Arabic Discussion Forum with a Special Interest in Travel and Immigration

bond · 10th February 2011, 10:02 AM

وشوش كالحه على عروش الزمان بتلوش
تمد ايد الشر تحصد ارضنا
وتسمنا وتحوش
الشر شقشق بالضلام زاد الغمام
جاب النسيم مغشوش
صبح الضلام مارد
مادد ايديه بالغطرسة منفوش
يخنق براءة حلمنا ويفتنا
نلقى عزمنا مفشوش
يقول كلام تسمعه تلقى الحقيقة روتوش
لكن حقيقة لبته طعم المرار
لكن دوا مفهوش
نلاقى صدمة فى وشنا بتحشنا
تقطع املنا تهزنا
توأد معانا حلمنا فى عروقنا
يجرى دمنا مغشوش
وهمه عايشين وسطنا فوق ارضنا
يمكن اقولك مننا لكن مايستهلوش
وندور نلف وحلمنا المبتور
مابين سنين ضلمة ودقايق نور
حب الامل مبدور يطرح سنابل دهب
تصفر من ظلم الهوى والجور
وتجف ارض الخير تشقق من العطش
والمية تملا بحور
نشوف عصفور الامل ماسور
يرفرف والجناح مكسور
نحتار دى فرفرة مدبوح بتطلع منة الروح
ولا دى رفرفة جناح مجبور
جرحة بيلتئم وفى يوم يحلق فى السما
فارد جناح للنور

ناصر سيد · 10th February 2011, 03:05 PM

[SIZE=×4]صبح الضلام مارد
روعه
[/SIZE]

bond · 21st February 2011, 12:58 PM

الحقيقة كل ما اتذكر انى كتبت الكلام ده فى عطلة عيد الاضحى اتعجب من السناريو اللى تحقق كما هو فى 25 يناير
وخصوصا
جرحه بيلتئم وفى يوم يحلق فى السما فارد جناح للنور

مودة · 21st February 2011, 01:53 PM

دعوه لموضوعي

مدونة مودتي بلا حدود

اهنئك اخي بوند بتحقيق امالك وكلامك
التهنئة اليوم لكل شعب مصر العظيم

!! Lidooooo !! · 21st February 2011, 01:57 PM

سيد حجاب ياخواتى؟

ايه الحلاوة دي

ورده بدار · 21st February 2011, 05:51 PM

رائع

bond · 25th March 2011, 10:36 PM

اشكرك ياورده

سهران لوحدى · 26th March 2011, 12:01 AM

اقتباس

المشاركة الأصلية كتبت بواسطة bond


	وشوش كالحه على عروش الزمان بتلوش تمد ايد الشر تحصد ارضنا وتسمنا وتحوش الشر شقشق بالضلام زاد الغمام جاب النسيم مغشوش صبح الضلام مارد مادد ايديه بالغطرسة منفوش يخنق براءة حلمنا ويفتنا نلقى عزمنا مفشوش يقول كلام تسمعه تلقى الحقيقة روتوش لكن حقيقة لبته طعم المرار لكن دوا مفهوش نلاقى صدمة فى وشنا بتحشنا تقطع املنا تهزنا توأد معانا حلمنا فى عروقنا يجرى دمنا مغشوش وهمه عايشين وسطنا فوق ارضنا يمكن اقولك مننا لكن مايستهلوش وندور نلف وحلمنا المبتور مابين سنين ضلمة ودقايق نور حب الامل مبدور يطرح سنابل دهب تصفر من ظلم الهوى والجور وتجف ارض الخير تشقق من العطش والمية تملا بحور نشوف عصفور الامل ماسور يرفرف والجناح مكسور نحتار دى فرفرة مدبوح بتطلع منة الروح ولا دى رفرفة جناح مجبور جرحة بيلتئم وفى يوم يحلق فى السما فارد جناح للنور

