استحمار البهايم - مصر تشتري 4 طائرات حكومية فاخرة بـ 300 مليون يورور

[NazeeH]

الصحف المصرية والعربية

 

 

[NazeeH]

**مين اللي "هيتقشف"؟**
الصور الفخمة دي من داخل الطائرة الخاصة الفرنسية فالكون إكس 7، المخصصة لتنقلات الرؤساء وكبار المسئولين، واللي مصر وقعت عقد شراء 4 منها، وده بقيمة 300 مليون يورو، يعني حوالي 4 مليار جنيه!
العقد تم توقيعه في القاهرة مع شركة داسو حسبما نشرت النهاردة جريدة ليترابيون الفرنسية.
*****
هل "مصر" محتاجة الطيارات دي؟
إحنا عندنا بالفعل أسطول طائرات رئاسية ضخم من عهد مبارك، 24 طيارة متنوعة على رأسهم الطائرة الفخمة Airbus A340-200.
نقدر نقول في ضوء المعلومات دي انه مفيش أي حاجة للطائرات الجديدة.
*****
منين هيتدفع تمن الطائرات دي؟
نفتكر هنا إن البرلمان وافق في 2 مارس الماضي على قرض فرنسي لوزارة الدفاع بقيمة 3.3 مليار يورو، أكتر من 33 مليار جنيه، لتمويل صفقات التسليح اللي كان منها الطائرات الرافال اللي بتصنعها نفس الشركة، اللي النهاردة اخدنا منها الفالكون.
هل دي صفقة جديدة مع الشركة ولا جزء من الصفقة قديمة اللي اتمولت بالقرض ده؟ منعرفش كالعادة.
*****
ليه محدش قالنا؟!
في العالم المتقدم أي تصرف زي ده بيكون علني وشفاف بشكل كامل .. ده البيت الأبيض في أمريكا بجلالة قدره أسطوله الرئاسي (إير فورس وان) يتكون من طائرتين فقط في الخدمة منذ 1990، ومؤخراً في 2015 لما قرروا يغيروها بطائرات أحدث كان ده مثار نقاش عام، ووزيرة القوات الجوية ديبورا دي جيمس اتكلمت للشعب بوضوح اننا هنستبدل طائرات الرئاسة بالنوع الأحدث (بوينج747-8)، لأسباب كذا وكذا.
احنا اتكلمنا قبل كده عن أهمية الشفافية وأساليبها، وعن قانون حرية تداول المعلومات المدفون، وقلنا ان بالعالم بيتعرف مرتب ودخل المسئولين الحكوميين الكبار، وكل ما يُنفق على ما يخصهم زي المكاتب وغيرها، وكل ما ينفق بالدولة بشكل عام، لأن ببساطة دي فلوس الناس دافعي الضرائب وأصحاب الحق الأول بكل موارد الدولة.
*****
في خطابه الأخير الرئيس السيسي قال:
"أوجه ندائي لكل المصريين وخاصة المرأة المصرية . صحيح . بأقولها من فضلك. هوا انا لما باتكلم ترشيد ولا ضبط استهلاك مقصدش أكل ولا شرب ولا كده. باتكلم أنها تستطيع بوجودها في المجتمع والأسرة تقلل كتير في الانفاق اللي بنعمله من أول الكهرباء والمياة لحد حاجات كتير بيتم استهلاكها ... من فضلك اقفي جنب مصر"
ترشيد الاستهلاك كلام جميل ونؤيده طبعاً، لكن هوا ليه الترشيد ده دايماً من الشعب والطبقات الوسطى والفقيرة بس؟
ده يفكرنا باللي حصل من أسبوع في البرلمان، لما رئيسه زعق في النواب المعترضين على فرض رسوم على المواطنين بالمحاكم لتمويل صندوق الرعاية الصحية للقضاه .. النائب جمال هندي قاله ليه ميتخصمش 50 جنيه من مرتب كل قاضي لصندوق علاجهم؟! .. كلام منطقي مهو مش معقول ناخد من الغلابة عشان "مصر"، وكمان ناخد منهم عشان يدفعوا للقضاة اللي أصلاً بياخدوا بدل علاج كبير.
رئيس البرلمان زعق بعدها: "حين تتحدث عن أصحاب المقام الرفيع اختر الكلمات"!
وقبلها برضه رئيس البرلمان زعق بعصبية شديدة في النائب محمد أنور السادات لما سأل بس عن استمرار تقاضي العسكريين لمعاشهم جنب مرتبات المناصب المدنية،قاله: "لا نقبل هذا الكلام في القاعة التي ينحني أعضاؤها إجلالا واحتراما للقوات المسلحة"!
*****
طبعاً هتيجي ناس تقول الخبر ده مضروب، والصحافة الفرنسية دي بتتآمر علينا..
ماشي، وإحنا مش هنقول ازاي بيتآمروا علينا وهما نفسهم اللي ادونا الرافال والميسترال، ولا حتى هنجيب لنكات عن الصفقة منشورة من أبريل الماضي لما تمت مفاوضات عليها أثناء زيارة السيسي، لكن هنقولهم: بسيطة جدا .. لو بكرة الصبح الرئاسة أو مجلس الوزراء نزل بيان نفي إحنا هننزل هنا بيان النفي ونعتذر كمان.
بس لو ده محصلش يبقى لازم الموضوع ده يرجعنا تاني لأحد أهم قضايا مصر الآن: الأزمة الاقتصادية وتوزيع تحمل أعباءها .. لازم الكل يشارك بنقاش الموضوع ده في الوسط السياسي والاعلامي، وفي استجوابات البرلمان، وفي كلام الناس بالشارع والبيوت والمترو.
مش معقول ناخد من جيب المواطن المطحون زيادات أسعار بسبب الدولار اللي أزمته مش ذنبه، وكمان زيادات كهرباء ومياه وضرائب جديدة وغيرها، وكمان نقوله اتبرع، ثم بعد كل ده المواطن يشوف مليارات بتتصرف على أمور غير مهمة، ولا عليها رقابة كافية، زي الطائرات الرئاسية الفخمة.
طيب حتى حد يقولهم كفاية طيارة واحدة ويسيبوا تمن التلاتة لمصر!
ومش معقول برضه يشوف فئات مرتباتها ومميزاتها بتزيد أكتر من باقي المواطنين ...
دي بلدنا كلنا، يبقى مفروض كلنا بعدالة نتحمل الأزمة معاً بنفس القدر، وبنفس المساواة، وبشراكة كاملة لاختيار المسار اللي هترجع ايجابياته أو سلبياته بعدها على الكل.
ولو ده مش موجود دلوقتي، مع بعض في المستقبل هنخلي الحلم حقيقة، ونرجع مصر لكل المصريين بعدالة ومساواه وشفافية.

