الثامن من يولــــــيــــو...جمعـــــة الحســـــــــاب

[biopasha]

الصحف المصرية والعربية

تمام .. معاكم في دعم مليونية 8 يوليو القادم لإستكمال مطالب الثورة والمطالبة بتطهير الشرطة والقضاء ..

تم النشر في صفحة الثورة ..

رجاء النشر قدر الإمكان ..

 

 

[biopasha]

اقتباس المشاركة الأصلية كتبت بواسطة brain كل المطالب اللي موجوده انا موافق عليها و ازيد عليها مطلب اساسي و مهم اعادة ثورة الفقراء الى الفقراء الفلاحين و العمال و المهمشين هم اصحاب الثوره نصيحه اخويه عدم الاشاره الى مطلب الدستور اولا التركيز على ان هذا الامر غير مطروح من اساسه في جمعة 8 يوليو غير كده يبقى مافيش فايده

أؤكد علي أهمية النقطة اللي ذكرها برين ..
فعلا دي أهم حاجة هتضمن مليونية حقيقية متحدة وجماهيرية حاشدة .. تحقق مطالبها دون إبطاء أو تمييع أو تفريط .

 

 

[Virus]

شباب الثورة حسموا الموضوع ده...مفيش كلام على الدستور أولا..

المشكلة إن في عشرمية إئتلاف عاملهم الجيش والحزب الوطني وكل من هب ودب وبيقعدوا يعملوا صفحات على الفيسبوك وتهريج عشان يشتتو التركيز ويألفوا أي مطالب..

لو بس صفحة خالد سعيد تشترك بدل حالة الخنوع الثوري اللي هم فيها دي..مش عارف وائل غنيم اشتروه ولا إيه!!

 

 

[Virus]

واضح إن احنا مش هنستنى ل 8 يوليو..الضغط يولد الانفجاااار

البنات يقفلوا الصوت عشان الشتيمة..

دمك مش هيروح هدر

 

 

[Virus]

إعلان أسماء 6 متحدثين لـ «الإخوان» وشباب الجماعة يشاركون فى جمعة 8 يوليو

https://www.almasryalyoum.com/node/472945

قال الدكتور محمد بديع، المرشد العام لجماعة الإخوان المسلمين، إن الإخوان ليسوا طلاب سلطة، بدليل أنهم قبل ثورة 25 يناير أعلنوا أنهم لا يسعون إلى الحكم ولن يرشحوا أحداً منهم للرئاسة لأن همهم الأكبر هو مصلحة مصر. وأضاف خلال مؤتمر جماهيرى بشبين الكوم، مساء الثلاثاء بمناسبة افتتاح مقر الجماعة بالمنوفية، إن ثورة 25 يناير لم تكن إلا نعمة من الله مَنَّ بها على الشعب المصرى. وأعلن بديع، أسماء المتحدثين الإعلاميين باسم الجماعة وهم الدكتور رشاد بيومى، والدكتور محمود عزت، والمهندس خيرت الشاطر، وجمعة أمين، نواب المرشد، والدكتور محمود حسين، أمين عام الجماعة، والدكتور محمود غزلان، عضو مكتب الإرشاد، والمتحدث الرسمى باسم الإخوان.

من جانبه، قال الدكتور محمود حسين الأمين العام للجماعة، خلال زيارته المنوفية، إن الإخوان ليس لها مرشح للرئاسة بشكل سرى، و«هذا لن يحدث أبدا». وبشأن دعم الإخوان للدكتور سليم العوا فى انتخابات الرئاسة، أكد حسين أنهم حتى الآن لم يتخذوا قراراً بشأن دعم أى من مرشحى الرئاسة، موضحا أن الإخوان لن يشاركوا فى جمعة 8 يوليو المقبل، لأن ما يطالب به الداعون لها هو الالتفاف على مطالب الشعب.

وأكد حسين أن الإخوان سيشاركون فى جميع الانتخابات بدءا من المحليات وحتى مجلس الشعب، وقال «بعض وسائل الإعلام، تسعى لتشويه صورة الإخوان وتزييفها كما كان يفعل النظام السابق، بزعم أن الإخوان يريدون ركوب الثورة والقفز على السلطة، لكن الإخوان ملتزمون بمبادئهم وعقائدهم ولا يعرفون المراوغة ولا الكذب».

فى المقابل، أعلن عدد من شباب الجماعة، مشاركتهم فى مظاهرات 8 يوليو، وقال معاذ عبدالكريم، أحد شباب الإخوان، عضو ائتلاف شباب الثورة: «سنشارك فى مظاهرات 8 يوليو كشباب إخوان، والائتلاف قرر المشاركة منذ فترة، وخلال ساعات سيحسم الموقف النهائى».

