer 10g + reports
او انك تقدر تشتريهم او تنسخهم من اي حد تعرفه
والمواقع الجاية دي حتتعلم فيها ازاي تسطب الاوراكل وتبدأ الشغل عليه
https://www.araboug.org/ib/index.php?act=idx

https://arabopn.com/vb/

واذا احتجت اي خدمة اخوك حسن موجود

تحياتي

 

 

[O.S.A.M.A]

اقتباس المشاركة الأصلية كتبت بواسطة ضبش ربنا يخليك يابو يوسف ويجازيك خير بجد انت شخص محترم والله .. بس فى عندى سؤال .. انت بتقول ان البرامج دى مالية للقيود والتقارير والعملاء والموردين وغيره ... طيب البرامج دى تفرق ايه عن ال peatchtree وال quickbooks مع العلم انى أخدت دورة فى البرنامجين الأتنين وتقريبا فيهم نفس المميزات دى ؟؟؟ ثانيا .. عايزك ترشحلى اسم برنامج واحد الأشهر من دول بحيث أركز عليه وأبدا أحاول انزله واذاكره self study فى البداية .. ثالثا : ده سؤال شخصى لو حضرتك ما تمانعش .. انت مجال شغلك فى ايه بالظبط ؟؟ أصلى حاسس ان ليك علاقة بالمحاسبة ؟؟ * على فكرة .. أنا لسة فى الكلية الف شكر يا عم حسام ... بس اسمع انت كلام أبو يوسف اللى فوق ده بيقولك الموضوع ده فلوسه احسن من المبرمجين شكلك كده انت اللى ممكن تغير الصنعة

اخى العزيز ضبش بص يا سيدى
الأول الفرق بين اللى قولت عليهم دول وبرامج زى البيتش ترى وما شابه أن الباكيجز اللى بقولك عليهم دول "واطلع منها انت يا حوسحوس" هيا ممكن نقول عليها برامج شبه جاهزة بس فيها برمجة غير البيتش ترى يعنى بيزنس سويت بتاع أوراكل فيه برمجة بالأوراكل وفيه كمان بالجافا والساب كمان... يعنى بتستخدم أداة تساعدك على الإنتاجية بكفاءة وبتساعدك على التطوير والبرمجة
وفرقهم طبعاً عن البرامج اللى انت قولت عليهم غير كده قوتهم الشديدة يعنى المنشآت الكبيرة لو معندهاش شغل إن هاوس يعنى هيا اللى عملاه بيكون البديل القوى بالنسبة ليها أحد الباكيجز دى لكن البيتش ترى وما شابه مش للمؤسسات اللى بالحجم الكبير
وأنا يا سيدى مجال شغلى مدير مشروعات برمجية وباشتغل فى المجال بتاع الIT ده بقالى دلوقت داخل على 19 سنة وأنا حالياً رئيس وحدة تطوير النظم بوزارة الأوقاف القطرية - وباشتغل تحديداً فى برامج ال ERP بس احنا اللى بنعملها مش بنعتمد على البرامج الجاهزة وأنا فى الأصل ياسيدى مهندس وكنت محاضر فى جامعة القاهرة
وعلى فكرة انا فى بدايتى فى العمل اشتغلت فى برامج المالتى ميديا بس البرامج اللى من النوع ده ممكن تلاقى شغل فيها بسهولة بس مش هاتحصل فيه راتب كبير
وعلاقتى بالمحاسبة وموضوع البيزنس بالخبرة الطويلة فى المجال يعنى أنا كان ليا شغل كتير فى مصر مع مكاتب محاسبة كبيرة وعملت فى فترة عز أرثر أندرسون نظام خاص بيهم من خلال شركة فى مصر

وعلى فكرة انا شخصياً اشتغلت كتير مع ال جى دي أدواردز والبيزنس سويت وطورت فيهم كمان والميزة على فكرة فى البرامج دى بالنسبة لينا هو الأفكار مش الباكيج نفسها

دومت بخير يا ضبش وربنا يوفقك