Arabic Discussion Forum with a Special Interest in Travel and Immigration

Remon.soliman · 1st March 2019, 09:03 PM

دعوه لموضوعي

قصيدة ليه يا بلدي بتقتليني
في رثاء شهداء حريق محطة مصر
==============

ليه يا بلدي بتقتليني
ورافضة وجودي جنبك
ليه يا مصر بتحرقيني
ده شكلي كله ملامحك

غرقتيني في عباراتك
مع إن إسمها السلام
حرقتيني في قطاراتك
طياراتك
حب ده ولا إنتقام

ليه يا مصر دأنا عايش
فيكي راضي بالتمام
ليه يا بلدي دأنا شاكر
دأنا صابر
ومنعت حتى الكلام

شفت ست شايلة شنطة
عشان عيالها في الحسين
شفتها تاني إنهاردة على المحطة
وحرقتيها المرتين

ليه يا مصر
دي ست غلبانة وراضية
جايبة فرخة ولا لحمة
وبتجري تأكل عيالها
جعانين مستنيين

جوه كنيستي تفجريني
جوه جامع تقتليني
طب قوليلي لو مش إبنك
أو ماليش غلاوة عندك
كنت همشي من سنين

شوفت ناس أنا في المحطة
بتجري من النار اللي أيده
ماسكة في جسمه في كل حتة
منظر بكى كل عين

كل يوم بيروح شهيد
والدم يوم عن يوم يزيد
مرة في قطر ومرة في عيد
تعبت أعد الجثامين

مادام في مصر راح تموت
مادام في مصر راح تموت
في متش كورة أو في قطر
ما أنت مصري مالكش سعر
رخصوك المسئوليين

ليه يا مصر تكرهيني
ليه يا مصر تكرهيني
فيكي دأنتي نين عيني
مش كفاية بتطرديني
بتبعديني عنك ولسنين

ليه يا مصر دأنتي حضني
وإنتي أمي
كنت لنيلك بشكي همي
فِي حضن قلبك من سنين

لحد إمتي ترخصيني
لحد إمتى هتقتليني
لحد إمتى هتبعيني
لحد إمتى هتبقي
أم تدوس وتأكل في البنين
ريمون سليمان
28 فبراير 2019
https://
posted via mobile device

Alanaa · 13th April 2020, 01:37 PM

حلوه ريمون
posted via mobile device

Remon.soliman · 17th June 2020, 10:00 AM

دعوه لموضوعي

مطاريد الكويت

اقتباس

المشاركة الأصلية كتبت بواسطة Alanaa


	حلوه ريمون posted via mobile device

شكراً جزيلاً

kootta · 4th August 2020, 01:15 PM

جميلة يا ريمون

قمر الاصيل · 9th May 2022, 12:20 PM

لا الموت يشفي ولا الكأس الاحمر يروي
لا العلم ينفع ولا القلم يكتب
جفت صحف القدر وانكتب ما كتب
والموت حدق في نفسي والرعد غرس في ارضي
posted via mobile device

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الهجرة العشوائية إلى أمريكا 2021	الهجرة بالفيديو	Remon.soliman	2	2875	18th October 2019 11:02 AM
حزب الكنبة l ريمون سليمان	أدب وشعر وقراءات متنوعة	Remon.soliman	0	3426	2nd March 2019 08:43 PM
ليه يا بلدي بتقتليني l ريمون سليمان	أدب وشعر وقراءات متنوعة	قمر الاصيل	4	9371	1st March 2019 09:03 PM
كيبك تقرر إلغاء أغلب طلبات الهجرة الحالية	مقاطعات كندا	Remon.soliman	5	3928	8th February 2019 08:12 AM
وزير هجرة كيبك الجديد يعلق استقبال طلبات الهجرة...	مقاطعات كندا	Remon.soliman	1	3198	27th January 2019 06:50 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

أدب وشعر وقراءات متنوعة

ليه يا بلدي بتقتليني l ريمون سليمان