 

 

[KANE]

ارتباك بالرئاسة المصرية بسبب تقرير عن شراء طائرات فرنسية
القاهرة ــ العربي الجديد
16 أغسطس 2016

سادت حالة من الارتباك في الرئاسة والحكومة المصرية، بعد تقرير نشرته "لاتريبيون" الفرنسية، يتحدث عن توقيع مصر عقداً مع شركة "داسو" الفرنسية لشراء أربع طائرات طراز "Falcon 7X" بمبلغ 300 مليون يورو، وهو الخبر الذي تناقلته مواقع إخبارية عدة.

وأثار الخبر موجة غضب وسخط واسعة على مواقع التواصل الاجتماعي، لا سيما أنه لم تمر أيام على خطاب الرئيس المصري عبد الفتاح السيسي الذي دعا فيه إلى ضرورة التقشف، وتخفيض فاتورة الدعم.


من جانبها، سارعت مواقع إخبارية مقربة من نظام السيسي، إلى نشر أخبار على لسان مصادر رئاسية تنفي فيها تعاقد الرئاسة المصرية لشراء طائرات، رغم أنه من المعلوم وفقاً للقانون المصري، وكما جاء في تقرير "لاتريبيون" أن من أجرى التعاقد هي الحكومة المصرية وليس الرئاسة.

وعلم "العربي الجديد" من مصادر حكومية أن هناك حالة من التخبط داخل الرئاسة والحكومة بسبب التقرير، حيث سارعت الرئاسة إلى تسريب خبر النفي عبر مواقع مقربة منها، بينما لم يصدر أي تعليق رسمي على الأمر.

