عايز اتعلم البرمجة او اى حاجة محترمة

[KANE]

الصحف المصرية والعربية

اقتباس بس الفيجوال بيزيك 6 كانت ضمن باكيج الفيجوال ستوديو 6 و معاها السى بلاس هيكلة اللغة واحدة يا استاذ ........و الا اثبتلى العكس

اقتباس يا ضبش يا ابنى حبة حبة انت لازم تبدأ بالفى بى 6 قبل الدوت نت لانها غويطة و كبيرة لأ و بتنزل الفيجوال ستوديو 2008 كمان كدة هتتعب و الله ابدأ بنسخة 2005 و الفريم وورك 2 و بعدين خش على الصعب كدة اسهل التدرج حلو برضه

أولاً يا هبة علاقة VB6 ب ++VC إيه ؟؟؟

ولا حاجة ، مش شرط إنهم كانوا موجودين في نسخة فجوال ستديو 6 إن فيه علاقة بين الاثنين


بصي لغات البرمجة عموما مكونة من جزئين
1- اللغة (اللي هي الكلمات الأساسية زي for, if إلخ)
2- Framework وهي مجمل الدوال التي تجعل اللغة قادرة على التعامل مع الملفات قواعد البيانات الحسابات الرياضية -الإضافية- إلخ والتعامل مع نظام التشغيل (لينكس ويندوز ابل إلخ)


يبقى انا ممكن ابتكر Framework + اي لغة برمجة علشان اعرف ابرمج
https://en.wikipedia.org/wiki/Application_framework

مثلا مايكروسوفت سي++ كانت بتستخدم MFC
وبورلند أو إنبريس كانت بتستخدم مكتبة اسمها OWL

بيقى ادي 2 لغة سي ++ بس الفريم وورك مختلف

اللغة واساسيتها في يومين أو اسبوع بالكتير اقدر اتعلمها

بس الفريموورك محتاج سنين لأنه بيكون معقد جداً


طيب علاقة الكلام ده إيه

أولاً VB6 كان عباره عن لغة برمجة عملية بدون اسس -نظريه- ، يعني بالمختصر المفيد ماكنش بيدعم تكنولوجيا زي OOP البرمجة بالكائنات إلخ

ودي اللي كانت بتخلي تعلمها سهل جدا، يعني مش لازم اعرف قواعد برمجة بجد علشان اكتب برنامج ب vb6


لما مايكروسوفت حبت تعمل ال Framework الجديد بتاع .net القصة كلها كان لا بد من بناء لغات البرمجة بشكل صحيح وعلمي 100% علشان اقدر استفيد واتعامل نعم مميزات دوت نت

ومن هنا تم تعديل لغة البسيك وإضافة التعامل مع الأشياء الجديدة (oop ) واتسمت vb.net

بس العلاقة مابينهم مش علاقة قوية


يعني بالمختصر المفيد

مش لازم اتعلم vb6 علشان اعرف اتعلم vb.net وبالعكس انا شايف إن دي مضيعة للوقت أولا وثانياً هتلخبط المتعلم لإن زي ماقلت vb6 ليس لها اصول علمية حقيقية

ارجوا إنك تكوني استفدتي ياهبة ، ولا تجادلي احسن

 

 

[hoppa]

ماشى يا كين انت الادرى انا اصلا مش بعرف فى بى 6 ولا دوت نت الا طشاش انا ليا فى عائلة السى و بس

بس هل معنى كلامك ان الـ Syntax بتاع اللغتين مختلف؟!

