ينفع السياحة في مصر تبقى من غير خمور؟

[brain]

الصحف المصرية والعربية

اقتباس المشاركة الأصلية كتبت بواسطة جرديز ايدي على كتفك يا أستاذنا بالمناسبة من المضحكات , إنه لا توجد أي brand مصرية خالصة في مجال السياحة او الفندقة . رغم كل هذا الزخم السياحي . لا توجد مؤسسية في العمل السياحي المصري الاوبروي جاي من الهند يفتح عندك , وجميع الشباب المصري يتخصص بالتبعية في مسح الطاولات وتنظيف الأرضيات . وطبعا تنزيل الطلبات . بناقص قطاع السياحة كله لو كان ده المستقبل . لو ابتلعت مصر سوق القطن في منطقة الخليج فقط ( الجلاليب ) فصافي الدخل المتحقق يساوي دخل السياحة مضروبا في رقمين . نعمل انتاج ضخم له تسويق وديزاينز وتخطيط , موضة كاملة . لكن الصين تعمل الكلام ده واحنا قاعدين متنحين , بنمسك الودن اليمين بالايد الشمال , ورايحين نستهدف السوق الاسترالي من خلال السائح الاسترالي ! ازاي ده ! صفر من عشرة في التسويق الاستراتيجي . انا مش ضد ده إجمالا , لكن حتى أولويات الربح تقتضي الترحيل مؤقتا لصالح أهداف أخرى

احييك
انا ضد السياحه اجمالا في الوقت الحالي
و اراها سببا رئيسيا في كل معاناتنا
مصر لم تخلق لكي تكون مكان ترفيهي للاخرين
المصريين اكبر من ان يكونوا مجرد مقدمي طلبات او ماسحي موائد او غاسلي صحون
انا لست ضد السياحه بالكامل
و لكني ضدها في المرحله الحاليه
لا نريد سياحه حاليا
لنركز مجهوداتنا على الصناعه و الزراعه و الانتاج
لنركز جهودنا على البحث العلمي و مجال الادويه مثلا
لنركز جهودنا على البرمجيات و الصناعات الالكترونيه الصغيره
لنجعل السياحه في حجمها الحقيقي لدوله مثل مصر

 

 

[ELSOHAGY]

طالب الدكتور عصام العريان المتحدث الرسمي باسم جماعة الإخوان المسلمين حكومات الدول الغربية بإعادة أموال مصر المنهوبة التى تم تهريبها إلى الخارج بأيدي مسئولي النظام السابق.
ودعا العريان - الذى يشغل أيضا منصب نائب رئيس حزب الحرية والعدالة التابع لجماعة الإخوان جميع السياح من جميع أنحاء المعمورة إلى زيارة مصر.
وقال - في لقاء مع برنامج بثه تليفزيون (بي بي سي) البريطانى مساء اليوم الجمعة من منطقة الأهرامات بالقاهرة - ''إن مصر فى حاجة إلى زيارة 25 مليون سائح لها العام المقبل''.

 

 

[نور محمود]

سبحان الله الموضوع كان في دماغي من يومين وعرضتوا على بابا على اساس فندق اسلامي قلي هو انتم كل حاجة هتخلوها اسلامي اسلامي
الي احنا مش عارفينه او بنتجاهله ان الغرب دلوقتي بيدرس الاقتصاد الاسلامي او ما يسمونه la finance islamique ومخصصين ليه برامج تعليمية تستقطب المسلمين وغيرهم وهي تعرف بالبنوك الاسلامية مثلا و قطاعات التجارة الحلال و marketing اسلامي وغيرهم ولاقيين صدى كبير في نفوس الغير مسلمين قبل المسلمين نفسهم
بس بابا قلي ان كل دا نظري ومحتاج تغيير لعقليات السائح الاجنبي والمستثمر في القطاع السياحي بس انا بالصدفة بردو شفت الرابط دا بيتكلم عن فندق يطبق الشريعة الاسلامية او ما يعرف بالسياحة الحلال في تركيا
يبقى الموضوع ممكن و لازم

https://www.facebook.com/video/video....86315&comments

 

 

[O.S.A.M.A]

اقتباس المشاركة الأصلية كتبت بواسطة brain احييك انا ضد السياحه اجمالا في الوقت الحالي و اراها سببا رئيسيا في كل معاناتنا مصر لم تخلق لكي تكون مكان ترفيهي للاخرين المصريين اكبر من ان يكونوا مجرد مقدمي طلبات او ماسحي موائد او غاسلي صحون انا لست ضد السياحه بالكامل و لكني ضدها في المرحله الحاليه لا نريد سياحه حاليا لنركز مجهوداتنا على الصناعه و الزراعه و الانتاج لنركز جهودنا على البحث العلمي و مجال الادويه مثلا لنركز جهودنا على البرمجيات و الصناعات الالكترونيه الصغيره لنجعل السياحه في حجمها الحقيقي لدوله مثل مصر

أزيك يا برين

معلش يا برين انا مش هاتفق معاك فى اللى متعلم بالأحمر لأن مصر ليها مكانة سياحية مهمة وكانت السياحة تمثل حوالى 20% من الدخل القومى المصري وأحنا مش هانقدر اننا نغفل ما نملك

والسياحة أبداً مش هاتتسبب فى أزمة ولا هاتكون سبب معاناة لو أحسنا إدارتها
السياحة يا برين ممكن انها تكون مدخول مهم نستفيد بيه فى الزراعة والصناعة والتعليم وأى مجال تانى

أما بقى لو اتكلمنا عن السياحة "النظيفة" واللى الناس بتفكر فيها بمعنى عدم تقديم خمور فى الفنادق على سبيل المثال لا الحصر أعتقد ان الموضوع ده مرهون بإدارات الفنادق نفسها يعنى ممكن الدولة تقول ممنوع تقديم خمور فى الأماكن المحددة لكن هل يستجيب أصحاب المال وأصحاب الفنادق العالمية ؟؟ اعتقد أنها هاتكون مسألة صعبة

أعتقد أن اللى ممكن نقدر نعمله أننا نتحكم فى الأماكن السياحية نفسها وهيا دى اللى ممكن يتعمل عليها روابط وضوابط معينة