الخليج vs كندا .. لماذا يترك الكثيرون العمل بالخليج و يغامرون بالهجرة الى كندا

[nour alhudah]

الصحف المصرية والعربية

ماشاء الله الاخوة هنا كفو ووفو
لكن بما اني عشت فترة كبيرة من عمري في السعودية
لازم اقول رأيي

مثل ماقالوا الاخوة هنا في الخليج لاتشعر انك اخد حقوقك متساوية مثلك مثل ابن الوطن
مثال عندنا هنا في السعودية

الجامعات الحكومية للسعودي فقط ومستحيل اي حد عربي يخشها الا بواسطة كبيرة جدا
هنا تضطر العائلة للتشتت عشان يقدروا يحلوا المشكلة دي
الاولاد ينزلو بلدهم عشان يقدروا يخشو الجامعة وغالبا الام ايضا بتنزل معاهم والاب يقعد لوحده يحوش ويبعت لهم

دا بالاضافة الى انو التعليم مستواه في النازل خصوصا بعد ماسعودوه (شالو كل المدرسين العرب واستبدلهم بالسعوديين)

........
المرأة هنا لما تكون جاية مع زوجها مش من حقها تعمل لانو غير مصرح لها بالعمل صحيح في كتير بيشتغلو لكن بمخالفة القانون
كمان المرأة مش من حقها تقود سيارة
.........
العنصرية وعنصرية السعودية دي مالهاش مثيل
حتى الاطفال الصغار في المدرسة بيعانو منها
اقل كلمة ممكن يسمعوها من الاطفال السعوديين : يالمصريين او يالسوريين اوالهندي.. على حسب جنسية الولد ودي عشان يحسسوهم انهم مش اصحاب البلد وكأنهم يعني مجرد شحاتين جايين عندهم

>>>
عدم الاحساس بالامان في انهم ممكن في اي لحظة يقولولك مع السلامة
وغير كدا حتى بتخاف تشوف عمل غيرهم لانو بيكون لك كفيل وهو بس الي لازم تشتغل عنه ولو اشتغلت عند غيره تحصل مصيبة وممكن يرجعوك لبلدك
....
كمان هنا في تضييق على الشباب ممنوع يدخلو اي مول لوحدهم لازم يكون مع اسرته
وحتى الحدايق بيمنعوهم يدخلوها وخصوصا بقى لما يكونو شلة اصحاب مع بعض
بالمقابل مافيش اماكن مخصصة لهم طيب يروحو فين يعني؟ دا حتى لو قضوها تمشية عالطرقات ممكن تطب عليهم الهيئة وتفرقهم
ودا الموضوع اولادي بيعانو منه مع انهم مش كبار اوي 16 ,15 سنة
>......

واخيرا الحياة في السعودية حياة بلا طعم ولا لون ....... دي بقى مش عارفة اشرحها ازاي
يمكن غيري يشوفها جميلة لكن بوجهة نظري حياة كئيبة مملة روتينية رغم اني امضيت عمر طويل فيها منذ ان كنت في السادسة من عمري


بالاختصار كدا نفتقد الامان والعدالة والحرية
لذا نبحث عنها في اي مكان آخر
لان الحياة ليست فقط مال وماديات بل بالعكس
الاهم ان تشعر انك انسان قبل كل شيء

 

 

[ehabtaher]

اقتباس المشاركة الأصلية كتبت بواسطة mohamed rabee الى بيهاجر ميعرفش ان الخليج افضل..ماديا

مين اللى قال كده
يعنى انا فى السعوديه ومرتبى 5 اضعاف ما سوف احصل عليه فى كندا اذا هاجرت وزوجتى مرتبها 3 اضعاف
ومع ذلك مصر على فكره الهجره .. مجنون بقى

 

 

[Ahmed Osman]

إخواني المطاريد ..... تحياتي
أنا عايش في أبوظبي من 13 سنة
بس لو قارنا الوضع vs كندا من ثلاث أماكن : السعودية - الإمارات - مصر
نلاقي إن أكثر واحد من الناحية النفسية و الأمان عايز يهاجر :
1- السعودية
2- الإمارات
3- مصر
الخوف على الاولاد و مستقبلهم :
1- مصر
2- السعودية
3- الإمارات
من الناحية المادية : د. إيهاب قال مايكفي

 

 

[ehabtaher]

نسيت اقول ان كندا فيها عنصريه.. برضه
لما تروح هناك سواء مقيم او كندى بتدرس فى كل مدارس كندا بلا استثناء حسب قدراتك انت الشخصيه والتى تؤهلك للدراسه فى الجامعه دى او الجامعه دى
ولو عايز تدرس بيعطوك قرض علشان تدرس (قرض حسن)
وتسدده بعد ما تتخرج وتشتغل
نسيت اقول ان عنصريه كندا تسمح لك بالدراسه لو مقيم او كندى بمصاريف دراسيه اقل من القادم للدراسه من الخارج بحوالى الثلثين

