Arabic Discussion Forum with a Special Interest in Travel and Immigration

نفرتارى · 26th October 2011, 07:28 PM

الصحف المصرية والعربية

تحياتى سندباد

الحقيقه مهما قلت أنا متابعه لآن صراحه
كليماتك لها طعم خاص
بالتوفيق ان شاء الله

تحياتى مرة أخرى

بنت البلد · 26th October 2011, 08:09 PM

دعوه لموضوعي

عدسة بنت البلد

مبروك

" سندباديات "

أعلم أن منها سننهل من بحار الجمال

كل تقدير

وتسجيل متابعه

SindBad · 26th October 2011, 08:56 PM

اقتباس

المشاركة الأصلية كتبت بواسطة نفرتارى


	تحياتى سندباد الحقيقه مهما قلت أنا متابعه لآن صراحه كليماتك لها طعم خاص بالتوفيق ان شاء الله تحياتى مرة أخرى

مليكة متوجة بالذوق
تنثر عطاياها عبيراً
تشتم شذاه يحيك
يشفيك إن كنت عليلاً

SindBad · 26th October 2011, 09:09 PM

اقتباس

المشاركة الأصلية كتبت بواسطة بنت البلد


	مبروك " سندباديات " أعلم أن منها سننهل من بحار الجمال كل تقدير وتسجيل متابعه

تنطلق حروفي بلا عنان
تنظم عقود الفل والياسمين
ابتهاجاً بتشريفك
مدونتي المتواضعة

مــــلامــــح · 26th October 2011, 09:32 PM

دعوه لموضوعي

رســـوماتى

تهانينا يا استاذ سندباد على افتتاح المدونه

تسجيل متابعه واعجاب بما قرأت

SindBad · 26th October 2011, 10:05 PM

اقتباس

المشاركة الأصلية كتبت بواسطة مــــلامــــح


	تهانينا يا استاذ سندباد على افتتاح المدونه تسجيل متابعه واعجاب بما قرأت

ملامح محببة للنفس
مرسومة برقة متناهية
تهفو لها قلوب الناس
ريشتها تقطر دُر وألماس

SindBad · 26th October 2011, 10:25 PM

اقتباس

المشاركة الأصلية كتبت بواسطة SindBad


	في اللي كتبته قبل كده كنت بعبر تقريباً عن مشاعري وانفعالاتي في التجربة دي هأتخيل مشاعر حد تاني

.

خلاص حرمت هأبطل أتخييل
هأوصف مشاعري بس

SindBad · 26th October 2011, 11:09 PM

لما جه الشتا
فكرني بيكي

انتي كما
الشتا متقلبة

ساعة مطر
ساعة رعد
ساعة برق

وساعة سيل
يهد الحيل

ريح شتاكي
هدهدتني
لأ... هدتني

تعبت منك

بقيت خايف
مانيش عارف

بخاف منك
ولا عليكي

نفسي ف صيف
ارتاح ف صهده
من شتا لياليكي

ليه......
ليه الشتا
ف حبنا بيطول
والغيم سحابة
مضللة على طول

انسي الجفا
ده انتي الدفا

احضنيني
ضمني دفيني
احضيني بعنيكي

SindBad · 26th October 2011, 11:14 PM

نكتفي بهذا القدر من الشعر والمشاعر...
لقيت حاجة من زمااااااان
==========

وف الأصل مصر بلدي....

فتحت عينيا في أوائل السبيعنات ... والبلد لسه فيها روايح الوطنية والحماسة وقريبة من النصر والثورة والاصلاح.. المهم...

