فى مذكرات تحية عبد الناصر : السادات شديد السمرة و جمال بيقول و زوجته بيضاء جدا

[Farida]

الصحف المصرية والعربية

انا مش من محبى و عاشقى عبد الناصر بالعكس شايفاه احد اهم اسباب الكوارث اللى بنعانى منها حتى الأن ...... بس ابتديت اقرأ مذكرات تحية عبد الناصر اللى بتنشر فى الأهرام -بس ماعرفتش اجيب اللينك- المذكرات مافيهاش حاجات قيمه قوى و اللى عجبنى فيها خطابات جمال عيد الناصر لها و اللى بتدل على انه كان عاطفى زياده و فكرنى بمحمود عبد العزيز فى فيلم البرئ كده
https://www.elfagr.org/Portal_NewsDet...=5068&secid=51

اقتباس السادات أسمر شديدالسمرة وزوجته بيضاء جدا في بداية صيف 1952 علي ما أذكر ، حضر زائر وكان بعد خروج جمال في المساء قبل المغرب، وكان عسكري المراسلة غير موجود، ففتحت له الباب وسأل عن البكباشي جمال عبدالناصر، فقلت له إنه خرج، فكتب ورقة وانتظرته حتي أعطاها لي، وضعتها فوق البيانو كعادتي، وبعد رجوع جمال أخبرته بحضور الضيف وأنه أعطاني الورقة بعد أن كتبها، وقلت إنه أسمر شديد السمرة، فقال إنه متزوج حديثا وزوجته بيضاء جدا، وكان هذا الضيف أنور السادات.

وافتكرت كتاب خريف الغضب لمحمد حسنين هيكل و هو تقريبا بيتكلم عن نفس النقطه نقطه اللون و فرق اللون بين السادات و جيهان و وواضح من كتر الصداقه اللى كانت بين جمال و هيكل ان الموضوع ده كان بيؤرقهم جدا مع ان معروف ان المصريين عموما منتشر فيهم السمار وفيهم شديدة السمرة كمان و حزنت بصراحه على تفكير ناس كانت متحكمه فى مصائرنا ...................

 

[Tornado]

فعلا عبد الناصر كان عاطفي علشان كده اتضحك عليه كتير وكان قاعد يبعزق في قواتنا المسلحة في كل حتة وكأنها ملك السيد الوالد وحروب لهاش لزمة وبعزقة فلوس مصر لحد ما اتوكسنا في 67 وقال ايه هيتنحى وقعد يشتغل الناس ويجتمع مع العرب ويحسسوه انه كبير ويضحكوا عليه للاسف على عكس السادات كان داهية ومكنش حد بيعرف يخدعه

انا رأيي ان عبد الناصر لم يكن يصلح ان يكون رئيسا لانه لم يكن بالذكاء والشخصية اللي تأهله لكده وكان بيحلم احلام وردية هو مش قدها غير انه مكنش قادر يسيطر على باقي الظباط الاحرار بدليل التعذيب والفساد اللي انتشر اياميها وكانههم كانوا حاطينه شكل وخلاص

 

 

[Farida]

ايه يا تورنادو طيب و موضوع السمار احلى ولا البياض احلى ده رأيك ايه فيه ؟؟؟؟؟؟؟؟؟؟

 

 

[brain]

بغض النظر عن حبي الشديد لعبد الناصر
لكن في ملاحظه لازم اقولها
هتقف في زوري لو مقولتهاش
تحيه عبد الناصر بتكتب عن ايه ؟
عن علاقتها بعبد الناصر
مذكراتها حول علاقاتهم الشخصيه
بدون اي دور لها في سياسه الدوله
بينما بعده
اكتشفنا ان جيهان السادات كانت تشارك في صنع القرار
ماما سوزان تريد ان تنصب ابنها
ليلى بن علي كالنت تريد ان تطيح بالرئيس لتتولى مكانه
و طبعا ملكة الاردن و دورها في اداره الدوله
اسماء الاسد و دورها في اداره الدوله
ابنة القذافي و دورها في ادارة الدوله
يبقى لازم نحيي الراجل
اللي عرف يفرق بين بيته و بين عمله
و لم يترك لاسرته اي قرصه للتدخل في سياسه الدوله

 

 

[brain]

اقتباس المشاركة الأصلية كتبت بواسطة Farida ايه يا تورنادو طيب و موضوع السمار احلى ولا البياض احلى ده رأيك ايه فيه ؟؟؟؟؟؟؟؟؟؟

اوعي تقولي يا دكتوره فريده انك صعيديه
هازعل منك جدا
لان الموضوع ده اساسي عند الصعايده
و لغاية النهارده

 

 

[Farida]

اقتباس المشاركة الأصلية كتبت بواسطة brain اوعي تقولي يا دكتوره فريده انك صعيديه هازعل منك جدا لان الموضوع ده اساسي عند الصعايده و لغاية النهارده

هاتزعل انى صعيديه ......................
لأ أنا اسكندرانيه بس بناتى صعايده ابا عن جدا ...............لأبجد انا تعليقى ان نقطة البياض واضح انها ابتدت من عبد الناصر وهو و هيكل بقه كبروا الموضوع لما خلوه عقدة بشنيطه عند السادات

 

 

[O.S.A.M.A]

دكتورة فريدة

هيا دى العقول اللى كانت بتحكم مصر فعلاً وبدون كلام كتير عن خالد الذكر لأن طبعاً أنا رأيي معروف فى الموضوع ده واللى كنت عامله موضوع قبل كده

