استطلاع لتقسيم وترتيب المنتدى

[salamatarek]

الصحف المصرية والعربية

بسم الله الرحمن الرحيم

اعزائى رواد منتدى المطاريد قسم( الهجرة الى كندا)
بناء على رغبة ادارة المنتدى وطلب العديد من الزملاء فى المنتدى بالرغبة فى تنظيم وترتيب المنتدى ليسهل على اعضاؤه تصفح المواضيع المختلفة .
فقد رات ادارة المنتدى بضرورة اشراك رواد المنتدى فى تطوير منتداهم بالصورة التى يودون رؤية المنتدى عليها , لذا فقد اقترح بعض الزملاء الافاضل تقسيم المنتدى الى عدة ابواب ليسهل تصفح المواضيع وفهرستها وفقا لاتجاهها وتخصصها كما يلى:

1- الاقتراح الاول
تقسيم المنتدى الى بابين
ا- باب الهجرة الفيدرالي
ب- باب هجرة كيبك

2-الاقتراح الثاني
تقسيم المنتدى الى اربعة ابواب

ا- اجراءات الهجرة الفيدرالي
ب- اجراءات هجرة كيبك
ت- اجراءات الدراسة و المعادلات
ث- تجارب واستقرار اعضاء المنتدى المهاجرين

على ان يكون الابقاء على المنتدى على حالته القائمة اختيارا ثالثا يمكن للاعضاء التصويت عليه.
وسيكون هذا الاستطلاع مفتوحا للتصويت لمدة اسبوع من تاريخه ,وسيتم تطبيق الراى الذى سيصوت عليه اغلبية الاعضاء من اجل ان تعم الفائدة على المنتدى.
مع تحياتى

 

[دنتستاوي]

انا شايف بصراحه كتره تقسيم باب الهجره مش كويسه

وكمان ان الفيدراليين يبعدوا عننا برضه مش كويسه

وكمان يفضل الحال على ماهوا عليه برضه مش عاجبني

طب نعمل ايه

نقسم الباب اتنين وكل قهوه تبقى في باب الاخر

بمعنى ان قهوه الكيبيك تبقى في فيدرال وقهوه الفيدرال تبقى في كيبيك

حد يسألني سؤال حلزوني ليه

بصراحه لو انفصلنا عن الفيدراليين خالص دا غلط علينا وهيهدم روابط الموده الموجوده بينا وبينهم فمفروض يبقى فيه حاجه تخلينا نروح نشقر عليهم كل شويه وهما يجوا عندنا كل شويه علشان نعرف اخبار بعض

 

 

[great expectations]

زي ما احنا يا عم
وممكن يتم نقل المواضيع قليلة المشاركات الي الارشيف بعد عشرة ايام من سكونها
خايف من التغيير نفقد روح الباب
Posted via Mobile Device

 

 

[salamatarek]

اقتباس المشاركة الأصلية كتبت بواسطة دنتستاوي انا شايف بصراحه كتره تقسيم باب الهجره مش كويسه وكمان ان الفيدراليين يبعدوا عننا برضه مش كويسه وكمان يفضل الحال على ماهوا عليه برضه مش عاجبني طب نعمل ايه نقسم الباب اتنين وكل قهوه تبقى في باب الاخر بمعنى ان قهوه الكيبيك تبقى في فيدرال وقهوه الفيدرال تبقى في كيبيك حد يسألني سؤال حلزوني ليه بصراحه لو انفصلنا عن الفيدراليين خالص دا غلط علينا وهيهدم روابط الموده الموجوده بينا وبينهم فمفروض يبقى فيه حاجه تخلينا نروح نشقر عليهم كل شويه وهما يجوا عندنا كل شويه علشان نعرف اخبار بعض

شكرا لرايك يا دنتستاوى, احنا بنحترم كل الاراء , واللى فيه الخير للمنتدى سيقرره الاعضاء باذن الله.
مع تحياتى

اقتباس المشاركة الأصلية كتبت بواسطة qenawy زي ما احنا يا عم وممكن يتم نقل المواضيع قليلة المشاركات الي الارشيف بعد عشرة ايام من سكونها خايف من التغيير نفقد روح الباب Posted via Mobile Device