حبيت البلد دي... وبقى حبها يجري ف دمي.. وأقبل لها الاعذار، واتحمل عشانها النار،
ومهما انكوي منها ولا من اللي حاكمينها ... اقول برضه دي تبقى بلدي
أمي.. مربياني ومعلماني.. ومكبراني...وكل ما اكبر ... حبها يكبر... لحد ما بقت هي أغلى وأعز حاجة عندي...
وكل أم فيها أمي ... وكل أب فيها بقى والدي.. وكل شبابها أخواني.. وكل شباتها بقم عاري..
أخاف عليهم من النسمة.. من الهمسة من الكلمة وأريديهم.. فوق شواشي النخل عاليين...يشرفوني. ما انا اخوهم ...
وكل يوم كان يكبر معايا عزتي بنفسي وافتخر إن أنا مصري.... وأمشي بزهو بين كل الخلايق بمصريتي اتباهى واتعايق...
والله كنت أعدي كتييييير.. هفوات وسقطات.. من ابن خاين او ابن عاق..
اللي يحكم بامره ...واللي يمشي بامره.. واللي ما فادهاش في عمره..
واقول هفوات هفوات ... وبتحصل ف احسن العائلات..
كافحت وقاوحت لحد ما خلصت تعليمي.. وفرحت بانجازي واتماديت ف اخلاصي..
وقلت ابداً لا يمكن مستحيل.. أسيب بلدي لازم أكد فيه وأخد نصيبي وأسد الدين..
أنا اتعلمت وقلت لازم اعلم غيري.. عشان اريح ضميري..
قدمت اوراقي في وزارة التعليم... وبديت اشتغل بالحصة ... واساعد على قد ما اقدر شبابها وبناتها واحلوت القصة...
خطبت زي كل الشباب.. وبدأت أبعد عن عيشة العزاب.. واقول هانت يا بلدي بكره يجيني ولدي واعلمه يحبك ..ويكون عونك ف كربك...
فجأة لقيت كل شيء بيتغير...ووقفت متحير...
وظيفة قالولي مفيش.. خطوبة متلقيش..
غش وخداع ومكر وبتاع...
إيه ده أنا كنت فين... وده جالنا منييين..
قالولي اصحى انت كنت في سكرة عايش في وهم الوطن.. اللي اتملى عطن...
إشي انفتاح.. واشي اكتساح.. وبقت سداح مداح...كله دلوقتي بيدور على الارباح..
عايز وظيفة ابيج تجد أو تتنكس.. عايز عروسة.. معدشي خلاص والنبي اتوكس...
احتارت مشاعري وانهارت دوافعي.. وانفعالاتي اتلخبطت.. ...
اكره واحب ...وأهدى وأدب.. واضحك وابكي... ولا قدرشي احكي...
ليشمتوا فيا... اللي ضحكوا عليا... ووقفت محتار وتاهت الافكار..
وبقت مصر مصيدة ولقيتني بقيت فيها كما الفار... بالنهار ادور .. وليلي مذعور..
وقبل ما انهار.. ويجرفني أي تيار.."فكري او ديني" ...
قررت أسيبها وانا مرغم.. وحجزت تذكرة ..وركبت طيارة وانا مرغم.. ..
وبكيت على السلم.. وكنت بتألم.. وصرخت والله " إن الله يعلم أنك أحب أرض الله إليّ ولولا أن أهلك أخرجوني منك ما خرجت"....
واترميت ف احضان الغربة.. وقلت احاول اخرج من الكربة، اتاري الناس برة برضه بتتغير...
أول واحد قابلني قال يابني عايز تعيش هنا مستور.. اتعلم الندالة.. .اوعاك تكون تور..
تنحت له مانيش فاهم.. قولت له ....يا عم غووووووووووور..
ودارت الايام ولفت الايام... وافتكرته .. آه والله افتكرته.. كان عنده حق.. وانا اللي قلت لأ ..
مرضيتش اكون ندل.. بقيت تايه وهربان من العدل.....
المهم مطوليشي عليكم... قولوا طوووووول .. وقول واحكي من الاول...
لقيت نفسي غريب ومتغرب.. ومخالف "من غير فيزا" وف كل مكان بهرب..
مسكت نفسي واستمسكت.. وفيها انا اتحكمت.. وربي عاني.. وخف عني..
وبقيت ف البلد دي شرعي.. اول ما بقاللي فيزا.. افتكرت مصرالعزيزة..
ونسيت آهاتي فيها.. وخيانات أهليها.. وقلت لابد ارجعلها فوراً..
وحجزت ومسكت التذكرة ف ايدي.. وقلت انزل اجيبها من اولها..
من أول حتة ع الساحل.. نزلت مطار اسكندرية اللي كانت ماريا...
ولحظة نزلت ع المطار وطيت ع الارض ابوسها.. بقلب حنون.. مسكني واحد جنبي قاللي اهدي يا مجنون..
قابل الباشا الاول .. واكييد مشاعرك هتتحول.. بصيتله باستغراب.. ايه ده .. شعرت بالارهاب..
وانا باضحك ف وش الظابط.. قاللي مالك هتتعابط... اتلعثمت واتحشر في زوري الكلام..
وقاللي من امتى برة مصر انطق ليك كااااااااااام؟؟
رديت بعيون زايغة وصوت حزين خمسة.. خمس سنين..
قاللي وفرحان .. اكييد عامل عاملة... روح هناك على امن الدولة...
تسع ساعاااااااااات يا محترميييين في مطار المصريين.. سين وجين وجيم وليم..
كنت فين رحت فين عرفت مين وشوفت مين ..
وانا على صرخة واحدة ياخوانا والله العظيم.. أنا مصري.. وأفلاطون عصري ..
حالف ما عشق سواها.. ولا يحلالي إلاها...
والله مارحت مكان غير من هنا لهناك.. ومانيش بتاع حركات...
المهم قال انه صدقني..
خولصنا من دي...مسيكنا في دي.....
قاللي : قولي بقى انت من سوهاج صح..؟؟
قولتله وانا بدور على ابتسامة .. أيوه صح؟؟
قاللي طب ايه اللي نزلك اسكندريييييييييييييييييية؟؟ انا قولت : هااااااا هوه ممنوع عليااااااااا...
قاللي بطل لماضة يا تنزل القاهرة يا تنزل لاقصر هي مش سايبة تنزل ف المكان اللي يعجبك.. ،
تنحت اكتر وبطلت افكر.. وقلت حاضر .. وعملت فيها عبيط.. وخرجت عايز م المطار ارجع تاني.........

نفرتارى · 27th October 2011, 02:51 PM

متابعه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مدونة ماتركس	Matrix	مدونات الأعضاء	192	29th March 2016 05:13 PM
مدونة ana_3enady	ana_3enady	مدونات الأعضاء	185	27th November 2012 11:47 AM
مدونة CMA	ana_3enady	مدونات الأعضاء	80	17th November 2012 07:43 AM
مدونة السهران	سهران لوحدى	مدونات الأعضاء	374	24th October 2012 02:06 PM
مدونة Rapt	Rapt	مدونات الأعضاء	261	12th June 2012 08:21 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مدونات الأعضاء

مدونة سندباديات