يوميات مونترياليه

[alaashabana]

الصحف المصرية والعربية

السلام عليكم
ده موضوع جديد بعد ما انتقلنا بفضل الله تعالى ثم بفضل المنتدى العظيم الى الحياه فى مونتريال
بعد مشوار طويل بدا فعليا فى سبتمبر 2011 وبدا الحلم قبله بعده سنوات تحديدا فى سنه 2002

حبيت اعمل الموضوع الجديد وذلك لسببين
اولا : ايام التقديم وما قبل التقديم كنت دايما على المنتدى وكنت دايما بتابع الاخبار وبقرا مواضيع الناس الافاضل باهتمام وكنت بتمنى اليوم اللى اسافر فيه وساعتها اخدت عهد امام الله لو اتكتب لى يبقى حلمى حقيقه انى اكتب فى المنتدى ويكون كلامى دافع لناس انها تحتهد فى مشوار الهجره ويكون امل لهم انه يتحقق قريبا باذن الله
ثانيا : لعلى وعسى يكون فى بعض كلامى معلومه تقيد اى عضو ونحسبها عند الله صدقه جاريه باذن الله

توكلنا على الله ونبدا التوبيك

النوبيك ده هيكونً خاص بنقل تجربتى الشخصيه فى الحياه من ارض الًواقع داخل مونتريال ،، اعذرنى انى مش اقدر اجاوب على كل الاسءله نظرا لقله خبرتى فى الحياه لانى جديد
واعتذر مره اخرى عن عدم الاجابه عن الاستقسارات الخاصه بالهجره نظرا لتغير القوانين

بدايه الحلم
سنه 2002 ،، برنامج ICQ ،، اول مره استعمل الشات واول شخص انكلم معاه كان كندى ،، مكنتش اعرف فين مندا .. شخص محترم شغال فى وزاه الصحه على ما اتذكر ، بعتلى كتب عن كندا وصل بالبريد مع عمله كندا الرسميه بقيمه 5 دولار
وبدا الحلم
كنت صغير لسه يدوب داخل الجامعه ،، بس بقيت عاوز اهاجر ،، ليه وفين وازاى معرفش اى شىء
كبرت شويه وقبل التخرج بسنه قررت انى مش عاوز اعيش فى مصر ،، منت دايما بتفرج على افلام اجنبى واتمنى انى اعيش فى وسط المجتمعات دى ،،
سافرت شرم واشتغلت فتره واتعاملت معاهم على ارض الواقع وزاد الحلم ،،
بعدها سافرت الخليج ، من اول يوم سافرت فيه وانا اخدت عهد على نفسى انى مش هعيش واموت فى بلاد الخليج
بلاد طول الوقت تحس انك ضيف ، بتاكل وتشرب وتتعالج بفلوسك ،، ولو انقطعت الفلوس تنقطع الحياه
بلاد بتتعالج فقط للشديد القوى ،، دمنا بتمص فعلا وقولا والله وده وجهه نظرى ولكن
ولكن لهم كل الفضل بعد الله فى تحقيق حلمى ،، بلاد فيها امن نسبيا ،، فيها قانون فيها عدل الى حد ما واحسن شىء ان مش فيها روتين او تعب لما تطلع ورق حكومى
بالتالى مقدرش اقول كلمه عليهم بس كل ده يعتبر فقط ظرف موءقت ولكن ليست بلاد للحياه فيها على المدى الطويل

بدات اتابع منتديات الهجره ايام المحاورات المصرييين ،، منتدى العمالقه ،، منتدى اتجمع فيه احسن الشخصيات اللى فى بالنا الى الان كرموز للهجره
شويه ظورف حصلت ولعدم اكتمال الخبره المطلوبه اناخرت فى التقديم الى سنه 2010 ،، اذ فجاه القوانين تتغير فى الفيدرال
سنه 2011 بدات المتابعه فى منتدى المطاريد
وبدات احضر الاوراق ونظرا لاعتمادى على بعض الاقاويل ليست بالدقه الكافيه ان مش ينفع نقدم ملف كيبيك بدون امتحان لغه اتاخرت فى التقديم لسنه كامله على امل دراسه اللغه والتقدم الى امتحان اللغه ،
وده كان اول درس اتعلمه قى الهجره ،، ان قوانين الهجره واضحه وصريحه ومش نعتمد على اراء او اجتهادات بعض لاعضاء جزاهم الله خير ،
سبتمبر 2012 التقدم الى امتحان الايلتس لاول مره وللاسف مش حصلت على الاسكور المطلوب ،
بعدها ب اسبوعين تقدمت للامتحان مره اخرى والحمد لله اتوفقت فيه
ارسال الملف بعد ترجمه الشهادات وخلافه فى ديسمبر 2012
وجاءت لحظه تاريخيه اولى عيد الحب 14 فبراير 2013 وحصولى على الفايل نمبر

