Arabic Discussion Forum with a Special Interest in Travel and Immigration

Prof · 30th March 2011, 11:21 PM

نزلت أوبنتو
حتى اﻵن حلو وخفيف وسريع وابن حلال وفيه كل اﻷدوات والبرامج للاستخدام العام وشوية برامج جرافيكس جيدة ولكن ينقصه البرامج الاحترافية المعتمدة زي اليستريتور وانديزاين.

فيه أوفيس وفيه فيديو مونتاج وفيه كمية أدوات مساعدة.
واجهة المستخدم وطريقة التعامل مع الملفات ومحتويات الهارد جيدة.
التحكم في السيستم جيد ومافيش مشاكل حتى اﻵن.

بالنوسبة للفوتوشوب مثلا والتوافقية مع البرامج التي تعمل على الويندوز فيه اختراع اسمه واين بيحل الموضوع ده حلول نسبية حسب البرنامج وهم حاطين قائمة توافق على الويب سايت بتاعهم.
ومن ضمن الحلول مثلا ممكن تاخدوا فكرة من هذه اللينكات:

https://www.junauza.com/2010/02/how-t...toshop-on.html

https://lifehacker.com/#!206827/how-t...shop-on-ubuntu

https://www.makeuseof.com/tag/idiots-...5-ubuntu-1004/

======
حد له تجربة مع الأوبونتو؟

Prof · 30th March 2011, 11:25 PM

نسيت أقول إنه السيت اب بتاعه أسهل ست اب شفته ف حياتي.
باﻹضافة إلى إنه تعرف على كل الدرايفرز بتاعة كل المكونات من غير ولا شكوى واحدة وبمنتهى الهدوء والسرعة ويتعامل معاها كلها بواجهة رسومية مريحة وسلسلة ربما أكثر سلاسة من الويندوز.
كمان حجز البارتشن بتاعه على الهارد من غير أي خلافات أو لبش وبكل هدوء.

Eng Hesham · 31st March 2011, 07:15 AM

اشتغلت على اوبونتو و فيدورا
اللينكس عموما كويس بس مشكلته انه مصدرى
يعنى بالنسبه للعملاء الخفاف مينفعش لانه هايبقى معقد الى حد ما بالنسبه ليهم
اما اللى دايس شويه فى الكمبيوتر ممكن يمشى معاه كويس
الابونتو يمكن تكون اسهل توزيعه فى اللينكس و اكترها دعما بالواجهه الرسوميه
عكس فيدورا و ريد هات الواجهه الرسوميه بتاعتهم مش قد امكانيات النسخه

لو احتجت حاجه يا بروف ادينا رنه و هانشوف انا او كين نرد عليك

KANE · 31st March 2011, 04:50 PM

أنت م الأحرار يابروف

شوف يا معلمي

لو عايز تمشي في سكة لينكس

انسى ويندوز بكل قرفه

يعني ماتحاولش تستخدم wine إلا في حالات الموت والحياة بس

مثلا انس فوتوشوب

جرب التالي

https://www.gimp.org/

بديل رائع لفوتو شوب

وعلى فكرة بشتغل على ويندوز برضه

https://inkscape.org/

بديل عن illustrator أو الرسم اللي فيه متجهات

فيه blender

https://www.blender.org/

لرسم المجسمات

وحتلاقي بدائل كتييييييييييييييييير

المهم انها حرة

يُتبع ...

KANE · 31st March 2011, 05:01 PM

طيب الإخوة الفنانين ممكن يجربو التوزيعات التالية المخصصة ببرامجهم الفنية

واغلبهم مشتقين من ابنتو

https://openartisthq.org/

https://www.artistx.org/site3/

https://ubuntustudio.org/

https://puredyne.org/

دول اشهرهم

وفيه غيرهم كتير برضه

جرب وهيص وادعيلي

KANE · 31st March 2011, 05:09 PM

آه النشر المكتبي

جرب scribus عيبة ان العربي لسه مش مدعوم

https://www.scribus.net/canvas/Scribus

وبيشتغل على ويندوز وماك

كان فيه محاولة مش كامله لموضوع العربي

https://khaledhosny.org/node/125

KANE · 31st March 2011, 05:17 PM

للإستزادة

https://www.linuxlinks.com/article/20.../Graphics.html

https://www.linfo.org/software_artists.html

انا كدة اديتك العلم اللي تنتفع بيه يا بروف

ورينا الهمة بقى

MFaisal · 31st March 2011, 08:58 PM

أنا نزلت اوبونتو قبل كده

بس كانت مشكلته معايا فى انى مش بقدر أشغل عليه بعض البرامج المهمة بالنسبة ليا زى برامج اللغة