وكان موقع "لاتريبيون" قد ذكر في تقريرٍ له اليوم الثلاثاء، أنّ شركة داسو للطيران الفرنسية قد وقّعت عقداً في القاهرة لبيع أربع طائرات من طراز Falcon X تبلغ قيمتها 300 مليون يورو. وأكد الموقع أن هذه أخبار جيدة لشركة الطيران. فالشركة المصنعة، والتي باعت بالفعل 24 طائرة من طراز رافال لمصر في فبراير/شباط 2015، قد وقّعت عقداً لبيع أربع طائرات من طراز Falcon 7X في القاهرة؛ ليتم استبدال الأسطول الحالي الذي تستخدمه الحكومة، ويتكون من طائرات أميركية.

وأضاف الموقع: "تم توقيع العقد، ومن المتوقع إيداع المبلغ قريباً، نتائج الصفقة ستكون جيدة لشركة داسو للطيران، والتي تخسر كثيراً في سوق طائرات رجال الأعمال أخيراً".

يذكر أن الأسطول الحكومي المصري يستخدم في تنقلات الرئيس والمسؤولين الكبار في الدولة.

 

 

[NazeeH]

هل تعلم عزيزى المواطن المصرى المطحون المتبرع بجنية للسيسى
ان صفقة الطائرات الرئاسية الخاصة بالسيسى و زوجتة انتصار و اولادها
كانت صفقة سرية تماما بين الرئاسة المصرية و الشركة الفرنسية .. ؟؟؟
لكن لان هذة الشركات لا تستطيع اخفاء اى شئ عن المساهمين و عن الدولة و الضرائب فكان لابد ان تعلن عن كل شئ تقوم بة .. فانفضح امر السيسى و انفضح مخططة لتدمير الاقتصاد المصرى و تبديدة قبل ان يختفى كما هو متفق علية مع اسيادة فى اسرائيل حتى تركع مصر الى الابد .. ؟؟؟
ها حسيت انك مواطن قفا و مغفل و بتركع للى يسرقك و يستغفلك .. و لا لسة .. ؟؟؟؟؟

 

 

[NazeeH]

 

 

[NazeeH]

 

 

[NazeeH]

تعريص أحمد موسى لا يحتاج إلى تعليق ...


بيتكلم في 4 ميكروباصات مش طيارات فاخرة..

ادعس الصورة حيتكلم المفحوت ..

 

 

[NazeeH]

مصر: محاولة رسميّة لتأجيل صفقة الفالكون تجنّباً للغضب الشعبي

تحوّلت صفقة شراء الحكومة المصرية لـ4 طائرات “فالكون 7 إكس”، إلى مأزق تحاول بعض الأجهزة المصرية الخروج منه، إذ إنّ هذه الصفقة، التي ستكلّف خزينة الدولة المصرية 300 مليون يورو، تأتي في ظلّ مطالبات النظام المصري للشعب بالتقشف.


تحوّلت صفقة شراء الحكومة المصرية لـ4 طائرات، من طراز “فالكون 7 إكس”، وتنتجها شركة “داسوليت” الفرنسية، إلى مأزق تحاول بعض الأجهزة المصرية الخروج منه، إذ إنّ هذه الصفقة، التي تكلّف خزينة الدولة المصرية 300 مليون يورو، أي ما يعادل نحو 4.5 مليارات جنيه مصري، تأتي في ظلّ مطالبات النظام المصري للشعب بالتقشف لمواجهة الأزمة الاقتصادية.
ففي الوقت الذي بثّت فيه وكالة أنباء الشرق الأوسط المصرية خبراً مكذوباً عن الشركة الفرنسية، تنفي فيه إقدام الحكومة المصرية على شراء الطائرات الأربع، نشر الموقع الرسمي لأكاديمية ناصر العسكرية للدراسات الاستراتيجية، التابعة للقوات المسلحة المصرية، الخبر، موضحاً، في الخبر المنشور بتاريخ 13 يوليو/تموز الماضي، أنه “في إطار التعاون المستمر بين مصر وفرنسا، أعلنت شركة داسوليت للصناعات الجوية عن اقتراب التوقيع على صفقة جديدة مع القوات المسلحة المصرية لتوريد 4 طائرات من طراز فالكون 7 إكس”.

