الوحدة

[Sonesta]

الصحف المصرية والعربية

دعوه لموضوعي

ليالى المطاريد.,,,هل تعلم

ممكن تساعدونى فى الموضوع ده

لو مرت عليك الأيام وتلاقى نفسك وحيد

إيه اللى حتعمله فى حياتك

وحيد يعنى وحيد بمعنى الكلمة

يعنى مثلا إبن وحيد وبيفكر بعد إتمام دراسته بالسفر والهجرة

وطبعا ساعتها الإخوة حيكونوا ملهيين فى ولادهم وتجهيزهم

وفى الآخر عند سؤالك عنهم تكون الإجابة الدنيا تلاهى

أو ماشابه ذلك من الردود

وبلاش بالله عليكوا موضوع النادى أو التريض أو الزيارات العائلية

فالصحة معدومة والمرتب شرحه

نتكلم فى حل لجميع الفئات

إحساس الوحدة بجد مر , بشع

فى الحالة ديه والإحساس المريب ده

إيه اللى ممكن يعملله البنيآدم

 

[ana_3enady]

دعوه لموضوعي

RobertInole

وحدي الله .. عربيتك معاكي .. بنزينها فيها .. اديها زيارة اسلامية .. لفي جوامع المحروسة كلها

 

 

[نورية]

اممممممم ..
آخر واحدة ممكن تدلّك على الحل هى أنا...لإنى بنت وحيدة...و أخى الوحيد مسافر ...
بس عارفة... الخروج من وقت لآخر مع صديقاتى بيعمل زى "refresh" ....
يعنى أو بيخرّجك من الموود بتاع الوحدة القاتلة دة... بس طبعا فى الآخر بردو بترجعى للوحدة تانى...

بالله عليكم لو حد عنده حل يقولّنا ..

 

 

[ana_3enady]

دعوه لموضوعي

RobertInole

تتقابلوا انتم الاتنين وتتمشوا على البحر .. انما مافيش مفر دائم من الوحدة .. لكن ممكن سرقة بعض الوقت منها

 

 

[حلم]

تعرفى يا سونستا؟
تخيل الوحدة أصعب من الوحدة فى حد ذاتها
لما بنتخيل الوحدة بنعيش فى حالة إكتئاب وحزن عميق وبنخاف منها
أكيد الوحدة صعبة, بس مع الوقت بنتعود عليها, بل بالعكس كمان أحيانا بنستمتع بيها

الوحدة فى وجهها الآخر حرية, تشعرى أنك متحررة من كل المسئوليات من طبيخ فى الميعاد وغسيل فى الميعاد وخروج فى الميعاد ومرواح فى الميعاد.
بتقدرى تعملى دا كله بدون تحديد مواعيد وجداول وضغط أعصاب
يوم ما بتحبى تندمجى مع الناس بتخرجى أو ترفعى سماعة التليفون وتكلمى أصحابك
ووقت ماتزهقى من دا كله تقفلى على نفسك الباب وتشغلى أغنية أو موسيقى من اللى بتحبيهم
وتستدعى ذكرياتك الجميلة مع مشروب بتحبيه, وياسلام لو تطفى الأنوار وتنورى كام شمعة

تعرفى أنه عن طريق الوحدة بنكتشف جوانا أشياء عمرنا ماكنا نعرفها عننا قبل كده؟
هوايات وطباع وجنون وحاجات كتييييييييييييييرة جدا عمرنا ما تخيلنا أنها عندنا

عندك مثلا كاتبة روايات هاري بوتر, عمرها ماكانت متخيلة أنها هاتكون كاتبة أيام ما كانت بتحصل على إعانة من الدولة
وعن طريق الوحدة كتبت أول رواية لهارى بوتر, ومرة واحدة أصبحت من أغنى أغنياء إنجلترا وأكثرهم شهرة


