الهـــجرة عـــــــــن طـــــــــريـــــــــــــق الدراســـــــــــــــــــــــة

[Flowers queen]

الصحف المصرية والعربية

لو سمحتو يا جماعه ايه التركات اللي بتزود قبول الڤيزا للدراسه ؟؟
posted via mobile device

 

 

[Flowers queen]

اقتباس المشاركة الأصلية كتبت بواسطة Tamer Alborhamy السلام عليكم جميعا ,, اخواني في الهجره .. من خلال تجربتي وبحثي في موضوع الدراسه في كندا توصلت للتالي : -بما ان الاكسبريس انتري اصعب من النظام القديم للي عايشين بره كندا فطريق الدراسة حل بديل لكن للي معاه فلوس - لازم تدور على دبلومة او شهادة لمدة سنة او اكتر لكن لازم تكون ليها علاقة بالتخصص و الدراسة او الشغل بتاعك عشان ممكن تتقبل في الجامعة او الكوليدج لكن تترفض فيزة الدراسة في السفارة لانها شكت في نواياك �� - زي ما قلت مشكلتها الفلوس لانك هتدفع الفلوس كطالب دولي و ده تقريبا ضعف المبلغ لحد كندي او معاه الاقامة -عشان تتقبل في الجامعة او الكوليدج محتاج تقدم امتحان انجليزي سواء تويفل او ايلتس و بتختلف من جامعة للتانية السكور المطلوب و محتاج شهادة الدرجات لكل سنين الكلية و ممكن يبقى في طلبات تانية على حسب التخصص - عشان فيزة الدراسة في السفارة تتقبل ( ممكن تتقبل في الجامعة و تترفض برده الفيزا) لازم معاك حساب بنك يغطي فلوس الدراسة كلها + مصاريف المعيشة للسنة كلها (حوالي ظ،ظ*-ظ،ظ¢ الف للفرد الواحد) -لما تدور على حاجة تدرسها دور على برنامج co-op بمعنى ان اخر فصلين دراسيين يكونوا تدريب part time مدفوع الاجر و ده ميزة حلوة جدا لسببين و هم انك هتغطي جزء من مصاريفك و ثانيا هتسهل جدا انك تلاقي عقد عمل دائم و ده ياخدنا للنقطة اللي بعدها -عشان تقدم على اقامة محتاج لفة لطيفة كده... بعد ما تلاقي وظيفة في اخر دراستك هتحول فيزة الدراسة لفيزة عمل و ساعتها تقدم على الاكسبريس انتري عشان تاخد الاقامة الدايمة و انت حاطط رجل على رجل لانك عديت متوسط البوينتس بكتير - نقطة مهمة كمان ادخل على توصيف الوظايف المطلوبة على موقع وزارة الهجرة NOC و شوف الوظايف المطلوبة اللي ليها علاقة بمجالك و اقرأ المؤهلات المطلوبة عشان تساعدك تختار الشهادة الصح اما بقا بالنسبه لمرحلة مقابله الوحش (السفاره) المفروض انك هيكون معاك خطاب القبول من الجامعه اوالكوليدج وكشف حساب بنكي هيغطي تكاليف دراستك واقامتك زي ما ذكرت سابقا وطبعا بقا لو اتطلب منك شهاده الصحيفه الجنائيه وممكن بردو يتطلب منك مجموعة تحاليل طبيه وشوية الاوراق الباقيه اللي هي الباسبور وخلافه ونيجي بقا عند اهم نقطه بقا واللي هي اثبت انك رايح كندا وراجع تاني (strong ties ) لو حد عندو افكار عن الحجات اللي ممكن اقدمها اللي تقدر تدعم موقفي و مش بس كدا لو انا مثلا عايش في السعوديه للاسف وانا اصلا مصري بردو للاسف هل ينفع اقدم من السعوديه عالفيزا واجيب من مصر ما يثبت اني هرجع تاني سواء فاميلي بيزنس او عقارات او اي ممتلكات ؟؟ ياريت اللي عندو رد علي سؤالي يجاوب وماينمش عالمعلومه شير في الخير وارجو اني اكون افدتكم بشويه المعلومات اللي ذكرتها وماكنش طولت عليكم . شكرا ليكم والسلام عليكم ورحمة الله وبركاته..

لو سمحت في اي معلومات عن قبول الڤيزا ؟؟
posted via mobile device

 

 

[Khaledbusiness]

والله فعلا موضوع مهم وحل موضوع الدراسه بحث محتاجين نفهمه اكتر وياريت لو حد يشاركنا خبراته في الموضوع ده

بس هو زي ماكتير من الاعضاء لاحظوا مابقاش في كومنتات ومحدش بيشارك ليه خليكوا متحمسين وعندكوا امل وان شاء الله في حد هيجاوبنا


بخصوص هجره نيوزيلندا
في ناس صرفت نظر عنها لان دلوقتي لازم تجيب ١٦٠ نقطه زي مافهمت عشان تكون مؤهل وده مش سهل

