حكاية غريبة عن هرتي

[نفرتارى]

الصحف المصرية والعربية

الحكاية ديه والله حصلت وبصراحة أحب لو حد عنده حاجة شبه كده
يحكي عنها .......... وله جزيل الشكر
الحكاية طريفة وغريبة في نفس الوقت

أولاً انا لي باع طويل جدا ً مع القطط .رومي ..شيرازي . وبلدي كمان
وأزكى الانواع بلا جدال البلدي
كان عندي قط بلدي وهذا القط هو بطل هذه القصة والله العظيم
كلنا كنا نقول عنه هذا . أنه ينقصه فقط ان يتكلم

هذا القط طبعا ً له احداث كثيرة معي ولكن هذه الحادثة هي اغرب حاجة
انا أصلا اخذته من والدتي حين كان صغير عنده يادوب ثلاث شهور
وبعدين قعد عندي وقت لا بأس به ..
ونزل الشارع على حين غفلة . وقلت مش ممكن يستنى عندي ابدا
وطبعا الاولاد حزنو حزن شديد . ومن أجل هذا اتفقنا اننا نبعثه عند امي
مرة اخرى . وبكده يكون في فرصه انهم يشوفوه زي مايحبوا

وفات وقت كبير خلال الامتحانات ولم نذهب جميعا عند أمي
وفجأة أمي اتصلت وقالت أن القط ذهب في الشارع ولم يأتي . وطبعا كلنا
زعلنا تاني . وعدا الوقت حاولي شهر ونسينا الموضوع تماما
وجبت قط اخر رومي . وأيضا ً لها معي حكايات طريفه جدا ً

المهم انا نسيت أقول حاجة مهمة جدا جدا وهي انا المسافة بيني وبين أمي كبيرة جدا أعداد من الكليوا مترات
وفجأة بصيت لاقيته على باب العمارة تحت والباب مقفول
وحين رأيته أنا وأولادي طبعا ً استغربنا الحكايه ومصدقناش المنظر
وأولادي يقولوا هو لانهم عارفينو وهو كان فيه علامات مميزة
وانا أقول ابدا . المهم في الموضوع انه ينظر لنا بطريقه غريبة وكأنه عايز
يقول والله انا القط بتاعكوا ياجماعة
المهم انا مسألتش فيه وطلعت البيت . وبفتح البلوكونه من جوه لاقيته
واقف تحت وعمل حاجات غريبه وعايز يدخل الشقه بأي طريقه
طيب انا مش مصدقه انه ياجماعة يجي كل هذه المسافة
لكن اللي حصل انه جه
طيب انا اصدق انه الكلب يعمل كده لكن القط غريبة فعلا ً
المهم اني أخدته طبعا ً ووذهبت به للدكتور وعمل الازم ودخلته البيت
وهي ديه حكايتي مع القط الجميل ابيض في اسود بس عسل

طيب لو سمحتوا اللي عنده تعليق على الحكاية احب اسمع وله خالص شكري

 

[نفرتارى]

مساكم سعادة
مفيش حد عنده معلومه واحده ليه كده
على العموم مازلت في الانتظار

 

 

[نفرتارى]

على فكرة القطط من الحيوانات النظيفة جدا
وعشان كده سُمي ابي هريرة بذلك لانه كان دئما
يمشي بقطته
انا عن نفسي لايمكن أعيش بدون قطة أو اثنين على الاقل
دلوقتي عندي اتنين شيرازي . بنتين بس زي القمر شبه ديه...

 

 

[عالي مستواها]

واضح انه قط ذكي ماشاء الله

معنديش حيوانات

لكن زمااان جبنا قط عشان الفيران انتي عارفه لندن مدينة الفيران
وبنظطر نفتح باب الجاردن في الصيف بيخشو البيت جبنا قط عشان
يأدبهم وكان قايم بالواجب كويس بس صايع بيخرج ومش يرجع بدري
سبناه يطل علينا براحته وما رجعش مش عارفه راح فين
والحمد الله جيرانا جابو قطط قايمين بالواجب في جاردنات البيوت

لكن بحب وخصوصا في الوينتر نعزمهم على الاكل الطيور
والهامستر بيعرفو بيتنا كويس
الهامستر بييجو يستنونا قدام الباب الرئيسي والطيور يتجمعو
في الجاردن بييجيو ياخدو المقسوم ويمشو هههههه

 

 

[نفرتارى]

اقتباس المشاركة الأصلية كتبت بواسطة عالي مستواها واضح انه قط ذكي ماشاء الله معنديش حيوانات لكن زمااان جبنا قط عشان الفيران انتي عارفه لندن مدينة الفيران وبنظطر نفتح باب الجاردن في الصيف بيخشو البيت جبنا قط عشان يأدبهم وكان قايم بالواجب كويس بس صايع بيخرج ومش يرجع بدري سبناه يطل علينا براحته وما رجعش مش عارفه راح فين والحمد الله جيرانا جابو قطط قايمين بالواجب في جاردنات البيوت لكن بحب وخصوصا في الوينتر نعزمهم على الاكل الطيور والهامستر بيعرفو بيتنا كويس الهامستر بييجو يستنونا قدام الباب الرئيسي والطيور يتجمعو في الجاردن بييجيو ياخدو المقسوم ويمشو هههههه

عالي مستواها نورتي التوبيك

انا لوقعد اتكلم عن القطط 24 ساعة والله ولا هزهق
عارفة القط لو طلع برا الشقة ونزل دور يفضل قاعد زي الغلابة
وخايف .. لكن الحكاية اللي حكتها هو اصلا كان عند ماما ونزل


حببتي اشكرك على اهتمامك كلك ذوق
مساكي سعادة