الحلم الامريكي VS الدب الكندى

[samirhussein]

الصحف المصرية والعربية

كندا مجتمع مفتوح الشعب بيساهم بشكل كبير فى تشكيل القرار والاختيار على عكس امريكا بكل اللى بيبان فيها من انها دولة حرة بس للاسف مسيسه وتتميز بالعنصرية على عكس اللى بيظهر على الميديا

 

 

[khaled_sabry]

اقتباس المشاركة الأصلية كتبت بواسطة spider أنا بشوف إن أمريكا أفضل بسبب : 1- الجو 2- اتساع سوق العمل 3- وجود ولايات محافظة و بالتالى فهمها للقضايا الإجتماعية أقرب نسبياً لينا من كندا التعليم للاطفال - كندا أما الكبار ----- الجامعات الأمريكية أفضل ونظام التأمين الصحى ---- مفيش أسوأ من النظام الأمريكى خاصة بعد التاتش اللى حطه ترامب و المساعدات الحكوميه ---- أعتقد كندا و فرص العمل ----- أمريكا متوسط مستوى الدخل ---- أمريكا

زى ايه الولايات المحافظه دى ... لانى حاليا بفكر فى نيوجيرسى او بنسلافينيا -- بما ان كندا الملعونه راكنه ملفى لغايه دلوقتى

 

 

[spider]

اقتباس المشاركة الأصلية كتبت بواسطة khaled_sabry زى ايه الولايات المحافظه دى ... لانى حاليا بفكر فى نيوجيرسى او بنسلافينيا -- بما ان كندا الملعونه راكنه ملفى لغايه دلوقتى

زى تكساس .. هو ملفك واقف فى انهى مرحلة ؟ وصلت الـ background check و لا لسة

 

 

[mkaram]

رأيي الشخصي بعد ما وصلت أمريكا الحمد لله إن أمريكا أفضل من كندا بسبب تنوع الطقس الذي يجمع شمال أفريقيا و جنوب وشمال أوروبا

 

 

[one]

موضوع جميل بس كل واحد بيختار الي افضل من وجهة نظره وظروفه

 

 

[black_scorpion]

سلام يا خالد، هو نظام الهجرة لامريكا ايه ؟

 

 

[albahar]

وتبقي أمريكا هي امريكا ، حلم كل عربي :)

 

 

[khaled_sabry]

اقتباس المشاركة الأصلية كتبت بواسطة spider زى تكساس .. هو ملفك واقف فى انهى مرحلة ؟ وصلت الـ background check و لا لسة

ملفى مخلص الطبى من 22 ديسمبر 2016
و مش عاوزين يبداو الباكجروند اولاد الفراطيس لغايه دلوقتى
بقالى سنه كامله الملف ماحصلشى فيه اى تحديث

خلينا فى امريكا - انا فعليا دلوقتى متردد بين اورلاندو - فلوريدا علشان فيها شقيق واحد صاحبى هناك
و بين هيوستن - تكساس من كتر الكلام الحلو اللى سمعته عنها

اقتباس المشاركة الأصلية كتبت بواسطة mkaram رأيي الشخصي بعد ما وصلت أمريكا الحمد لله إن أمريكا أفضل من كندا بسبب تنوع الطقس الذي يجمع شمال أفريقيا و جنوب وشمال أوروبا

بالنسبالى كندا افضل علشان انا بحب التلج
بس امريكا فيها مجال شغلى اكتر كسوفتوير ديفولوبر
غير ان حتى هذه اللحظه ماعنديش ترف الاختيار اساسا
فملف كندا متجمد مش فاهم ليه و كل لما ابعتلهم يردو عليا برد بارد زيهم انى فى كيو المراجعه - و رقمى فى امريكا حاليا 17 الف و بالمعدل البطى اللى نشرة مصر ماشيه بيه يبقى المفروض حقابل على شهر 6 و ربنا يستر

اقتباس المشاركة الأصلية كتبت بواسطة black_scorpion سلام يا خالد، هو نظام الهجرة لامريكا ايه ؟

ولا حاجه - حته موقع بسيط بتكتب فيه البيانات الاساسيه بتاعتك و خلاص تنسى الموضوع لغايه مايو اللى بعدها

اقتباس المشاركة الأصلية كتبت بواسطة albahar وتبقي أمريكا هي امريكا ، حلم كل عربي :)

تخيل انا لغايه دلوقتى مش فاهم هى حلم ليه و لا ايه المميز فيها !!
انا قولت قبل كده انها مميزه بالنسبالى علشان مجال شغلى فيها اكتر و اندماجى فى سوق العمل حيبقى اسهل من كندا (خصوصا ان كندا حبقى مقيد بساسكتشوان فقط) لكن امريكا اكثر عنصريه بالتأكيد من كندا و لغايه دلوقتى مش عارف ليه واخده لقب ارض الاحلام !! يمكن علشان التقديم ليها مش محتاج تعب و امتحانات زى كندا و استراليا

ده غير كمان انى مش لاقى اى كوميونتى على النت فى امريكا بنفس قوة كميونتى مطاريد فى كندا - الحاجه اللى عرفتها عن امريكا هو جروب على الواتس للفائزين فى اللوترى و الحمد لله تلاقى الواحد نشط جداااا فى الجروب لغايه لما يوصل امريكا و اول لما يوصل هناك تلاقيه غير النمره لكود +1 و بعدها يختفى تماما او يسيب الجروب خالص - غير ان معظم الفائزين اللى عرفتهم مؤهلات متوسطه او دبلومات و شغالين صنايعيه و كتير منهم شباب صغير (من اول 20 سنه و انتا طالع ) و بالتالى تطلعاتهم لسوق العمل هناك او تخطيط حياتهم و اهتماماتهم مختلفه تماما عن اهتماماتى و تطلعاتى فى امريكا

 

 

[AhmedME]

امريكا اكبر و فرص عمل اكثر لكن الجريمة عالية هناك و يحق لاي شخص ان يمتلك السلاح سواء مجنون او عاقل بينما كندا ارقى وافضل كخدمات اجتماعية رغم برودة الطقس