في طريقه ممكن عن طريق الدراسه بتدرس دبلومه سنه في معهد او جامعه زي ماتحب وعلي حسب امكانياتك
في معاهد بتبقي طبعا معتمده ودرجه اولي وفي الاغلب المتوفر عباره. Business or IT Diploma
السعر حوالي ٧,٥٠٠ دولار نيوزلندي
بس عشان تتقبل لازم تجيب IELTS 6,5 Academic

مدتها حوالي ١٠ شهور خلال الفتره ده انت ليك الحق تشتغل ٢٠ ساعه ف الاسبوع بارت تايم چوب

طيب الحلو ان بعد الدراسه بتاخد فيزا سنه job search

ولما تلاقي شغل بيتعملك فيزا عمل سنتين
ممكن خلالهم تكون بتقدم تاني وساعتها هتكون درجاتك فرقت ممكن توصل ل ١٨٠ تقريبا بعد حساب نقط الدراسه والعمل داخل نيوزلندا

ده الكللام الي عرفته وحبيت اشارككم
وياريت لوحد عنده معلومات اكتر ممكن يفيدنا بيها او يصحح المعلومات الي كتبتها
ويارتي في حد جرب الموضوع ده يحكلنا تجربته او يقولنا اذا كان الطريق ده سهل ومضمون

تحياتي للجميع ويارب يصلح حالنا جميعا

 

 

[ود الصادق]

كم مصاريف المعيشه في نيوزلندا وماهي ارخص مقاطعة او منطقة

 

 

[mohamedahmedmoh]

السلام عليكم و رحمة الله و بركاته

بالنسبة لموضوع الهجرة عن طريق الدراسة انا برضه بفكر فيه بس المشكلة اني بسمع ان سفارة كندا عادة بترفض تدي تأشيرة دراسة للمصريين.انا معرفش حد سافر كندا على تأشيرة دراسة .انا هسعى في الموضوع ده و ان شاء الله لو اتوفقت في السفر على تأشيرة دراسة سواء لكندا او اي بلد اوربي هكتبلكم هنا الخطوات بالتفصيل.

بس لو حضرتك عاوز تدرس برة مصر و فلوسك مش كتير نصيحة ادخل معهد جوتة اللي في الدقي و خد كورسات مكثفة سريعة في اللغة الالمانية لحد ما توصل للمستوى المتقدم.في جامعات كتير في المانيا الدراسة فيها مجانا يعني مش هتدفع غير تكاليف المعيشة فقط و هي 8040 يورو و ده اقل من دول زي امريكا و انجلترا و استراليا و كمان فيزا الدراسة لالمانيا سهلة طالما ان معاك قبول من الجامعة و فاتح حساب في البنك بالمبلغ ده و معاك شهادة اللغة الالمانية . اعرف ناس سافرت المانيا على تأشيرة دراسة و في جروب على الفيسبوك مخصوص للموضوع ده .انا بس خايف احط اللينك بتاعه هنا و يتم حظري .على العموم انا هسعى الاول في موضوع كندا و لو ما توفقتش همشي في موضوع المانيا لأن انا مستوايا في الالماني متوسط و مش هاخد وقت طويل عشان اوصل للمستوى المتقدم.

 

 

[ahmeddiab]

مش دايما ............. لازم تثبت للأوفيسر انك راجع تانى بعد الدراسه و عندك روابط قويه ببلدك الأم

 

 

[MidoTayel]

لو سمحتم كنت قريت ان دراسة الطب من أول وجديد في كندا دي حاجة شبه مستحيلة ممكن تفاصيل؟؟

 

 

[Jihan M Hamed]

اقتباس المشاركة الأصلية كتبت بواسطة isaCanadian هي بس زي ما انا قولت ان اصعب جزئيه في الموضوع ده انك تثبتلهم انك معاك تكاليف الدراسه لكل السنوات بالاضافه الي مصاريفك انت وعيلتك يعني مبلغ مش بسيط خالص

ممكن ترسلها لي من فضلك
posted via mobile device

 

 

[Manz Marwa]

السلام عليكم، كيفكم جميعا،، ياريت لو حد عنده معلومات مفيدة عن كيفية الهجرة بالذات انا سنى 40 وحاولتومش بجمع. البوينتس. وقدمت دراسة 3 مرات واترفضت. وسياحة واترفضت ،، ياريت لو فى حل
مشكورين
posted via mobile device

 

 

[pharid]

مالسبب في رفض فيز الدراسة من مصر وفي المقابل تُقبل بأعداد مهولة من دول في نفس المستوى الاقتصادي بل أقل زي الفلبين؟؟؟ ومعروفين الفلبينين بياخدوها كوبري للهجرة ومع ذلك كندا تغض الطرف عنهم؟؟؟؟؟؟؟؟؟؟؟؟؟

كلهم بيروحوا يدرسوا دبلومات سنتين في اماكن زي lambton college أونتاريو ب 10 الاف دولار في السنة ومش بيرجعوا تاني.. وعاملين sub community هناك واضح وصريح وبيشدّوا بعض واحد ورا التاني....

هل الديانة الكاثوليكية هي السبب؟