البدائل الحرة للبرامج

[حشيش]

الصحف المصرية والعربية

معلومات وشرح مفيش ولا أجمل ولا أروع يا معلم

لكن هل ستتوافق الملحقات كالبرينتر والراوتر والسكانر والكلام ده كله مع نظام اللينكس الجديد وهل سرعة التصفح والنت حتكون أفضل على اللينكس بالمقارنة بالويندوز؟ - وهل الحاجات الـ plug and play زى الفلاشه وما شابه حتشتغل بدون مشاكل على اللينكس؟

وهل أنت بتستخدم لينكس بدلاً من ويندوز حالياً على جهازك ولا لسه بتشاور عقلك.

 

 

[KANE]

اقتباس المشاركة الأصلية كتبت بواسطة حشيش معلومات وشرح مفيش ولا أجمل ولا أروع يا معلم لكن هل ستتوافق الملحقات كالبرينتر والراوتر والسكانر والكلام ده كله مع نظام اللينكس الجديد وهل سرعة التصفح والنت حتكون أفضل على اللينكس بالمقارنة بالويندوز؟ - وهل الحاجات الـ plug and play زى الفلاشه وما شابه حتشتغل بدون مشاكل على اللينكس؟ وهل أنت بتستخدم لينكس بدلاً من ويندوز حالياً على جهازك ولا لسه بتشاور عقلك.

الملحقات بنسبة 95% هتشتغل - وبدون اي تعريفات او تدخل من عندك-

يمكن بعض اجهزة الاسكنر يكون فيها مشاكل او ما بتشتغلش

عموماً ممكن تشوف الجهاز اللي عندك مدعوم من لينكس و لا لأ



النت على لينكس قصة تانية خالص سريع جداً
للدرجة اللي ممكن تشكك هو النت في ويندوز بيحصل فيه ايه

-في الأغلب الأعم ويندوز بيبقى حاجز جزء من الباند ويدث لتحميل التحديثات

وجزء تاني بيبعت تقرير على اللي انت بتعمله -



انا باستخدم لينكس من 20 سنة تقريباً

كان فيه فترة كده كنت باسيبه وارجع

بس من 10 سنسن خلاص استقريت عليه بشكل اساسي + ويندوز برضه


انا باستخدم fedora و pop os (نسخة مشتقة من ديبيان) بشكل اساسي في workstation للشغل عندي في البيت

وطبعاً Centos أو Redhat او ORACLE Linux كسيرفر -الثلاثة واحد -

وفيه لاب مخليه على elementary os


والواجهة عندي gnome

ودي لأني متعود عليها بس هتكون صعبة نوعاً ما على اللي جاي جدي في لينكس

 

 

[KANE]

التطبيق الأول الذي يشغله الجميع بعد تركيب نظام التشغيل هو برنامج office



للأسف البرنامج غالي واصبحت قرصنته ايضا مثل قرصنة ويندوز

قابله لفيروسات الفدية ransomware

الحقيقة 90% من فيروسات الفدية تقريبا من برامج قرصنة وتفعيل ويندوز واوفيس- بما انهم الأكثر استعمالاً وانتشاراً-


طيب والحل؟


الحل الوحيد الآن
مع الأخذ في الاعتبار انه ليس بقوة office ولا بالسهولة التي يتيحها microsoft office

ولكن هو بديل اكثر من رائع تماماً

وفي بعض الأحيان سيكون اكثر من كافي

هو LibreOffice






هو برنامج يتيح بدائل جيدة للأوفيس

الاجمل انه متاح على ويندوز ولينكس وماك


https://www.libreoffice.org/


يوجد برنامج للكتابة
LibreOffice Writer

بديل word





LibreOffice Calc

بديل

excel





LibreOffice Impress

بديل
power point



LibreOffice Draw

برنامج للرسم


Libreoffice Math

برنامج لكتابة المعادلات




LibreOffice Base

برنامج لقواعد البيانات

بديل access

 

 

[KANE]

يوجد دعم جيد للعربي

https://ar.libreoffice.org/

ولكن عملية الانتقال من microsoft office ل libreoffce تحتاج لبعض التعود

عملية فتح الملفات من microsoft office والى libreoffce سهلة وبسيطة

ممكن تاخد فكرة وتجرب مش هتخسر حاجة

 

 

[حشيش]

معلومات قيمة وشرح مفصل ووافي جزاك الله خيراً يا KANE

معلومة إضافية للناس اللى عايزة تشترى نسخة مرخصة من ال microsoft office بسعر رخيص جداً مقارنةً بسعرها الأصلي تشتريها من الـ ebay - مثال:



https://bit.ly/3mJC6b8

معلش سؤال يا كين - ما الفرق بين 32/64 Bit عندما نتحدث عن ويندوز 10 وأيهما نختار؟

 

 

[KANE]

اقتباس المشاركة الأصلية كتبت بواسطة حشيش معلومات قيمة وشرح مفصل ووافي جزاك الله خيراً يا KANE معلومة إضافية للناس اللى عايزة تشترى نسخة مرخصة من ال microsoft office بسعر رخيص جداً مقارنةً بسعرها الأصلي تشتريها من الـ ebay - مثال: https://bit.ly/3mJC6b8 معلش سؤال يا كين - ما الفرق بين 32/64 Bit عندما نتحدث عن ويندوز 10 وأيهما نختار؟

