Arabic Discussion Forum with a Special Interest in Travel and Immigration

elmadysm · 19th May 2010, 06:30 PM

دعوه لموضوعي

اقتباس


	اتصل على الاخ العزيز د.محمد والمشهور هنا باسم moetdot وبالفعل انسان خلوق رائع بكل كلمة والذى تشرفت بمقابلته اكثر من مرة بعدها , كما اتصل على الاستاذ يوسف elmadysm والذى بالفعل يعتبر مثلا للرجل المصرى الشهم الاصيل الخلوق وقمنا بزيارته فى منزله بعدها بايام ولن اقدر اوصف لكم مدى الكرم وحسن الضيافة الذى لقيناه من اهل بيت الاستاذ يوسف ومدى الحفاوة من اطفاله . وقد قام الاخويين الغاليين د.محمد وأ يوسف بتقديم كل الدعم المعنوى والنفسى ولم يبخلو علينا بأى خدمة وارشدونا بكافة التفاصيل وكانو بمثابة اهلنا فى كندا لهم منا خالص الشكر والتقدير .

ايه يا دكتور الكلام الكبييييييييييييييييير قوى ده

ات انسان الواحد يتشرف بس انه يقابلك
ويزيد الشرف لو سلمت عليك

امال اعمل ايه لما يزورنى

مفيش كلام ممكن يعبر عن اللى فى قلبى

Dr-Alrefa3y · 19th May 2010, 08:01 PM

اقتباس

المشاركة الأصلية كتبت بواسطة أكسيلانس


	مبروك يا فارما علي سلامة الوصول - و أكثر ما يسعدني و أنا أقرأ أنطباعاتك أنت خصوصا أنك تعتبر من أوائل الناس الذين أستقبلهم زملاء من المنتدي و قدموا لهم المساعده - و هو ما نحاول جميعا هنا التأكيد عليه و أن الحوارات هنا ليسة كغرف الشات لتضيع الوقت و أنما سكيون له أكبر الاثر علينا جميعا عندما نتجمع في مكان واحد خالص التحيه و التقدير لك علي مداخلاتك - و خالص التحيه و التقديو للدكتور محمد و الاستاذ يوسف علي الوفاء بما وعودوا به - نسأل الله أن يجعل مجهوداتهم في ميزان حسنتهم و أن يسخر لهم من ييسر لهم كل صعب كمل يا دكتور - كلنا أذان صاغيه

شكرا ياغالى على المشاركة الرائعة وسوف اكمل لاحقا باقى الرحلة مع العلم يا اخوانى انى ماذلت فى تورنتو وراجع الرياض ان شاء الله بعد 10 ايام

الاخوان والاخوات
مازن الاطرش
اسكندرانية كنداوية
مصطفى ماهر
قمر
لكم منى خالص الود

باشمهندسة سمية اتفضلى يافندم المغارة كلها تحت امرك
عايز حضرتك ترشحيلى مكان او اتنين حلوين فى مسيساجا اروح ازورهم

الفاضل باشمهندس يوسف

لن اوفيك قدرك مهما تحدثت لك منى خالص التقدير والاحترام

راحله الى المجهول · 19th May 2010, 08:04 PM

اخونا الفاضل فارما برنس ....حمدا لله على * سلامتكم وعقبال الاستقرار

متابعين بشغف باقى تجربتكم المميزه ... وشهادة حق دكتور محمد واسرة الباشمهندس يوسف ...واخونا عمدة تورنتو الناس المحترمه دى اللى بتتمتع بالعفويه وطيبة القلب و الشهامه المصريه فعلا كانوا من اجمل زكريات اللاندنج ... بارك الله فيهم ولهم

تحياتى لكم ولزوجتكم الفاضله ... ...فى انتظار باقى التفاصيل

Dr-Alrefa3y · 19th May 2010, 08:24 PM

على فكرة يا اخوانى لمن لايعرفنى هنا انا اخوكم الرفاعى فى المحاورات

ثانى يوم اخذنا رحلة الى شلالات نياجرا الرحلة من امام الفندق وبتبدأ الساعة 9 والعودة 7 مساء

