Arabic Discussion Forum with a Special Interest in Travel and Immigration

بنت شعنونة · 30th September 2009, 01:28 AM

الموضوع دا جد جدا..

من فترة كدا كنت سهرانا للفجر المهم فجأة سمعت عربيات بتجري ورا بعض في الشارع و تفحيط و فجأة سمعت ضرب رصاص

رغم اني عمري ما سمعته ع الحقيقة الا اني ميزتة بسرعة جدا
وطبعا الفضول اثارني اني ادخل البلكونة اشوف في ايه
بس من كتر ما سمعت حوادث اصابات رصاص بلكونات قلت يا بنت العمر مش بعزقة
وبعدين سمعت جيرانا بيفتحوا الشبابيك
شوية كدا والفضول انتصر ورحت ابص بس كان المولد انفض

تاني يوم طبعا الشارع كله كان بيحكي القصة
انه شلتين شباب بيتخانقوا مع بعض وكان فيها ضرب رصاص بس ما حصلش اصابات

من هنا جاتلي فكرة الموضوع

تخيل انك تبقى قاعد لا بيك ولا عليك في بيتك الساعا 12 ليلا وسط اهلك وعيلتك
وفجأة سمعت رزززززززززع على باب بيتك وتخبيط وصريخ
ولما بصيت من العين السحرية لقيت شوية رجالة ماسكين عصيان او شوم مثلا
واللي انت فهمته من الزعيق بتاعهم انهم عاوزين يضربوا حد بس غلطوا و جايين يهجموا على شقتك
ومش انت المقصود
لكن المجموعة كبيرة
والرزع ها يهد الباب تحت ايديهم
والشر باين عليهم

تعمل ايه؟

sanaa · 30th September 2009, 02:25 AM

لو في مصر مش حفتح الباب بس حكلم قرايبي يجوا بسرعه

لو بره مصر برضه مش حفتح الباب بس حكلم البوليس

Farida · 30th September 2009, 08:26 AM

مش حأفتح طبعا و حاجرى على البلكونه و اصوت و الم الناس

SindBad · 30th September 2009, 08:33 AM

اقتباس

المشاركة الأصلية كتبت بواسطة sanaa


	لو في مصر مش حفتح الباب بس حكلم قرايبي يجوا بسرعه لو بره مصر برضه مش حفتح الباب بس حكلم البوليس

انا عن نفسي هاعمل كده برضه..........

لو ف البلد هاتصل بولاد عمي يعملوا معكسر
ولو هنا هتصل بـ999

لو زمان كان ممكن اطلع من الشباك واضرب عليهم طلقتني في الهوا
بس دلوقتي مع المدنية مفيش عندي سلاح ف البيت

RMG · 30th September 2009, 08:58 AM

اتصل بحد من الجيران ينزل لهم او يطلع لهم يسألهم انتو عايزين مين يقولوا فلان يقلهم دي مش مش شقته
ودمتم
بس المشكلة انه لازم يدلهم على شقة المطلوب !!

Sonesta · 30th September 2009, 09:42 AM

دعوه لموضوعي

ليالى المطاريد.,,,هل تعلم

أنا هيغمى عليا

وساعتها يكونوا كسروا الباب وقتلونىىىىىىىىىى

سهيلة · 30th September 2009, 10:30 AM

موش هفتج طبعا طبببببببعا هوة العمر بعزقه

بس هكلم الاسعاف الاول وبعدين الشرطه
لان على الشرطه ف مصر ما توصل هكون ف خبر كان

O.S.A.M.A · 30th September 2009, 11:03 AM

انا عمال اقدم رجل وأخر رجل

لأنى أنا حصلى موقف مشابه لده بس ييجي من حوالى 16 سنة وكنت لسه عريس هايبقى جديد وكتب كتابي بعد يومين بالظبط

