الخليج vs كندا .. لماذا يترك الكثيرون العمل بالخليج و يغامرون بالهجرة الى كندا

[ياسر جعفر]

خد بالك للطبيعة الساحرة فى كندا عشاق كُثـُر

 

[Ehab Salem]

اقتباس المشاركة الأصلية كتبت بواسطة هشام المصرى الخليج يوجد به فرص عمل افضل للمصريين بدون معادلات ولا وجع قلب

بدون معادلات ووجع قلب .. نعم
لكن مش أفضل من الناحيه المهنيه ..
من ناحيه ال Technicality.. ال Professionality ...
الخبره المكتسبه في كندا أثقل و أقيم
إلا إذا كنت هتشتغل في شركه عالميه في الخليج

اقتباس وفى نفس الووقت التحويش فيه افضل من كندا

بصفه عامه صح .... بس طبعا خلي بالك إنت في الخليج قدرتك محدوده على رفع راتبك بصوره دوريه مع تقدم العمر
في ظل نظام الكفاله معندكش حاجه تناور بيها غير التهديد برجوع بلدك أو الإنتقال لبلد خليجي أخر وناس كتير مبتقدرش تهدد بكده مخافة الإستجابه لهم في ظل الإقبال الكبير على العمل في الخليج بأجور صغيره
أنا شفت ناس في قطر شغالين بنفس الراتب لسنين طويله و بح صوتهم بالمطالبه بالزياده نظرا لزيادة أعبائهم و كل اللي سمعوه "يصير خير "

على الجانب الأخر ... في كندا .. إنت حر ... من حقك تسيب جهة عملك و تروح مكان تاني براتب أكثر في أي وقت بعد إخطارهم قبل المده المحدده في العقد و اللي هيا تتراوح من شهر لشهرين
وده اللي بيخلي الشركات بتحاول إستبقاء الموظفين بتطبيق retention policy جيده ... زيادات رواتب دوريه مجزيه (حسب إجتهاد كل موظف) ... أنشطه إجتماعيه .... benefits أخرى غير الراتب .. وهكذا

وبعدين إنت بتقارن حاجتين مختلفتين
إنت في الخليج ... ضيف ... تعمل مقابل أجر ...
في كندا إنت مواطن ... صاحب البيت .. زيك زي كل الناس لك كل الحقوق

اقتباس الجو فيه و ان كان حار فانه ليس فى سوء شتاء كندا

أنا جربت الإتنين ... صدقني شتا كندا أهون بكتيييير من حر الخليج
هنعتبر الإتنين متساويين في الأماكن المغلقه .. فرضا (برضه كندا أحسن في دي) .... هنا تدفئه ... هناك تكييف و الناس عايشين
بس في الأماكن المفتوحه .... البرد له حل .... الحر و الرطوبه ملهمش

اقتباس البلاد عربية مسلمة شرقية و ذلك ففيه حفاظ للهوية و الدين

صحيح ... بس الموضوع في إيدك إنت برضه
و الإنترنت و الفضائيات قللت من المشكله دي كتير
إحنا عايشين في المنطقه العربيه فعليا ... من ناحية الميديا

اقتباس العنصرية قليلة مقارنة بالغرب عموما

معندكش حق في دي خالص
عنصرية الخليج ملهاش مثيل ... عنصريه بالقانون .. عنصريه تشمها في الهوا
ماليش دعوه بالغرب ... يعني فرنسا ... هولندا ... و النماذج دي
أنا عايش في كندا بقالي 3 سنين و مشفتش عنصريه
لا ظاهره و لا خفيه و لا بفيونكه حتى

 

 

[Kingstone]

