"الأستاذ" و العك

[mohsen]

الصحف المصرية والعربية

هيكل- كاتب مقالات "بصراحة" كان فى أيام عبدالناصر بيحاول إنه يظهر بمظهر "العالم ببواطن الأمور" - بما فيها المستقبل.

و دلوقت و هو فى الثمانينات أو التسعينات من عمره لسه بيتكلم و اللى يشوفه على الجزيرة (أنا حاولت أتابعه عدة مرات) ممكن يشوف إزاى تفكيره أصبح مشتت و مش بيقدر يكمل الكلام فى موضوع واحد و لكنه بيتشعب من موضوع للآخر مع كل جملة بيقولها و فى الآخر ما الواحد ما يطلعش بأى حاجة مفيدة من كلامه.

كتب مقالاته على مدار السنين يسبح فيها بحمد عبدالناصر و إزاى إنه عمل من مصر دولة متقدمة. و إن كانت مقالاته ساهمت فى أى حاجة فهى ساهمت فى تضليل و تغييب المصريين عن الحقيقة لغاية ما صحينا يوم 6 أو 7 يونيو سنة 67 على الحقيقة المرة: جيش إسرائيل على الضفة الشرقية لقناة السويس.

و ده مثال لمقالة كتبها سنة 63- و اللى عنده وقت مش عارف يعمل به إيه ممكن "يستمتع" بباقى مقالاته اللى موجودة على موقع مكتبة الإسكندرية:

	فكرت إسرائيل فى القيام بغارة على قاعدة الصواريخ المصرية! ألعاب "القمار" الخطيرة التى تراود إسرائيل فى ساعات اليأس بينما العجلة تدور فى اتجاه معاكس لحظها! لا أظننى أبالغ إذا وصفت الحالة النفسية لإسرائيل الآن، بأنها نفس حالة المقامر الذى يرى العجلة تدور بسرعة فى اتجاه معاكس لحظه، ويحس أن نهاية اللعبة، أو لعبة النهاية، بالنسبة له أصبحت قريبة، ولا يقدر أن ينسحب، ولا يجد أمامه ككل مقامر يائس غير أن يجعل اللعبة الأخيرة جنوناً مخيفاً يشل أعصاب خصومه من اللاعبين،وكذلك أعصاب المتفرجين على اللعبة العنيفة المثيرة، لعله أن يستطيع - مستميتاً - وسط زحمة المفاجأة أن يربح كل شىء، قبل أن يفقد كل شىء!

المقالة بالكامل موجودة هنا:

https://nasser.bibalex.org/Besaraha/B...Link=1&lang=ar


و باقى مقالاته هنا:

https://nasser.bibalex.org/Besaraha/B...=0&x=6&lang=ar

 

[حسام]

عزيزي الفاضل مكسوف باشاسابقا
محسن باشا حاليا
أعلم أنك مضاد لكل فترة الرئيس المصري الراحل جمال عبدالناصر
ولا أري في ذلك عيبا
فهو حقكم
وأكيد رؤيتك معادية لكل ما فترته بما فيهم الأستاذ هيكل
نفسي ما نرجعشي تاني لموضوعات الخلاف الشديد الذي لا يسفر عن اى نقاط اتفاق
بين الناصريين ومعديي ناصر
الاخوان والناصريين
اليساريين والليبراليين
الليبراليين والاسلاميين
الاسلاميين والعلمانيين
أتمنى نتقبل بعض وأعلم مدي تقديرك للحرية وتحضر قبول الآخر
أتمنى لو ننظر لنقاط الاتفاق أكثر كمصريين
ومصلحتنا كمصريين
وواقعنا الآن وكيف يكون أفضل بعد 25يناير
أكثر من الاختلاف حول أيدولوجيات وأشخاص وقيادات
ايه راى حضرتك؟
تقبل تحياتى وتقديري

 

 

[mohsen]

أستاذى العزيزالدكتور حسام

الحكاية مش عشان عبدالناصر و حقبته و لكنها رد على محاولة من هيكل لإحباط المصريين (أو بالقليل زى ما فهمته) بقوله إن مبارك لسة بيدير (أو له يد) فى إدارة الأمور فى مصر.

