أوراق اللاندنج - هام جدا"

[bongeorge]

الصحف المصرية والعربية

الأوراق المطلوبة أثناء اللاندنج :

1- الباسبور و عليه الفيزا ( طبعا )

2- الورقة المكربنة
COPR = confirmation of permanent residence

3- صور 3.5x4.5 أحتياطى لزوم كارت البى ار ( أذا تم رفض الصور القديمة المرسلة)

4- Application of PR Card
https://www.cic.gc.ca/english/pdf/kit...s/IMM5444E.pdf
مش لازم تملاه من هنا بس هيهسل عليك الوقت فى المطار ( و انت مش ناقص انتظار بعد 8 ساعات طيران و لو فى ترانزيت )

5- لستة البضائع
https://www.cbsa.gc.ca/publications/f...res/b4-eng.pdf

و الملحق الخاص بها
https://www.cbsa-asfc.gc.ca/publicati...laires/b4a.pdf

برجاء من مطاريد الجبل و كبارات البلد يعلمونا أزاى نملا الورق رقم 4 و 5 علشان نفيد كل الناس اللى خلاص رايحة المطار و مسافرة علشان تعمل لاندنج بسرعة لأنه مش سهل خالص

ورق اللاندنج لم يعطى أى أهتمام هنا ... لذلك قررت أن أقوم بالمشاركة حتى تعم الفائدة

 

[kodo]

دعوه لموضوعي

Canada way أخبار يومية مباشرة

فعلا موضوع مهم وجديد
ربنا يجعله في ميزان حسناتك

ان شاء الله الاخوة الافاضل اللي وصلوا بالسلامة مش هيقصر

 

 

[Kingstone]

نمرة 4 دى جديدة يا جماعة ؟؟؟ - ماحدش قال انه عبى أى ابليكاشنز فى المطار !!!!!

 

 

[Kingstone]

4- Application of PR Card
https://www.cic.gc.ca/english/pdf/kit...s/IMM5444E.pdf
مش لازم تملاه من هنا بس هيهسل عليك الوقت فى المطار ( و انت مش ناقص انتظار بعد 8 ساعات طيران و لو فى ترانزيت )

لا تتخيل الموضوع دة أكل دماغى ازاى وذلك لعلمى المسبق ان ما فيش اى ابليكاشنز بتتعبى للحصول على الـ PR زى ما قلت قبل كدة ولكن كلامك شككنى فبدأت رحلة بحث اسفرت عن التالى:
If you are a current permanent resident, you will only receive a new card when your existing card expires. If you are a new permanent resident, you will automatically receive your new card as part of the immigration process.

ودة الرابط اللى فيه الكلام دة واللى معناه ان الناس اللى مسافرة جديد مش مطلوب منها تملى الابليكشن دى خالص ولا ترفق مستندات ولا صور ولا تدفع رسوم
https://www.cic.gc.ca/english/informa...card/index.asp

اقروا كدة ياجماعة احسن اكون انا اللى فاهم غلط

 

 

[Eng. Amal]

كلامك صح بالنسبة
https://www.cbsa-asfc.gc.ca/publicati...laires/b4a.pdf
انا ملئتها من البيت وكتبت فيها كل ما ممكن تتخيله من غرف نوم ، سفرة ملابس وذهب ولم اصور الذهب وكتب وكمبيوتر وخلافه مع وضع قيمة بالدولار لكل شيئ ثم اجمالي حتى مليت ورقتين واعلى الصفحة صفحة 1 من 2 او 2 من 2 ، وعلمت على البوكس انها سوف تتبعني وعملت 3 نسخ واخذتهم معي (الكتابة باللغة الانجليزية) وفي المطار ختمت واحتفظت بنسخة واعطت لي النسخة المختومة وقالت الضابطة احتفظي بها لانه ان احضرت شيئ فيما بعد سوف يعفى من الضرائب بناء على هذه الورقة.

 

 

[Eng. Amal]

اسفة طبعا نسيت اني ملئت الفومتين وعلمت في اخر الفورم ده

https://www.cbsa.gc.ca/publications/f...res/b4-eng.pdf

ان معي الفورم الاخرى مرة على انها اشياء فلو مي
والاخرى لم اعلم واعتبرتها اشياء معي وكانت حصر على جميع ما معي و الجمارك قالت لي رائع وطبعا ختمتهم ورجعت لي الفورم التي ستتبعني اما الاخرى اخذتها . لكن عفتني من التفتيش او فتح الشنط وحسيت انهم مبسوطين جدا من الموضوع ده.

 

 

[medopharm]

اقتباس المشاركة الأصلية كتبت بواسطة bongeorge الأوراق المطلوبة أثناء اللاندنج : 1- الباسبور و عليه الفيزا ( طبعا ) 2- الورقة المكربنة COPR = confirmation of permanent residence 3- صور 3.5x4.5 أحتياطى لزوم كارت البى ار ( أذا تم رفض الصور القديمة المرسلة) 4- Application of PR Card https://www.cic.gc.ca/english/pdf/kit...s/IMM5444E.pdf مش لازم تملاه من هنا بس هيهسل عليك الوقت فى المطار ( و انت مش ناقص انتظار بعد 8 ساعات طيران و لو فى ترانزيت ) 5- لستة البضائع https://www.cbsa.gc.ca/publications/f...res/b4-eng.pdf و الملحق الخاص بها https://www.cbsa-asfc.gc.ca/publicati...laires/b4a.pdf برجاء من مطاريد الجبل و كبارات البلد يعلمونا أزاى نملا الورق رقم 4 و 5 علشان نفيد كل الناس اللى خلاص رايحة المطار و مسافرة علشان تعمل لاندنج بسرعة لأنه مش سهل خالص ورق اللاندنج لم يعطى أى أهتمام هنا ... لذلك قررت أن أقوم بالمشاركة حتى تعم الفائدة

انا عن نفسى ماشوفتش لا 4 ولا 5 ولا الملحق كمان
ثم ايه الابليكايشن ده
ماحدش طلب مننا حاجه ولا ادونا حاجه من دى
هو يادوب دخلت على الاوفيشر قعد يعبى فى ورق ويختم ومضانا على الاوراق وااخدنا النسخه المكربنه والسلام
يمكن كل مطار وله طقوسه
!!!

