Arabic Discussion Forum with a Special Interest in Travel and Immigration

بندق · 11th October 2008, 11:11 AM

هوسمك يفضليليه طازة ما ينفعش فى الشوى سمك مجمد ..

المهم تبلته نصف ساعة بخل وليمون .. ومن ثم بزعترحاف مخلوط مع زيت وشوية ملح ومشوى فى الفرن (لو على الفحم يكون أحسن)

ومعاه فلفل أحمر مشوى متبلع بالخل والملح وزيت زيتون وكمان بطاطس مشوية وعليها كريمة (قشطة) وشوية زعتر لزوم الاندماج

والكل مجمل بالبقدونس وبس

فيه اسهل؟

بندق · 11th October 2008, 11:17 AM

حد ينفعنا بقى

haya · 11th October 2008, 11:56 AM

أنا أنفعك يا بندق ...

ماجربتش الزعتر علي السمك قبل كده بس أكيد هايطلع حلو

تسلم إيدك ...

بندق · 11th October 2008, 11:59 AM

اقتباس

المشاركة الأصلية كتبت بواسطة haya


	أنا أنفعك يا بندق ... ماجربتش الزعتر علي السمك قبل كده بس أكيد هايطلع حلو تسلم إيدك ...

شكرا يا هيا .. وعندك واد سمك مشوى بالزعتر لهيا ..

هو حلو .. بس الحقيقة محتاج سمكة تكون طبيعتها مدهمة ودسمة اصلا عشان الشوى يظبها ويرجعها خفيفة

Badroora · 11th October 2008, 03:01 PM

حمدالله ع السلامة يا شيف كنت مختفى فين

بندق · 12th October 2008, 07:35 AM

اقتباس

المشاركة الأصلية كتبت بواسطة Badria Mekkawy


	حمدالله ع السلامة يا شيف كنت مختفى فين

الله يسلمك يا دودو .. كنت مشغول وسافرت أعيد فى مصر .. ما شفتيش الأكلة اللى فى 7 دقايق؟

المهم أخبارك ايه؟ وأخبارات الامتحانات؟ هتاخدينى معاكى كندا شيف خصوصى ولا لأ؟

shaden · 11th October 2008, 04:04 PM

اقتباس

المشاركة الأصلية كتبت بواسطة بندق


	[ هوسمك يفضليليه طازة ما ينفعش فى الشوى سمك

الترجمة لو سمحت

بندق · 12th October 2008, 07:33 AM

اقتباس

المشاركة الأصلية كتبت بواسطة shaden


	الترجمة لو سمحت

يا أنسة يا بنوتة مفيش فايدة فيكى .. ماشية ورا لسانى وهو عمال يغلط .. هى يفضل ليه والياء زائدة للغلط

المهم هتنفعينا ولا لأ؟

ابتسامــة · 11th October 2008, 04:21 PM

حمدلله على السلامة شيفنا القدير
والعودة بأكلة جميلة وصحية أيضا
شكرا لك

سؤال بأه :
أنت بتقول يفضل لها سمكة دهنية
زي إيه؟

بندق · 12th October 2008, 07:49 AM

اقتباس

المشاركة الأصلية كتبت بواسطة ابتسامــة


	حمدلله على السلامة شيفنا القدير والعودة بأكلة جميلة وصحية أيضا شكرا لك سؤال بأه : أنت بتقول يفضل لها سمكة دهنية زي إيه؟

الله يسلمك يا أحلى ابتسامة .. ما هو مفيش أحلى من الابتسامة فى عيون طفلة ..

المهم .. تنفع سمك لية خروف

ممكن تستخدمى بورى كبير شوية وممكن أروس أو مياس أو مكرونة كبير (ما شفتش فى مصر مركونة كبير بس بره لقيت السمكاية 2 كيلو) ممكن كمان الناجل أو الوقار الأحمر (ميزته انه مش زفر نهائى وممكن يتاكل نىء)

ممكن كل الأسماك التى يمكن سلخها حتى السمكاية اللى كانت بتصلح عربيات (وهأقولك يعنى ايه بتصلح عربيات) المهم اللى حطيتها مرة تحت اسم عملت من الفسيخ شربات ..

نيجى بقى لحكاية بتصلح عربيات .. شوفى يا ابتسامة هانم كان فى خواجة ألمانى عنده كلب وبيفخر على صديقه المصرى اللى بيزوره بمهارات كلبه .. قام المصرى قاله وهو ده حاجة انا عندى كلب أحسن منه ألف مرة .. الألمانى اتجنن وصمم يشوف الكلب ده

فجأة زار المصرى ومفيش على لسانه غير عاوز أشوف كلبك الخرافة اللى أخسن من كلبى 1000 مرة؟

المصرى فى ورطة يعمل ايه؟ يعمل ايه؟

هو ما عندوش كلب أصلا؟

نزل الشارع لقى كلب مزيت ومتبهدل وحالة حالة جابه .. الألمانى شافه اتجنن ايه ده يا خبيبى ده أخسن من كلبى؟ انت مجنون؟

المصرى قاله بكل ثقة آه يا خواجة دا بيصلح عربيات وعشان كده متبهدل ومزيت كده

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
خبز ايطالى بالثوم والريحان والجبن	شؤون المطبخ	مودو	3	2108	23rd March 2012 09:25 PM
صدور دجاح مع الهليون وعصير التفاح والفلفل الملون	شؤون المطبخ	بندق	2	1704	2nd March 2012 02:33 PM
فلفل ملون يحمي من السرطان	الأسرة والطفل	بندق	0	1057	1st March 2012 05:45 AM
جايلك يا شيشو	مواضيع شخصية	روزيا	1	975	28th February 2012 06:08 AM
كارت ذكي يوفر‏65‏ مليار جنيه من دعم المنتجات...	شؤون مصر الداخلية	بندق	0	871	26th February 2012 05:47 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أعضاء عدوا ال 40 سنة	شينكاوي	خمسة فرفشة	39	19th October 2010 05:34 PM
تركى مدخن مشوي .. حلوم مشوى مع لحم مقدد	بندق	شؤون المطبخ	6	12th May 2010 02:57 PM
سمك سلمون مع خضار مشوى	بندق	شؤون المطبخ	3	26th March 2010 03:52 PM
سمك مخلى مشوى بالشبت وعصير الليمون	بندق	شؤون المطبخ	4	14th March 2010 08:44 AM
دجاج مخلى .. متبل ومجهز بطريقة مختلفة	بندق	شؤون المطبخ	11	17th November 2008 09:42 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

عدنا .. سمك مشوى .. متبل بزعتر وزيت ..