حصولى على الفايل نمبر بدون ارسال شهادات لغه فرنسيه وكنت اول حاله فى المنتدى احصل على فايل نمبر بدون شهادات لغه وثبت ان شهادات اللغه فقط اذا كنت بحاجه لنقاط اللغه

نراكم باذن الله فى الحلقه القادمه
posted via mobile device

 

[Hanzmolar]

جميل وشكرا مقدما يا علاء ويا رب تستمر ومتزهقش وتبطل كتابة. بقت حاجة مينستريم في المنتدي ان الناس مبتكملش.
posted via mobile device

 

 

[Salah.Badawi]

تسجيل متابعة و منتظرين تفاصيل اكتر

 

 

[Muhammad Gad]

بارك الله في مجهودك الطيب .. وفي انتظار المزيد..

 

 

[shawi]

اتفضل خش برجلك اليمين افرد براحتك
قول واسترسب زمان ما حد كتب حكايات وحواديت بقينا بنتنشق على المواضيع تلاقي واحد ابتدا ابتهاجا بالوصول وبعد شهر اول ما يبتدي يتعك في الدنيا هنا وطبيعتها والمعادله لو محتاجها وشغل الكاجيوال اللي حاسس انه مش مستواه وبدايه عدم الرضى واهتزاز الحلم والغبش على العينين
لذلك انصحك اخي الفاضل وما توفيقي الا بالله
اولا خلي بينك وبين ربنا صله كويسه جدا فهو مرجعك لان الرزق بيد الله
تاكد ان كان عندك قناعه ان عندك رزق ولو تمرات ( التمر هنا حبته كبيره) ومعاهم كبايه لبن يبقوا غذاء كافي عندها ان شاء الله مش حتحس بموضوع الرزق
كفايه انك بتنام مرتاح.....ومحدش واقف على الباب لا كفيل ولا اقامه عاوزه تجديد لو الحاجتين دول اتنسوا واتلغوا في بلادنا العربيه كنت حتلاقي ناس كثير بتفكر كثير قبل موضوع الهجره
مش حطول عليك
ربنا يوفقك
مستنيين السرد.........

 

 

[madzoro]

اعانك الله ووفقك في حياتك الجديدة .... متابعين

 

 

[hattabfj]

يعطيك العافية
متابعين

 

 

[osamakhaled]

تسجيل متابعة بالتوفيق استاذ علاء

 

 

[alaashabana]

شكرا لكم جميعا وربنا يوفقنا الى ما هو افضل باذن الله
مهندس شاوى اتشرفت حقيقى بمعرفتك جزاك الله الف خير

نكمل الحلقات

بدايه من فبراير 2013 والحمد لله اول خطوات الهجره تمت بنجاح وجاء وقت دراسه الله الفرنسيه
اول حاجه جربتها انى اخد كورس ونلاين مع مدرسه على الاسكايب - للاسف الوضوع مش نجح بسبب اختلاف المواعيد وااختلاف التوقيت بين البلدين
قررت اذاكر مع نفسى ونزلت كتب لا باس بها فى اللغه وبدات فعلا اذاكر وحسيت ان المستوى بدا فى تقدم
ولكن بعد فتره حصل شويه كسل - وساعتها قررت اخر كورس فى سنتر
للاسف فى دبى كورسات اللغه الفرنسيه غاليه بطريقه واضحه - الاول بدات اخد برايفت مع مدرسه من بلاد المغرب العربى
وللمره الثانيه تم الفشل بسبب انها مش عندها خبره فى تعليم الكبار - ودى نقطه احبطتنى جدا - بعد فتره قررت اخد فى سنتر كبير معروف فى دبى وطبعا الثمن اضعاف اضعاف
الموضوع كان كويس وكان فيه فعلا تقدم تدريجى فى المستوى بس مقدرش اكمل نظرا لغلاء الكورس فاكتفيت ب ليفيل واحد وكان ساعتها a2
وبدات انا اذاكر مع نفسى مره اخرى
اوقات كتير كنت برجع من الشغل بعد عناء زحمه الطريق لساعتين واتعشى وانام علشان اصحى الساعه 3 فدرا اذاكر الى الساعه 6 صباحا
مخبيش عليكم كنت بحس بياس شديد فى الفتره دى بس كنت بستغل اى فرصه اذاكر فيها

