الا كارفور العبور !!!

[aymanology]

الصحف المصرية والعربية

حدث لي موقف سخيف جدا امس اثناء زيارتي لكارفور هيبر ماركت فرع العبور ( جولف سيتي مول)

اشتريت لاب توب المفروض انه جديد

وبعد ما رحت البيت الاقيه مستعمل

لقيت واحد متصور بالجلبيه في بيته
وحاطط صور كتيير

ولقيته عامل داونلود ل حوالي 4 جيجا افلام واغاني من النت

ايه العك دا

المصيبه اني لما جيت ادخل الفيسبوك لقيت الاكونت بتاعه متسجل بالباسورد .. اسمه محمد السيد

ولقيت مواقع نت كتيييييييييييير اوي متسجله علي الجهاز ( اكيد كان بيستخدمها )
انا بصراحه رحت هزءتهم ورجعته ليهم واخدت ال 3الاف جنيه

لقيت المدير بيقول للمندوب ابقي امسح الصور اللي عليه وحطه في كرتونته عادي

استهبال وسرقه علني
بصراحه افتكرت كلام الباشمهندس ايهاب سالم لما قال انه في كندا ممكن يشرتي اي منتج وبعد فتره يرجعه للمحل بمنتهي البساطه بمجرد انه لا يعجبه .. او انه غير رايه

بس احنا هنا في مصر يا عزيزي مش كندا

العجيب انه في سياسه الاسترجاع ( الاستهبال ) بتاعه كارفور مكتوب علي الريسيت ان الابتوب او الموبايل لا يتم ارجاعهم الا لو بهم اعطال ..
بما ان هذا اللاب كان مع شخص وتم ارجاعه اذن هو به عيب .. ليه بقي يبيعوه تاني لاقرب زبون
وانا متاكد 100% انه مش مجرد خطا لاني تذكر نظرات المندوب لي وانا بشتريه امس .. كنت حاسس انه عامل عامله .. كان متوتر اوي وعمال يفتح الاب ويعمل حاجات كده واقوله في ايه ؟؟ يقول لالا مفيش انا بظبطهولك .. غبي .,.. ربنا وقعه في شر اعماله وفضحه


الغريب ايضا انني من شهرين تقريبا اشتريت لزوجتي موبايل الكاتل من نفس الفرع وعند وصولي المنزل افاجئ ان الموبايل لا يعمل اطلاقا ( لا بيشحن ولا بيشتغل ولا بينور ولا اي حاجه ) ورحت رجعته ليهم تاني يوم برده

انا حاسس ان الفرع دا كله سرقه ( مال سايب) وحبيت انبه الاصدقاء في المطاريد انهم ياخدو حذرهم

 

[أحمد باشــا]

اعمل زيي يا ايمانولوجي ... متشتريش جهاز الا لو كانت الكرتونة مقفولة محدش فتحها ... و اوعى تشتري المعروض ابدا

 

 

[aymanology]

احمد باشا حبيبي ..


انا مشترتش المعروض

دا المندوب قال لي انا هجيبلك واحد من المخزن بكرتونته
بس انا مختش بالي ان الكرتونه كانت مفتوحه ( السيل اللي عليها مقطوع)

 

 

[aymanology]

الموظفه بتاعت خدمه العملا بتقول لي تحب تشتري واحد تاني بداله؟؟

قلت لها ابدا .. انا سامع المدير بيقول للموظف امسح الصور وحطه في كرتونته..

خلاص مفيش ثقه تاني اني اشتري منكم

هاتي الفلوس احسن

 

 

[مزاياإنسانة]

ههههههههههههه إيه الحظ المهبب ده يااااااااااااربي
عاوز نصيحيتي ياأخي العزيز
الأجهزة الألكترونية ماتاخدهاش من محلات زي كارفور ولا أي هايبر مهما كانت رخيصة
الأفضل تشتريها من محلات متخصصة ولها ضمانات
زي عندنا في السعودية كل شركة لها ضمان مثلا الموبايلات
عندنا ضمان شركة مشاعل الخليج ضمان جرير ضمان الوكيل لسوني نفسها
ضمان إس تي سي ضمان موبايلي
طبعا إنت عندك إختيار لأجود ضمان بس بتلاقيه فيه شوية زيادة في السعر
وكده في أغلب الأجهزة
أنا بستغرب اللي يشتري أجهزة خاصة الألكترونية من الهايبر
من أحد الأسباب اللي تخليني ما أشتريش أن أغلب حاجتهم معروضة والكل بيفرج حتى اللي مش عاوز يشتري
الجهاز الوحيد اللي أشتريته من الهايبر كان خلاط بلندرهههههههههههه لا وكان عليه تخيفض
وخد بالك ما تشتري من الأجهزة اللي في العرض خالص حتى لوكانت ثلث القيمة

 

 

[aymanology]

اقتباس المشاركة الأصلية كتبت بواسطة مزاياإنسانة ههههههههههههه إيه الحظ المهبب ده يااااااااااااربي عاوز نصيحيتي ياأخي العزيز الأجهزة الألكترونية ماتاخدهاش من محلات زي كارفور ولا أي هايبر مهما كانت رخيصة الأفضل تشتريها من محلات متخصصة ولها ضمانات زي عندنا في السعودية كل شركة لها ضمان مثلا الموبايلات عندنا ضمان شركة مشاعل الخليج ضمان جرير ضمان الوكيل لسوني نفسها ضمان إس تي سي ضمان موبايلي طبعا إنت عندك إختيار لأجود ضمان بس بتلاقيه فيه شوية زيادة في السعر وكده في أغلب الأجهزة أنا بستغرب اللي يشتري أجهزة خاصة الألكترونية من الهايبر من أحد الأسباب اللي تخليني ما أشتريش أن أغلب حاجتهم معروضة والكل بيفرج حتى اللي مش عاوز يشتري الجهاز الوحيد اللي أشتريته من الهايبر كان خلاط بلندرهههههههههههه لا وكان عليه تخيفض وخد بالك ما تشتري من الأجهزة اللي في العرض خالص حتى لوكانت ثلث القيمة

عندك حق يا مزايا
ههههههههههه
انا مراتي قالت لي نفس الكلام دا .. بس بطريقه تانيه



هو كان عليه اسطوانه ويندوز سفن هديه

 

 

[basma_kdm]

الحمد لله ربنا ستر المرة دي واهي تجربة وعدت
شـكــ وبارك الله فيك ـــرا لك ... لك مني أجمل تحية .

 

 

[sasaasso]

مصر من احلي الأماكن