نريد مساعده دكتوره Rania وعائلتها

[shawi]

الصحف المصرية والعربية

اصدقائي المطاريد
بعد دراسه متانيه وجدت ان مكتب الهجره في السفاره في دمشق حينما انتقل الى عمان في الاردن لم يحرك ساكنا في اوراق الناس الذين تقدموا بطلباتهم
وحيث ان هناك من وصل الى المكتب بعد ان ذهب من سوريا الى الاردن وحاول مقابله المسؤولين عده مرات ولم يفلحوا
فهل يتكرم من هو ذو قدره في الصياغه اللغويه الانسانيه والقانونيه في كتابه رساله مفتوحه لسعاده وزير الهجره
ليحرك النائمين في مكتب عمان........لينظروا في حال الناس خاصه من جصلل على CSQ وبقي عليه ان يعمل الميديكال............اليست هجره هؤلار الناس الذي عملوا مقابلات وشافوهم شخصيا اسهل من الناس الذي ياتون لجوء ولا يعرفوا شيئا عنهم علما اننا لا نعترض ولا نمانع في ان يقبل اهل حالات اللجوء ولكن ان ينظر بعين الرضا والاعتبار لحاله اهل سوريا من المتقدمين....................الوضع صعب جدا هناك.

برجاء ممن لديه المقدره فليتبرع خاصه اذا كان حاصل على الجنسيه الكنديه اي مواطن كندي ثم يتم ارسالها الى ايميل الوزير.

 

[mohsen]

أقترح إن الدكتورة Rania تكتب مباشرة لوزير الهجرة باللغة الفرنسية (حيث أنها مهاجرة لكيبيك) تشرح له بكلماتها هى الوضع فى سوريا و أعتقد إن ده حيكون له وقع مؤثر أكثر من لو حد تانى كتب له بالنيابة عنها.

و ربنا يوفقها و يوصلها و أسرتها بالسلامة لكندا.

 

 

[امل في الغد]

انا شايفه ان الفكرتين ممكن يؤتوا ثمارهم،يعني حد يحاول من كندا والدكتورة رانيا كمان تبعت،ربنا يجزي المهندس شاوي والمهندس محسن كل خير،الدكتورة رانيا تستاهل كل خير وبتساعد ناس كتير وربنا اكيد هيرزقها الفرج قريب.

 

 

[canadadry]

فيه محامي كندي متخصص في حل مشاكل تأخر ملفات الهجرة, كسب كام قضية من النوع ده,,, والاجمل انه قبل مايرفع قضية بيتفاوض مع وزارة الهجرة علي الاتفاق علي انهاء اجراءات الملف خلال فترة معينة وكتير وزارة الهجرة بتقبل. بس طبعا المحامي ليه اتعاب (حوالي 1500 دولار) . هو بجد محامي كويس جدا وساعد ناس كتير ,,,ممكن تحاول الدكتورة رانيا الاتصال بيه وشرح وضعها وسؤال عن الانسب في حالتها. اسمه تيم ليهي
ايميل
[email protected]

 

 

[هحقق حلمي]

ربنا ييسرلها الخير كله بصراحه شخصيه محترمه جدا وخدومه وخلوقه اوي

 

 

[ahmedneo]

ربنا ييسر لهم الخير. اللهم امين

 

 

[shawi]

انتم عارفين
يمكن انا لم اوفق في اختيار العنوان علشان كده المشاركات قليله رغم اهميه الموضوع

احنا عاوزين نساعد الناس اللي ورقها في مكتب عمان في الاردن.....ايه رايكم كده الدايره بقت اوسع
اللي ليه قريب مقدم هناك على كيبيك يقرب ويورينا شخصه الكريم
اقدر سعادتك تكتب للMP اللي في حارتكم اقصد حيكم وتقوله يقول في البرلمان ويكتب للوزير ام قرايبك ورقهم واقف رغم انهم معاهم CSQ هي دي المساعده
وكل واحد يخلي قرايبه يكتبوا للوزير عن حالتهم الانسانيه ووضعه الصعب

متتفرجوش عالاخبار وبس
اعملوا حاجه لله.................سيبوا حزب الكنبه ومقاعد المتفرجين........
اللهم اني بلغت.......اللهم فاشهد


بس 300 واحد وواحده دخلوا باب الهجره في الساعه اللي فاتت.......طب عملتوا ايه....تصفحتموه كما تصفحتم الجرائد وانتهى الامر.

 

 

[ساكو]

السلام عليكم اخ شاوي
اولا الف شكر لانك ذكرت الاخت العزيزه مدام رانيا لانها بجد انسانه لاتوصف انسانه رائعه ووقفت لكثير مننا
اقتراحك اننا نخبر الناس الي نعرفهم في كيبك ونخليهم يراسلون وزيره الهجره
هذا كويس بس ياريت بعد اقتراحات اخرى نكدر نساعد بيها الاخوان ومنهم اختي العزيزه مدام رانيا
وبالنسبه للاجئين مش كلهم ديسافرون هناك اعداد هائله من طالبين اللجوء السورين في الاردن وتركيا ولبنان والعراق وملفاتهم تمشي ببطئ جدا يعني حتى همه ظروفهم صعبه جدا
بالنسبه ليه اعرف كم صديقه هناك في كيبك ارسلتهم ايميلات ولنك موضوع حضرتك وانشاء الله همه مش حيقصرو
وعملت شير لموضوعك في الفيسبوك عندي عشان في ناس كثيره اعرفها في كندا وكيبك
وعمان مهاجرين عراقيين ...وطلبت منهم صيغه وربنا المسهل

شكرا اخ شاوي وياريت التعاون من الجميع

 

 

[shawi]

اقتباس المشاركة الأصلية كتبت بواسطة mohsen أقترح إن الدكتورة Rania تكتب مباشرة لوزير الهجرة باللغة الفرنسية (حيث أنها مهاجرة لكيبيك) تشرح له بكلماتها هى الوضع فى سوريا و أعتقد إن ده حيكون له وقع مؤثر أكثر من لو حد تانى كتب له بالنيابة عنها. و ربنا يوفقها و يوصلها و أسرتها بالسلامة لكندا.

شكرا باشمهندس محسن على الاضافه الرائعه
نهعم ان تكتب هي رسالتها مباشره لها اثرها ولكن اضافه لذلك الاثر الذي يحدث من الناس التانيين اللي زي حالتها يعني اللي ليه قريب يكتب علشان قرايبه ان ورقهم متاخر في مكتب عمان-الاردن يمكن ساعتها الامور تتحرك
جزاك الله خير

 

 

[shawi]

تصوروا..................من كثر ما الدكتوره Rania.......ساعدت ناس في المنتدى
كنت متخيل ان الموضوع حيشدكم وحلاقي الاقتراحات وان حد كلم حد او اقترح نص خطاب او فكر بصوت عالي
بس حقيقي الحزن ملا قلبي على هكذا رد فعل.....................

سعد زغلول قال...........................غطيني يا صفيه ياختي......................مفيش فايده