مهندس طبيه ولا مهندس كمبيوتر

[Eng Hesham]

الصحف المصرية والعربية

زى ما حضراتكوا عارفين انا مهندس اجهزه طبيه خريج 2010
و اخدت شويه كورسات برمجه على شبكات على شويه حاجات كده
و قابلتنى مشكله ان مجال الهندسه الطبيه فى مصر قليل اوى لما تشتغل كمهندس
غالبا بتشتغل كمندوب مبيعات للاجهزه او لصيانه الاجهزه

حاليا بفكر انى اتعلم لغه برمجه جديده و يكون ليها مستقبل كويس
محتار بين اكتر من لغه و بين انى استنى كمبيعات اجهزه طبيه
فى انتظار ارائكوا لانى كويس فى المجالين و شغال زى الفل فيهم بشهاده زمايلى

بفكر ابتدى جافا او PHP

ياريت اللى عنده اى اقتراحات فى الموضوع دا يقولى لانى فى مفترق طرق دلوقتى و محتاج مساعدتكوا

 

[فوده]

السلام عليكم ورحمة الله وبركاته

مهندس هشام الله يوفقك للى فيه الخير والصلاح لك

كنت فى نقاش مع اخ فاضل بخصوص اللغات المطلوبة والامر محير قليلاً

ولكن أخبرك برأيي الشخصي

بالنسبة للـ **** مجال العمل فيها محدود وقلة من يعتمدون عليها كلغة اساسية وحتى عند التميز يبقى الامر الصعب للوصول الى من يحترم الـ **** كلغة وحيدة معك للعمل بها .

بالنسبة لـ PHP مجال العمل فيها ما هو واضح على الانترنت واسع جداً وكثر من يعملون بها والعمل بها فى مصر او خارجها متاح وسهل وسريع ولكن للكسب منها يجب ان تكون متميز فيها والامر يحتاج مثله كمثل اى امر فى الدنيا يحتاج لجهد .

هذا رأيي فى اللغتين حسب خبرتي البسيطة

ولك منى ارق التحايا

 

 

[styx]

هو انا معرفش اي حاجه عن الهندسه الطبيه فـا حـ pass it

مبدأيا حدد الأول انت عاوز تعمل ايه ! يعني جافا General Purpose Programming Language

PHP نظريا جنيرال لكن عمليا ملهاش استخدام غير في الويب ديفولوبمنت !

جافا مستقبلها مش واضح في الفتره دي , كنت مخطط لـ SCJP بس مستني للصيف الجاي اشوف ايه الاوضاع !

المشكله في الموضوع ان مفيش طريقه 1 2 3 حد يقول امشي عليها , بس اعمل اللي انت بتحبه اكتر او شايف انك تقدر تشتغل فيه اكتر !

و نصيحه , لو عاوز تبقي Guru خدها كعلم مش كـ تكنولوجي اتعلم دي ولا دي :)

 

 

[Eng A7m3d]

سافر يا بشمهندس هشام
أسمع كلام واحد عارف يعني أيه الوجه الأسود لمصر
سافر حتى لو أضطريت تشحت الفيزا وسيب الباقي على ربنا لأن في مصر كل وظيفة عايزين فيها 10 سنين خبرة أو أكتر وأنت مجالك ممتااااااااز والمصحف وهتكسب بس سيبك من الوكسة التقيلة اللي أسمها بلدنا دي
(بس أوعى تروح السعودية خليك في الإمارات أو قطر)

 

 

[مطرودالجبل]

انا ويب ديفيلوبر.. شغال بالphp & mysql
طبعا معاهم شوية حاجات تانية.. زى الجافا سكربت.. و الاجاكس..

البى اتش بى هى البداية الصح لو عايز تدخل فى مجال البرمجة.. و هى شبيهة جدا بلغات البرمجة الاخرى.. ولا تختلف عنها تقريبا.. يعنى نفس الstructure

بالمناسبة.. مجال تطوير المواقع مجال كبير جدا.. و مفتوح قدامك و مكاسبه فلكية..
بالتوفيق باذن الله.

 

 

[Eng Hesham]

مش لاقى فيزا يا احمد للسفر خالص
كلهم عايزين مدنى او كهربا او ميكانيكا حتى اتصالات مش عايزين

للعلم
انا اشتغلت vb.net و oracle و SQL server قبل كده كتير
بس بقالى فتره مشتغلتش بيهم يعنى حوالى 15 شهر كده
طبعا نسيت كل حاجه و انتوا عارفين اللى مبنشتغلش بيه بننساه
و برضه معايا CCNA بس برضه مش فاكر منها حاجه
لانى مشتغلتهاش من حوالى 10 شهور تقريبا

منه لله مشروع التخرج اللى نسانى الدنيا دا

ياريت اللى عنده اقتراحات تانيه علشان انا ناوى اسيب الشغل يوم 10 و لازم استعد للى هاعمله ب 5 ايام
يعنى قدامى 5 ايام بس افكر هاختار ايه علشان اجرب نفسى فيه فى ال 5 ايام قبل ما اسيب الشغل
لو لقيت انى هابقى بضيع وقتى هاستمر فى الشغلانه دى الى ان ربنا يكرم بحاجه احسن
لو لقيت نفسى ابتديت فى الشغل و هاتجيب معايا هسيب الشغل و اركز فى الحاجات دى


ياريت لو مفيهاش رخامه ---> ايميلك يا مطرود على الخاص

....