يعنى كلامه إن فيه كمية كبيرة من الإتصالات التليفونية بين شرم الشيخ و القاهرة بيقصد به إيه بالضبط؟ و جاب المعلومات دى منين؟ هل هو قاعد على السنترال بيسمع المكالمات؟ و اللا فيه حد فى القيادة العسكرية عنده وقت عشان يوصل الأخبار لواحد صحفى سابق؟ و اللا هى مجرد محاولة عايز يقول فيها إنه عليم ببواطن الأمور؟

و كمان أى "متخلف" حيمشى ورا حسنى أو جمال مبارك دلوقت و اللا حياخد تعليمات منهم؟

المقالة اللى جبتها من سنة 63 أقصد بها إنه لما كان أقرب المقربين للسلطة وقتها كان بيضلل الناس. فما بالك دلوقت؟

اللى عايز أقوله هو كفاية سلبيات من الناس اللى مش شايفين غير اللون الأسود فى كل حاجة – و الثورة دى جميلة و حتنجح فى تحقيق أهدافها بإذن الله.

يعنى بالعربى هيكل ليس له مصداقية.

 

 

[كابلان]

اقتباس المشاركة الأصلية كتبت بواسطة mohsen أستاذى العزيزالدكتور حسام الحكاية مش عشان عبدالناصر و حقبته و لكنها رد على محاولة من هيكل لإحباط المصريين (أو بالقليل زى ما فهمته) بقوله إن مبارك لسة بيدير (أو له يد) فى إدارة الأمور فى مصر. يعنى كلامه إن فيه كمية كبيرة من الإتصالات التليفونية بين شرم الشيخ و القاهرة بيقصد به إيه بالضبط؟ و جاب المعلومات دى منين؟ هل هو قاعد على السنترال بيسمع المكالمات؟ و اللا فيه حد فى القيادة العسكرية عنده وقت عشان يوصل الأخبار لواحد صحفى سابق؟ و اللا هى مجرد محاولة عايز يقول فيها إنه عليم ببواطن الأمور؟ و كمان أى "متخلف" حيمشى ورا حسنى أو جمال مبارك دلوقت و اللا حياخد تعليمات منهم؟ المقالة اللى جبتها من سنة 63 أقصد بها إنه لما كان أقرب المقربين للسلطة وقتها كان بيضلل الناس. فما بالك دلوقت؟ اللى عايز أقوله هو كفاية سلبيات من الناس اللى مش شايفين غير اللون الأسود فى كل حاجة – و الثورة دى جميلة و حتنجح فى تحقيق أهدافها بإذن الله. يعنى بالعربى هيكل ليس له مصداقية.

i agree

 

 

[محمد أبوزيد]

اذكر وانا في شبابي سمعت نكته لما عبد ناصر سافر روسيا للعلاج ووقتها زار بحيرة عين الكداب

وقال له جوربتشوف الى يمشي على الميه عمره ما كذب والى بيغرق لنصفة يبقى بينافق والى بيغرق خالص يبقى كداب ومنافق

وبعدها امر كوسجين انه ينزل البحرية فغرق على طول وطلعوه وبعدها نزل جروبتشوف وغرق لنصفة فقط واتنرفز قوي وقال لعبد الناصر انزل انت ونشوف

عبد الناصر نزل ومشي على المية

الكل استغرب ازاي عبد الناصر بيمشي على الميه هل اصبح ولي

جربتشوف امر الغواصة تشوفه ايه الى شايله على الميه

فجدو محمد حسنين هيكل تحت الميه وشايل عبد الناصر على زراعينه الاثنين

لو نشوف محمد حسنين هيكل قبل النكسه وبعد النكسه هنلاقية كدا زي اسامه سرايا

ولو نشوفه بعد عبد الناصر ها نلاقيه زي ممتاز القط

يا جماعة الصحافة مهنة المنافقين ودا اكل عيش

ومش مفروض اننا نضعه في بالنا لانه كلام جرايد

 