كانت رحلة رائعه تكلفتها 100 دولار للشخص شاملة المواصلات واجرة البوت اللى بينزل تحت الشلال

اول شىء بيمر به الباص موقف لركوب طائرات الهليكوبتر للى عايز يحلق فوق الشلالات ويصور من فوق ودى بتكلف 117 دولار للشخص الذى يرغب

ثانى مكان عبارة عن منحدر كبير وواسع يمر التليفريك بين نقطتين فيه وهو منظر مبدع ومرعب وتذكرته 11 دولار

بعد ذلك بيروح الموقع الرئيسى للشلالات ومنظرة ياجماعة غاية فى الابداع سبحان الخالق اخدنا مركب ولبسنا ساتر بلاستك عشان رزاز الميه وابحرت المركب فى مشهد رائع بالقرب من اسفل الشلال

التقط بعد الصور اللى هنزلها لاحقا

زيارة cn tower بتأخذ تذكره ب26 دولار وبتطلع فوق قمة البورج بتصور معظم معالم تورونتو من فوق هو فى فى الحقيقة ثلاث محطات الاولى بتقف فى الغرفة الدائرية

الكبيرة وبتشوف منها بحيرة اونتاريو وجزر تورنتو ومن الجانب الاخر بتشوف ابراج تورنتو وبتكون كل ناطاحات السحاب تحتك , بعد كدة بتنزل بالسلم دور واحد وبتجد جزء من

الارض عبارة عن زجاج لو قلبك جامد روح اقف عليه وبص تحتك على الارض , طبعا انا وقفت عليه بالرغم من انى بخاف من الاماكن المرتفعه بس ماتعرفشى ساعتها جاتلى الجراءه ازاى , بعد ذلك بتطلع 34 دور عشان توصل لقمة البرج واعلى نقطة يمكن لزائر الوصول اليها ودى بيكون بالفعل مرعبه .

فيه بعض العالم اسفل بجوار البرج لو تحب تزورها

من اجمل الاماكن اللى هتعجبك بردة ثلاث جزر فى بحيرة اونتاريو

بتاخد البوت من على شاطىء البحيرة بوت بيروح الجزيرة الوسطى والاخر بيروح الجزيرة اللى على اليمين والاخر على اليسار

عموما كلهم 6 كيلو مشى من اولهم لأخارهم

عبارة عن مساحات خضراء شاسعة ومطار للطائرات الهيليكوبتر وشاطىء البحيرة ومطاعم حاجه كدة تخلى اعصابك ترتاح وما تحبش ترجع تانى لصخب المدن

بالاضافة الى الداون تاون والمولات

وانا رايح للاستاذ يوسف فى اسكاربورو وفى شارع لورانس اتفاجىء بمطاعم وقهاوى عربية على اليمين وعلى اليسار وكاتبن اسماء محلاتهم بالعربى حاجه كدة من ريحة مصر

وفى الطريق بردة مسجد ابوبكر الصديق ما شاء الله تحفة

بذلك تكون اهم النقاط قد تم تغطيتها نأتى لجزء الانطباع والصور لاحقا وسوف نوافيكم بالجديد ان شاء الله

Dr-Alrefa3y · 19th May 2010, 09:14 PM

نبدأ بالصور من فوق مطار لندن

طبعا الصور هيثروا فجرا

ايناس احمد · 19th May 2010, 09:22 PM

الف حمدا لله على سلامه وصولكم لكندا د الرفاعى ورحله موفقه ان شاء الله وترجعوا بالف سلامه
كل قصه لاندنج بصراحه ليها مذاق خاص لان لكل واحد انطباعاته الشخصيه المختلفه وكل قصه بنستفاد منها منتظرين البقيه

