الاسعافات الاولية... First Aid.!!!

[hoppa]

الصحف المصرية والعربية

السلام عليكم

حابة اوجه النداء ده لبدرية بصفتها ممرضة قلوب..و على الله تطنشنى


البنت كان هتضيع مننا

زميلتى فى السكن فى الشقة الاخرى لوحدها و اغمى عليها و احنا بنحسبها سافرت بيتها لكن خطيبها يتصل من السعودية و يقول انها مش بترد على التلفون و هى مش فى بيتهم

الحمد لله طلعت اغماءة بسيطة بسبب الاجهاد لكن لو قدر الله كانت حاجة اخطر مش المفروض نبقى عارفين ابسط قواعد الاسعافات الاولية لحين وصول المساعده الطبية و انتوا عارفين حتى لو الواحد فيه امل نلحقه الامل يتلاشى بسبب بطء وصول المساعده

علمينا يا بدرية
اتصرفى اذا كان ده مش تخصصك جيبى لنا حاجة من مواقع اجنبية او عربية بس اعملى لنا موسوعه للاسعافات الاولية

ينوب ثواب يا بدورة و تنجحى يارب

عايزة ايه تانى ادينى بدعيلك اهوه

 

[Badroora]

عيب دا تخصصى ونص و 3\4 انا يا بنتى تخصص انعاش القلوب الموضوع دا مهم بالفعل يا هوبا.. بس فى حالة صحبتك دى يعنى ايه مغمى عليها من اثر الاجهاد ؟
وظل مغمى عليها قد ايه؟
اساسا 3 دقايق اغماء بدون تنفس يبقي عليه العوض
ممكن تكون دروخت بس .عموما يا هبوب من عونيه حاضر.

الاسعافات الاولية مهمة جدا والدور الاولى الذي يلعبه المقيمين او المحيطين بالمريض بيكون ليه اهمية كبيرة قبل وصول فريق الانعاش

انتى تؤمرينى يا هوبا والف لا بأس على صديقتك

 

 

[Badroora]

هاعرض الصور الاول عشان تتخزن فى الذاكرة وبعدين الشرح هيتفهم بسرعه

 

 

[Badroora]

بعض عرض الفيديو هنشرح الكلام دا

 

 

[Badroora]

يلا اركم غدا مع الشرح والاسئلة واللى مش فاهم حاجة يا هلا

 

 

[فــيــروز]

طيب عاوزه أسأل سؤال كان على بالى من يومين
لو حد اندلق عليه مثلا ميّه سخنه أو أصيب بحاجه شبه الحرق يبقى إيه أفضل شئ يخفف الألم؟

هل مثلا الميّه ولاّ تكون ضاره بالجرح؟ طيب لو كريم مرطّب مثلا فى حالة إن مفيش مرهم للحروق؟ و هل فيه أدويه للحروق مفروض تتواجد فى شنطة الإسعافات الأوّليه؟

خلّى السؤال عندك لحد ما ييجى دوره

 

 

[hoppa]

و انا كمان يا بدورة عندى سؤال

احيانا لو واحد مغمى عليه نبضه بيكون ضعيف
اتذكر ان صديقة فى كلية تمريض قالت لى انه فيه مطقة النبض فيه بيكون اعلى بس مش فاكرة المنطقة دى

كمان لو حادثة عربية يقال انه لا يجب تحريك المريض الا بحذر شديد عايزين توضيح للنقطة دى الله يكرمك

 

 

[Badroora]

اقتباس المشاركة الأصلية كتبت بواسطة فــيــروز طيب عاوزه أسأل سؤال كان على بالى من يومين لو حد اندلق عليه مثلا ميّه سخنه أو أصيب بحاجه شبه الحرق يبقى إيه أفضل شئ يخفف الألم؟ هل مثلا الميّه ولاّ تكون ضاره بالجرح؟ طيب لو كريم مرطّب مثلا فى حالة إن مفيش مرهم للحروق؟ و هل فيه أدويه للحروق مفروض تتواجد فى شنطة الإسعافات الأوّليه؟ خلّى السؤال عندك لحد ما ييجى دوره

حاضر

 

 

[Badroora]

اقتباس المشاركة الأصلية كتبت بواسطة hoppa و انا كمان يا بدورة عندى سؤال احيانا لو واحد مغمى عليه نبضه بيكون ضعيف اتذكر ان صديقة فى كلية تمريض قالت لى انه فيه مطقة النبض فيه بيكون اعلى بس مش فاكرة المنطقة دى كمان لو حادثة عربية يقال انه لا يجب تحريك المريض الا بحذر شديد عايزين توضيح للنقطة دى الله يكرمك

صح يا هوبا وهابقي اتطرك لها بعدين اوك

 

 

[Badroora]

انا هتكلم بصورة بسيطة جدا غير اكاديمية عشان المعلومة تتفهم بسرعه ونقدر نطبقها واللى يحب معلومات بالتفصيل دى ممكن نقولها مخصوص اوك.

طبعا الفيديوهات اعلاه وضحت السيناريو بيكون ازاى بس هو اكتر اكاديميك ولكن كل المطلوب من الاشخاص الغير عاملين فى المجال الطبي الاتى كاسعافات اولية:

فقد الوعى ..

فقدان الوعى له اسباب عديدة ومش مهمة هنا مش مطلوب تشخيص مطلوب انقاذ حياة الشخص لحين وصول الاسعاف.

سيناريوا
زميل \زميلة فى العمل فى الشارع فاقدة الوعى .المطلوب عمله الاتى.

فحص الشخص الفاقد الوعى وتحاولى تنادي عليه بهزة خفيفة عشان جايز يكون نايم زى بالظبط ما هو موضح فى الفيديو .
فى استجابة ...والشخص فاق يبقي مافيش مشكلة.

مافيش استجابة

بسرعه خلال 10 ثوانى نعمل الاتى

Look ……Listen …. Feel

ننظر ...الصدر هل بيتحرك ام لا (بياخد نفس ولا لاء)

نسمع صوت الشهيق والزفير

نجس او نشعر النبض ..ودا بيكون فى الرقبة واعتقد مش سهل على اى شخص خارج المجال الطبي يعرف يحدده الا اذا تدرب على نفسه عدة مرات.



بالظبط دا المكان الذى نجس منه النبض اثناء فقد اي شخص الوعى وبيكون محسوس هنا اقوى من اى مكان اخر .

بعدين كدا خلاص تأكدنا ان الشخص خلاص فاقد الوعى مش بيتنفس .
طبعا لازم كل دا يكون فى اقل من 30 ثانية
الراس لها طريقة معينه مش هاقدر اشرحها كويس بالعربي بس عموما لو ركزتم فى الفيديو هتعرفوا طريقة وضع الراس واعطاء قبلة الحياة
طبعا لو فى شخص موجود يبقي دوره الاتصال بالاسعاف او حتى لو انت بمفردك يبقي الاول تعطى نفسين قبلة الحياة وبعدين تصرخ للمساعدة واى حد يجي تطلب منه يطلب الاسعاف ويبقي كدا كفيت ووفيت.
دا باختصار لو حد فاقد الوعى
لو فى اسئلة بخصوص الجزء دا ؟
انا شرحت بطريقة بسيطة عشان المعلومة توصل .
بعدين هاتكلم عن ازاى نتعامل مع الصرع والحوادث والكسور...