حسني مبارك وافق علي بناء سد اثيوبيا في 2008

[تكسير]

الصحف المصرية والعربية

وكمان حسني مبارك ساعد اثيوبيا للحصول علي قرض البناء من الصندوق الدولي
شفتم
يا جمالك يا مبارك


يا عيني عليك يا مرسي شايل طين من قبلك

 

[أحمد فاروق]

اقتباس المشاركة الأصلية كتبت بواسطة تكسير يا عيني عليك يا مرسي شايل طين من قبلك

جماعة الإخوان المسلمين جماعة بتشتغل سياسة من 80 سنة، والريس سياسي مخضرم وفاهم كويس هو بيعمل ايه. يعني الفيديو ده ممكن يكون مفاجأة للبعض، لكنه - رغم إنه صادر عن الإعلام الكاذب الفاسد المضلل الفاجر الفاسق العاهر المأجور اللي بيشتغل بأموال الفلول - لم يكن أبدًا مفاجأة للريس لأنه بالتأكيد عدّى عليه وعلى جماعته ودرسوا ومحصوا ما فيه من زمان، من 2008. وبناء على هذه الدارسة وهذا التمحيص، كل شيء - وبالذات موضوع سد النهضة الإثيوبي - كان معروف ومدروس ومعمول حسابه كويس في مشروع اشترك في إعداده خبراء من دول مختلفة في العالم، ألا وهو مشروع النهضة. فمفيش جديد عند الريس لأنه عارف ده كويس من قبل ما يترشح للرئاسة، من 2008، ويمكن من قبل كده كمان، وترشح للرئاسة ومعه مشروع كامل يحل به جميع المشاكل والطين اللي سابه له مبارك. فلا مفاجأة ولا قلق إطلاقًا على مصر من هذه الناحية. فإن كان مبارك وافق على ودعم بناء سد النهضة، فإن الريس محمد مرسي سيفعل نقيض ما فعله مبارك، مثلما فعل ويفعل في كل مناحي الحياة في مصر. فمنذ تولي الرئيس مرسي مقاليد الأمور، نقض جميع مشروعات عهد مبارك وبنى مشروعات جديدة تمامًا تنبئ بتغير 180 درجة عن عهد مبارك الفاسد ومشروعاته الفاسدة.

 

 

[ysma]

مش بعيدة شوية الـ xxxx يقولوا إن مبارك كان إخوانى

 

 

[جرديز]

اقتباس المشاركة الأصلية كتبت بواسطة أحمد فاروق لم يكن أبدًا مفاجأة للريس لأنه بالتأكيد عدّى عليه وعلى جماعته ودرسوا ومحصوا ما فيه من زمان، من 2008. وبناء على هذه الدارسة وهذا التمحيص

دراسة مين يا عسل ( وش محمود عبد العزيز )
دول كانوا مشغولين بمحلات البقالة والوكالات التجارية

 

 

[أحمد فاروق]

اقتباس المشاركة الأصلية كتبت بواسطة جرديز دراسة مين يا عسل ( وش محمود عبد العزيز ) دول كانوا مشغولين بمحلات البقالة والوكالات التجارية

لأ بقى كله إلا الدراسة الإخوانية.
عن طريق محلات البقالة والوكالات التجارية، كان الإخوان بيبيعوا للناس شيء ضار في صورة شيء غير ضار. فده كان ستار علشان النظام السابق ماكانش بيسمح لأي حد يتكلم في السياسة أو يعمل تنظيم سياسي ويدرس ويمحص من خلاله مشاكل مصر وحلولها. غير إنه واضح جدًا من أداء الإخوان خلال سنة إنه مبني على دراسات كتيرة جدًا خدت في اعتبارها كل الظروف والملابسات والمشاكل والأزمات اللي بتواجه مصر وحلولها قصيرة ومتوسطة وطويلة الأمد. ففيديو زي ده ممكن يكون المواطن العادي شافه ومر عليه مرور الكرام، لكن تنظيم زي تنظيم الإخوان يستحيل أولاً مايكونش شاف الفيديو، ثانيًا يكون مر عليه مرور الكرام كأي مواطن. فماتحاولش تقنعني إن الإخوان ماشافوش الفيديو ده. هو صحيح من الإعلام الكاذب الفاسد المضلل الفاجر الفاسق العاهر المأجور اللي بيشتغل بأموال الفلول، لكن لا يمكن مايكونش الإخوان شافوه في حينه، بل يستحيل مايكونوش عارفين محتواه من زمان. لأن دي حاجة تمس الأمن القومي للبلد، فمش مشكلة لما يشوفوا الإعلام ده. وكمان لأن دي مشكلة مهمة جدًا ومعروفة من زمان. وماتحاوش تقنعني إن الإخوان شافوا الفيديو وماعملوش الدراسة والتمحيص الكافيين لمواجهة الأزمة. الإخوان كانوا عارفين كويس إن مبارك وافق على سد النهضة، واللي عملواه إنهم حطوا خطط مستقبلية تمحو تأثير السد. كل الخطط دي كانت ضمن مشروع النهضة. لما حانت اللحظة المناسبة، والخطط في إيديهم، شاركوا في الثورة وعينهم على الحلول عشان أول ما يبقوا في السلطة ينفذوها علطول. وده اللي حاصل على الأرض دلوقت، واللي لا ينكره إلا جاحد.

 

 

[arwa ahmed]

10000 اثيوبي يتظاهرون من اجل الحقوق
في اديس ابابا
https://www.reuters.com/article/2013/...&dlvrit=992637