الملوخيه الورق لعيون توتا

[nash]

الصحف المصرية والعربية

بسم الله الرحمن الرحيم

المقادير يا توتا وللحبايب كمان

5 حزم ملوخيه.... عاده بعمل من 7 إلي 8 حزم ومن المقاس الكبير لإنها بتقل لما تتحمر

2 راس ثوم من الحجم الكبير ايضا طبعا مقشرة

نقول مثلا من كيلو إلي 2 كيلو لحمه مقطعه إلي قطع متوسطه وياريت تكون بتلو يعني صغيرة

كسبرة ناشفه ( لا استخدم الخضرا)

تقطف الملوخيه من الرأس أي لا تبق فيها العرق الابيض وتغسل وتجفف

( طريقتي أنا بأة )

بسلق اللحمه بطريقه كباب الحله يعني المرقه تكون مركزة وطعمها مضبوط وفيها مكعبتين ماجي اللي مش بيحب يستعملها عادي يستخدم الملح..

وفي طاسه غويطه شويه بقلي الملوخيه بزيت عافيه وياريت مايكونش الزيت كتير... طبعا كبشه كبشه مش كله مع بعضه بعد ما تتقلي اضعها في طبق اخر حتي إنتهاء الكميه ....

ثم أقلي رؤس الثوم. هناك من يقطعها حلقات..انا اضعها كامله ....

بعد ان يصفر الثوم قليلا أعود فأضع الملوخيه المقليه مرة أخي لتأخذ تقليبه سريعه ....ثم اضيف اللحمه إليها والمرقه ...والمرقه لا تكون كثيرة فقط تغطي الورق ..وتغلي قليلا حوالي ربع ساعه إن لم يكن اقل..يعني حتي الإستواء ...

ثم أضع عليها ثوم مفروم مع الكسبرة الناشفه ( نظام التقليه المصري بالضبط ) وتقلب ويطفي عليها...

تسكب بعد ذلك في طبق التقديم ويوضع عليها الصنوبر المحمر...

أهم ما في الموضوع ألا تكون المرقه كثيرة...لإن كل حاجه هاتبوظ.....

يا رب تعجبكم

 

[toota]

هي طريقتها قريب اوي من الملوخية اللبناني...مع فرق الكزبرةة الخضرا....مش بستعمل الناشفة............ طريقتك مسبكه اكتر....انا بحبها بالفراخ....وفيه ناس بتعملها بشوربه الفراخ واللحمه مع بعضبس اللحمة البتلو طعمها اكيد احلى....مع الصنوبر حتبقى رهيبة.....

حعملها وقولك النتيجه....واكيد جنبها رز بالشعرية...ده بقى تخصصي الي ملوش حل

ميل ميغسي

 

 

[nash]

اقتباس المشاركة الأصلية كتبت بواسطة toota هي طريقتها قريب اوي من الملوخية اللبناني...مع فرق الكزبرةة الخضرا....مش بستعمل الناشفة............ طريقتك مسبكه اكتر....انا بحبها بالفراخ....وفيه ناس بتعملها بشوربه الفراخ واللحمه مع بعضبس اللحمة البتلو طعمها اكيد احلى....مع الصنوبر حتبقى رهيبة..... حعملها وقولك النتيجه....واكيد جنبها رز بالشعرية...ده بقى تخصصي الي ملوش حل ميل ميغسي

حلوة جدا يا توتا الفراخ معاها...بس يمكن أنا أتعودت عليها باللحمه....

فعلا هي قريبه جدا من الطريقه اللبنانيه ..دي الطريقه السوريه اللي من عمق سوريا أظنهم علي الحدود مع بعض ... وعلي مسئوليتي ...جربيها وطالما عارفاها يبأة هاتعرفي مقدار المرقه....

طبعا لا يعلي علي الرز بالشعيريه معاها .....شدي حيلك ...دي بنت لاذين بتاخد وقت في التقطيف غلس

إذا أتحمستي وعملتيها ..يبأة تنزليلنا صورة ....

 

 

[haya]

هم هم هم...الريحه أنا شاماها لما قرأت ..تسلم إيدك بجد..

شكلي هاحبها ..اي حاجه فيها توم وكسبرة وحبشتكنات بأحبها أوي ...بس طبعا الطريقة ...طويله ومركبه
وانا اقصي اكله مركبه بأعملها هي المكرونه بالبيشامل
ودمتم سالمين ...

 

 

[galaxy]

فيكي تعزميني ع الغدا حياتي .....بعشقها انا الملوخيه موت.............بس موضوع الورق دا يستحق التجربه والله..............

 

 

[nash]

اقتباس المشاركة الأصلية كتبت بواسطة haya هم هم هم...الريحه أنا شاماها لما قرأت ..تسلم إيدك بجد.. شكلي هاحبها ..اي حاجه فيها توم وكسبرة وحبشتكنات بأحبها أوي ...بس طبعا الطريقة ...طويله ومركبه وانا اقصي اكله مركبه بأعملها هي المكرونه بالبيشامل ودمتم سالمين ...

والنبي ماتتعبي نفسك يا هيا

انا هاجيبهالك ديلفيري

الصحاب اللي يتعبوا دول

 

 

[nash]

اقتباس المشاركة الأصلية كتبت بواسطة galaxy فيكي تعزميني ع الغدا حياتي .....بعشقها انا الملوخيه موت.............بس موضوع الورق دا يستحق التجربه والله..............

عنيه يا شوكولاتتي....

بس انتي أيه نظامك يعني؟ هاتيجي قبل الغدا بربع ساعه..ولا هاتقفي مع صاحبتك حبيبتك ناش وكدهوت؟

معلش يعني أعرف...كفايه تدبيسه هيا

 

 

[أمة العزيز]

مش مستوعبة حكاية الملوخية ورق مصحح

بس ممكن ناش تعمل حسابي في طبق علشان استوعب


تدبيسة كمان زمانها بتقول ان شالله ما استوعبت

 

 

[karimnassar]

ياناش ابقي قولي لتوتا بلاش المرادي تعملها بجوان المفرمه هاتبقي احسن لو عملتها بأيد الحله واو هاتبقي جنان

 

 

[nash]

اقتباس المشاركة الأصلية كتبت بواسطة أمة العزيز مش مستوعبة حكاية الملوخية ورق مصحح بس ممكن ناش تعمل حسابي في طبق علشان استوعب تدبيسة كمان زمانها بتقول ان شالله ما استوعبت

عيوني ليكي يا قمر بس كده أنتي تؤمري

أركني يا ماما جنب أخواتك هيا وجلاكسي...يومكم طويل الظاهر