جات فتره شهر مايو 2015 وبدات ايميلات الابديت تتبعت للناس وبدات الناس فى ارسال الابديت
منهم اللى للاسف ربنا مش وفقه كان الله فى عونهم ومنهم اللى جاله السى اس كيو بدون مقابله واحنا كنا اول جيل يعتبر يجيله السى اس كيو بدون مقابل
المهم جالى بفضل الله ايمي الابديت - ساعتها اخدت اجازه عاجله لاسبوعين ونزلت مع العيله والاولاد نحضر الورق
كميه الضغط النفسى المادى كانت لا توصف
للاسف النس بتكون متقوقعه اللى فى الخليج بيحوش كتير بس للاسف ده مفهوم خاطئ - خصوصا للوطايف اللى زى حالتنا المحاسبين السيلز والاعمال المكتبيه الروتينه
خصوصا كمان لو فيه عائله تتأكد ان الفرد مننا لو هيغطى بس مصاريفه يكون بطل بجد - ومعظم الناس هناك للاسف مزنوقه اما فى كريديت او فى قرض

المهم حضرنا الاوراق ورجعنا دبى وبعتنا الابديت
كنا ساعتها فى رمضان - لك ان تتخيل كميه الادعيه بعر صلاه التراويح والبكاء الشديد والله علشان ربنا يوفقنا ويجلنا السز اس كيو
الموضوع كان اشبه انى حطيت كل راس مالى فى الهجره - كل حياتى وحياه عائلتى كانت متوقفه على المضوضوع ده
ساعتها كنت حاجز لبنتى فى المدرسه ودفعت الدفعه الاولى وساعتها كنت بين نارين اسحب الفلوس تانى يمكن يجلنا السى اس كيو ولا اسيبها تكمل - طيب سيبتها تكمل وجيه شهر سبتمبر وجالنا السى اس كيو ساعتها الدفعه الاولى هتضيع علينا وده كان يعتبر 60% من اجمالى مصاريف المدرسه

طبعا ممكن حد يقول كنت اسيبها تكمل وتدخل السنه - بس ساعتها فكرت لو دخلتا وكملت كنت هضطر ادفع مصاريف على الارض لان مش هنستفيد حاجه من دراستعخا خصوصا انها كى جى 1

وبدات اولى حياه الضغط العصبى والنفسى ومسارعه الايام
بفضل الله تعالى اتصلت عليهم يوم 10 اغسطس وعرفت منهم انهم بعتوا السى اس كيو من 4 ايام تقريبا
من فترع ارسال الملف الى اول اسبوع فى عشهر اغسطس كنت بتصل بيهم يوميا - بعد كده مبقيتش اتصل يمكن اكون بقيت خايف او بقيت مش عاوز احط اعمل كبير على الموضوع واكمل حياتى وكل اللى يجيبه ربنا خير
بحكى الايام دى وكانها حصلت امبارح
الحمر لله اتصلت بيهم وقالولى بعتا السى اس كيو وبالفعل استلمتها يوم 14 اغسطس الساعه 12 ونص ظهرا بالتمام

لحظه تاريخيه - لحظه يتوقف عندها كل شئ- لحظه وانا شايلها لا توصف

وبدا تحضير اوراق الفيدرال - وارساله - فى الفتره دى مبقيتش خلاص طايق دبى ومش كايق الشغل ةبقيت فعلا بعر الساعات