 

 

[إكرام يوسف]

اقتباس المشاركة الأصلية كتبت بواسطة brain كل المطالب اللي موجوده انا موافق عليها و ازيد عليها مطلب اساسي و مهم اعادة ثورة الفقراء الى الفقراء الفلاحين و العمال و المهمشين هم اصحاب الثوره نصيحه اخويه عدم الاشاره الى مطلب الدستور اولا التركيز على ان هذا الامر غير مطروح من اساسه في جمعة 8 يوليو غير كده يبقى مافيش فايده

أتفق معك تماما
وقد اتفق الشباب بالفعل على عدم تضمين مطالب بخصوص الدستور التزاما بعنوان الجمعة والمطالب المطروحة في البيانات

اقتباس المشاركة الأصلية كتبت بواسطة Virus موضحا أن الإخوان لن يشاركوا فى جمعة 8 يوليو المقبل، لأن ما يطالب به الداعون لها هو الالتفاف على مطالب الشعب.

تاني؟ قصدي خامس؟ الناس كلها في ناحية وهمه في ناحية
6 ابريل 2008
25 يناير 2011
أول ابريل 2011
27 مايو 2011
والله همه اللي عمالين يخسروا.. حتى شبابهم بيخسروهم

اقتباس المشاركة الأصلية كتبت بواسطة Virus;652784 [B فى المقابل، أعلن عدد من شباب الجماعة، مشاركتهم فى مظاهرات 8 يوليو، وقال معاذ عبدالكريم، أحد شباب الإخوان، عضو ائتلاف شباب الثورة: «سنشارك فى مظاهرات 8 يوليو كشباب إخوان، والائتلاف قرر المشاركة منذ فترة، وخلال ساعات سيحسم الموقف النهائى». [/B]

معاذ واسلام والقصاص وعباس وغيرهم.. شباب زي الفل.. مشكلتهم بس انهم بيشغلوا مخهم .. ودماغهم مش مغيبة..عشان كده كبار الجماعة مش راضيين عنهم لأنهم بيدوا لمصلحة مصر أولوية على مصلحة الجماعية..شاركوا في كل الفعاليات اللي رفضت قياداتهم المشاركة فيها.. وطلع عند الشباب دول حق.. ولولاهم كان الاخوان حيكون شكلهم وحش جدا.. لكن نعمل إيه في عند الكبار.. يا إما سمع وطاعة والشباب يمشي مسلوب الإرادة يا بلاش.. أعلنوا إن الشباب ده مش بيمثلهم ومابيمثلش غير نفسه..طيب .. بالهنا والشفا بقى.. الشباب دول كانوا آخر حاجة عاملة منظر للإخوان انهم واقفين في الصف.. خليهم كده همه اللي بيقصوا نفسهم.. وبكره حيدفعوا التمن كالعادة

 

 

[dr-amira]

اقتباس المشاركة الأصلية كتبت بواسطة إكرام يوسف معاذ واسلام والقصاص وعباس وغيرهم.. شباب زي الفل.. مشكلتهم بس انهم بيشغلوا مخهم .. ودماغهم مش مغيبة..عشان كده كبار الجماعة مش راضيين عنهم لأنهم بيدوا لمصلحة مصر أولوية على مصلحة الجماعية..

هى ديه بالضبط مشكلة الاخوان ....ممنوع تشغل مخك ...ممنوع تفكر...كل اللى عليك السمع و الطاعة من سكات ...مصلحة الجماعة هى المصلحة العليا ...كنت لسة باتناقش معاهم فى الموضوع ده و ان الجيل الحالى لا يمكن هيرضى بالاسلوب ده ..بس للاسف فكرهم متحجر

 

 

[Virus]

كلما تتكاثر قوى الظلام على الثورة كلما سينتفض الشباب النقي الغير ملوث بترهات السياسة والمصالح والسلطة وكلما زادت الفجوة بينه وبين قياداته سواء اخوان أو سلفيين أو من الأحزاب أو حتى من حملة البرادعي!

أظن إن القوى السياسية اللي مش هتنزل 8 يوليو تبقى بتنتحر سياسيا..حجة المجلس الرئاسي اللي اتحججوا بيها في 27 مايو مش موجودة هنا بعد ماتلغى تماما موضوع الدستور أولا..

 

 

[Virus]

تسلم إيد اللي كتب الكلام المهم جدا ده..ياريت مقرا ونفهم...والأهم ننزل نكمل ثورتنا..


https://www.facebook.com/video/video....95763&comments

 

 

[brain]

كلنا مصريين يوم 8 يوليو
مطالبنا المشروعه لن نتنازل عنها ابدا
المره دي لازم نكون اتعلمنا من الدرس
مافيش رحيل من الميدان الا بعد تنفيذ المطالب
لن نكرر اخطاء ثورة اوكرانيا