Dr-Alrefa3y · 19th May 2010, 09:40 PM

طبعا بعد ما بتنزل الى مطار لندن بتنزل فى ترمينال 1 وبتمشى وتتبع اللوحة دى حتى تصل الى ترمينال 3

بتنتظر معرفة رقم البوابة من الشاشات واول ما بيظهر الرقم بتروح لمكان البوابه حتى تجد هذا الرجل واقف على البوابه
وبيقولك من فضلك باسبورك بتعطيه الباسبور بيفحص تأشيرتك بيدة جيدا وبيقولك اتفضل

بعدها بتنتظر رقم وفجأءة تلاقى نفسك ركبت دى

[img]https://media8.dropshots.com/photos/718168/20100513/010331.jpg[/img]

Dr-Alrefa3y · 19th May 2010, 10:06 PM

اقتباس

المشاركة الأصلية كتبت بواسطة راحله الى المجهول


	اخونا الفاضل فارما برنس ....حمدا لله على * سلامتكم وعقبال الاستقرار متابعين بشغف باقى تجربتكم المميزه ... وشهادة حق دكتور محمد واسرة الباشمهندس يوسف ...واخونا عمدة تورنتو الناس المحترمه دى اللى بتتمتع بالعفويه وطيبة القلب و الشهامه المصريه فعلا كانوا من اجمل زكريات اللاندنج ... بارك الله فيهم ولهم تحياتى لكم ولزوجتكم الفاضله ... ...فى انتظار باقى التفاصيل

دكتورتنا الغالية مدام صفاء
بنشكر حضرتك كثيرا لكى منا خالص الود والتقدير
لم اتشرف بمعرفة زوجكم الكريم لكن سمعت عن مدى رقى خلقة من الاستاذ يوسف
ارجو توصيل سلامى له وللابناء الاعزاء

مدام ايناس

متشكرا جدا على المداخلة وعقبال اللاندج والاستقرار لكم عن قريب ان شاء الله

Dr-Alrefa3y · 19th May 2010, 10:18 PM

نيجى بأءه للشلالات نياجرا وما ادارك , سبحان الخالق الوهاب

تعالو شوفو معايا

طبعا دى امتداد الشلال هى والصورتين اللى جايين والواضح فيهم التيليفريك

بعد كدة الشلالات نفسها

يتبع

cherie · 19th May 2010, 11:58 PM

د. فارما برنس
حمدالله على السلامة و عقبال العودة الى كندا و الاستقرار ان شاء الله
و احب اآكد على كلامك م. elmadysm فعلا انسان خلوق و خدوم جدا
ربنا يكرمه و ييسر له اموره

و لى سؤال عند حضرتك,
هل سمعت أى حاجة عن فترة التدريب بتاعة الصيادلة اثناء المعادلة في
تورونتو, لان فى الفترة الاخيرة سمعنا ان الصيداليات فى اونتاريو وقفت قبول
المتدربين الصيادلة, و طبعا ده هيعطل عملية الحصول على الترخيص
فهل حضرتك سمعت حاجة عن الموضوع ده و انت هناك

تحياتى

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الخليج vs كندا .. لماذا يترك الكثيرون العمل بالخليج و يغامرون بالهجرة الى كندا	هشام المصرى	الهجرة إلى كندا	187	9th December 2022 06:10 AM
مدن كندا المختلفة....بعيون مقيميها	somayasaleh	الهجرة إلى كندا	18	25th July 2012 12:12 AM
التحرير بعيون فرنسيه	FINETOUCH	المكتبة	2	29th July 2011 02:41 AM
حملة شعبية في كندا للمطالبة بتوقيف بوش في جرائم حرب ... عمار يا كندا ...	MFaisal	شؤون عربية ودولية	0	6th October 2009 06:35 PM
قصة واقعية	جدة حبيبه	الأسرة والطفل	3	17th March 2009 09:27 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

كندا بعيون واقعية