ولا دى رفرفة جناح مجبور
جرحة بيلتئم وفى يوم يحلق فى السما
فارد جناح للنور

شديده.... شديده بجد يابوند
وكلها امل كنت بتتنبا بيه
وكانها حلم كنت بتفسره
فكرتنى

فكرتنى يا شيخ بيوم قلقت وسط النوم
وشعرى كان منكوش
وكنت قايم مقريف حلمت حلم غريب بانى
وسط غيط مرشوش
ونفسى مش عارف اخده عطشان ومخنوق
ومخى كان مدووش
اللهم صلى عليك يا نبى ايه اللى جابنى
دولا خلق ولا وحوش
ما لقيتش غيرك ياخويا واقع فى عرضك
فسرلى حلمى
فكرك يا بوند ده برضه حلم عادى
ولا الصنف كان مغشوش
وعجبى

يعنى انت قاعد تكتب قصايد شعر وسايبلى
البتاع عطلان
وتقوللى لاب توبك ده صنف اصله غريب وملوشى دايره كمان
يعنى حط نفسك مطرحى لو عندك بنت زنانه
تقوللى عمو ده صاحبك دا اكيد ملاك
ومش ممكن ابدا يكون.......
انسان

وعجبى برضه

bond · 26th March 2011, 08:48 AM

صباح الخير ياسهران
الحلم دة عادى وبيتكرر مع ناس كتير
اللى عايز افهمهولك ياسهران ان الاحلام دى كلها شىء واحد يعنى زى الافلام كده فيلم الاخوه الاعداء فيلم الرصاصه لاتزال فى جيبى فيلم الخطايا الاحلام بتتكرر مع كل الناس وبتشوفها متطابقه تماما المهم ايه الدافع لرؤية حلم معين دون الاخر ده حاجه ةكده زى انك تقطع تذكره لرؤية حلم معين
انت دخلت حلم الغيط المرشوش وده حلم شهير من الاحلام العالميه وقد ترجم للغات كثيره من اللغه العربيه
والحلم ده حلم سياسى ثورى وانت قولت ان نفسك كان مكروش الحقيقة ان نفسك ماكانش مكروش كا معتقل
من اتباع النظام هو انت كنت نايم لوحدك فى السرير؟؟؟؟؟؟؟؟؟؟؟؟؟؟؟ دى القضيه
انا اعرف السهران لوحدو لازم ينام لوحدو لكى يامن الاغتيالات عمت صباحا سهران

سمو الأميرة · 26th March 2011, 09:03 AM

اقتباس


	نشوف عصفور الامل ماسور يرفرف والجناح مكسور نحتار دى فرفرة مدبوح بتطلع منة الروح ولا دى رفرفة جناح مجبور جرحة بيلتئم وفى يوم يحلق فى السما فارد جناح للنور

ما عندي كلام

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الملك الفانى	أدب وشعر وقراءات متنوعة	Eng.Fathy Elbanna	3	856	27th February 2014 09:10 PM
قف للبرادعى	أدب وشعر وقراءات متنوعة	مصري سكندري	21	4144	6th July 2013 06:24 PM
اصابة يوسف الحسينى فى حادث مروع	شؤون مصر الداخلية	Eng Hesham	16	2376	18th November 2012 12:23 AM
تهنئة بالعيد لجميع المطاريد	ترحيبات ... مناسبات ... علاقات عامة	بنت البلد	5	1427	24th October 2012 06:59 PM
كل عام وانتم بخير	ترحيبات ... مناسبات ... علاقات عامة	Remooo	3	1278	18th August 2012 07:10 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اي كلام...	toota	قهوة المطاريـــــــــــــــــد	3469	13th December 2019 02:50 PM
كمال أدهم .. بطاقة تعريف بقلم :د.كمال خلف الطويل	د. يحي الشاعر	المخابرات والتجسس والجاسوسية	0	22nd July 2010 05:51 PM
نندد.. نشجب.. نعترض - كلام في كلام في كلام	مصرية	منقوووووووووووولات	10	24th November 2009 11:24 PM
كلام فارغ..	بنت شعنونة	أدب وشعر وقراءات متنوعة	30	21st October 2009 10:45 PM
مش أى كلام...	hoppa	منقوووووووووووولات	5	3rd August 2009 08:32 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

أدب وشعر وقراءات متنوعة

كلام جد