يوميات Medopharm فى كالجارى

[nour alhudah]

الصحف المصرية والعربية

الف الف مبروك يادكتور
وهجرة موفقة ان شاءالله
الله ييسرلك جميع امورك يارب


تسجيل متابعة

 

 

[Ahmed Osman]

تحياتي لك يا دكتور
حسب معلوماتي المتواضعة ... التوقف في أوروبا (ترانزيت)
مرة واحدة : لايوجد إحتياج لفيزا
مرتان و أكثر : يوجد إحتياج للفيزا
لان الرحلة من مطار أوروبي إلى مطار أخر أوروبي
تعتبر رحلة داخلية .... محتاجة فيزا
لانك دخلت البلد و تستعمل الرحلات الداخلية
تمنياتي برحلة موفقة .... الرجاء تصحيح معلوماتي

 

 

[kebomix]

ألف مبروك يا دكتور وبالتوفيق إن شاء الله
فرحان جداً ليك والله

 

 

[حسام]

مبروك ميدوفارم باشا
احنا على اتفاقنا قبل ما تسافر ان شاء الله
بخصوص الفيزا كارد
خلاص انت حجزت
لكن ممكن تعمل بطاقة فيزا للشراء من النت ب10جندي بس من بنك مصر
وبتطلع فى اسبوع
تتعوض
وربنا يكرمك ان شاء الله
وياريت تقولنا ليه اخترت كالجاري

 

 

[أكسيلانس]

الف مبروك يا أبو حميد
و ربنا يتم لك علي خير

شوف يا سيدي - بالنسبة لتأشرة الترازيت - لو كانت المده طويله بين الرحلتين - الرحلة القادمه من القاهره و الاخري التي ستتوجه بها الي كلجاري - يعني علي الاقل 6 ساعات مثلا - و كنت محتاج تخرج من المطار للتجول في المدينه مثلا أو تمضية الوقت في أمستردام - يبقي لازم تأشرة ترانزيت - لان المصرين يحتاجوا لتأشريه لدخول هولندا - أما لو لم تكن ترغب في الخروج من المطار لصغر مدة الترانزيت - يبقي لا داعي لها .

بالنسبة لخطوط ال KLM - أنا ركبت عليها أكتر من مره - خدمه ممتازه - و طيران محترم - بمعني الكلمه - مطار أمستردام من أجمل مطارات أوروبا - و فيه مكان كبير للصلي لجميع الاديان - و فيه مول كبير داخل المطار
أما هولندا نفسها - فهي الجمال نفسه - بمعني الكلمه - بلد فائقة الجمال و الطبيعه - و أجمل مكان في الدنيا رأيت فيه معني كلمة تنسيق الزهور - في كل متر منها زهور - و جداول المياه تجري خلف البيوت - يعني كل بيت عندهم عربيه في الامام - و لنش صغير وراء البيت ,, و شعبها متفتح جدا و يتحدثوا الانجليزيه بطلاقه ( بس غاليه جدا )

لو كنت حجزت أماكن المقاعد يبقي رحلة سعيده - و لو ليسه - يفضل تحجز الكراسي الي علي أبواب الطوارئ - لآن ديه أوسع منطقه ممكن تمد رجلك فيها - و لاتنسي أن تحدد نوع الوجبات اللحلال علي الطائره

و شكرا علي أختيارك للخطوط الهولنديه - و نتمني لكم رحلة سعيده - أربط الاحزمه ,,

 

 

[Mzohairy]

و صالة المطاعم فيها انترنت باين الساعه ب 3 يورو او 5 يورو مش فاكر

بس سهله قوي

مش زي مطار فانكوفر الانترنت ببلاش

 

 

[alexandrienne]

الف مبروك ورحلة موفقة بإذن الله متابعين مع حضرتك وطبعا إحنا بلديات اسكندرانيه
تمنياتنا لحضرتك والاسرة الكريمة بهجرة فيها كل الخير لكم جميعا وتوصلوا بألف سلامه

 

 

[paradiso]

حسب معلوماتي لو معكش باسبور اتحاد اوروبي او كندا اوامريكا لازم تدفع فيزا ترانزيت يستحسن تتصل بالسفاره وتتاكد

 

 

[Eng. Amal]

الف مبروك
انا ذهبت شهر سبتمبر لكالجاري وعملت لاندنج انا وزوجي واولادي ورجعنا وكان على
KLM طيران ممتاز وكما قال الاخوة ان اردت الخروج من المطار لابد من فيزا لهولندا اما غير ذلك فلا داعي .
ان اردت اي شيئ انا على استعداد للشرح من فنادق واستخراج الاوراق وغيره

 

 

[OmarDent]

بالتوفيق ان شاء الله يا دكتور
يا تري انت رايح استقرار و لا لاندنج ؟؟ و هل انت مقيم في مصر و لا الخليج ؟؟