خرافة ولكن...!

[بنت شعنونة]

الصحف المصرية والعربية

مجتمعنا.. موروثاتنا.. اهلنا.. اصدقائنا
كل دا بيزرع فينا بعض ان لم يكن "كثير" من الخرافات
اوقات نكبر ونصححها
واوقات نلاقيها تغلغلت فينا وصدقناها وامنا بها رغم رفض العقل لها
بس صعب انك "انت" ترفضها حتى لو "عقلك" رافضها
من اول الخرزة الزرقا للحظاظا.. للتفاؤل ب شيء معين ل صوت الغراب او الكروان
الخ الخ الخ

هل لديك خرافة تتبعها او بتفعلها ومش عارف تطلع منها؟

انا عندي حتت التفاؤل دي كل ما اجي اخلع منها ما ينفعش
يعني في نوع قلم معين لالالالالالالالالالالالالازم اكتب بيه في الامتحانات عشان لو كتبت ب غيره خطي بيكون وحش وب اتعكنن اوي

ها افتكرلمك ب اخرف في ايه تاني وارجع
انتوا بقى اييييييييييييه الاخبار؟؟

 

[Farida]

واحده زمان قالت لى لو تذكرة الأتوبيس اول رقم فيها زى اخر رقم يبقى النهارده يوم سعدك و من ساعتها لو ركبيت اتوبيس او قطار او اى حاجه فيها تذكرة او حتى السينما لازم ابص على اول و اخر رقم علشان اشوف حظى

 

 

[Farida]

افتكرت كمان موضوع ما تعيطيش فى الحمام او ماتصوتيش فى الحمام مش قادر يدخل دماغى ابدا .....جد زوجى من الصعيد الجوانى عندهم حاجات مقتنعين بها جدا و كان كل ما يجى لى نقعد نتناقش وفى الأخر يقولى ......افتكرى انى قلت لك بلاش ..............
مثلا : ماحدش يكنس البيت بالليل .........
- ماحدش يلبس شراب وهو نايم .........
- ماحدش يصوت فى الحمام ......(قلتها قبل كده ) اصل البنات و هم صغيرين العادى انهم يرجعوا او اى حاجه فطول ما انا باحميهم او باغسل مطرحهم اصوت و ازعق
- ماحدش ينام و ادان الجمعه شغال
-

 

 

[مصرية]

عارفة يا شانا موضوع العادات والموروثات ده فكرني بعادات كتير بعيد عن الخرافات زي أرقام الحظ والعين والخرزة الزرقة وكده؛ فكرني بعادات زي ختان الإناث مثلا هي عادة في الكثير من الأماكن الريفية وفي الصعيد والإصرار عليها بيكون من ناحية إنها عادة أو عرف أكتر من كونها حاجة من الدين.
وفيه كمان موضوع الأخذ بالثأر في الصعيد أظن هو في الأول كان للقصاص لكن دلوقتي بقى نوع من العصبية واللي مياخدش بثأره يبقى شكله وحش وسط الناس.

وغيرها من الموروثات والعادات التي لا ينص عليها الشرع وإن نص عليها فنحن نطبقها بطريقة مغايرة إن لم تكن مخالفة له ظنا منا أن هذا هو شرع الله.
يعني على دين آبائي وأجدادي دون المحاولة لإعمال العقل في أشياء كثيرة ممكن لو فسرناها دلوقتي نقدر نفهمها صح وأظن ده من أكبر الأخطاء اللي بنقع فيها لإن كل الشعوب اللي مذكورة في القرآن كانت هي دي مشكلتهم إنهم مش عايزين يغيروا عادات وتقاليد خاطئة ورثوها عن الآباء والأجداد.

أتمنى مكنش خرجت عن الموضوع.

 

 

[بنت شعنونة]

حد مااااااااااااا
ربنا يسامحه
قالي
لو انتي في الحمام بصيتي في المرايا و عينيكي في اتجاه بعيييييييييييد
يعني وشك للمرايا بس عينيك اقصى اليمين مثلا
هاتشوفي قرينك
عملتها مرة
وطبعا التهيؤات اشتغلت دا غير ان الانعكاس غير المباشر بيكون متغير اصلا ف بتشوفي عفريت تقريبا
من ساعتها بخاف ابص كدا


وموضوع مانرميش ميه ملهلبة في الحمام فجاة انا مؤمنة بيه
لازم اسمي الاول عشان الاشباح الصغيرة اللي نايمة في البانيو

 

 

[بنت شعنونة]

ماهو دا برضه يا مصرية من ضمن الموروثات الخرافية برضه
بس انتي ماعندكيش خرافة بتعمليها زيي كدا

 

 

[بنت شعنونة]

برضه ايام حملي
قالولي ما تقوليش لحد ..لحد ما تبقى في الشهر الثالث عشان الطفل يثبت ومايجرالوش حاجا

عملت كدا برضه


وموضوع الوطوطة دا
مع انه غير علمي بالمررررررررررررررررررررة
بس كنت ها اموت اعمله ل بنتي

 

 

[مصرية]

اقتباس المشاركة الأصلية كتبت بواسطة بنت شعنونة وموضوع الوطوطة دا مع انه غير علمي بالمررررررررررررررررررررة بس كنت ها اموت اعمله ل بنتي

بس ده حقيقي جدة أمي كانت عاملاه وكان فعلا فعال. طبعا ده حسب القصص اللي بسمعها.

اقتباس بس انتي ماعندكيش خرافة بتعمليها زيي كدا

بصراحة مفيش حاجة في بالي دلوقتي بس عامة بخاف إن الواحد يكلم نفسه قدام المراية أو يغني قدام المراية أو يكلم نفسه في الحمام.
بس مش عارفة ليه يعني بحس قلبي بينقبض من الحاجات دي معرفش ليه.

 

 

[بنت شعنونة]

اسكتي يا مصري
كان ليا واحدا زميلتي في السكن م وطوطة
وكااااااااااااااااااان هايل
حاجا من وراء الطبيعه
والمشكلة انه له دلائل تمشي على الارض كتير
انما العلم
ضددددددددددددددده تماما
حاجا تجنن

 

 

[Prof]

وطوطة