ذكرياتك ايه عن حرب اكتوبر 1973

[Farida]

الصحف المصرية والعربية

بمناسبه ذكرى 6 اكتوبر و الأنتصار على اسرائيل ياترى ايه ذكرياتكم عن حرب اكتوبر ؟؟
انا شخصيا كنت صغيره وقتها بس فاكره طشاش التحذيرات ايام الحرب بلاش ناخد لعب من الأرض علشان الأسرائليين بيرموها من الطيارات علشان تنفجر فى وجه الأطفال و فاكره كويس معرض عن ضرب مدرسة بحر البقر كان معمول فى نفق كده والدى الله يرحمه اخدنى اتفرج عليه....و اغانى ورده حلوة بلادى السمرة و لا اغنيه شريفه فاضل ام البطل كنت بابكى فيها بكاء ما حصلش ....وطبعا فاكره الأفلام اللى اتعملت بعد الأنتصار و متهيألى اول فيلم دخلته فى السينما وقتها كان بدور .......
انت بقه ايه ذكرياتكم الشخصيه عن الحرب

 

[nash]

ياااااااة موضوع ذو شجون والله يا دكتورة فريده..
كما سمعت من والدي

أذكر أن والدي كان وقتها رئيس مباحث للإسماعيليه وانه من أستقبل الجاسوس الإسرائيلي هو وقوة من الشرطه في محطه القطارعندما قبض عليه وتم ترحيله من السويس أتمني لو أتذكر اسمه....
أتذكر في هذه الفترة كنا نحن الأسرة نعيش في مصر الجديده وبالتالي لم نكن نري والدنا غير سويعات قليله في الأسبوع... وعندما نراة كان دائما علي عجله من أمرة....

وكنا عند سماع الغارة نطفيء الأنوار وأجلس مع شقيقاتي واخي الوحيد مقتربين من بعض..وكنت اشعر بحميميه وحب غير عادي لأسرتنا...

للاسف هذه المشاهد تأتي كالخيال أو الحلم من وقت للثاني لإنني كنت وقتها صغيرة ..

أما ما أتذكرة بقوة فهو قرص أبيض كان والدي يشعله في البيت في شيء معدني ويعمل فوقه القهوة.....وعلي ما أظن أنه شيء يستخدمه الجنود في الثكنات الحربيه لنفس الغرض....

وأذكر أنه بعض الحرب مباشرة ذهبنا إلي المدينه فوجدنا أثار الضرب والدانات تملاء العمارات والبيوت الخشبيه المبنيه علي الطراز الإنجليزي
كما رايت أكثر من دبابه يهوديه ملقاة كالجثه الهامده علي الطريق الصحراوي....

هذا ما أذكرة الحقيقه وكنت أتمني لو أتذكر أكثر

 

 

[toronto]

 

 

[toronto]

وهذا الكليب تم تصويره بواسطه احدي المصورين في جيش الدفاع الاسرائيلي

 

 

[أحمد باشــا]

طبعا عندي ذكريات سأسجلها ربما توضح الصورة لمن لم يعايش هذه الأيام

لكن هل هذا الموضوع في مكانه الصحيح ؟

 

 

[toronto]

في هذا الوقت كان عنده اربع سنوات و كان ابي مخبر في قسم السويس..ماهي البلد كلها يا مباحث يا مخابرات با مخبرين..هههههههههه...بس حقيقي مش فاكر..

 

 

[galaxy]

انا طبعا من جيل مبارك......حتي ما لحقتش السادات.......

بس لما سالت ماما عن حرب اكتوبر............قالتلي ذكري يمكن بسيطه اوي عنها وعن الحروب اللي قبلها والنكسه وشباب مصر من علي خط النار..............


ايام النكسه فضل الشباب فتره علي خطوط النار ............ماما بتقولي كان كله البلد وحده واحده ............

ماكانش حد ممكن يعمل مثلا كحك للعيد او فرح لان كل بيت فيه شهيد او جريح او مقاتل............كمان كمشاركه وجدانيه للاحداث او تقدروا تقولوا ما كنش حد ليه نفس اصلا.


وكانت العائلات تتسابق تجوز بناتها للجنود في اجازتهم عشان دا شرف لاي عائله............


والدتي ايامها تطوعت في الهلال الاحمر وكانت الاحداث مؤسفه............كل يوم جرحي شباب زي الورد وترجع تاني يوم ما تلاقيهومش........كانت الامكانيات بسيطه والضحايا اكتر ......شباب كتير راح .



يوم العبور والدي ووالدتي كانوا في الشارع.......بيحضروا اخر ترتيبات الزفاف......يومها والدي سمع الخبر من الراديو وكان خلص فتره تجنيده من زمان..............بابا قرر وقتهاوفي ساعتها يروح يسلم نفسه لاقرب وحده مهما كانت الظروف....... روح مامابسرعه جدا بيت جدووراح سلم نفسه وطبعا تيتا كانت بتبكي لان بابا اكبر ولادها وحبيبها .......


والدتي كان ليها اتنين جيرانهافي الجيش التاني ايام الثغرة.......وطبعا ما رجعوش الا بعد فك الحصار..........طبعا الاثار النفسيه كانت في منتهي السوء لدي رجوعهم لذويهم.........دي كل الذكريات اللي حصلت عليها حتي الان...

 

 

[kokomen]

أنا مولود بعد الحرب ب 3 أيام



يعني 9 أكتوبر يعني ماحضرتش الحرب