ألعاب الاونلاين هى وسيلة الترفيه الوحيدة ليك ؟
بتستخدم مكالمات الفيديو على سكايب تطمئن على أهلك فى الخارج او لاجراء مقابلات عمل او تستخدمها فى العمل نفسه ؟
بتوفر استخدام الرسائل القصيرة والمكالمات باستخدام Whatsapp ؟
كل ده فى مهب الريح وفى خلال شهور الحكومة المصرية هتمنع كل ده لأنهم خطر على الامن القومى وبدلاً من منع مكالمات الفيديو مثلاً او منع المحادثات الكتابية كدول خليجية فقط لا غير هيتم قفل الألعاب الاونلاين بالكامل وهيبقى من المستحيل انك تدخل تلعب اونلاين شوية وتسلى نفسك
ردود شركات الانترنت يبين انهم كلهم ملهمش اى ذنب جهاز تنظيم الاتصالات هو المسئول الأول وهو جهاز تابع للحكومة المصرية بلغهم بقرار اغلاق الخدمات المشابهة وبكده هنقدر نقول اننا بنرجع بمصر سنين للخلف بدل ما تقدم للأمام
هيقولك الانترنت عشان الشغل؟!
موصلهمش لسه ان فى حد بيكسب قوت يومه من المحادثات بالفيديو عشان يتابع مع عميل فى الخارج او انه يعمل مقابلة عمل لشركة عالمية مقرها بالخارج
هيقولك الامن القومى ولازم نمنعهم؟!
الدول الخليجية منعت خدمات بالفعل لا توفر الاطلاع على المحادثات ومراقبتها وتركت خدمات ممكن مراقبتها والاتفاق مع الشركات المالكة لها ومقفلتش الانترنت كله على المستخدمين بحجة الامن القومى كلنا متفهمين الاخطار حسب وصفهم لكن الحل مش فى انك تقفل كله عشان توفر وتريح بالك فى حاجات كتير وحلول ممكن تطبق غير انك تقفل الحنفية على البلد كلها
هيقولك لعب ايه وكلام فارغ ايه؟!
اللعب على الانترنت مبقاش بس مجرد تسلية فى ناس بتكسب من اللعب يكفى اننا نقول ان مكسب لاعبين محترفين من بطولات الاونلاين ممكن يوصل مليون دولار فى السنه شغل ده ولا مش شغل!
هيقولك الانترنت للتعليم بس؟!
محدش قالهم ان التعليم يشمل المؤتمرات بالفيديو وانك ممكن تاخد محاضرة فى معهد خارجى بالفيديو بدل ما تسافر وانت يادوب معاك تمن كورس بتاخده بتدفع تمنه اونلاين وتشوفوه اونلاين لأن دى قدرتك المادية
اعملوا شير ووصلوا الرسالة لكل حد مهتم يمكن نعرف نغير حاجة
#أوقفوا_انتهاك_الانترنت
#انقذوا_الانترنت
|
اقتباس |
|
|
|
|
|
|
|
|
سكايب ، فايبر ، واتس اب ، فيسبوك ماسنجر ، مكالمات الفيديو عموماً ، الألعاب اون لاين ، كل البرامج اللى بتستخدم خاصية الـ VOIP كل ده هيتقفل خلال شهور من دلوقت عن طريق وزارة الإتصالات وبالتحديد عن طريق جهاز تنظيم الاتصالات اللى هو تابع للحكومة والقرار بدأ تنفيذه فعلاً فى فودافون و وقفوا سكايب وياهو سواء لو كنت ADSL او حتي 3G وهيتم تطبيق الكلام ده على كل الشركات تباعاً .
طيب ليه كل ده ؟ قالك لأن البرامج دى بتمثل خطر على الامن القومى عن طريق تمرير المكالمات الدولية وكلام كبير من نوعية الإرهاب والتجسس والشغل ده .. لكن واقعياً القرار ده اتاخد لصالح شركات الإتصالات وبالأخص المصرية للإتصالات اللى فقدت ميزة المكالمات الدولية وكلنا فاكرين لما كانت دقيقة الدولى ب 5 و 7 جنيه وده اتبخر بمجرد ما نزلت برامج الصوت والفيديو المجانيه زى سكايب فعايزين الناس ترجع تانى لشحن الكروت والفواتير .
القرار ده هيرجع مصر 100 سنة لورا وبدل ما هيبقى اسمنا جيل الانترنت هيبقى اسمنا الجيل اللى سكت على انتهاك الانترنت .
انشروا الموضوع وكلموا الناس وخلوها قضية رأى عام انشروا على هاشتاج
#انقذوا_الانترنت |
|
|
|
|
|
|
اقتباس |
|
|
|
|
|
|
|
|
هل نقول وداعاً لألعاب الأونلاين فى مصر
بواسطة خالد القرشي في 5 October,2015
يبدو أن الكابوس على وشك أن يصبح واقعاً ملموساً بين الجميع فكما تم ترويج الكثير من الإشاعات سابقاً أنه سيتم حجب الإتصالات المجانية من البرامج الآتيه كبرنامج سكايب والياهو والواتس اب قد أصبح حقيقة فعليا حيث بدأت هيئة تنظيم الإتصالات بالتعاون مع شركات الإنترنت بحجب هذه الخدمات المجانية بالتدريح من على جميع المواطنين وفى ظل شهور قليلة لن يستطيع أحد بداخل مصر إستخدام أيا من تلك الخدمات المجانية ” الإتصال “ وهذا بالتأكيد يشمل خدمة الأونلاين أو اللعب الجماعي بداخل الألعاب فى مصر ولا أعلم ماهو السبب وراء منع الاعبين من الدخول للأونلاين الخاص بألعابهم حيث لاحظنا جميعاً بالفترة الأخيرة الكثير منا لا يستطيع الدخول لسيرفرات الأونلاين الخاصة بالألعاب وحدث معى الأمر شخصياً بداخل لعبة Counter Strike Global Offensive حينما كنت أود البحث عن جولة للعبها مع أصدقائي ويتم أخيرا قبولي للدخول بسيرفر اللعبة يتم إقصائي على الفور من داخل السيرفر ولم يمضي على مكوثى به أكثر من ثلاث أو أربع ثوانى وعلى أثره تقوم اللعبة بحظرى بساعة أولا ثم يوم ثم أسبوع لأننى قمت بترك أصدقائي ولم أكمل معهم الجولة وليس هذا فحسب عندما يتم إقصائي من داخل السيرفر وأقوم بمعاودة الإتصال به يتم إقصائي للمرة التالية ظننت بالبداية أن خدمة الإنترنت كان بها عطل ما ولكن الخدمة كانت تعمل جيدا حتى تكرر معى الموضوع لأكثر من مره ورايت الكثير من الاعبين الذين يشتكون من هذا الأمر فتيقنت حينها أننى لست وحيدا وهناك الكثيرون مما يعانون من هذا الأمر وسوف يتم منعنا بالتدريج من اللعب الجماعي بداخل الألعاب
حتماً هذا الأمر سيكون كابوسا مرعبا لنا بعد شهور قليلة ونتمنى أن يتم إصدار قرار رسمي أو تصريح رسمي من وزارة الإتصالات بمصر أو هيئة تنظيم الإتصالات لتوضيح الامر لمجتمع اللاعبين، فالكثير منا يقضي أوقاتا ممتعة بداخل الألعاب الجماعية منذ سنين بل منذ نشأة الإنترنت بداخل مصر إذن فلماذا يتم الآن حرماننا من هذا الأمر الآن إن بدأت الحكومة التطبيق الفعلي لهذا الأمر؟ |
|
|
|
|
|