طيب لو عندك اولاد .. بتاخد اعانه على تربيتهم

والمستشفيات ليك وليهم تامين صحى مجانا .. بنشوف وزراء مصر بيعملو قرارات العلاج علشان يروحوا يتعالجوا بره فى المستشفيات الحكوميه بس فيه فرق ... المقيم بيتعالج مجانا لان ده حقه اللى كفلته له البلد
والوزير بيتعالج ويدفع من دم الشعب وده مش من حقه
ومش عايزنى اهج ,.,, دانا مش اهاجر بس اهج واهج كمان.. ومش راجع الا لما الوزراء المصريين يتعالجو فى التامين الصحى المصرى زيهم زى غيرهم

يا سيدى الفاضل
لو رجعت مصر من السعوديه واكيد حارجع فى اى وقت .. مرتبى فى الحكومه 500 جنيه ويمكن 1500 بعد الحوافز والذى منه
وطالما الحكومه المصريه مصره على عدم زيادته ..يبقى هى مش محتاجه لينا .. يبقى لازمتها ايه نقعد نشحت من الحكومه المصريه.. نروح لحد تانى يستفيد مننا .. حتى لو فى الاعمال الكاجوال... على فكره بتجيب اكتر من مرتبك فى مصر بمراحل

 

 

[حرم ولاء]

على فكرة الناس اللى كل همها كنز الدهب و الفضة دول احسن ياخلوهم فى الخليج لكن انا عن نفسى عايزة اربى اولادى كويس يعنى لما اقولهم الكدب حرام يصدقوا مش يروحوا المدرسة يلاقوا المدرس بيكدب و الناظر بيكدب و لما اقولهم من غشنا فليس منا ما يلاقوش مدير المدرسة داخل يغشش ابن اللواء
عايزة اللى ازرعه فى البيت ما يتغيرش بره وعلى فكرة هما اه مش مسلمين لكن بيتحلوا باخلاق اسلامية انقرضت عندنا من سنين
مع تحياتى لبلاد الاسلام اللى بيدوا الكفار اربعة اضعاف العرب المسلمين حتى لو ماشتغلوش نصفهم

 

 

[Amro Elsayed]

اتفق مع الكل فى كل شئ ماعدا حاجه واحده بس

انتوا لسه شايفين ان السعوديه لسه فيها فلوس
لو عايز تعيش عيشه كويسه معتقدش انك هتوفر المبلغ اللي يخليك متهاجرش ....

انا مثلا لسه صغير مش كبير و اسرتي صغيرة الحمد لله قررت اني اهاجر و انا ابني لسه عمرة اقل من سنه عشان يطلع و يتربي فى بيئه انضف بيئه مش المقياس فيها الفلوس انما المقياس فيها الاخلاق و الاحترام
يا جماعه الخليج مبقاش زي زمان دلوقتي فعلا الفلوس اقل بكتير طيب ليه البهدله بقي طيب منعيش بكرامتنا طالما احنا كده كده مش عارفين نحوش ....


عمرو

 

 

[محمد زقوت]

كلامكم كثير جميل
وخاصه اخ عمرو والجميع

انا كنت اقول زمان انه احنا هون في الكويت ما رح انسافر لانه بنحوش لانه ابوي كان يقدر يحزش بس انا شايف العكس انه احنا بنشتغل والراتب ما بيكفي لنص الشهر

انا فلسطيني عايش في الكويت

انا صراحه من ناحيه الماديه مو قادر علي مصاريف الاولاد والحياه نار ةمدارس من ناحيه والاهم انك بتحس انك مش بامان ابدا والحكومه ضعيفه مو هارفه شو تعمل وكلهم حراميه

انا مواليد الكويت ومعاي وثيقه سفر مصريه
اتمني للجميع التوفيق

 

 

[شهاب]

فعلا
مايدفع الناس اكثر واكثر الان هو قله العائد المادي في الخليج حاليا بمقارنته بمصر
انا كل سنه لما بنزل مصر باندهش من كم سيارات اقاربي الحديثه والتي لا اركبها في الخليج
!!!!
وكل هذا حدث في الخمس سنوات الاخيره فقط وبالتحديد من بعد 2007

لا اجد تفسير لهذا الموضوع

 

 

[HanyMan]

اقتباس المشاركة الأصلية كتبت بواسطة شهاب فعلا مايدفع الناس اكثر واكثر الان هو قله العائد المادي في الخليج حاليا بمقارنته بمصر انا كل سنه لما بنزل مصر باندهش من كم سيارات اقاربي الحديثه والتي لا اركبها في الخليج !!!! وكل هذا حدث في الخمس سنوات الاخيره فقط وبالتحديد من بعد 2007 لا اجد تفسير لهذا الموضوع

انا عايش فى الكويت وفعلا الناس بقىمعاها سيارات وفعلا بدأت أصدق كلام الحكومة عن التنمية واقول ما هى الناس تمام أهى امال الناس بتشتكى الفقر لية والحكومة بتتقطع كل يوم فى برامج التك شو بالليل.............. ما حسنى شغال أهو امال فى اية

 

 

[راحله الى المجهول]

تخيلوا ان فيه مواطنيين خليجيين وعلى درجه عاليه من المهنيه والمستوى الاجتماعى هما نفسهم بيتمنوا يبقى عندهم الجنسيه الكنديه ... !!