 

 

[akrmeid]

معلش انا هقول كلمة واحدة المحاسبة ارحم بكتير

 

 

[Prof]

طب بعد مرور هذه الأيام والليالي.. ضبش وصلت لحد فين؟

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة Prof طب بعد مرور هذه الأيام والليالي.. ضبش وصلت لحد فين؟

وصل لحد بركة السبع وراجع

 

 

[MFaisal]

اقتباس المشاركة الأصلية كتبت بواسطة Prof طب بعد مرور هذه الأيام والليالي.. ضبش وصلت لحد فين؟

بروف باشا

ضبوش من النوع اللى بيحب التخطيط الأستراتيجى شويتين يعنى بحاول أرسم خطوط عريضة للى هعمله بعد كده

أنا باختصار بعد البحث والتقصى قدامى سكتين قريبين من مجالى

الأولى : انى ادرس اوراكل financial وهبقى دخلت أكتر فى مجال it وعلاقتى بالمحاسبة هتبقى بسيطة جدا

الثانية : انى ادرس شهادة مهنية بعد التخرج زى cma , acca مثلا وابقى تعمقت جدا فى موضوع المحاسبة على تقيل

الصراحة انا بحاول أفاضل بين الأتنين من حيث الشغل واللذى منه والرواتب والمستقبل فى المهنة طبعا ..
كنت مركز الفترة اللى فاتت على انى ادور على حد اشتغل بالأتنين أو له معرفه بالمجالين مع بعض بحيث انه هيبقى ادرى أنهى أحسن .
والصراحة الوحيد اللى لقيته لغاية دلوقتى هو شخص خريج تجارة وشغال باوراكل فاينانشال فى الكويت حاليا ولما سألته الأوراكل أفضل ولا أركز فى انى آخد شهادة مهنية فى المحاسبة

الصراحة هو قاللى الشهادات المهنية فى المحاسبة أفضل كتير من حيث الشغل وحتى الفلوس عن الأوراكل .

عموما أنا برضه بحاول أشوف حد تانى له معرفة بالمجالين مع بعض بحيث انى أسأله تانى

بس عموما لغاية دلوقتى اللى أنا مستقر عليه هو انى آخد شهادة مهنية فى المحاسبة ACCA البريطانية لأن الشهادة دى بالذات أفضل شهادة لشخص عاوز يهاجر لأن الحاصل عليها مش بيحتاج يعمل معادلة فى كندا واستراليا ونيوزيلاندا ومعظم دول العالم وبرضه هى شهادة تقيلة ومطلوبه فى الوطن العربى ( خاصة فى الشركات الأنجليزية )


وفى واحد معرفة من اسبوع بيقولى روح خد دورات غطس فى الأكاديمية البحرية ودورات لحام مش فاكرفين كده وتشتغل لحام تحت المياه ( فى البترول ) وبيقولى مرتباتهم لوز وزى الفل جدا ومطلوبين جدا ده حتى الهجرة .. الموضوع شكله حلو بس الصراحة مش داخل دماغى موضوع انى اشتغل فنى لحام دى خالص .. الكل هيبصلى على انى صنايعى رغم انى ممكن أستفيد بدورات الغطس دى برضه فى الشغل فى شرم الشيخ والغردقة مثلا

أنا بأذن الله هخلص كلية السنة دى وهو عموما الموضوع محتاج صلاة استخارة بأذن الله والطريق اللى هستريحله ساعتها هتوكل على الله وامشى فيه


كان معكم
فلاديمير ضبوش
من أمام كلية تجارة

 

 

[savary]

الحقيقه انا بيعجبنى ضبش فى الموضوع دا
انه مستناش لما يتخرج من الجامعه و يبدأ يدور ويقرا

بيكون معلومات من دلوقتى عن مجالات العمل و الهجره و افتكر انه كان بيذاكر معانا فرنساوى

انا اول مره ادخل التوبك و الحقيقه كنت فاكر ان الدكتور حسام هو اللى كتبه
لانه كان بيقول فى مره انه عاوز يغير مجال الصيدله او عاوز يتعلم حاجه جديده ممكن مجالها يشده اكتر

انا اتكررت الخاطره دى فى ذهنى لو لا قدر الله مشوار الهجره ضرب ضرب

انا برده هعوز اغير المجال

 

 

[Prof]

