مقال فاروق جويده الأسبوعى

[Farida]

الصحف المصرية والعربية

كما اشرت من قبل ان مقال فاروق جويده الأسبوعى مش بينزل فى الأهرام النسخه الألكترونيه بتاتا و ده لأنه فى الغالب بيكون مقال ساخن و بيكشف فيه كل اسبوع عن فساد ما فى جهة ما و من قبل استطاع انه يكشف عن عده قضايا فساد يمكن اشهرها على ما اتذكر موضوع الشركه الكويتيه اللى كانت حاصله على مساحات اراضى من اخصب الأنواع فى الجيزة للأستصلاح الزراعى و بورتها و بعد كده حاتبيعها مبانى و اتوقف البيع و مره اخرى اشار لموضوع مهم عن دور عاطف عبيد فى بيع اراضى سيناء لمستثمرين يهود ثم رفض الرئاسه بعد ذلك فى تنفيذ البيع لأسباب الأمن القومى ووقتها طالب عاطف عبيد بدفع الغرامه اللى تبلغ 30 مليون دولار من مرتبه اللى بيبلغ مليون جنيه سنويا و مرة اشار لأعلانات البورصه المريبه و من وراءها و اللى كانت بتدعو المواطننين لأستثمار اموالهم فى البورصه و ان الموضوع ده مضمون و اشار ان مافيش مكان فى العالم يضمن البورصه و انها مثلها مثل القمار تماما و ان القصد من وراء الأعلانات الحصول على اموال البسطاء لصالح حيتان السوق و الحمد لله ان ربنا خسف بالبورصه الأرض و بان ان استثمار البورصه ده شئ خرافى
من اسبوعين تحدث فاروق جويده عن فندق الميريديان اللى اتباع بتراب الفلوس لمستثمر عربى على ان يشغله بكامل طاقته و تنتفع به الدوله اللى حصل ان المستثمر اخد الفندق و الأرض اللى حواليه و طبعا من غير مايدفع ولا مليم بنى فندق جراند حياة على الأرض المحيطه بالميريديان و ترك فندق الميريديان و سرح عماله و ترك الفئران تعيث فيه و خسر البد من وقتها ملايين الجنيهات و حصل هذا مع فندق اخر فى الغردقه اشتراه نفس المستثمر الحرامى .......
امس رد عليه مسئول فى السياحه و قاله ان كل اللى قاله صحيح و ان دى قضيه فساد كبيره و ان اللى باع الفندق و اللى سمح بانشاء فندق اخر على الأرض حول الفندق و ردم جزء من النيل و التعليه لأبعد ما تسمح به هيئه الطيران المدنى كل ده فساد واضح و صريح