جريمة قتل في بيت الجيران

[مودة]

الصحف المصرية والعربية

دعوه لموضوعي

مدونة مودتي بلا حدود

ماتريكس انا بقول ان اسلوبك ماشاء الله رائع بيفكرني بالقصص دي
مش بشكك في مصداقيتك ليه فهمت كلامي كده;-(

 

 

[Matrix]

دعوه لموضوعي

أطلق العنان لمشاعرك ، كن إنسان.

طبعاً بدون المرور بتفاصيل قلقي على أسرتي وخوفي أن الاطفال الصغيرين يحسوا بأي خوف او ان فيه حاجة مش مظبوطة وخاصة اني مش موجود.

المهم حاولت أخلص شغلي بأسرع وقت ورجعت بدري شوية وبقيت محتار جدا ومش عارف أعمل أيه.
جمعت أصحابي علشان أخد رأيهم ومشورتهم ..اللي قاللي كبر دماغك مالكش دعوة بوجع الدماغ ده...الراجل بريطاني ولا حد هيقدر يقربله.....ومنهم اللي خوفني ان رجلي ممكن تيجي في الموضوع....واللي نصحني أشوف حد معرفه في الشرطة وأخده أروح معاه لبتوع البحث الجنائي أشرحلهم اللي أعرفه.

ما بين التردد يمين وشمال والحيرة والخوف من وجود رقم تليفون مراتي متسجل في موبايلها مر حوالي أسبوع وبدأ الموضع يهدا شوية وبدأنا نعرف معلومات من السكان التانيين إنها كان عندها صرع وانها وقعت بطريقة غلط على الأرض وقعة موتتها - علشان كده كان فيه أنابيب أوكسجين قدام البيت- مع اني ما اعرفش أيه علاقة الصرح بانابيب الأكسجين بس ده كان كلام واحدة من الجيران.

المهم الجيران فيه بينهم همس أن جوزها قتلها وناس تانية تقول انها وقعت وماتت.

المهم الزوج لا راح السجن ولا راح أي حته ...كلها يومين ورجع بيته تاني....قعد كم شهر ...خلص إيجاره ونقل خالص من الكمبوند.



بصراحة أنا ماعملتش أي حاجة ولا تحركت ولا بلغت ولا قلت على موضوع الموسيقى اللي مراتي قالتلي عليه ...لأني محدش كان هيسمع كلامي لأني كنت خارج المملكة وقتها وهيكون كلام مراتي هو الأهم لأنها هي اللي قابلتها وهي اللي سمعت الموسيقى بالليل....وطبعا أنا ما احبش مراتي تروح ويستجوبوها.

انا فضلت تعبان جدا نفسيا وكنت بابكي كل ما أفتكر الموضوع وحاسس ان فيه أنسانه ربما تكون ماتت في الغربة بعيداً عن أهلها وبهذة الطريقة القذرة وإنه كان فيه فرصة أنقذها لو كان عندي شوية مخ وجرأة وإهتمام بالأخرين........مرت فترة صعبة جداً ومازال يؤرقني جداً هذا الموضوع ويؤرق زوجتي.

السؤال: هل قصرنا ونتحمل جزء من المسئولية.....وماذا تفعل لو كنت مكاني في هذا الموقف.
هذا الموقف شخصي وحقيقي ولا توجد تفصيلة واحدة فيما ذكرت مختلفة عما حدث فعلاً.

 

 

[Matrix]

دعوه لموضوعي

أطلق العنان لمشاعرك ، كن إنسان.

خلاص خلصت الحكاية.
اوعي حد يمشي قبل ما يقولي ,,لو كان في الموقف ده كان المفروض يعمل أيه؟
وهل انا اتحمل جزء من المسئولية؟

ولا هي حكاية سمعناها وخلاص...

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس المشاركة الأصلية كتبت بواسطة مودة ماتريكس انا بقول ان اسلوبك ماشاء الله رائع بيفكرني بالقصص دي مش بشكك في مصداقيتك ليه فهمت كلامي كده;-(

لأ ,,,,أصل انا كتبتها دلوقت حالا بتلقائية مباشرة ,,شوية عامية على شوية فصحي وكنت خايف أصلا محدش يفهم من سرعة الكتابة.

بس إتفاجأت انك بتقولي أجاثا كريستي,,,,,فبصراحة شكيت في نفسي.

 

 

[مودة]

دعوه لموضوعي

مدونة مودتي بلا حدود

هون على نفسك ماتريكس
كل اعتقادك مجرد ظنون ليس لها اثبات او دليل يقيني
واكيد لو في شبهة قتل كان ظهر ده في التحقيقات

 

 

[Eng Hesham]

وانا مع موده
لو الموضوع جنائى كان ظهر فى التحقيقات
بس موضوع انابيب الاكسوجين دى ممكن تكون مرض بس مش صرع .. على ما اعتقد يعنى

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس المشاركة الأصلية كتبت بواسطة nash طريقه سرد محترفين ماشااااااااء الله

لأ ,,ما ينفعش نقرأ الحكاية لمجرد المتعه ونمشي.
مطلوب رأيك وتحليلك وتصرفك لو كنتِ في نفس الموقف.
انا بجد محتاج أعرف أنا قصرت ولا أي حد كان هيتصرف كده.

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس المشاركة الأصلية كتبت بواسطة مودة هون على نفسك ماتريكس كل اعتقادك مجرد ظنون ليس لها اثبات او دليل يقيني واكيد لو في شبهة قتل كان ظهر ده في التحقيقات

طيب والضرب اللي في وشها وحالة البؤس اللي كانت فيها والعياط والموسيقى العالية ليلة موتها,,,مش كل دي مؤشرات أن فيه حاجة غلط كانت بتحصل..وكان المفروض تدخل في الوقت المناسب ....ولا أي حد كان هيتصرف ذيي ولا أيه.

 

 

[nash]

شخصيا وبحق وحقيقي ومن غير كذب ومن غير إدعاء وبكل صدق .... ماكنتش هاعمل اكتر من اللي أنت عملته ... وخصوصا ان البحث الجنائي في الوطن العربي مشهور بذكاءة الخارق وتلبيس القضيه ( لو فيه شبهه جنائيه ) في اقرب واحد علي الأيد الشمال وأنت داخل مكتب سعاده الباشا

 

 

[إكرام يوسف]

بص يا ماتريكس.. أوعى تكون من النوع اللي بيقول ياترى أنا غلطت واللا لأ ولو حد قال له آه يزعل.
على العموم حاقول لك رأيي وأمري إلى الله.. لو أنا مكانك كنت حاقول كل اللي أعرفه للشرطة.. وحتى لو حيستجوبوا مراتك ما انت حتكون معاها.. لازم أحط نفسي مكان المسكينة دي.. أو أعتبرها واحدة قريبتي أو تهمني.. ومادام عندي أي شك أبلغ وابقى عملت اللي عليا وخلصت ذمتي.. مش يمكن يكون الشخص ده مجرم مثلا.. ويمارس إجرامه على حد تاني بعد كده.
أنا قلت اللي يخلص ذمتي من ربنا.. أوعى تزعل.. وانت على فكرة جواك حاجة حاسة بالذنب بس عايزنا نهديهالك.