https://xx091.wordpress.com/2016/08/...4%D9%83%D9%88/

 

 

[NazeeH]

**القصة الكاملة لتهرب الدولة من حقيقة صفقة الطائرات الفخمة**
من أسبوع مصر كلها كانت بتتكلم عن قصة الطيارات الخاصة الفالكون اللي اشترتها مصر من فرنسا،

لما "الرأي العام" يبقى مهتم جداً بقصة كده الطبيعي إن الدولة تحترم الشعب بتوضيح واضح ومحدد، واستنينا أسبوع كامل وكنا مستعدين نعتذر كمان، لكن اللي حصل كان العكس، محاولات تهرب وخداع مختلفة، خلينا نشوف مع بعض:

1- النفي المجهول:
يوم الثلاثاء بالليل اتنشر أول نفي في موقع جريدة الوطن الساعة ظ¨ وظ¢ظ£ دقيقة.
الخبر من سطر واحد: "أكدت مصادر سيادية لـ"الوطن" أن الرئاسة لم تتعاقد على شراء أي طائرات مؤخرا، وأنها ليست الجهة المنوطة بذلك".
بعدها بـ 25 دقيقة اتنشر خبر شبيه في اليوم السابع، وناس كتير اتخدعت ان ده معناه الرئاسة نفت.
- مفيش حاجة اسمها نفي رسمي بمصادر مجهولة!
الرئاسة عندها متحدث رسمي هو السفير علاء يوسف، ومجلس الوزراء له متحدث رسمي هو السفير حسام قاويش، والقوات المسلحة ليها متحدث هو العميد محمد سمير .. النفي ملوش إلا مصدر من تلاتة، المسئول بنفسه، أو (المتحدث الرسمي)، أو يصدر (بيان رسمي) .. لكن لا مؤاخذة المصدر المجهول ده نصرفه منين؟
- وكمان يعني ايه صيغة "الرئاسة ليست الجهة المنوطة بذلك"؟، كإن كل المطلوب حد يقول أنا مليش دعوة .. ده معناه ان جهة تاني بالدولة ممكن تكون اشترت؟ طيب ما طبيعي الرئاسة فعلاً ليست جهة الشراء، وطائرات تنقل كبار المسئولين بتكون تابعة للقوات الجوية زي سرب طائرات مبارك.
*****

2- "هنجيبها وهنشغلها"!
يوم الأربعاء الإعلامي أحمد موسى، المعروف طبعاً بعلاقاته الأمنية، اتكلم عن الموضوع في بداية برنامجه اللي بيذاع الساعة ظ¨ مساءا، قال إن الصفقة حقيقية لكن لسه التوقيع لم يتم، وأكد إن الموضوع مش سر ده ضمن اتفاقية شراء مصر للطيارات الرافال من نفس الشركة.
أحمد موسى قال إن الطائرات دي مش جاية للرئاسة أو لمجلس الوزراء، وبعدين قال حاجتين متناقضتين، قال ان الطيارات دي هتاجرها شركة مصر للطيران عشان تشغلها وتجيب فلوس، وقال برضه انها هتخصص لتنقلات ضيوف مصر من القادة والرؤساء.
وختم كلامه قائلاً: "احنا البلد الوحيدة اللي بتتكلم عن صفقات وقعها الجيش .. محدش بيعمل ده في العالم، في أمريكا وفرنسا وبريطانيا محدش يجرؤ يتكلم الجيش عمل ايه ومعملش ايه!"، طبعاً ده كلام كاذب تماماً، وهنناقشه في المستقبل انشاء الله.
*****

3- النفي الوهمي
دي بقى أكبر فضيحة حصلت، والمسخرة كمان انها حصلت أثناء ما احمد موسى بيقول إن الصفقة حقيقية، فجأة كل المواقع تقريبا من الساعة ظ¨ ونصف نشرت خبر ان الشركة الفرنسية نفت بيع الطائرات لأي جهة في مصر ..
الخبر كان مكتوب فيه ان المصدر هو بيان رسمي من موقع الشركة نقلته وكالة الأنباء الفرنسية. لما دورنا لقينا ده كذب كامل، على موقع الشركة مفيش بيانات، وعلى وكالة الأنباء الفرنسية مفيش ولا كلمة .. تلفيق كامل.
المفاجأة بقى إنه طلع مصدر الكذب ده هو وكالة أنباء الشرق الأوسط الحكومية، بعتته لكل الصحافة ونشروه، وبعد ساعتين فقط الوكالة نفسها حذفته من عندها، وغالبا ده عشان خافوا يتعرضوا لقضية ترفعها عليهم وكالة الأنباء الفرنسية أو الشركة نفسها.