باختصار غير مخل وبدون الدخول في تفاصيل فنية


32 بت يعني ان نظام التشغيل / البرنامج لا يستطيع العمل على memory اكبر من 4 جيجا بايت

يعني لو الرمات عندك 4 جيجا او اقل استخدم 32 بت


اما لو الرمات عندك اكبر من 4 جيجا

فمبدئياً لازم ويندوز / او لينكس يكون 64 بت علشان يقدر يتعامل مع الرمات دي

ونفس القصة للبرامج

مره كنت باشوف جهاز واحد معرفه كان بيشتكي ان الجهاز بطئ جداً مع انه مركبله 8 جيجا رام

اكتشفت ان الويندوز عنده 32 بت وبالتالي ويندوز مش مستفيد غير ب 4 جيجا وال 4 الباقيين هو مش عارف يتعامل معاهم اصلاً


طيب ينفع اشغل برنامج 32 بت على ويندوز 64 بت

آه ينفع


العكس غير صحيح

يعني النظام / ويندوز 32 بت ما ينفعش اشغل عليه برنامج 64 بت



خلاصة القول سواء معاك 4 جيجا رام او اعلى خليك مع 64 بت

وغالباً خلال سنتين بالكتير مش هيكون فيه حاجة 32 بت اصلاً

توزيعات كتير من لينكس ابتدت تسقط دعم 32 بت

 

 

[حشيش]

اقتباس المشاركة الأصلية كتبت بواسطة KANE باختصار غير مخل وبدون الدخول في تفاصيل فنية 32 بت يعني ان نظام التشغيل / البرنامج لا يستطيع العمل على memory اكبر من 4 جيجا بايت يعني لو الرمات عندك 4 جيجا او اقل استخدم 32 بت اما لو الرمات عندك اكبر من 4 جيجا فمبدئياً لازم ويندوز / او لينكس يكون 64 بت علشان يقدر يتعامل مع الرمات دي ونفس القصة للبرامج مره كنت باشوف جهاز واحد معرفه كان بيشتكي ان الجهاز بطئ جداً مع انه مركبله 8 جيجا رام اكتشفت ان الويندوز عنده 32 بت وبالتالي ويندوز مش مستفيد غير ب 4 جيجا وال 4 الباقيين هو مش عارف يتعامل معاهم اصلاً طيب ينفع اشغل برنامج 32 بت على ويندوز 64 بت آه ينفع العكس غير صحيح يعني النظام / ويندوز 32 بت ما ينفعش اشغل عليه برنامج 64 بت خلاصة القول سواء معاك 4 جيجا رام او اعلى خليك مع 64 بت وغالباً خلال سنتين بالكتير مش هيكون فيه حاجة 32 بت اصلاً توزيعات كتير من لينكس ابتدت تسقط دعم 32 بت

معلومات قيمة جداً جزاك الله خيراً - طيب معلش سؤال كمان لو تكرمت - إزاى أغير الويندوز 10 من 32 بيت إلى 64 بيت؟ - هل أعيد تحميل الويندوز 10 من جديد ولا فيه خيار الإنتقال من 32 بيت إلى 64 بيت؟

 

 

[KANE]

اقتباس المشاركة الأصلية كتبت بواسطة حشيش معلومات قيمة جداً جزاك الله خيراً - طيب معلش سؤال كمان لو تكرمت - إزاى أغير الويندوز 10 من 32 بيت إلى 64 بيت؟ - هل أعيد تحميل الويندوز 10 من جديد ولا فيه خيار الإنتقال من 32 بيت إلى 64 بيت؟

الانتقال من 32 ال 64 سهل مجرد اعادة تثبيت الويندوز بنسخة 64 وسيتم ترقية النظام

ولكن ستحتاج لترخيص جديد لنسخة 64 للأسف

 

 

[KANE]

اعتذر عن التأخير في البوست ولكن مشاغل بالجملة

ساتابع قريبا

 

 

[Mafia]

السلام عليكم ورحمة الله وبركاته
انا اول مرة انزل لينكس من مدة طويلة اخرها كانت في حدود 2007 لنسخة لينكس ارابيان
وبعدها نزلت اوتو بس ماثبتتهاش

حاليا لقيت ï»»بتوبي القديم في بيت اهلي وهو انا اشتريته سنة 2011
بروسيسور coe i3
ram 4 gb
500 gb hdd
hp pavilion g6

ونزلت عليه لينكس ï»»ن فيه دودة ساليتي صايبة الجهاز والجهاز فيه حاجات مهمة جدا
فمكانش ينفع انزل ويندوز من جديد ï»»ن حيتضرب حيتضرب وجربت كاسبرسكي بوتابل شال الفيرس بس لسة في مشاكل في الملفات

المهم جاتلي فكرة انزل لينكس مينت والصراحة اï»»داء رائع وسريع ورجع اï»»بتوب للحياة
واداء ممتاز ويقوم بكل شئ

انا بفكر لو اطور الهارد واركب له SSD وحيبقى رائع

اداء لينكس مينت وسهولته وخفته تجعله نظام ممتاز ï»»ي حد
انا عندي ويندوز وماك بس بصراحة لينكس مينت نظام رائع
ويتنافس مع اï»»ثنين الباقيين ويمكن اقوى منهم