 

 

[phrma]

ايه دا ياجماعه ؟؟؟؟

كل واحد يقولنا هو نزل فى مطار ايه يمكن فعلا بتفرق فى المطار

نورونا يا مطاريد

 

 

[Kingstone]

يا جماعة ما تلخبطوش الناس كل المطارات حاجة واحدة - ما فيش ابليكيشن للــ PR والكلام دة مكتوب على الــ CIC بالنص كالتالى :
If you are a new permanent resident, you will automatically receive your new card as part of the immigration process
ودة الرابط اللى عليها الكلام دة:
https://www.cic.gc.ca/english/informa...card/index.asp

لكن الابليكشن دى خاصة بالمقيمين الدائمين اللى بالفعل جوة كندا وما طلعوش PR card قبل كدة لأن نظام الكارت بدأ تطبيقه سنة 2003 أو 2004 على ما أذكر ولا زال فيه ناس لم تحصل عليه لأنها شايفة انها مش بحاجة له نظراً لعدم مغادرتها كندا أو بمعنى أصح مش محتاجة الكارت لأن الهدف الأساسى للكارت هو استخدامه للسماح لدخول كندا أو الناس اللى كروتها انتهت وعايزة تجددها أو اللى كروتها اتسرقت أو ضاعت أو تلفت

النقطة الثانية ما يتعلق بموضوع الجمارك - أنت معاك ايه ؟ - انت ناوى تشحن ايه؟
الخلاصة مليت الابليكشنز الخاصة بالكلام دة كان به - لم تملئها برده عادى
فيه ناس كتبت الكلام دة على ورق ابيض عادى طلعته من شنطتها واتسلت فيه اثناء الرحلة
واتختم لهم على الورق عادى جدا جدا
الموضوع تنظيمى لكن خلاصته همة عايزين يعرفوا معاك حاجة تدفع عليها جمارك ولا لاء
او بمعنى آخر هل انت فى نطاق المسموح نقله بدون جمارك - يعنى مثلاً مسموح لك بعدد 200 سيجارة
لو معاك اكتر مطلوب تدفع
اضافة الى ذلك هل معاك مواد ممنوع دخولها ؟ زى منتجات الالبان واللحوم والبذور
الكلام دة كله مكتوب على موقع الجمارك
ربنا يوفق الجميع

 

 

[اسكندرانية كنداوية]

أنا و أسرتى عملنا لاندينج فى يوليو 2010 من مطار تورونتو طبعا الباسبور والفيزا رقم واحد و معاهم الورق المكربنودول اللى حيسال عنهم الأوفيسر بتاع الهجرة أما بالنسبة للصور مش مطلوبة إلا إذا كنت شاكك فى مقاسات الصورة اللى حتستخدم فى البى أر أنا مثلا طلبت تغيير صورة بنتى لإنى كنت شاكة إن حجم الوجة أكبر من المطلوب فالأوفيسر أخد منى الصورة الجديدة وكتب أبليكيشن وطلب من اوقع علية وهى دى الصورة اللى إستخدموها فى البى ار
أما بالنسبة لرقم 4 فلأخ كينج ستون على حق تماما غير مطلوبة للمهاجرين الجدد
أما الليسته رقم 5 اللى هى البى فور فدول ليستتين واحد للعفش اللى بتفكر تدخله كندا لأن من حق كل مهاجر إن يدخل بما يحتاج من عفش بيته ومتعلقاتة بدون جمارك ودى مش لازم تتكتب على ورقة الأبليكيشن أنا عن نفسى كتبتها على الأكسيل دوكيمنت عامود فية وصف الأغراض وعمود فيه السعر التقريبى بالدولار الكندى و النهاية حسبت المجموع الكلى أنا كتبت فيها فيها كل عفش البيت والمتعلقات من الأبرة للصاروخ حتى الحاجات اللى مش ناوية اخدها أنا مش خسرانة حاجة غير شوية حبر
أما الليسته التانية لمحتويات شنطة السفر وبرضة كتبتها على إكسيل دوكيومنت وممكن على وورد دوكيومنت وكل واحد مننا كان معاة الشنطة والليسته بتاعته وكل اللى كتبته عبارة عن عناوين يعنى ملابسو السطر اللى بعدة أحذية وهكذا
على فكرة هما مش بيسألول على الليستة أنا اللى قلت للأوفيسر عليها لإن فى حاجات أنا ناوية أدخلها كندا مستقبلا فلما يسألونى عنها حاقول إنها فى الليستة وبالتالى معفية من الجمارك لو ماعملتش الليستة مش غلط بس لو حبيت تدخل حاجة فى المستقبل ممكن تتجمرك عليها أعتقد لو قيمتها أكتر من 700 دولار أنا مش متأكدة أوى من المبلغ