شهر واتنين وثلاثه و10 شهور من ارسال الفيدرال ومفيش ميديكال
والحل - انا كنت فاكر الموضع بياخر 6 شهور وساعتها قولت ادخل بنتى المدرسه هناك شهر سبتمبر
ولكن لكل شئ موعده بفضل الله
مرت الشهةر ةبقيت فعلا قلقان - اتصل بيهم مفيش حد يفيدنلى - عملت الى كايبس ( استعلام عن الملف ) مرتين والملف مفيهوش اى حركه -
طيب والبنت الغلابنه دى داخله على 6 سنين ومش دخلت المدرسه - وكانت دى ثانى لحظات الضغط العصبى والنفسى -
بقيت خايف اكون ظلمتها
بس كنت متأكد ان ربنا له حكمه فى ذلك
شهر اكتوبر جيه - وكان اسعد شهر بالنسبالى وحصلت فيه المعجزات
يوم 18 اكتوبر داء خطاب الميديكال
يوم 22 اكتوبر ايميل فلوس اللاندنج ودفعتها فى نفس اليوم الحمد لله
يوم 28 اكتوبر ايميل طلب الباسبورتات - ازاى وليه وامتى مش عارف- مش بقولك يا موءمن كل شئ مكتوب فى موعده ومفيش حاجه بعيده عن ربنا

بعتنا الباسبورتات وعملنا المديكيال ودفعنا فلوس الاندنج
بعد ما دفعت الفلوس صديق مقىرب قالى شيك على فلوس الاندنج وصلت ولا لأ - انى ابحث عن ملفى بواسطه رقم الايصال بتاع الدفع بدلا من الفايل نمبر
بصراحه مش عملت كده - وقولت مش معقول هيبعتولى طلب الباسبورتات بدون ما يكونوا استلموا فلوس الاندن1ج

وجاءت الصدمه - الصدمه بجد اللى خلتنى اطبق يومين كاملين بدون مبالغه مش عارف انام
بعد ما بعت الباسبورتات يوم السبت وهما استلموها يوم الاحد فى السفاره
بعتلولى ايميل يوم الخميس الساعه4 ونص مسادا يعنى قبل ما يقفلوا بنص ساعه ونص الايميل كالاتى

للاسف مش هنقدر ندقلك الفيزا على الباسبورتات علشان نت مش دفعت فلوس الاندنج والملف هيتقفل فى خلال0 1ايام لو مش بعتلنا الايصال
ازاى - ايه الكلام ده - ايه الصيغه دى - ودماغى تقلب يمين شمال ازاى هما مش استلموا الفلوس- وانا بعت الايصال اكثر من مرات

طبعا هما قفلوا المكتب - وهيفتحوا تانى يوم الاحد - يعنى من يوم الخميس ليلا ليوم الاحد مش هعرف اتواصل معاهم
سيبت الشغل وعلى ارامكس وطبعت الايصال وبعتهلهم كورير بس طبعا هيوصل لهم يوم الاحد
يعنى4 ايام هيفوتوا من المده اللى ها قالوا عليها

روحت البيت واتصلت ب ال cic للاسف مش عرفوا يعملوا اى شئ لان ملفى بالكامل اتنقل مكتب ابو ظبى - بس ساعدتى بمعلومه بسيطه انى ممكن اعمل ابلود للرسييت من اللينك اللى بتغير فيه العنوان على الويب سايت وده يعتبر شئ رسمى انهم استلموه

من يوم الخميس ليلا الى الاحد صباحا بعت لهم الريسيت اكثر 15 مره - وفى اول ايميل بعت اللهجه شديده شويه انهم مش شيكوا على الايميلات اللى بعتها خصوصا انك لما بتبعت ايميل بيجيلك كونفرمشن انهم استلموا الايميل - وطلبت منهم انهم يبعتلولى تاكيد رسمى المره دى باستلامهم الايصال - مع العلم ان فى اييل الاندنج مكتوب انهم مش بيبعتوا اى تأكيد على استلامهم الايصالات

المه بفض الله بعد اطول يومين فى حياتى يةم الاحر الساعه 9 ونص صباحا جاء ايميل من الافيسير انهم استلموا الايصال والباسبورتات حاليا فى مكتب اصدار الفيزا - ركعتن حمد وشكر وسجود الى الله بفضله ونعمه علينا تم انجاز المهمه واتسلام الباسبورتات بعدها ب 4 ايام تقريبا

نراكم فى الحلقه القادمه ان شاء المولى

 

 

[alaashabana]

شويه صور عالماشى






posted via mobile device