 

 

[Night Angel]

شوف يا هشام انا مهندس نظم وصلت دلوقتى لمدير نظم بخبره حوالى 12 سنه وابتديت ذيك برضو شاب لسه متخرج وكنت متوهم ان السوق بيقول اعرف حاجات علشان تبقى فرصك كبيرة على فكرة انا CCNA-CCNP-ITIL-PMP-MCSA
غير شهاداة تانيه فى الادارة والجوده وامن المعلومات والاوراكل - المهم الخلاصه مقدرش انكر ان الخبرة دى اديتنى مساحه وحرية كبيرة - بس فى نفس الوقت كانت عائق كبير لما كنت بسيب الشغل وادور على واحد تانى - مكنتش بلاقى بسهوله كل اللى بيبص يقولك ده اوفر كولفيد وهيطلب راتب كبير - اجيب بيهم اتنني هنود ولا باكستانيين وفعلا - عدد المرات اللى كنت بلاقى شركات تقدر وهى الكبيرة قليل - معظمها فى الخليج وخصوصا فى السعوديه شركات عائلات

انا وجهت نظرى الشخصية من واقع معايشتى للحديث وكمان لوضع شغل البرمجه او الشبكات - اى مجال فيهم اذا كملت بالفعل فيه وركزت ووصلت للقمه هيبقى مجزى جدا - لكن السؤال بعد اد ايه من الوقت - شوف البرمجه مشوارها طويل ولازم طالما مفيش خبرة تبتدى من الاول السلم Junior programmer نصيحتى لو حابب برمجه مفيش غير واحد من الاتيني oracle- SAP ومتدرسش oracle programming ولا administration
ادرس ERP واتخصص Techno-Functioning consultation هتقولى بس دول مش بيخدو مبتدئين فعلا بس فيه فى اوراكل كورسات ليهم روح وادرسها وتبقى تمام لو مسكت فى مشروع صغير مع شركة حتى outsourcing نفس الحكاية بالنسبة SAP
سيبك من برمجة ابو قرش وقرشين فى مصر مجالهم قليل والحريفه فيهم تلات اربع شركات ومستكفيه من staff اللى عندها ومعندهاش الكم من المشاريع قوى
واللى فى الخليج الهنود محتلينها "انا بتكلم عن البرمجه باللغات اللى كنتم بتتكلم عليها" ومع احترامى لكل المهندسين حبايبنا متذعلوش يمكنى كلامى قاسى شويه - بس ياريت كن حد قلى وانا فى سنكم - ذى مقولت ركز البرمجه شوطها طويل ومردودها عايز وقت ومش قليل على الاقل 3- 4 سنوات ده اذا ركزت على نفسك ومش سيبت نفسك لكام عقد بره لشركات تحت بير السلم تسحب منك عمرك من غير متحس بيه

لو هتدرس شبكات وتشد فيها اول فيها ومتسبهاش لغاية متاخد CCIE ودى على فكرة ممكن تاخدها فى سنتين بحد اقصلا ومردودها المالى رائع - وراتبك هيبتدى بى 5000 دولار شهريا

نصيحة كمان ابتدى ادرس من بدرى ادارة مشاريع PMP هتدفعك كتير سواء برمجه او شبكات - الشركات هنا دلوقتى بقت تعشق تشغل الناس اللى معاهم الشهاده دى

نسيت قولك تحت اى ظرف متسبش شغلك الحالى الا اذا كان معاك fund بيكفيك لدراسة الحاجات اللى قولتهالك - وبعدين نصيحه الافض انك اخد الحجات اللى قولت عليها وانت فى الشغل - ليه هقولك انت فى شغلك بتروح شركات ضخمه ومتقوليش مفيهاش IT معظو الشركات دلوقتى والمستشفيات لا تخلو من ERP والشبكات - لما تبقى دارس اللى قولت عليه وتعرض شغلك حتى لو Part-time عليهم هتبقى سهل يقبلوك لانهم محتكين معاك وعرفينك
وشغل IT عايز شبكة علاقات كبيرة علشان تعرف تتعلم والتخصصات اللى قولتلك عليها مش متوفره غير فى شركات الكبيرة اللى محتاجه حضرت تبقى على راس العمل فيها - فهمت قصدى؟
THINK SMART AND MOVE FAST

ده راى وبالتوفيق ليكم كلكم

 

 

[Eng Hesham]

كلامك جميل اوى يا سبايدر
بس فيه مشكله صغيره
انا فى مجال عملى كله مرتبط بالعيادات نظرا لظروف اقامتى خارج القاهره و اسكندريه
و دول مهما كانوا اكيد معندهومش IT حتى لو كانت مستشفى تخصصى
يعنى بالنسبه للمجال دا مقفول شويه
انا اخدت CCNA
ناوى اكملها CCNA SECURITY
بس و بعدين ابتدى اشتغل بيهم لحد ما اخد CCNP براحتى
برضه ERP مش بيحتاجوا شاب صغير عايزين واحد بخبره 3 ولا 5 سنين على الاقل
يعنى الموضوع مش سهل ابدا
حتى لو الموضوع ورقيات برضو بيطلبوا الناس الخبره و نادرا لما بياخدوا شباب
انا زى ما قولتلك اشتغلت على oracle database & SQL database قبل كده
بس موضوع داتا بيز الاوراكل مش سهل نهائى و الغلطه بتطير شغل ايام و ليالى عكس SQL
ياترى عند حضرتك سكك تانيه فى موضوع الشبكات
لانها مهما كبرت و اتعقدت فهى محدوده برضه

 

 

[يوماكس]

انت اجلت موضوع الدراسة في كندا يا هشام وللا ايه
ربنا يكتب لك الخير حيث كان ويرضيك به

 

 

[Eng Hesham]

والله يا احمد هيه اتأجلت لوحدها
ظروف حصلت مره واحده و مش عارف احلها
يمكن تأجل الموضوع كام سنه كمان مش قريب