يااااااااااااااااااااه
مافيش أجمل من الوحدة لو ماغرقناش فى جانبها المظلم

صدقيني لكل معنى ولكل شعور وجهين...خلينا دايما نحاول نشوف الوجه المضئ من الشعور

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة حلم تعرفى يا سونستا؟ تخيل الوحدة أصعب من الوحدة فى حد ذاتها لما بنتخيل الوحدة بنعيش فى حالة إكتئاب وحزن عميق وبنخاف منها أكيد الوحدة صعبة, بس مع الوقت بنتعود عليها, بل بالعكس كمان أحيانا بنستمتع بيها الوحدة فى وجهها الآخر حرية, تشعرى أنك متحررة من كل المسئوليات من طبيخ فى الميعاد وغسيل فى الميعاد وخروج فى الميعاد ومرواح فى الميعاد. بتقدرى تعملى دا كله بدون تحديد مواعيد وجداول وضغط أعصاب يوم ما بتحبى تندمجى مع الناس بتخرجى أو ترفعى سماعة التليفون وتكلمى أصحابك ووقت ماتزهقى من دا كله تقفلى على نفسك الباب وتشغلى أغنية أو موسيقى من اللى بتحبيهم وتستدعى ذكرياتك الجميلة مع مشروب بتحبيه, وياسلام لو تطفى الأنوار وتنورى كام شمعة تعرفى أنه عن طريق الوحدة بنكتشف جوانا أشياء عمرنا ماكنا نعرفها عننا قبل كده؟ هوايات وطباع وجنون وحاجات كتييييييييييييييرة جدا عمرنا ما تخيلنا أنها عندنا عندك مثلا كاتبة روايات هاري بوتر, عمرها ماكانت متخيلة أنها هاتكون كاتبة أيام ما كانت بتحصل على إعانة من الدولة وعن طريق الوحدة كتبت أول رواية لهارى بوتر, ومرة واحدة أصبحت من أغنى أغنياء إنجلترا وأكثرهم شهرة يااااااااااااااااااااه مافيش أجمل من الوحدة لو ماغرقناش فى جانبها المظلم صدقيني لكل معنى ولكل شعور وجهين...خلينا دايما نحاول نشوف الوجه المضئ من الشعور

والله يابو احميد .. لما بابقى في وحدة .. بكتشف في نفس افتراء أكتر .. وأفكار شيطانية انتقامية أكتر وأكتر .. فباستهدى بالله وارتجع

 

 

[Farida]

فعلا الوحده فى جانبها السئ و لو تعاملنا معاها بنظره سلبية فهى قاتله ....لكن زى ماقال حلم - اعجتبنى مداخلته جدا - لو نظرتى لها من جانبها الحسن فهى الحريه بعينها لا مسئوليات ولا ارتباطات سفر وقت ما تحبى ممارسة هوايات زى ما تحبى محاوله ايجاد عمل تحبيه و حطى تحت تحبيه دى خطوط ممكن تقومى به ..................
فى رأيي مافيش حاجه اسمها وحده لكن تعالى نسميه وقت فراغ ممكن تعملى فيه حاجات كتير اتعلمى حاجه جديده شاركى فى اى جمعيه خيريه او اى عمل اجتماعى و انتى مش حاتلاقى وقت تبصى فى المرايه حتى ......حاولى تتعرفى على ناس جديده ولو حتى تبحثى عن عمل جديد و ربنا يوفقك

 

 

[O.S.A.M.A]

أزيك يا بوب خدى دى
وحشانى مواضيعك يا بوب بس المشكلة أنها كلها بتيجى على الجرح والوجيعة
بصى يا ستى أنا طول عمرى وحيد يعنى ماليش أخوات مبدئياً وبكره الوحدة كره عمى
"طول عمرى عايش لوحدى "

من زمان ليا اصحاب كتير ولما اتجوزت كان أملى أن ربنا يرزقنى بولاد عشان أعوض حالة الوحدة دى
وأنا بصراحة ممكن بسبب الوحدة يجيلى أكتئاب وأتعب نفسياً وعشان كده باهرب منها على طول
وممكن زى ما تامر قال آخد العربية وأروح أى حتة وأتعرف على ناس فى المكان اللى انا رايحه
المهم أنى ماكونش لوحدى
أنا هنا ليا اصحاب كتير وكتير بنتقابل مش مهم نعلم أيه المهم أن نكون لمة
يعنى الهروب من الوحدة مش مهم خالص فيه المكان المهم الناس اللى هاتكون فى المكان

 

 

[ana_3enady]

دعوه لموضوعي

RobertInole

يا جماعة .. الوحدة لها أشكال ..

فيه وحدة في الحياة .. وحدة في التفكير .. وحدة في ممارسة هواية معينة .. وحدة في طبيعة الانسان ....... إلخ

وعموما .. الوحدة المشار اليها هي وحدة الحياة .. أي بمعنى عدم وجود رفقاء .. وحلها بسيط جدا .. ألا وهو الاندماج وسط المجتمع وتكوين علاقات .. كما أشار أبا يوسف .. أو الجمعيات الخيرية كما أشارت فريدة ..

يعني ليها حل باذن الله

كان معكم خبير وحدة عسكرية .. أ.ح/ عندي حرب

 

 

[نورية]

ساعات كتير الواحد بيكون منخرط فى شغل..و أصدقاء.. و علاقات و أنشطة إجتماعية...
و حواليه ناس كتيــــــــــــــــــــــــــر... بس بردو عنده إحساس بالوحدة...


بالنسبالى الوحدة توّلد عندى شعور كئيب و صعب... و بالعكس مش زى ما بتقولوا ممكن أبتكر فيها و أبدع فى شئ أنا أحبه...ممكن تخلّينى أهرب حتى من الهواية اللى بحبها من شدة حزنى أو إكتئابى...

إيه فائدة ما أفعله أو أصنعه بدون وجود أناس "أتونّس بيهم" يشاركونى لحظة بلحظة ما أفعله...... تؤ ... صعب..