تمرد بالأمن المصري بسبب الوضع في غزة

[Farida]

الصحف المصرية والعربية

اقتباس أوردت صحيفة العرب القطرية أن تمردا وقع قبل أيام في أحد معسكرات قوات الأمن المركزي المصري على خلفية العدوان الإسرائيلي على قطاع غزة.ونقلت العرب في عددها الصادر الأربعاء عن أسبوعية "صوت الأمة" المصرية أن أفرادا من قوات الأمن المصري بمعسكر ناصر للأمن المركزي رفضوا التوجه للحراسة في معبر رفح على الحدود مع غزة.وقالت الصحيفة إن المتمردين طالبوا بالذهاب إلى غزة للدفاع عنها وليس لمنع مواطنيها من دخول مصر، مؤكدة أن أجهزة بوزارة الداخلية اعتقلت ثلاثة ضباط وأحالت مجموعة أخرى إلى الاحتياط بدعوى تزعمهم التمرد.وأضافت أن الضباط رفضوا تنفيذ أوامر عليا بالتوجه إلى معبر رفح يوم السبت الماضي لمنع دخول الفلسطينيين إلى مصر ومنع قوافل الإغاثة الإنسانية التابعة لمنظمات وجمعيات محسوبة على جماعة الإخوان المسلمين من العبور في اتجاه قطاع غزة.ونقلت الصحيفة عن مجندين قولهم إن الكثير منهم انضموا إلى الضباط ورفضوا أوامر القيادة بالتوجه إلى المعبر، وإن بعضهم قالوا لقيادات المعسكر "لو حنروح يبقى نعبر الحدود ونحارب إسرائيل".وأفادت الصحيفة أن السلطات المصرية اعتقلت العشرات من هؤلاء المجندين بعد أن أرسلت وزارة الداخلية قوات للسيطرة على الوضع.وقالت الصحيفة إن هناك تخوفا في وزارة الداخلية المصرية من أن تمتد عدوى التمرد إلى معسكرات أخرى، مشيرة إلى أن أحد مساعدي وزير الداخلية المصري نفى وقوع هذا التمرد

يظهر فيه امل يا ولاد ..............يا مسهل

 

[ابتسامــة]

اقتباس المشاركة الأصلية كتبت بواسطة farida يظهر فيه امل يا ولاد ..............يا مسهل

أمل في إيه بالظبط يا دكتورة؟!
بمعنى لنفرض امتداد عدوى التمرد كما يسمونها إلى معسكرات أخرى
فما هي نتيجة مثل هذا الموقف من وجهة نظرك؟!
تلك النتيجة التي تجعلنا نقول أن هناك أمل؟!

.

 

 

[رمضان]

خير يا دكتورة امل في ايه ان شاء الله
امل في الخراب
امل في التوترات
امل في حرب اهلية
امل في طوارئ لن ترحم احد
ياريت والنبي حضرتك توضحي

 

 

[Farida]

اقتباس المشاركة الأصلية كتبت بواسطة ابتسامــة أمل في إيه بالظبط يا دكتورة؟! بمعنى لنفرض امتداد عدوى التمرد كما يسمونها إلى معسكرات أخرى فما هي نتيجة مثل هذا الموقف من وجهة نظرك؟! تلك النتيجة التي تجعلنا نقول أن هناك أمل؟! .