عزيزي ضبش
عزيزي سفاري

كل ده كلام جميل وربنا يوفق الجميع لتحقيق كافة الآمال والأمنيات.
أنا بس عندي تحفظ صغنون، أو طريقة يعني في الاختيار، مش تحفظ أوي يعني.. أعتقد مفروض الواحد يشوف هو ممكن قدراته وإمكاناته ذهنية وبدنية ونفسية متوافقة أكتر مع أي واحد في التخصصات المتاحة ويتجه له... طبعًا مع مراعاة البعد المادي وما يتعلق بالدخل.. بس يكون ده في المستوى التاني من التفكير.

يعني الواحد يشوف إيه أكتر حاجة هو يقدر ينتج فيها كتير ويعمل اللي ماحدش غيره يقدر يعمله فيه.. ويتجه إليه.
ده الميزان اللي مفروض الشخص يوزن بيه.

فإنت عندك هنا مثلاً بتتكلم على حاجتين -وحسب معلوماتي- بعاد خالص عن بعض.. المحاسبة حاجة والبرمجة حاجة تانية.. صحيح مش كل البرمجة زي بعضها والتفريعات اللي ممكن تتفرع لها كتير.. وكذلك المحاسبة بس لو بنتكلم كفرعين رئيسيين.. وصحيح فيه مهام متشابهة ومشتركة.. ولكن..
المحاسبة شغل يتعلق بالإنتاج وفيه مهام كتير عبارة عن روتينات متكررة.. (أنا فاشل في الحسابات فماحدش يلومني لو كان تصوري ده مش مضبوط)..
البرمجة شغل عبارة عن عملية خلق من لاشيء، مجازًا طبعًا، شغل خياااااااااااااااااال، والمهام الرئيسية فيها غير مرتبطة بتنفيذ مهام متكررة شبه بعضها.. ده برضه إذا كانت معلوماتي دقيقة ومع مراعاة إني باتكلم بنوع من التعميم.

يعني الشخص المناسب لهذه المهام غالبًا ما يكون حاجة تانية عن الشخص المناسب للمهام الأخرى.. فالقصة هي أنت مين في دول؟

 

 

[savary]

هو كلام حضرتك الاكتر للعزيز ضبش

انا كتبت مداخلتى اعجابا بطريقه التفكير

انه مش مستنى يصطدم بالواقع فيبدأ يرتجل حلول

انا مشكلتى اصعب شويه
انا مركز على الهجره , بس اتعلمت انى اغير طريقه تفكيرى شويه
وابدأ افكر من دلوقتى لو المشوار لا قدر الله ممشيش هيبقى ايه العمل ؟

المشكله انى متعود اشتغل عند حد
يعنى انا مش بتاع مشاريع و بيزنس خاص والكلام دا
ولا حتى صيدليه خاصه

مش متقبل الفكره اساسا يعنى
انا اعرف اعمل شغل بعدد ساعات معين واتحصل من وراه على راتب معين
وكل ما تزيد انتاجيتى يزيد دخلى

انما انى العب بفلوسى
فلاء مش لاعب

ودا اللى بيجبلى الخاطر الكئيب بتاع ( لو مشوار الهجره طلع فشنك )
هرجع مصر امتى
وهرجع اعمل ايه

بس بطريقه التفكير اللى اتبعها ضبش
ممكن الواحد يهىء نفسه انه يتعلم حاجه جديده ويشتغل بيها

مش لازم البرجمه او مجال معين

انما الفكره نفسها
ودا اللى فكرنى بكلام الدكتور حسام

مش لازم نستنى لما نتحط فى الامر الواقع
على الاقل نكون مستعدين ولو نفسيا و لو بشويه معلومات

تحياتى مستر برووف

 

 

[spring]

السلام عليكم
مستعد لتعليم وتدريب
دورات كمبيوتر
االبرمجة
تصميم مواقع نت
وممكن بالمنزل او عن طريق النت
اتمنى الاتصال