المهم .... تييتتت تيتتت الذاكرة ترجع للخلف

انا كنت لوحدى فى شقتى والشقة دى كانت شقة الأسرة وبعد ما توفيت والدتى والدى كان عنده شقة تانية كان بيروح يقعد فيها وانا كنت باقعد لوحدى فى الشقة
وملحوظة على الهامش انا كنت فى الفترة دى رياضي وبالعب كاراتيه ومعايا حزام أسود يعنى كان عندى الشجاعة للى عملته ده
المهم أنا قايم الصبح عشان أروح الشغل لقيت جرس الباب... ترن ترن ترن
ده مين ده اللى ها ييجى على الصبح كده ؟؟؟
ماكدتبتش خبر فتحت الباب لقيت اتنين شباب شكلهم خارجين من السجن حالاً
وواحد فيهم معمول فى وشه شوارع
المهم خير ...
انت المهندس اسامه اللى بتشتغل فى كذا ... أيوه يا بنى خير فى سناتكوا الطين دى "طبعاً اللى انا عرفتوه ان العيال دى كانت قاعدة على قهوة على ناصية الشارع وسألوا طبعاً وعرفوا اللى عرفوه"
عايزين نتكلم معاك شوية ...
انا ورايا شغل .. انتوا مين ؟
المهم خلال الفترة دى شايف أنا واد فيهم بيقلب فى الشقة بعينيه...
ومعلومة على الماشي انا كنت ساكن فى الدور الخامس
المهم لما شوفت العيال دول كده أوم ايه؟؟ عملت فيهم حتة حركة دخلتهم وقعدوا فى الصالون وقومت خارج بره الشقة وقفلت عليهم وصحيت الجيران واتصلنا بالبوليس واللى طبعاً ماكنش ليهم لازمة خالص لأن أنا والشباب جيرانى روقناهم فى علقة محترمة وتقريباً اترموا من منور السلم بس طبعاً جت عربية شرطة فيها واد أمين شرطة أول ما شاف العيال .. هو أنتوا يا ولاد التيييت واتاخدوا طبعاً على القسم والعيال كان معاهم مطاوى وده طبعاً اللى اكتشفناه واحنا بنجد فيهم
بس فعلاً وانا باحكى اللى حصل العيال دى صعبت عليا على الرغم من أنهم طلعوا فعلاً حرامية بس وسط مين أنا بالعب كارتيه وكان فيه صاحبى عصام اللى فوقيا ضرفة باب ماشاء الله وبيلعب مصارعة يعنى العيال كانوا ساندباجات "أكياس رمل" وخدوا علقة ماكلاهاش حرامي فى مولد ده غير طبعاً اللى جاى يجامل

وطبعاً أنا لغاية دلوقت معرفش هما كانوا هايقولوا هما جايين ليه

ana_3enady · 30th September 2009, 11:35 AM

دعوه لموضوعي

RobertInole

طب يا أبو يوسف مش كنت تصبر تشوفهم عاوزين ايه .. ما بحبش التسرع

عن نفسي .. موقف زي ده هايستفزني خصوصا الرزع على الباب .. فعندي عصاية في البيت أشبه بالشومة وفيها مسمارين حلوين كدة يرشقوا على طول مكان الخبطة (ده لو انا في مصر)

انما هنا (الباب حديد .. وبعدين احنا تلات رجالة في الشقة وبسم الله ما شاء الله الله أكبر)

haya · 30th September 2009, 12:20 PM

انا بقي اجبن من الجبن
وهسهس خالص وباترعب من الهوا والمصيبه الكبيرة اني لما اترعب اتكتم ولا يطلعلي نفس ولا يطلعلي صوت
ولا هاقدر اتحرك لغايه التليفون علشان اكلم حد ولو جيت اكلم حد هانسي النمره
يعني ضايعه ضايعه

فانا من موقعي هذا باأهيب بكل الساده البلطجيه ماحدش يفكر يعمل الموضوع ده معايا وان شاء الله الحراميه والبلطجيه يبقوا كويسين وطيبن وما يجوش ناحيتي

ابو يوسف ...تفكير في منتهي الذكاء و الحنكه بجد احييك عليه
كده ضمنت انك ما تتاذيش منهم وضمنت اكتر انهم مستحيل هما وامثالهم انهم يكرروا الحركه ديه ...
بس تفتكر هما من غيظهم مش كانوا ممكن يدشولك البيت التليفزيون مثلا الكاسيت التليفون اي حاجه يطلعوا بيها غيظم عليك؟

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
حازم صلاح ابو اسماعيل..عيب على شيبتك!	شؤون مصر الداخلية	د. يحي الشاعر	409	31748	3rd April 2012 09:34 PM
حشيش..مش نافع كدا على فكرة وانا ابتديت اتنرفز..!!	إقتراحات ... مشاكل تقنية	Rapt	27	3823	31st March 2012 04:25 AM
"حظ سعيد" خدت قفا على سهوة..!	صحافة ... إعلام ... سينما ومسرح	بنت شعنونة	0	1458	29th March 2012 09:05 PM
اضحك..كركر..او..الطم مع مرشحين الرئاسة!!	موضوعات عامة ... موضوعات خفيفة ... منوعات	rgydaa	83	14048	10th March 2012 07:21 PM
عايزة مساعدة عااااجلة :))	موضوعات عامة ... موضوعات خفيفة ... منوعات	بنت شعنونة	8	5473	2nd March 2012 01:13 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نصرالله: أضع إمكانيات المقاومة بتصرف المصريين	د. يحي الشاعر	شهود على العصر	59	9th February 2011 05:50 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مواضيع شخصية

ها تتصرف ازاي؟