 

[الأهلاوي الأصيل]

هيكل فشار كبير جداً...لما كنت باتفرج على حلقاته في الجزيرة من باب التسلية كنت باحس إني قاعد أسمع حواديت أبو لمعة في زمانه...قمة الفشر والدجل والاستخفاف بعقول الناس

 

 

[mohsen]

	وفي هذا السياق أيضًا أكدت القوات المسلحة أن «القصر الجمهوري في مصر الجديدة مغلق ولا تمارس منه أي مهام». بعد أن نوهت إلى أن «مدينة شرم الشيخ مدينة مصرية شأنها شأن أي مدينة مصرية أخرى في هذا الوطن الغالي ولا تتمتع بأي مميزات أخرى».

https://www.almasryalyoum.com/news/%C...BA%D9%84%D9%82

 

 

[!! Lidooooo !!]

استاذ هيكااااال نحنو الزغاليل


نحنو الزغاليل

ملف خاص عن اكاذيب هيكل

ويحتوي المقالات التالية
هيكل والحركة الشيوعية المصرية - محمود أمين العالم
لا يا هيكل - عبد القادر ياسين
لا تروجوا الوعي الزائف - دكتور أحمد القصير
قصة أبو زيد الهيكلالي - عبد الرحمن فهمي
التاريخ البلاستيك للأستاذ هيكل - أحمد عز العرب
عزيزي هيكل لماذا تكذب - عبد الرحمن فهمي
الحياد غير الإيجابي هيكل والوفد - علي أبو الخير
معذرة يا أستاذ هيكل - عبد الرحمن فهمي
الدكتور جابر قميحة يرد على حديث هيكل في الجزيرة
محمد يوسف الجندي في مناظرة مع مؤرخ إنقلاب يوليو
أستاذ هيكل لسنا بحاجة لقائد ملهم - أحمد الحسنية
هيكل وحكاية السنوات العشر - محمد حسن أحمد
الحقيقة بين أبو الفتح وهيكل - عبد الرحمن فهمي
بين أبو الفتح وهيكل أخطر مكالمة تليفونية - عبد الرحمن فهمي
هيكل يتحدث كما لم يتحدث من قبل
من الأستاذ إلهامي الميرغني
تحية وتعظيم سلام
هيكل أبو شرايط
هيكل بيلعب البخت في تاريخ مصر
هيكل لما يعك

 

 

[O.S.A.M.A]

والله يا جماعة أن مش هاكون متفق معاكم فى رأيكم عن هيكل ...
هيكل أنا أختلف معاه فكرياً أختلاف أعتقده أختلاف جوهرى عن الحقبة الناصرية فهيكل يرى أن ناصر هو منقذ العروبة وهو يراه الفارس العروبي الأول والأخير فهنا أسأل مَن مِن محبى ناصر لا يعتقد في ذلك ؟

لكن أنا أعتقد أن هيكل هو أحد مؤرخى التاريخ ومش هاقول الثقات لأنه يؤرخ التاريخ أيضاً من زاوية ولعه بعبد الناصر
ولكن الرجل يملك أولاً من مقومات الكلمة الكثير ما لا يملكه أمثال القط والسرايا وأيضاً يعلم الكثير ولكن لابد من دفعه للكلام فى الإتجاه المناسب .. لذلك يظل الأستاذ وعلى الرغم من كل الإختلاف معه فى الأراء وحتى وإن أخطأ فمن منا لا يخطئ

كلمة أخيرة لما قاله أن وجود حسنى مبارك فى شرم الشيخ هو أمر مقلق للثورة ..
وأنا أؤكد على كلامه ... لدى زميل عمل كان يعمل قبل مجيئه إلى الدوحة فى رئاسة الجمهورية وكان من الطبيعى جداً أنى أسأله عن سير العمل فى الرئاسة وما يبلغه به أصدقائه وزملائه السابقين ... أقسم لى بالله أن زملائه قالوا له حرفياً أن كل الأمور تسير فى إعتياديتها من أرسال تقارير للرئيس ولكل المخولين بالأمور الإدارية من حوله وأنا أثق فى كلامه لأنه كلام من مصدر ثقة وكلام سمعته فى أكثر من موضع !!