الفكرة يا دكتور من التقسيم فى راى بعض الاعضاء هو تسهيل الوصول والبحث عن الموضوعات حسب تخصصها, وطبعا كل اختيار له مميزاته وعيوبه, ولكن لزم اجراء الاستفتاء لتعدد اراء اعضاء المنتدى وتنوعها , وكل الابواب لو تم تقسيمها ستظهر فى صفحة واحدة, اى ان التقسيم المفترض لن يقسم المنتدى الى عدة منتديات ولكنه يسهل التصفح الى حد ما.
ومميزات ابقاء المنتدى على ما هو عليه هو اطلاع جميع رواد المنتدى على كل المواضيع مرة واحدة ولكن فى نفس الوقت ممكن بعض الاعضاء يتوهوا شوية وما يعرفوش يوصلوا للموضوعات اللى هما عايزينها.
ولكن فى النهاية كل الاراء سيتم احترامها وتقديرها, وراى الاغلبية هو اللى هيمشى, وعلى راى الدكتور الاسوانى:
الديمقراطية هى الحل.
مع تحياتى

 

 

[great expectations]

لا يا عم طارق
اصل الموضوع نفسي شوية
تغيير الاعتاب ساعات بيكون سبب بسيط جدا لعدم الراحة واللي عاوز يدور سهل جدا
فكر في اقتراحي بنقل المهمل الي الارشيف
Posted via Mobile Device

 

 

[salamatarek]

اقتباس المشاركة الأصلية كتبت بواسطة qenawy لا يا عم طارق اصل الموضوع نفسي شوية تغيير الاعتاب ساعات بيكون سبب بسيط جدا لعدم الراحة واللي عاوز يدور سهل جدا فكر في اقتراحي بنقل المهمل الي الارشيف Posted via Mobile Device

احنا بدانا فعلا فى نقل بعض المهمل الي الارشيف منذ عدة ايام, وباقى اعمال التطوير تتم بصورة موازية, ربنا يسهل ان شاء الله.
مع تحياتى

 

 

[اونست]

كنت قلت اقتراح قبل كده في موضوع تاني
أنا شايف المشكلة الأكبر في داخل المواضيع نفسها زي المواضيع دي
الخطوات العملية للهجرة الى كيبيك
مقابلات كيبيك
نصيحة للفرنسية
الهجرة فيدرال
كيفية كتابة الأبلكيشين
...الخ
صفحات المواضيع دي معظمها بتعدي ال 200 صفحة
والمشاركات المهمة ممكن تكون 10 صفحات او 20 صفحة فقط
العضو الجديد زي منا كنت بجهز ورقي قبل كده بضطر أقرا ال 200 صفحة دول وفي بعض الأحيان ال 500 صفحة,وأحيانا الأعضاء بتكون مستعجلة أو بتكتب سؤال وتستني يومين تلاتة عشان الرد,مش كل الأعضاء بيكون وقتها يسمح بكده...وادام الغرض هو التسهيل على الأعضاء في الأول والأخير بقترح الأتي:

يتعمل زي الموضوعات اللي فاتت دي بنفس الأسم مثلا ولكن تكون من غير مشاركات وتتحط في قسم خاص وهو موجود دلوقتي اسمه دليلك للهجرة الى كندا وبكده كل موضوع ممكن يوصل الى 10 صفحات بالكتير والموضوع يتحدث شهريا مثلا لو فيه سؤال اتضاف او معلومة جديدة او غلطة تتصحح .
وممكن يتطوع بعض الأعضاء مع بعض بتنسيق الموضوعات دي لمساعدة المشرفين
وانا اول واحد متطوع اهو لو الفكرة عجبتكم
وبالنسبة لروح المنتدى والود والحاجات دي الموضوعات التانية هتفضل زي مهي مش هتتلغي

 

 

[Remooo]

4 ابواب يا هندسة
فيه تركيز للمعلومات لكل قسم على حدة ويسهل الوصول ليها وبسرعة اكبر
كمان هايزود التنظيم لانه فعلا الدنيا عايزة تتنظم التجارب داخلة على الفرنساوى
على الفيدرال
بالتوفيق ان شاء الله
ومشكور جدا على التوبيك الجديد بتاع اساتذة الجامعات فى كندا

 

 

[dana]

الفكرة فى التقسيم بالنسبة لى مش مهمة المهم بالنسبة لى الموضوعات القديمة اوى والمداخلات المتكررة والاسئلة اللى تم الاجابة عليها اكثر من مرة
عند حضراتكم توبيك كنت فتحته عن كيفية ملئ ابلكيشن كيبيك وتم تنفيذه فى خلال عشرين صفحة وصل اليوم لاكثر من 100 صفحة !!!!!
اقترح التقسيم على اربع ابواب كنوع من التنظيم ولكن المهم عندى هو الغاء المداخلات المتكررة والشكر والعتاب والسلامات داخل المواضيع

 

 

[OmarDent]

اقتباس المشاركة الأصلية كتبت بواسطة qenawy زي ما احنا يا عم وممكن يتم نقل المواضيع قليلة المشاركات الي الارشيف بعد عشرة ايام من سكونها خايف من التغيير نفقد روح الباب Posted via Mobile Device

أنا مع رأي الدكتور قناوي