وكمان مالقيتش عليه برنامج داونلود بكفاء الداونلود مانجر اللى مابيشتغلش غير على wine ومش بيبقى زى ويندوز تماما

والمشكلة الأخيرة انى من محبى بعض الألعاب اللى عمرها ما هتشتغل على لينكس

باستثناء المشاكل دى يبقى لينكس ده راجل ابن حلال وزى الفل

Prof · 31st March 2011, 09:19 PM

مشكووور يا كين والله عالمجهود..
جيمب أنا اشتغلت بيه قبل كده وهو فعلا ينفع بديل 80% للفوتوشوب.. ينقصه بعض ما يتعلق بجرافيكس الويب والأنيمشن بتاع فوتوشوب.. لكن كشغل طباعة ممكن يحل محله.
أنك سكيب كويس برضه وينقع بديل لللإيلستريتور.. بس إليستريتور فيه شوية اختراعات دقيقة التخصص مقصورة عليه.. يعتبر برضه 80%.

كانت تكمل لو إنديزاين موجود.. إنما للإسف مش موجود.

المشكلة في إنديزاين إنك بتكون مرتبط بشغل فريق عمل معاك، مسألة تبادل الملفات، ده طبعًا بخلاف إن إنديزاين مالوش بديل إصلاً على منصاته الأصلية.. لا على الماك ولا على الويندوز.

كذلك لو بتعمل فيديو مونتاج.. مافيش حل موجود حاليًا على اوبنتو..

كشغل ويب وشغل مكتبي عام للمستخدم العادي هو هايل.. تقريبا كل حاجة موجودة.

KANE · 31st March 2011, 09:29 PM

اقتباس

المشاركة الأصلية كتبت بواسطة Prof


	مشكووور يا كين والله عالمجهود.. جيمب أنا اشتغلت بيه قبل كده وهو فعلا ينفع بديل 80% للفوتوشوب.. ينقصه بعض ما يتعلق بجرافيكس الويب والأنيمشن بتاع فوتوشوب.. لكن كشغل طباعة ممكن يحل محله. أنك سكيب كويس برضه وينقع بديل لللإيلستريتور.. بس إليستريتور فيه شوية اختراعات دقيقة التخصص مقصورة عليه.. يعتبر برضه 80%. كانت تكمل لو إنديزاين موجود.. إنما للإسف مش موجود. المشكلة في إنديزاين إنك بتكون مرتبط بشغل فريق عمل معاك، مسألة تبادل الملفات، ده طبعًا بخلاف إن إنديزاين مالوش بديل إصلاً على منصاته الأصلية.. لا على الماك ولا على الويندوز. كذلك لو بتعمل فيديو مونتاج.. مافيش حل موجود حاليًا على اوبنتو.. كشغل ويب وشغل مكتبي عام للمستخدم العادي هو هايل.. تقريبا كل حاجة موجودة.

طيب يامعلمي لما انت عارف النظام سايبني احرق بنزين ليه

روح...

وتعالى بسرعة

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الكلام ده غلط يا جماعة	إقتراحات ... مشاكل تقنية	كيرمايكل	95	9528	25th January 2012 07:47 PM
مالِك حَزين	معرض الصور والفنون الجميلة	إكرام يوسف	4	921	8th January 2012 11:33 PM
حد عنده بروجكتور؟	ثورة مصر ... 25 يناير 2011	Prof	4	1325	25th December 2011 07:53 PM
حملة المشاركة الشعبية لدعم المرشحين الشباب	توعية جماهيرية	الخلاصة	1	1360	14th November 2011 02:12 PM
أوراق يوسف صديق	ثورة يوليو 1952	إكرام يوسف	9	4181	11th November 2011 09:02 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صفقة شاليط تمت	brain	فلسطين أرض الرباط	60	28th October 2011 05:40 AM
بلت فش مع استاكوزا .. حد له هوى ينور فى الضلمة؟	بندق	شؤون المطبخ	14	11th April 2010 09:01 AM
فرحة ما تمت	oskasan	أرشيف أبواب الكمبيوتر والإتصالات	66	18th June 2009 06:54 PM
ثلث الأسماك أعلاف للحيوانات	FINETOUCH	موضوعات عامة ... موضوعات خفيفة ... منوعات	0	2nd November 2008 09:51 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الكمبيوتر والإنترنت

أوبونتو بأة