فما يضيرنا أن نقلق قليلاً حتى لا نخسر كثيراً فوجود الرئيس أنا شخصياً أرفضه إلا فى حالة واحدة هيا محاكمته عن ما أقترفت يداه
وهل ما فعله أمثال أحمد عز وجرانة والعادلى بأفظع مما فعله الرئيس ؟ .. لا أظن
فلماذا التباطؤ ؟
أنا لا زلت أقول أن الثورة لم تنتهى ...

 

 

[HanyMan]

اقتباس المشاركة الأصلية كتبت بواسطة Abu Youssef والله يا جماعة أن مش هاكون متفق معاكم فى رأيكم عن هيكل ... هيكل أنا أختلف معاه فكرياً أختلاف أعتقده أختلاف جوهرى عن الحقبة الناصرية فهيكل يرى أن ناصر هو منقذ العروبة وهو يراه الفارس العروبي الأول والأخير فهنا أسأل مَن مِن محبى ناصر لا يعتقد في ذلك ؟ لكن أنا أعتقد أن هيكل هو أحد مؤرخى التاريخ ومش هاقول الثقات لأنه يؤرخ التاريخ أيضاً من زاوية ولعه بعبد الناصر ولكن الرجل يملك أولاً من مقومات الكلمة الكثير ما لا يملكه أمثال القط والسرايا وأيضاً يعلم الكثير ولكن لابد من دفعه للكلام فى الإتجاه المناسب .. لذلك يظل الأستاذ وعلى الرغم من كل الإختلاف معه فى الأراء وحتى وإن أخطأ فمن منا لا يخطئ كلمة أخيرة لما قاله أن وجود حسنى مبارك فى شرم الشيخ هو أمر مقلق للثورة .. وأنا أؤكد على كلامه ... لدى زميل عمل كان يعمل قبل مجيئه إلى الدوحة فى رئاسة الجمهورية وكان من الطبيعى جداً أنى أسأله عن سير العمل فى الرئاسة وما يبلغه به أصدقائه وزملائه السابقين ... أقسم لى بالله أن زملائه قالوا له حرفياً أن كل الأمور تسير فى إعتياديتها من أرسال تقارير للرئيس ولكل المخولين بالأمور الإدارية من حوله وأنا أثق فى كلامه لأنه كلام من مصدر ثقة وكلام سمعته فى أكثر من موضع !! فما يضيرنا أن نقلق قليلاً حتى لا نخسر كثيراً فوجود الرئيس أنا شخصياً أرفضه إلا فى حالة واحدة هيا محاكمته عن ما أقترفت يداه وهل ما فعله أمثال أحمد عز وجرانة والعادلى بأفظع مما فعله الرئيس ؟ .. لا أظن فلماذا التباطؤ ؟ أنا لا زلت أقول أن الثورة لم تنتهى ...

ماذا تعرف عن المنطق؟

ان الواحد يقع ما يحطش منطق

مع احترامى الكبير ليك يا ابو يوسف ولصديقك, يعنى ازاى دة يحصل والنائب العام أمر بتجميد أموال مبارك وأسرتة, ولنفترض جدلا ان الراجل بيجيلة تقارير أدارية عادى فهل جالة التقارير اللى بيقول هنجمد أموالك عشان ممكن نحاسبك حساب الملكيين فمبارك يروح جايب الختم من الدرج ويوقع كمان على دة!!!! مش منطقى طبعا

المجلس العسكرى قرارة من دماغة ولا يملى علية قرارات من المسن المخرف الحرامى

وياريت يا اخوانا نركز على اللون الابيض فى العلم بتاعنا فى المرحلة دى
ونفرح ان أحنا فعلا أسقطنا النظام