أقولك يا عزيزتى ........مافيش حلول سياسيه فى مصر كلها حلول امنيه فقط وزارة الداخليه هى الأعلى ميزانيه ....لما الأسعار تزيد و الناس تطلع الأمن اللى بيقف لها لكن ولا تسمعى وزير تموين ولا تجارة ولا حد بيتكلم مع الناس ....لما المعلمين تحصل لهم مشكله و يفقوا على باب الوزارة اللى بيتصدى لهم الأمن ولا وزير تعليم يشوف مطالبهم ولا نيله ......لما تحصل مظاهرة علشان بطرس غالى أخد فلوس التأمينات الأمن هو اللى بيعالج الموقف - بالهراوات طبعا و العصيان المكهربه - حتى مشكله سيناء و فتح المعبر كله أمن أمن و طبعا مافيش رؤيه ولا فيه استراتيجيه لكن كلها أوامر و طاعه من غير تفكير ......قوم دلوقتى لما رجال الأمن يفكروا و يشغلوا مخهم و يعرفو ا انهم جزء من الشعب و مش فصيله مختلفه عننا ......يبقى فيه أمل لما كلنا ندرك اننا فى مشكله و لازم نتكاتف وقتها مش حانلاقى الأمن فى وشنا بالعصيان و بالغاز المسيل للدموع ...........راجعى فيلم البرئ

 

 

[فــيــروز]

معلش يعنى سؤال حايشاه فى زورى من اوّل الموضوع وخلاص مش قادره
هو إحنا كمصريين مش كان من نفسنا بردو يتّخذ جنود الأمن المركزى الأشاوس نفس الموقف تجاه إخوتهم فى الوطن من بنى "مصر" !!
ولاّ همّا مش بيلعبوا وطنيين غير مع أهل "غزّه" بينما أهل المحروسه يستاهلوا السحل !!

 

 

[ابتسامــة]

اقتباس المشاركة الأصلية كتبت بواسطة farida أقولك يا عزيزتى ........مافيش حلول سياسيه فى مصر كلها حلول امنيه فقط وزارة الداخليه هى الأعلى ميزانيه ....لما الأسعار تزيد و الناس تطلع الأمن اللى بيقف لها لكن ولا تسمعى وزير تموين ولا تجارة ولا حد بيتكلم مع الناس ....لما المعلمين تحصل لهم مشكله و يفقوا على باب الوزارة اللى بيتصدى لهم الأمن ولا وزير تعليم يشوف مطالبهم ولا نيله ......لما تحصل مظاهرة علشان بطرس غالى أخد فلوس التأمينات الأمن هو اللى بيعالج الموقف - بالهراوات طبعا و العصيان المكهربه - حتى مشكله سيناء و فتح المعبر كله أمن أمن و طبعا مافيش رؤيه ولا فيه استراتيجيه لكن كلها أوامر و طاعه من غير تفكير ......قوم دلوقتى لما رجال الأمن يفكروا و يشغلوا مخهم و يعرفو ا انهم جزء من الشعب و مش فصيله مختلفه عننا ......يبقى فيه أمل لما كلنا ندرك اننا فى مشكله و لازم نتكاتف وقتها مش حانلاقى الأمن فى وشنا بالعصيان و بالغاز المسيل للدموع ...........راجعى فيلم البرئ

مشكلتي اني مش بتفرج على أفلام عربي

أتفق معكِ تماما في كل ما ذكرتِ عزيزتي
بس يعني محسوش وشغلوا مخهم غير لما شافوا أهل غزة؟!
ولما كانوا بأنفسهم بيضربوا ويسحلوا ويغتصبوا أخوانهم وأخواتهم
مكنش فيه أي إحساس إنهم جزء من الشعب

لسه مش مقتنعة بحكاية الأمل دي
ومش مطمنة للتمرد بهذا الشكل

 

 

[brain]

اقتباس المشاركة الأصلية كتبت بواسطة رمضان خير يا دكتورة امل في ايه ان شاء الله امل في الخراب امل في التوترات امل في حرب اهلية امل في طوارئ لن ترحم احد ياريت والنبي حضرتك توضحي

اما الخراب و التوترات يا عزيزي رمضان فلا اعتقد ان وجود اكثر من 40 مليون مصري تحت خط الفقر - حكوميا - لا يعتبر خراب الا اذا كنت تظن ان الفقر و الجهل و السرقه و النهب و الانتهاكات الجنسيه لا يعتبر خرابا ولا توترا
اما الحرب الاهليه فلا اظن ان مجموعه من سراق مال الشعب مهما كبروا يمكن تسميه استئصالهم بالحرب الاهليه
اما قانون الطوارئ فالحمد لله عايشين عليه من سنه 81 من غير لا امن مركزي يتمرد ولا جيش يفتح بقه مش فارقه كتير يعني