وزى مانتى قولتى كوارثنا ابتدت بالثورة المجيدة اللى الشعب ماكانش يعرف عنها حاجة واللى جابت العسكر فى الحكم

وزى كلام المساطب تلاقى جمل تافهة زى اللى انتى ذكرتيها على لسانهم وزى حواديت ناصر وعامر وأعوانهم كأن مصر كانت تكية ليهم

انا بصراحة لسه مش قادر أصدق أن لسه فيه ناس مقتنعة بناصر على الرغم من البلاوى السودا والحروب اللى خرب بيها البلد وبيعيبوا على السادات انه شخص متواطئ وعميل

وعلى الرغم من نصر أكتوبر اللى أعتقد أن لولا النصر ده كان زمان لسة مصر محتلة

انا طبعاً مش مع السادات على طول الخط ولكن كل لما اتذكر مساوئه وهي كثيرة أتذكر حسنة واحدة فأنسي كل مساوئه ودى كفاية

 

 

[sincere]

هو كل حد كتب كلمتين يستحقوا النشر ؟؟؟
اللي طلعوا المذكرات دي دلوقت بيسيئوا لأمهم لأنها عاشت و ماتت مالهاش فيها
خلاص نحترم الخصوصية
وآدي أول هيافة اسود و بيضة و بتاع

 

 

[Dr.Samo]

والله حاجة غريبه
ست بيت مصرية عادية عايشة أيام الخمسينات من القرن الماضى ، يتم تقييمها بعد نهاية العشر سنوات الأولى من الألفية الثالثة .
وشئ غريب برضه أن الأهرام تنشر مذكرات سيدة وزوجة عادية جدا
يحسب فقط لهذه السيدة انها كانت هانم تهتم بتوفير الدعم لزوجها
لم تكن عائلتها من المسيطرين على الحكم ولا أصحاب حسابات فى سويسرا
كان سيدنا عمر رضى الله عنه - للعلم انا هنا لا أشبة جمال بسيدنا عمر - يسمع وزوجته ترفع صوتها عليه ......وكان أحد الولاه ذاهبا لزيارة سيدنا عمر فذهل عندما سمع العراك وحاول الأنصراف فرأه سيدنا عمر فقال له ......تطعمنى ....وترعى شئونى ....وتربى عيالى .....وتحفظ مالى
وأنى رأيت حفصه ام المؤمنين وزوجة الرسول عليه الصلاة والسلام تجادله
فأتقوا الله ..... ولا تخوضوا فى سيرة أحد من الأموات

 

 

[savary]

اقتباس المشاركة الأصلية كتبت بواسطة Tornado فعلا عبد الناصر كان عاطفي علشان كده اتضحك عليه كتير وكان قاعد يبعزق في قواتنا المسلحة في كل حتة وكأنها ملك السيد الوالد وحروب لهاش لزمة وبعزقة فلوس مصر لحد ما اتوكسنا في 67 وقال ايه هيتنحى وقعد يشتغل الناس ويجتمع مع العرب ويحسسوه انه كبير ويضحكوا عليه للاسف على عكس السادات كان داهية ومكنش حد بيعرف يخدعه انا رأيي ان عبد الناصر لم يكن يصلح ان يكون رئيسا لانه لم يكن بالذكاء والشخصية اللي تأهله لكده وكان بيحلم احلام وردية هو مش قدها غير انه مكنش قادر يسيطر على باقي الظباط الاحرار بدليل التعذيب والفساد اللي انتشر اياميها وكانههم كانوا حاطينه شكل وخلاص

هو انا هتفق تماما مع تورنادو فى كل كلامه وخصوصا الجمله المظلله بالأحمر دى

فعلا عبد الناصر لم يكن يصلح رئيسا لمصر و لا كان ينفع يبقى قياده وزعامه لامه العرب عموما

الراجل دا كان عنده 3 مشاكل كل واحده منهم تكفى لاصدار الحكم بعدم صلاحيته لان يكون رئيسا

اولا مش حرامى
لا جاب مراته سيده مصر الاولى ولا جاب ابنه امين لجنه سياسات
لا بنى لنفسه استراحات ولا عنده ارصده فى بنوك سويسرا
عاش ومات فقير زيه زى الناس

ودى مشكله فى وطن لا يحكمه الا اللصوص والمرتزقه
وامه لا تعرف فى تاريخها ذمه ماليه غير ملوثه الا فيما ندر


مشكلته التانيه والكبيره برده ان عنده فكره , عنده حلم و عنده مشروع
ودى خطيئه لا تغتفر فى امه خصصت باغتيال الاحلام
لا يصلح لحكمها الا من كان فارغا تافها
99% من اوراق اللعبه فى ايد الامريكان !!
مثل هذا التصريح و مثل قائله هو من يصلح لان يحكم مصر
خليك مع الامريكان وانت تكسب !
طاب يابن اللذين لما 99 % فى ايد الامريكان امال انت فايده اللى جابوك ايه ؟؟
بتغمنا كل يوم بطلعتك البهيه بتاع ايه ؟
طاب ما تسيبنا للامريكان يحكمونا مننا ليهم و ريحنا من طلعتك البهيه !!


مشكلته التالته
انه ثائر !!
فى امه ذبحت ابن بنت رسول الله ومثلت بجثته لانه ثائر
فى امه علقت عبد الله بن الزبير على ابواب الكعبه !!

لا يصلح هنا سوى المدجنون !!

هذا وطن لا يحكمه سوى اللصوص و المدجنون و الغلمان

حقا لم يكن يصلح لان يكون رئيسا لمصر !!
الله يرحمه