للأسف كل المواقع المصرية محدش نزل اعتذار للناس أو توضيح للخبر الكاذب ده، الموقع الوحيد اللي احترم القراء ونزل "سحب خبر" هوا موقع أصوات مصرية التابع لوكالة رويترز.
*****

4- السكوت بعد الغلوشة
خلاص بعد ما الناس اتلخبطت خلال يومين، كل جهات الدولة والصحافة سكتت تماما، وظهرت أحداث جديدة الناس تتلهي فيها، ورهانهم طبعا إن الناس هتنسى والحكاية هتعدي!
*****

كل اللي حصل ده بيؤكد إن الموضوع حقيقي فعلا، لو محصلش كان سهل جداً النفي الرسمي، أو حتى كان كفاية حد يقول كنا بنتفاوض ولغينا الفكرة بسبب غضب الناس، وده في حد ذاته ايجابي.

خلال الأيام دي كمان ظهرت أمور جديدة تؤكد صدق الموضوع:
- ظهر إنه كان منشور أخبار قديمة عن الصفقة من أبريل ويونيو في لاتريبيون والأهرام وموقع مركز ناصر للدراسات (ده كيان مستقل غير اكاديمية ناصر الخاصة بالجيش).
- جريدة الشروق نشرت نقلاً عن "مصادر مطلعة" برضه إن الصفقة حقيقية لكن مازالت بمرحلة التفاوض، وإن الطائرات فعلاً "مخصصة على المستويين الرئاسي والحكومي"
- المهندس هشام خليل بعت يسأل جريدة لاتريبيون عن الخبر، فردوا عليه إن الخبر صحيح والصحفي اللي كتبه واسع الإطلاع، لكن "ربما السبب في عدم وجود أنباء رسمية هو رغبة الجانب المصري في ذلك."، وبالمناسبة خبر لاتريبيون اللي سبب كل ده كان خبر بيمدح مصر ومبسوط بالصفقة لانها أفادت الشركة اقتصادياً، مش بيحرضوا وجو المؤامرة ده!
****

القصة دي نموذج فاضح لإهانة كاملة للشعب المصري، إهانة أولاً بالصفقة نفسها لما يتقال للناس اتقشفوا وبعدين من فلوسهم يتجاب طيارات فاخرة بحوالي ظ¤ مليار جنيه، وثانياً إهانة بالتجاهل الكامل للكلام مع الناس، وثالثاً إهانة بمحاولات التهرب والخداع اللي شرحناها، واللي ثبتت الموضوع أكتر!
- مطلوب من مسئولي الدولة كلام واضح صريح، إما تقولو إحنا لغينا الصفقة دي، وإما تقولو هنشتريها ومبرراتها كذا وكذا ويتعرض على البرلمان والرأي العام.
- مطلوب من كل موقع وجريدة نشروا الخبر الكاذب عن بيان النفي من الشركة وعن كلام وكالة الأنباء الفرنسية الوهمي ينزلوا اعتذار، وأولهم طبعاً وكالة أنباء الشرق الأوسط الحكومية اللي لازم يتحاسب اللي عمل كده ويتعرف مين اللي أصدرله أمر نشر الإشاعة دي؟
لو المطالب دي متحققتش المرادي، زي ما كتير غير ما بيتحققش، فأدينا عرفنا قصة كمان وتفاصيل كمان، وركزنا أكتر في طرق الخداع اللي بتتعمل علينا.
كله بيتحوش ومش هيتنسي، وهييجي يوم هنغير بلدنا، ومفيش مليم من فلوس الشعب هيتصرف إلا لما الشعب يراقبه ويوافق عليه.




https://www.facebook.com/almawkef.al...47361825363716