|
اقتباس |
|
|
|
|
المشاركة الأصلية كتبت بواسطة NazeeH |
|
|
|
|
|
|
|
سيف البنا يكتب : انا مع زيارة مرسى للصين وايران !!
الرئيس يزور الصين (ثانى اكبر كيان اقتصادى بعد امريكا , وثالث اكبر قوة عسكرية بعد امريكا وروسيا) , ثم ينطلق الى ايران (اكبر اعداء الولايات المتحدة الامريكية فى المنطقة واحد القوى الكبرى المحركة فى منطقة الشرق الاوسط) وبعدها يتجه الى الولايات المتحدة الامريكية (وهى من هى) !
طيب خلونا نتخيل الاتى
المشهد الاول : الرئيس فى الصين
الرئيس : احنا دولة فى طريقها للانفتاح والتقدم , وتربة خصبة ورائعة للاستثمار وممكن نقدم خدمات اقتصادية وانفتاح اكتر للصين فى مقابل زيادة عدد المستثمرين فى مصر , وتشجيع الاقتصاد المصرى , والتبادل العسكرى بين الدولتين
الصين : قشطة , عرض حلو ولاعبين ودايسين معاك
الرئيس : انا بمثل الشعب المصرى الرافض جملة وتفصيلا اللى بيحصل فى سوريا والمذابح والاطفال وانتوا مقوين بشار !
الصين : احنا محتاجين نثبت قوتنا العسكرية من خلال بعض التحالفات فى المناطق المختلفة فى العالم
الرئيس : بس انتوا كدا ممكن تخسروا فى المقابل اهتزاز اقتصاد بسبب مقاطعة العالم الاسلامى والعربى اللى متضايق من افعالكم
الصين : رسالتك وصلت :)
المشهد الثانى : الرئيس فى ايران
الرئيس : انا جيت النهاردة فقط لحاجتين : الاولى : مؤتمر القمة عدم الانحياز , وثانيا : انقل لكم وجهة نظر الشعب المصرى اللى بمثله والعربى والمسلم غضبه من اللى بتعملوه مع بشار من تأييد
ايران : بس العلاقات مع مصر منقطعة من فترة والتواصل بينا مقطوع والخليج بيكرهنا ومش بنتواصل مع حد
الرئيس : نحن فى مصر بعد الثورة يدنا مفتوحة للجميع بما لا يضر الامن الداخلى لبلدى ومعتقدى , ولا يضر جيرانى فى المنطقة
ايران : طيب احنا بالصلاة على النبى مستفيدين ايه من الليلة دى ؟
الرئيس : علاقات جديدة تدعم موقفكم فى العالم خاصة ان امريكا باصة لكم فى كل لقمة , واسرائيل كل يومين تقول هنمحو ايران , والعالم الوقتى بقة خد وهات يانجاد :)
ايران : رسالتك وصلت :)
المشهد الثالث : الرئيس فى امريكا
امريكا : قبل اى حاجة وقبل ما تشرب ايه : قلنا ايران قالت لك ايه ؟
الرئيس : والله الناس بتجر ناعم وعايز تفتح سكة مع مصر
امريكا : وانت قولت لهم ايه ؟
الرئيس : انا بالنسبة لى اللى يهمنى بلدى اولا ! وامنى الداخلى واللى ينعش اقتصاد مصر ؟
امريكا : يعنى انت وافقت ؟
الرئيس : انا لا وافقت ولا رفضت والموضوع لسه فيه قعدات
امريكا : طيب واحنا يابرنس ؟ الله يرحمك يامبارك !!
الرئيس : ياجدعان ما هو بصراحة انا بخسر العالم كله حواليا بسببكم وانتم عاملين نفسكم من دمنهور , مفيش خدمات لمصر , وليكم اولويات فى المنطقة متعارضة مع مصالحنا , وانا بصراحة معرفش ابقى قاعد فى المنطقة بطولى كدا وانتوا مخليين ناس متفوقة علينا
امريكا : طيب طلباتك ايه يابرنجى :)
انتهى المشاهد الثلاثة ! انا مع زيارة الرئيس لايران والصين
|
|
|
|
|
|
جايبها منين دى يا نزيه ؟؟
حلوه قوى