 

 

[brain]

اقتباس المشاركة الأصلية كتبت بواسطة فــيــروز معلش يعنى سؤال حايشاه فى زورى من اوّل الموضوع وخلاص مش قادره هو إحنا كمصريين مش كان من نفسنا بردو يتّخذ جنود الأمن المركزى الأشاوس نفس الموقف تجاه إخوتهم فى الوطن من بنى "مصر" !! ولاّ همّا مش بيلعبوا وطنيين غير مع أهل "غزّه" بينما أهل المحروسه يستاهلوا السحل !!

على فكره يا فيروز
هناك فارق بين قوات الامن المركزي و قوات مكافحه الشغب و الارهاب طبعا
قوات الامن المركزي هم الجنود الغلابه الذين لا ناقه لهم ولا جمل و بتلاقيهم واقفين خلف خلاف - على رأي عادل امام - في التشريفات
و في المظاهرات يتم الدفع بقوات الامن المركزي و من ضمنها قوات مكافحه الشغب دور قوات الامن المركزي هو اعطاء الصوره ان هناك اعداد ضخمه من الجنود - للارهاب يعني - اما الدور الحقيقي فهو لقوات مكافحه الشغب اساتذه السحل و الضرب و باقي اللسته
و في النهايه فان جنود الامن المركزي و جنود مكافحه الشغب كلاهما لا يفقه في الامر شيئا و اي تفكير في تمردهم يعتمد على الضباط الذين يقودون هولاء الجنود و لهذا السبب فان اختيار ضباط مكافحه الشغب يكون صارما جدا و بناء على تقارير متعدده تثبت مدى تميز هذا الضابط طبعا في مجاله مجال مكافحه الشغب

 

 

[فــيــروز]

اقتباس المشاركة الأصلية كتبت بواسطة brain على فكره يا فيروز هناك فارق بين قوات الامن المركزي و قوات مكافحه الشغب و الارهاب طبعا قوات الامن المركزي هم الجنود الغلابه الذين لا ناقه لهم ولا جمل و بتلاقيهم واقفين خلف خلاف - على رأي عادل امام - في التشريفات و في المظاهرات يتم الدفع بقوات الامن المركزي و من ضمنها قوات مكافحه الشغب دور قوات الامن المركزي هو اعطاء الصوره ان هناك اعداد ضخمه من الجنود - للارهاب يعني - اما الدور الحقيقي فهو لقوات مكافحه الشغب اساتذه السحل و الضرب و باقي اللسته و في النهايه فان جنود الامن المركزي و جنود مكافحه الشغب كلاهما لا يفقه في الامر شيئا و اي تفكير في تمردهم يعتمد على الضباط الذين يقودون هولاء الجنود و لهذا السبب فان اختيار ضباط مكافحه الشغب يكون صارما جدا و بناء على تقارير متعدده تثبت مدى تميز هذا الضابط طبعا في مجاله مجال مكافحه الشغب

طيب هذه تفرقه جميله لكنّها لا تجيب عن التساؤل و إنّما تغيّر اتّجاهه من الجنود الذين لا يفقهون شيئا -مع تحفّظى الشديد على هذه الفكره بس مش وقته- إلى الضبّاط الذين يوجّهوهم .. ما بال الوطنيه نقحت عليهم مع أحداث "غزّه" و ليس فيما يتعلّق ب "مصر"؟

 

 

[Farida]

مش جايز علشان الشيوخ بتوع قناة الناس نطقوا و قالوا بضرورة الجهاد و ان اللى بيحصل فى غزة غلط و ماقالوش كده على اللى بيحصل فى مصر مثلا ..........و الله اعلم