اقتباس المشاركة الأصلية كتبت بواسطة Ehab Salem بدون معادلات ووجع قلب .. نعم لكن مش أفضل من الناحيه المهنيه .. من ناحيه ال Technicality.. ال Professionality ... الخبره المكتسبه في كندا أثقل و أقيم إلا إذا كنت هتشتغل في شركه عالميه في الخليج بصفه عامه صح .... بس طبعا خلي بالك إنت في الخليج قدرتك محدوده على رفع راتبك بصوره دوريه مع تقدم العمر في ظل نظام الكفاله معندكش حاجه تناور بيها غير التهديد برجوع بلدك أو الإنتقال لبلد خليجي أخر وناس كتير مبتقدرش تهدد بكده مخافة الإستجابه لهم في ظل الإقبال الكبير على العمل في الخليج بأجور صغيره أنا شفت ناس في قطر شغالين بنفس الراتب لسنين طويله و بح صوتهم بالمطالبه بالزياده نظرا لزيادة أعبائهم و كل اللي سمعوه "يصير خير " على الجانب الأخر ... في كندا .. إنت حر ... من حقك تسيب جهة عملك و تروح مكان تاني براتب أكثر في أي وقت بعد إخطارهم قبل المده المحدده في العقد و اللي هيا تتراوح من شهر لشهرين وده اللي بيخلي الشركات بتحاول إستبقاء الموظفين بتطبيق retention policy جيده ... زيادات رواتب دوريه مجزيه (حسب إجتهاد كل موظف) ... أنشطه إجتماعيه .... benefits أخرى غير الراتب .. وهكذا وبعدين إنت بتقارن حاجتين مختلفتين إنت في الخليج ... ضيف ... تعمل مقابل أجر ... في كندا إنت مواطن ... صاحب البيت .. زيك زي كل الناس لك كل الحقوق أنا جربت الإتنين ... صدقني شتا كندا أهون بكتيييير من حر الخليج هنعتبر الإتنين متساويين في الأماكن المغلقه .. فرضا (برضه كندا أحسن في دي) .... هنا تدفئه ... هناك تكييف و الناس عايشين بس في الأماكن المفتوحه .... البرد له حل .... الحر و الرطوبه ملهمش صحيح ... بس الموضوع في إيدك إنت برضه و الإنترنت و الفضائيات قللت من المشكله دي كتير إحنا عايشين في المنطقه العربيه فعليا ... من ناحية الميديا معندكش حق في دي خالص عنصرية الخليج ملهاش مثيل ... عنصريه بالقانون .. عنصريه تشمها في الهوا ماليش دعوه بالغرب ... يعني فرنسا ... هولندا ... و النماذج دي أنا عايش في كندا بقالي 3 سنين و مشفتش عنصريه لا ظاهره و لا خفيه و لا بفيونكه حتى

الفاضل م/ ايهـــــــــــاب
أنت بصراحة بالكلمتين دول أوجزت فأنجزت وجبت من بعد الآخر بــ 10 كيلو
الخليج -------------> مقبرة الحريات والكفاءات والكرامة
لندع الخليج لأهله وهنيئاً لهم به وهنيئاً له بهم

 

 

[doctor farouk]

اقتباس المشاركة الأصلية كتبت بواسطة شهاب فعلا مايدفع الناس اكثر واكثر الان هو قله العائد المادي في الخليج حاليا بمقارنته بمصر انا كل سنه لما بنزل مصر باندهش من كم سيارات اقاربي الحديثه والتي لا اركبها في الخليج !!!! وكل هذا حدث في الخمس سنوات الاخيره فقط وبالتحديد من بعد 2007 لا اجد تفسير لهذا الموضوع

تفسيري الشخصي هو انتشار التقسيط
90% من العربيات الفارهه في مصر هي تقسيط
يعني صوره زائفه لازدهار الاقتصاد وامتلاك المواطنين للمال

 

 

[شهاب]

اقتباس المشاركة الأصلية كتبت بواسطة doctor farouk تفسيري الشخصي هو انتشار التقسيط 90% من العربيات الفارهه في مصر هي تقسيط يعني صوره زائفه لازدهار الاقتصاد وامتلاك المواطنين للمال

فعلا اخي الفاضل

ان هذا ما دار بخلدي عندما وجدت اقاربي وهم صغار السن ورواتبهم اعتقد ايضا كذلك ولكنهم يركبون سيارات موديلات حديث وتقسيط
لكن حتى التقسيط معظمهم دافع اكثر من 60% من ثمن السياره؟؟

 

 

[Tornado]

اقتباس المشاركة الأصلية كتبت بواسطة شهاب فعلا اخي الفاضل ان هذا ما دار بخلدي عندما وجدت اقاربي وهم صغار السن ورواتبهم اعتقد ايضا كذلك ولكنهم يركبون سيارات موديلات حديث وتقسيط لكن حتى التقسيط معظمهم دافع اكثر من 60% من ثمن السياره؟؟

المقدم بيكون 25% من قيمة السيارة يعني مش كتير وناس كتير تقدر عليه هما كان حالهم وساعات بينزل عروض في البنوك انك تدفع 10 % بس زي ما بعض البنوك ما عملت من 6 شهور

 

 

[VERDI]

بحثا عن الأخلاق

 

 

[اسكندرية تانى]

اخى الكريم

طبعا كندا تكسب رغم صعوبة الدخول فى السيستم الكندى بالذات لو انت regualted job
بس بشاعة الاحساس انك مواطن ....اسف... وافد من الدرجة العاشرة اسوأ من اى احساس اخر!

مرارة الاحساس بانك لا تستطيع الاعتراض على مالا يعجبك لا تعوضها كنوز الدنياّّّ

الحقيقة يعنى.... كندا البيت بيتك

تحياتى

 

 

[Dr. masryia]

سؤال حلو ومهم أوى أستاذ هشام
احد الاصدقاء حكت لى ان فى احدى دول الخليج لا ينفذ القانون الا على الوافدين وانه اذا اشتكيت على احد ابناء البلد لا تستطيع انك تأخذ حقك وعلى العكس اذا اشتكاك احد المواطنين وان لم يكن له حق فيحكم عليك
نادرا ماتجد رب عمل ينفذ قانون العمل ويعطيك حقوقك ونظرة الازدراء الشديد جدا للعمالة الاسيوية الذين يقومو باعمال النظافة وما الى ذلك ولا يقدر ويحترم عمله كما يحدث فى كندا
اما رأئى الشخصى فكندا تعنى الحرية والنظام والقانون الذى يطبق على الجميع والاهم هو تقديم مستوى متقدم وعالى فى التعليم وده السبب الاول اللى خللانا نفكر فى الهجرة ....الاولاد ثم الاولاد

خالص تحياتى

 

 

[ahmedsafa]

[SIZE=×4]السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين كيف حالك إن شاء الله دائما بخير ؟
انا مشاركه جديده للمنتدي انا عرفته من انسانه محترمه جدا جدا جزاها الله كل خير لانها دلتني عليكم و شجعتني انا اريد انا اعرف نفسي انا اسمي صفا احمد مدرس مساعد بكليه الهندسه جامعة الاسكندريه و احضر حاليا الدكتوراه في مجال الهندس الطبيه و متزوجه ولدي طفلان مريم و يوسف عمرهم 5 سنوات و 1و نصف ز يراودني حلم الهجرة الي كندا و لكني متحيره في مكن المعيشه المناسن و نوعية العمل المتاحه فممكن حضرتك تنصحني بايه لاني نفسي اخلص الدكتوراه ان شاء الله باذن الله السنه دي و اسافر علاطول قبل العمر ما يعدي و اولادي يكبروا شـكــ وبارك الله فيك ـــرا لك ... لك مني أجمل تحية .[/SIZE]

المصدر: منتديات المطاريد ... لقراءة المزيد إضغط على الرابط : https://www.almatareed.org/vb/showthr...#ixzz1tGjOJiKA